ⵙⴰⵢⵓⴷ ⵢⴻⴱⴷⴻⵔⴷ ⵓⵙⵙⵉⵙⴻⵏ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵡⴻⵥⵍⴰ ⴷⴻⴳ ⵜⴽⴻⴱⴰⵏⵉⵜ ⵏ ⵓⵙⵔⵉⴼⴻⴳ ⵏ ⵍⴻⵣⵣⴰⵢⴻⵔ

ⵢⴻⴱⴷⴻⵔ-ⴷ ⵓⵏⴻⵖⵍⴰⴼ ⵏ ⵓⴳⴻⵏⵙⵓ, ⵉⴷⵓⴱⴰ ⵉⴷⵉⴳⴰⵏⴻⵏ, ⴷ ⵓⵎⴻⵙⵏⵉ, ⵙⴰïⴷ ⵙⴰïⵧⵓⴷ, ⵖⴻⴼ ⵡⵓⵙⵙⵉⵙⴻⵏ ⵢⴻⵎⴳⴻⵔⵔⴰⴷⴻⵏ ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⴰⵢ ⴷ-ⵜⴻⵜⵜⴳⴻⵏ ⴰⵉⵔ ⴰⵍⴳⵔⵉⴻ. ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵜⴰⵏⴰⴳⴷⵓⴷⵜ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, ⵢⴻⵜⵜⵡⴰⵡⴻⵀⵀⴰⵏ ⵉ ⵜⵔⵉⵔⵉⵜ ⵖⴻⴼ ⵜⵓⵜⵜⵔⵉⵡⵉⵏ ⴰⵢ ⴷⵙⵙⵓⵜⵔⴻⵏ ⵢⵉⵄⴻⴳⴳⴰⵍⴻⵏ ⵏ ⵡⴻⵎⵏⵉ ⴷⴻⴳ ⵓⵙⴽⴰⵙⵉⵏⵙⴻⵏ ⵖⴻⴼ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵓⴱⵔⵉⴷ, ⵉⵡⴻⴽⴽⴻⴷⴷ ⵓⵏⴻⵖⵍⴰⴼ ⵖⴻⴼ ⵡⴰⵣⴰⵍ ⵏ ⵓⵄⵉⵡⴻⵏ ⵏ ⴰⵉⵔ ⴰⵍⴳéⵔⵉⴻ, ⵉⵎⵉ ⴰⵢ ⵜⵜⵢⴻⵃⵙⴻⴱ ⴷ « ⵜⴰⵖⵙⴻⵔⵜ ⵜⴰⵖⴻⵍⵏⴰⵡⵜ ⴰⵢ ⴷⵢⴻⵜⵜⴰⴽⴼⴻⵏ ⴰⵎⴻⵥⵍⵓ ⴰⵏⴰⴳⴷⵓⴷ ». 

ⵉⵡⴻⴽⴽⴻⴷⴷ « ⵖⴻⴼ ⵡⵓⵙⵙⵉⵙⴻⵏ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵡⴻⵥⵍⴰⵏⵏⴻⵙ, ⴳⴰⵔⴰⵙⴻⵏ ⴰⵙⴻⵏⵇⴻⵙ ⵏ ⵢⵉⵜⵉⴽⵉⵢⴻⵏ, ⵍⴰⴷⵖⴰ ⴷⴻⴳ ⵔⴻⵎⴹⴰⵏ ⴷ ⵜⴰⵍⵍⵉⵜ ⵏ ⵜⵎⴻⵖⵔⵉⵡⵉⵏ ».

 ⵉⴳⴻⵔⴷ ⴷⴰⵖ ⵜⴰⵎⴰⵡⵜ ⵖⴻⴼ ⵓⵎⴽⴰⵏ ⵏ Air Algérie ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⵢⴻⵏⵏⴰⴷ ⴷⴰⴽⴽⴻⵏ ⵜⴻⵍⵍⴰ ⴳⴰⵔ « ⴽⵔⴰⴹⵏⵏⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵇⵔⴰⵏⵉⵏ ⵏ ⵜⵎⴻⵙ ⴷⴻⴳ ». ⵉⴳⴻⵔⴷ ⴷⴰⵖ ⵜⵉⵖⵔⵉ ⵉ « ⵓⵙⵙⴻⴱⴷⴻⴷ ⵏ ⵢⵉⵙⴻⴼⴽⴰ ⵏ ⵜⵖⴰⵡⵙⵉⵡⵉⵏ ⵙ ⵜⵖⴰⵡⵍⴰ ⴰⴽⴽⴻⵏ ⴰⴷ ⴷⵏⴰⴼ ⴰⵎⴽⴰⵏ ⵏ ⵜⴽⴻⴱⴱⴰⵏⵉⵜ ⴷⴻⴳ ⵙⵙⵓⵇ ⵏ ⵜⵉⴷⴻⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⵓⵎⴰ ». 

ⴷⴻⴳ ⵓⴽⴰⵜⴰⵔ ⵏ ⵡⵓⵙⵙⵉⵙⴻⵏ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵜⴽⴻⴱⴱⴰⵏⵉⵜⴰ, ⴰⵏⴻⵖⵍⴰⴼ ⵢⴻⵏⵏⴰⴷ « ⵙ ⵓⵙⵙⵉⴷⴻⴼ ⵏ 16 ⵏ ⵢⵉⵙⴰⴼⴰⴳⴻⵏ ⵏ ATR, ⵢⴻⵔⵏⴰ ⴰⴷ ⴱⴷⵓⵏ ⵓⵙⵙⵉⴷⴻⴼⵏⵙⴻⵏ ⴷⴻⴳ ⵢⵓⵍⵢⵓ ⴰⵢ ⴷⵢⴻⵜⵜⴻⴷⴷⵓⵏ », ⵢⴻⵔⵏⴰ ⴰⵢⴰ ⵢⴻⵙⵙⴽⴰⵏⴰⵢⴷ ⴷⴰⴽⴽⴻⵏ ⵉⵙⴰⴼⴰⴳⴻⵏⴰ ⴰⴷ ⵄⵉⵡⵏⴻⵏ ⴰⵎⴻⵙⵏⵉ ⴰⵖⴻⵍⵏⴰⵡ ⴳⴰⵔ ⵓⴳⴰⴼⴰ, ⴰⵏⵥⵓⵍ ⴷ ⵜⴻⵎⵏⴰⴹⵜ ⵏ ⵢⵉⴳⴻⵏⵏⵉ ⴰⵖⴻⵍⵏⴰⵡ. 

ⵢⴻⵔⵏⴰ-ⴷ ⴷⴰⴽⴽⴻⵏ ⴰⴷ ⴷ-ⵙⵖⴻⵏⵡⴻⵏ ⴷⴰⵖ 18 ⵏ ⵢⵉⵙⴰⴼⴰⴳⴻⵏ ⵉⵎⴻⵇⵔⴰⵏⴻⵏ, ⴳⴰⵔ-ⴰⵙⴻⵏ 10 ⵏ ⵢⵉⵙⴰⴼⴰⴳⴻⵏ ⵏ ⴰⵉⵔⴱⵓⵙ A330-900 ⴷ ⵢⵉⵙⴰⴼⴰⴳⴻⵏ ⵏ ⴱⵧⴻⵉⵏⴳ. A330900 ⴰⵎⴻⵣⵡⴰⵔⵓ ⵢⴻⵜⵜⵡⴰⵡⴻⴹⴷ ⴰⵣⴰⵍ ⵏ ⵡⴰⵢⵢⵓⵔ ⴰⵢⴰ, ⵢⴻⵔⵏⴰ ⵜⵜⵕⴰⵊⵓⵏ ⴰⴷ ⴷⵜⵜⵡⴰⵇⴻⴱⵍⴻⵏ ⴽⵔⴰⴹ ⵏⵉⴹⴻⵏ ⵓⵇⴱⴻⵍ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ. ⴷⴻⴳ ⵡⴰⵡⴰⵍⵏⵏⴻⵙ, ⵢⴻⵙⵙⴰⵡⴻⵍⴷ ⵖⴻⴼ ⵜⴻⵎⵙⴰⵍⵜ ⵏ ⵓⵎⴻⵙⵏⵉ ⵏ ⵢⵉⵍⴻⵍ, ⴰⵎ ⵡⴰⴽⴽⴻⵏ ⴰⵢ ⴷⵢⴻⵏⵏⴰ ⴷⴰⴽⴽⴻⵏ ⵙⴻⴳ ⴳⴰⵔ 12 ⵏ ⵢⵉⵖⴻⵔⵔⵓⴱⴰ ⵏ ⵜⵎⴻⵔⵖⴰ, 10 ⵍⵍⴰⵏ ⵢⴰⴽⴰⵏ ⴷⴻⴳ ⵓⵅⴻⴷⴷⵉⵎ, ⵢⴻⵔⵏⵓ ⵜⵜⵕⴰⵊⵓⵏ ⴰⴷ ⴷⴰⵡⴹⴻⵏ ⵡⵉⴷ ⴰⵢ ⴷⵢⴻⵇⵇⵉⵎⴻⵏ ⵓⵇⴱⴻⵍ ⵜⴰⴳⴳⴰⵔⴰ .

ⴷⴻⴳ ⵢⵉⵡⴻⵜ ⵏ ⵜⴻⵎⵙⴰⵍⵜ ⵢⴻⵇⵇⵏⴻⵏ ⵖⴻⵔ ⵡⴰⵢⴰ, ⵢⴻⴽⵛⴻⴼ-ⴷ ⵓⵏⴻⵖⵍⴰⴼ ⵢⵉⵡⴻⵏ ⵏ ⵓⵙⵓⵎⴻⵔ ⵏ ⵓⵙⴻⵖⵏⴻⵡ ⵏ ⵓⴱⵔⵉⴷ ⵏ ⵢⵉⵍⴻⵍ ⴳⴰⵔ ⵄⴻⵏⵏⴰⴱⴰ ⴷ ⵜⵓⵏⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⴷⴰⴽⴽⴻⵏ ⵢⴻⵙⵙⴰⵡⴻⵍ ⵖⴻⴼ ⵜⴻⵎⵙⴰⵍⵜ-ⴰ ⴷ ⵓⵎⵜⵉⵍ-ⵏⵏⴻⵙ ⴰⵜⵓⵏⵙⵉ. ⵙⵉⵏ-ⴰ ⵏ ⵢⵉⴷⵉⵙⴰⵏ ⵎⵙⴻⴼⵀⴰⵎⴻⵏ ⴰⴷ ⴷ-ⵙⴱⴻⴷⴷⴻⵏ ⵜⴰⵕⵎⵉⵙⵜ ⵜⵓⵛⵔⵉⴽⵜ ⴷ ⵢⵉⵖⴻⵔⵔⵓⴱⴰ ⵢⴻⵜⵜⵡⴰⴽⴻⵔⵔⵣⴻⵏ ⵢⴻⵔⵏⵓ ⴰⴷ ⴷ-ⵙⴱⴻⴷⴷⴻⵏ ⵜⴰⵔⴱⴰⵄⵜ ⵏ ⵓⵎⴰⵀⵉⵍ ⵉ ⵍⵎⴻⵏⴷ ⵏ ⵜⴻⵣⵔⴰⵡⵜ ⵏ ⵓⵙⴻⵏⴼⴰⵔ-ⴰ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⴱⴻⴷⴷⴻⵏ ⴰⵙⴻⵏⴼⴰⵔ ⵏⵉⴹⴻⵏ ⴰⵢⵖⴻⴼ ⵍⴰ ⴷ-ⵢⴻⵜⵜⵎⴻⵙⵍⴰⵢ ⴷ ⵜⵙⴻⵍⵟⴰⵏⵉⵜ ⵏ ⵄⵓⵎⴰⵏ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵖⵉⵡⴰⵏ ⴰⴷⵣⴰⵢⵔⵉ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ, ⵢⴻⴱⴷⴻⵔ-ⴷ ⵙⴰⵉⵧⵓⴷ ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵜⵓⴽⵛⵉ ⵏ ⵢⵉⵒⴰⵙⵒⵓⵕⴻⵏ ⵙ ⵍⴱⴻⵄⴷ ⵢⵓⵡⴻⴹ ⴰⵟⴰⵙ ⵖⴻⵔ ⵙⴷⴰⵜ ⵢⴻⵔⵏⵓ, ⴷⴻⴳ ⵜⴰⵣⵡⴰⵔⴰ, ⴰⴷ ⴷ-ⵢⴻⵍⵀⵓ ⵙ ⵓⵙⵙⴻⵊⵀⴻⴷ ⵏ ⵢⵉⵒⴰⵙⵒⵓⵕⴻⵏ ⴰⵢ ⵉⴼⵓⴽⴻⵏ ⵜⴰⵍⵍⵉⵜ, ⵙⴰⴽⴽⵉⵏ ⴰⴷ ⴷ-ⴹⴻⴼⵔⴻⵏⵜ ⵜⴻⵎⵙⴰⵍ ⵏ ⵢⵉⵒⴰⵙⵒⵓⵕⴻⵏ ⴰⵢ ⵢⴻⵡⴹⴻⵏ.