ⵜⴻⴼⴽⴰ-ⴷ ⵜⵏⴻⵣⵎⴰⵔⵜ ⵜⴰⵖⴻⵍⵏⴰⵡ ⵜⴰⵣⴰⵔⵓⴳⵜ ⵏ ⵢⵉⵙⴼⵔⴰⵏ, ⴷⴻⴳ ⵓⵙⵉⵡⴻⵍ-ⵉⵙ ⵏ ⴰⵙⵙ-ⴰ ⵏ ⵍⵃⴻⴷⴷ, ⴱⴻⵍⵍⵉ ⴰⵣⴻⵎⵣ ⴰⵏⴻⴳⴳⴰⵔⵓ ⵉ ⵓⵙⵙⴻⵔⵙ ⵏ ⵢⵉⴽⴰⵔⴰⵎⴻⵏ ⵏ ⵓⵎⴰⵖⵓⵙ ⴰⵎⴰⴳⴷⴰⵢ ⵏ ⵓⵜⵜⴻⴽⴽⵉ ⴷⴻⴳ ⵓⴽⴰⴼⴻⵕ ⵏ ⵓⵙⴼⵔⴰ ⵏ ⵢⵉⵎⴰⵙⵍⴰⴹⴻⵏ ⵏ ⵢⵉⵙⵇⴰⵎⵓⵢⴻⵏ ⵢⵉⵖⴻⵔⴼⴰⵏⴻⵏ ⵉⵖⴻⵔⵎⴰⵏⴻⵏ ⴷ ⵡⵉⴷ ⵏ ⵜⵡⵉⵍⴰⵢⵉⵏ ⵉ ⴷ-ⵢⴻⵜⵜⵡⴰⵙⵙⴻⴱⴷⴰⵏ ⴰⵙⵙ ⵏ 28 ⵡⴰⵎⴱⴻⵔ, ⴰⴷ ⵢⵉⵍⵉ ⴷ ⴰⵙⵙ ⵏ ⵅⴰⵎⵉⵙ 8 ⵜⵓⴱⴻⵔ ⵉ ⴷ-ⵢⴻⵜⵜⴻⴷⴷⵓⵏ.
ⵢⴻⵡⵡⴻⴹ-ⴷ ⴷⴻⴳ ⵓⵙⵉⵡⴻⵍ ⴱⴻⵍⵍⵉ "ⵙ ⵓⵙⵏⴰⵙ ⵏ ⵡⴰⵏⴰⴹ ⵓⵙⴻⵍⵡⴰⵢ ⵓⵟⵜⵓⵏ 26-284 ⵉ ⴷ-ⵢⴻⵙⵙⴰⵡⵍⴻⵏ ⵉ ⵜⵙⴰⴳⴷⴻⵎⵜ ⵏ ⵢⵉⵎⵏⴻⴼⵔⴻⵏ ⵉ ⵓⵙⴼⵔⴰ ⵏ ⵢⵉⵎⴰⵙⵍⴰⴹⴻⵏ ⵏ ⵢⵉⵙⵇⴰⵎⵓⵢⴻⵏ ⵢⵉⵖⴻⵔⴼⴰⵏⴻⵏ ⵉⵖⴻⵔⵎⴰⵏⴻⵏ ⴷ ⵡⵉⴷ ⵏ ⵜⵡⵉⵍⴰⵢⵉⵏ ⵉ ⴰⵙⵙ ⵏ 28 ⵡⴰⵎⴱⴻⵔ 2026 ⵢⴻⵔⵏⴰ ⵙ ⵓⵙⵏⴰⵙ ⵏ ⵓⵏⴰⵀⴰⴳ 21-101, ⵉ ⴷ-ⵉⵢⴻⵡⵡⵉⵏ ⴰⵙⴰⴹⵓⴼ ⴰⵎⴰⴷⴷⵓⴷ ⵉⵛⵓⴷⴷⴻⵏ ⵖⴻⵔ ⵓⵏⴰⴳⵔⴰⵡ ⵏ ⵢⵉⵙⴼⵔⴰⵏ ⵉ ⵢⴻⵜⵜⵡⴰⵙⵙⴻⴳⴳⵎⴻⵏ ⵢⴻⵔⵏⴰ ⵢⴻⵜⵜⵡⴰⵙⵎⴻⴷ, ⵜⴻⵙⵙⴻⴽⵜⴰⵢ-ⴷ ⵜⵏⴻⵣⵎⴰⵔⵜ ⵜⴰⵖⴻⵍⵏⴰⵡⵜ ⵜⴰⵣⴰⵔⵓⴳⵜ ⵏ ⵢⵉⵙⴼⵔⴰⵏ ⵜⵉⴱⴷⴰⵔⵉⵏ ⵏ ⵢⵉⵎⵏⴰⵙⴰⵍⴻⵏ, ⴱⴻⵍⵍⵉ ⴰⵣⴻⵎⵣ ⴰⵏⴻⴳⴳⴰⵔⵓ ⵉ ⵓⵙⵙⴻⵔⵙ ⵏ ⵢⵉⴽⴰⵔⴰⵎⴻⵏ ⵏ ⵓⵜⵜⴻⴽⴽⵉ ⴰⴷ ⵢⵉⵍⵉ ⴰⵙⵙ ⵏ ⵅⴰⵎⵉⵙ 8 ⵜⵓⴱⴻⵔ 2026 ⴷⴻⴳ ⵜⵙⴰⴳⵀⵜ ⵏ ⴰⵍⴻⵎⵎⴰⵙ ⵏ ⵢⵉⴹ (00:00)".
ⵜⴻⵙⵙⴰⴽⵉ-ⴷ ⵜⵏⴻⵣⵎⴰⵔⵜ ⴱⴻⵍⵍⵉ "ⵉ ⵓⵙⵙⴻⵀⴻⵍ ⵏ ⵡⴰⵔⵎⵓⴷ ⵏ ⵓⵙⴻⴼⵙⵉ ⵏ ⵜⵏⴻⴼⴽⵉⵏ ⵏ ⵓⵙⴽⴻⵍ ⴰⵣⴰⵎⴰⵏ, ⵢⴻⵔⵏⴰ ⵉ ⵓⴽⴽⴻⵙⵙ ⵏ ⵟⵟⵏⵉⵇ ⵉ ⴷ-ⵢⴻⵜⵜⴰⵍⵍⴰⵏ ⴷⴻⴳ ⵓⵙⵙⴻⵔⵙ ⵏ ⵜⵏⴻⴼⴽⵉⵏ-ⴰ, ⵢⴻⵍⵀⴰ ⵉ ⵜⵉⴱⴷⴰⵔⵉⵏ ⵏ ⵢⵉⵎⵏⴰⵙⴰⵍⴻⵏ ⴰⴷ ⵙⵙⴻⵔⵙⴻⴻⵏⵜ ⵜⵉⵏⴻⴼⴽⵉⵏ-ⴰ ⵎ-ⵡⴰⵡⴰⵍ ⴷ ⵜⴽⴰⵔⴹⴰ ⵏ ⵢⵉⵙⴰⵍⵍⴻⵏ ⵉ ⴷ-ⵢⴻⵙⵙⴰⵡⵍⴻⵏ ⵖⴻⴼ ⵢⵉⵎⵙⴽⴰⵍⴻⵏ, ⵉ ⵡⴰⴽⴽⴻⵏ ⴰⴷ ⵜⵜ-ⵉⴷ-ⵢⴰⵖ ⵓⵙⴻⵍⵡⴰⵢ ⵏ ⵜⵙⴻⵇⴰⵎⵓⵜ ⵜⴰⵖⴻⵔⵎⴰⵏ ⵎⴻⵃⵙⵓⴱⴻⵏ ⵜⵉⴱⴷⴰⵔⵉⵏ ⵏ ⵢⵉⵙⴼⵔⴰⵏ, ⵓⵇⴱⴻⵍ (48) ⵏ ⵜⵙⴰⴳⵀⵜ ⵙ ⵓⵎⴰⵜⴰ ⵙⴻⴳ ⵜⴰⴳⴳⴰⵔⴰ ⵏ ⵓⵣⴻⵎⵣ ⵏ ⵓⵙⵙⴻⵔⵙ ⵏ ⵢⵉⴽⴰⵔⴰⵎⴻⵏ ⵏ ⵓⵜⵜⴻⴽⴽⵉ ⵉ ⴷ-ⵢⴻⵜⵜⵡⴰⴱⴷⴻⵔ-ⴷ ⵓⵙⴰⵡⴻⵏ".
ⵜⴻⵔⵏⵉ-ⴷ ⴷⴰⵖⴻⵏ ⴱⴻⵍⵍⵉ "ⵉ ⵡⴰⵔⵎⵓⴷ ⵢⴻⵍⵀⴰⵏ ⵏ ⵓⵙⵙⴻⵔⵙ ⵏ ⵢⵉⴽⴰⵔⴰⵎⴻⵏ ⵏ ⵓⵜⵜⴻⴽⴽⵉ, ⵉⵍⴰⵇ ⵖⴻⴼ ⵜⵉⴱⴷⴰⵔⵉⵏ ⵏ ⵢⵉⵎⵏⴰⵙⴰⵍⴻⵏ ⴰⴷ ⵉⵙⵙⵉⵡⴻⴹⴻⵏ ⴰⵎⴻⵙⵍⴰⵢ ⴷ ⵓⵎⵙⴰⵙⴰⵢ ⵏ ⵜⵡⵉⵍⴰⵢⵜ ⵏ ⵜⵏⴻⵣⵎⴰⵔⵜ ⵜⴰⵣⴰⵔⵓⴳⵜ ⵉ ⵓⵙⵙⴻⴱⵔⴻⴷ ⵏ ⵓⵣⴻⵎⵣ ⵉ ⵡⴰⵢⴰ".
