ⴰⵙⴻⵏⴼⴰⵔ ⴰⵣⵣⴰⵢⵔⵉ-ⴰⵟⴰⵍⵢⴰⵏⵉ ⵏ ⵓⴼⴰⵔⴻⵙ ⵏ ⵢⵉⵔⴷⴻⵏ ⴷ ⵢⵉⴼⴰⵡⴻⵏ ⵉⵇⵇⵓⵔⴻⵏ ⴷ ⵢⵉⵡⴻⵏ ⵙⴻⴳ ⵢⵉⵙⴼⵓⴽⵜⵉⵢⴻⵏ ⵓⴼⵔⵉⵏⴻⵏ ⵢⴻⵙⵙⴰⵔⵉⵎⴻⵏ ⴷⴻⴳ ⵜⴼⴻⵍⵍⴰⵃⵜ ⵜⴻⵏⵣⵔⵓⴼⵜ

ⵉⵙⴱⴻⴳⴳⴻⵏ-ⴷ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵓⵙⵏⴻⵔⵏⵉ ⵏ ⵜⴰⴷⴷⴰⵔⵜ ⴷ ⵓⵜⴻⴳⴳⴰ ⵏ ⵢⵉⵙⴻⵍⵎⴰⵏ, SID ALI KHALDI, ⴰⵙⵙ-ⴰ ⵏ ⵜⵜⵍⴰⵜⴰ, ⴷⴻⴳ TIMIMOUN, ⴱⴻⵍⵍⵉ ⴰⵙⴻⵏⴼⴰⵔ ⵏ ⵜⵏⴻⴱⵍⴰⵖⵜ ⵜⴰⵣⵣⴰⵢⵔⵉⵜ-ⵜⴰⵟⴰⵍⵢⴰⵏⵉⵜ ⵉ ⵓⵙⵙⴻⴼⵜⵉ ⵏ ⵢⵉⵔⴷⴻⵏ ⴷ ⵢⵉⴼⴰⵡⴻⵏ ⵉⵇⵇⵓⵔⴻⵏ ⴷⴻⴳ ⵡⵉⵍⴰⵢⴰ-ⴰ, ⵉⵟⵟⵓⵃⴰⵙⴰⴱ ⴷ ⵢⵉⵡⴻⵏ ⵙⴻⴳ ⵢⵉⵙⴻⵏⴼⴰⵔⴻⵏ ⵏ ⵓⵙⴼⵓⴽⵜⵉ ⵓⴼⵔⵉⵏⴻⵏ ⵢⴻⵙⵙⴰⵔⵉⵎⴻⵏ ⴷⴻⴳ ⵜⴼⴻⵍⵍⴰⵃⵜ ⵜⴻⵏⵣⵔⵓⴼⵜ.

ⵉⵙⴻⴳⵣⴰ-ⴷ ⵓⵏⴻⵖⵍⴰⴼ, ⴷⴻⴳ ⵡⵓⵍⵍⵓ ⵉ ⵜⵎⴰⵣⴷⴰⵢⵜ ⴷⴻⴳ ⵓⵙⵙⵉⴽⴼⴻⵍ-ⵉⵙ ⵏ ⵓⴼⴻⵇⵇⵓⴻⴷ ⵏ ⵓⵙⴻⵏⴼⴰⵔ ⴷⴻⴳ ⵜⵣⵉ ⵏ UMGUIDENE ⵜⴰⴼⴻⵍⵍⴰⵃⵜ (200 KM ⵖⴻⵔ ⵓⵏⵥⵓⵍ ⵏ TIMIMOUN), ⴰⴽⴽⴻⴷ ⵡⴰⵍⵉ ⵏ ⵡⵉⵍⴰⵢⴰ SOUNA BEN OMAR, ⴱⴻⵍⵍⵉ "ⴰⵙⴻⵏⴼⴰⵔ ⴰⵣⵣⴰⵢⵔⵉ-ⴰⵟⴰⵍⵢⴰⵏⵉ ⵏ ⵓⴼⴰⵔⴻⵙ ⵏ ⵢⵉⵔⴷⴻⵏ ⴷ ⵢⵉⴼⴰⵡⴻⵏ ⵉⵇⵇⵓⵔⴻⵏ, ⵉ ⵉⵟⵟⵓⴽⴻⵍⴼⴻⵏ ⵖⴻⴼ ⵜⵖⴻⵕⵖⴻⵕⵜ ⵜⴰⵎⴰⵜⵓⵜ ⵏ 36 ⵏ ⵢⴰⴳⵉⵎ ⵏ ⵢⵉⵀⵉⴽⵟⴰⵔⴻⵏ, ⴷ ⴰⴳⵓⵎⵓ ⵏ ⵜⵏⴻⴱⵍⴰⵖⵜ ⴳⴰⵔ ⵙⵉⵏ ⵏ ⵜⵉⵡⵓⵏⴰ, ⴷ ⵢⵉⵡⴻⵏ ⵙⴻⴳ ⵢⵉⵙⴼⵓⴽⵜⵉⵢⴻⵏ ⵉⵎⴻⵇⵇⵔⴰⵏⴻⵏ ⵢⴻⵙⵙⴰⵔⵉⵎⴻⵏ ⵉ ⵖⴻⴼ ⵟⵟⴻⴽⵍⴰⵢ ⴰⵡⴰⵏⴽ ⵉ ⵓⵙⵏⴻⵔⵏⵉ ⵏ ⵜⴼⴻⵍⵍⴰⵃⵜ ⵜⴻⵏⵣⵔⵓⴼⵜ, ⴷ ⵓⵙⵙⴽⴻⵔⴻⴼ-ⵉⵙ ⴷ ⴰⵎⵙⵙⵓⵔ ⴰⵙⴻⵔⵜⴰⵢⴰⵏ ⵉ ⴷ-ⵉⵟⴻⴷⴷⵓⵏ ⵉ ⵓⵙⵙⴻⴵⵀⴻⴷ ⵏ ⵜⵖⴻⵍⵍⵉⵙⵜ ⵏ ⵓⵞⵞⵉ".

ⵉⵎⴻⵔⵏⴰ-ⴷ ⴱⴻⵍⵍⵉ ⴰⵙⴻⵏⴼⴰⵔ-ⴰ ⵉⵟⵟⵓⵡⴰⵙⵙⴻⵏ ⵙ ⵓⴷⴻⵎ-ⵉⵙ ⴰⵎⴷⵓⴽⴰⵍ, ⵎⵉ ⵉ ⴷ-ⵉⵙⴷⵓⴽⵓⵍ ⴳⴰⵔ ⵜⵣⴻⵎⵎⴰⵔ ⴷ ⵢⵉⵙⴰⴳⴰⵜⴻⵏ ⵉ ⵉⵃⴻⵕⵕⴻⵏ ⵓⵏⵥⵓⵍ ⵏ ⵜⵎⵓⵔⵜ ⴷ ⵜⵉⵔⵎⵉⵜ ⵜⴰⵟⴰⵍⵢⴰⵏⵉⵜ ⴷⴻⴳ ⵓⴼⴰⵔⴻⵙ ⵏ ⵢⵉⵔⴷⴻⵏ ⴷ ⵢⵉⴼⴰⵡⴻⵏ ⵉⵇⵇⵓⵔⴻⵏ, ⵙ ⵓⴱⴻⴳⴳⴻⵏ ⴱⴻⵍⵍⵉ ⵉⵖⵓⵎ ⵢⴻⵎⴳⴰⵔⵔⴰⴷⴻⵏ ⵏ ⵢⵉⵙⵡⵉⵔⵓⵏ ⵏ ⵓⴼⴰⵔⴻⵙ, ⵙⴻⴳ ⵓⴼⴰⵔⴻⵙ ⵏ ⵢⵉⵙⵡⵉⵔⵓⵏ ⴷ ⵓⵙⵙⴻⴼⵜⵉ ⵏ ⵢⵉⴽⴰⵍⵍⴰⵏ ⴰⵔ ⵓⵙⵙⴻⴽⵍ ⴷ ⵓⵙⵙⴻⵏⴼⴻⵍ ⴰⵎⵓⴳⵔⴰⵏ, ⵙ ⴰⵢⴻⵏ ⵉ ⴷ-ⵉⵟⴰⴽⴽⴻⵏ ⴰⴷⴻⵍⵍⴻⵍ ⵉ ⵓⵙⵙⴻⴵⵀⴻⴷ ⵏ ⵜⵎⵓⴳⵔⵉ ⵏ ⵓⵞⵞⵉ ⵜⴰⵖⴻⵍⵏⴰⵡⵜ.

ⴷⴻⴳ ⵓⴽⴰⵜⴰⵔ-ⴰ, ⵉⵙⵙⴻⴽⵜⴰⵢ-ⴷ ⵓⵏⴻⵖⵍⴰⴼ ⴱⴻⵍⵍⵉ ⴰⵙⴻⵏⴼⴰⵔ-ⴰ ⵉⵟⵟⵉⵍⵉ ⴷⴰⵖⴻⵏ ⴷ ⴰⵣⴰⵍ ⵉⵟⵟⵓⵎⴻⵔⵏⴰⵏ ⴷ ⵓⵎⵙⵙⵉⴽⵉ ⵉ ⵓⵙⵏⴻⵔⵏⵉ ⴰⴷⴻⴳⴰⵏ, ⵍⴰⴷⵖⴰ ⵙ ⵓⴼⵔⴰⵣ ⵏ ⴰⵢⴻⵏ ⵉ ⴷ-ⵉⵟⴰⴽⴽⴻⵏ ⵙⴻⴳ ⵢⵉⴷⴻⴳⴳⴰⵏ ⵉⵎⴰⵢⵏⵓⵜⵉⵏ ⵏ ⵓⵅⴻⴷⴷⵉⵎ ⵉ ⵢⵉⵍⴻⵎⵥⵉⵢⴻⵏ ⵏ ⵜⵎⵉⵡⴰ-ⴰ.

ⴷⴻⴳ ⵜⴰⴳⵏⵉⵜ-ⴰ, ⵉⵃⵕⴻⵚ ⵎⴰⵙⵙ KHALDI ⵖⴻⴼ ⵜⴻⵡⴼⴻⵖⵜ ⵏ ⵓⵙⵙⴻⴵⵀⴻⴷ ⵏ ⵓⵙⴷⵓⴽⴻⵍ ⴳⴰⵔ ⵢⵎⵙⵙⵓⴳⴻⵕⴻⵏ ⵏ ⵓⵙⴻⵏⴼⴰⵔ ⴷ ⵢⵉⵙⵡⵉⵔⵓⵏ ⵉⵜⵉⴽⵏⵉⵢⵉⵢⴻⵏ, ⵙ ⵓⵜⵎⵎⴻⵏ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵄⴰ ⵜⵉⵔⵎⵉⵜ ⵜⴰⴼⴻⵣⵏⴰⵏⵜ ⴷⴻⴳ ⵜⴼⴻⵍⵍⴰⵃⵜ ⵜⴻⵏⵣⵔⵓⴼⵜ, ⴰⵎ ⴰⴽⴽⴻⵏ ⵉ ⴷ-ⵉⵙⴰⵡⴻⵍ ⴰⵔ ⵓⴷⴻⵍⵍⴻⵍ ⵏ ⵓⵎⵓⵔ-ⵉⵙ ⴰⵏⴻⵖⵍⴰⴼⴰⵏ ⵉ ⵓⵙⴻⵏⴼⴰⵔ ⵙ ⵓⵙⵙⵉⴽⵉ, ⵙ ⵓⵙⵙⴻⵔⵙ ⵏ ⵢⵉⵎⵓⵙⵙⵏⴰⵡⴻⵏ ⵏ ⵢⵉⵙⵡⵉⵔⵓⵏ ⵉⵖⴻⵍⵏⴰⵡⴻⵏ ⵓⵙⵍⵉⴳⴻⵏ ⴷⴻⴳ ⵓⵏⴰⵔ-ⴰ ⴷⴻⴳ ⵜⵏⴻⴼⵍⵓⵙⵜ ⵏ ⵓⵙⴻⵏⴼⴰⵔ-ⴰ ⴰⵙⴻⵔⵜⴰⵢⴰⵏ, ⵙ ⵡⴰⵣⴰⵍ ⴰⵎⴻⵇⵇⵔⴰⵏ ⵉ ⵙ-ⵟⵟⴰⴽⴽⴻⵏ ⵢⵉⵙⵡⵉⵔⵓⵏ ⴰⵄⵍⴰⵢⴻⵏ ⵏ ⵜⵎⵓⵔⵜ.

ⵉⵙⵙⵉⴽⴼⴻⵍ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵓⵙⵏⴻⵔⵏⵉ ⵏ ⵜⴰⴷⴷⴰⵔⵜ ⴷ ⵓⵜⴻⴳⴳⴰ ⵏ ⵢⵉⵙⴻⵍⵎⴰⵏ ⵢⴻⵎⴳⴰⵔⵔⴰⴷⴻⵏ ⵏ ⵢⵉⵙⴰⴳⴰⵜⴻⵏ ⴷ ⵢⵉⵙⵡⵉⵔⵓⵏ ⵉ ⵉⵇⵇⵏⴻⵏ ⴰⵔ ⵓⵙⴻⵏⴼⴰⵔ, ⴷⴻⴳ-ⵙⴻⵏ ⴽⵔⴰⵏⴻⵏ ⵎⴰⵣⴰⵍ ⵅⴻⴷⴷⵎⴻⵏ-ⵜⴻⵏ, ⵎⵉ ⴷ-ⵉⵟⵟⵓⵡⴰⵡⴻⴹ ⵓⵙⵡⵉⵔ ⵏ ⵓⵙⵙⴻⵏⴽⴻⵔ ⵏ ⵜⵣⴻⵎⵎⴰⵔ ⵜⵉⵍⵉⴽⵜⵔⵉⵢⵉⵢⴻⵏ, ⵙ ⵓⵎⴰⵜⴰ ⵏ ⵓⵙⵙⴻⴼⵜⵉ ⴰⵎⴻⵙⵚⵓⵔ ⴷⴻⴳ ⵓⵙⵙⴻⴹⵔⵓ ⵏ ⵓⵏⴰⴳⵔⴰⵡ ⵏ ⵢⵉⴱⵔⵉⴷⴰⵏ.