ⵜⵙⴻⵖⵔⴻⵜ-ⴷ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⴼⴻⵏⵙⵉⵢⵉⵏ, ⵎⴰⵙⵙⴰⵜ ⵎⴰⵍⵉⴽⴰ ⴱⴻⵏⴷⵓⵓⴷⴰ, ⴰⵙⵙ-ⴰ ⵏ ⵓⵕⴻⴱⵄⴰ ⴷⴻⴳ ⵊⴰⵏⴻⵜⵙ, ⴷⴻⴳ ⵓⵔⵥⴰⵎ ⵏ ⵢⵉⵀⴰⵍⴻⵏ ⵏ ⵓⵎⴰⴳⴳⴰⵔ ⴰⴳⵔⴰⵖⵍⴰⵏ ⵖⴻⴼ "ⵓⵃⵔⴰⵣ ⵏ ⵢⵉⵎⵓⴽⴰⵏ ⵏ ⵓⵥⴰⵔ ⴰⵎⴻⵙⵙⴰⵏ ⴷⴻⴳ ⵜⴰⵙⵉⵍⵉ ⵏ ⴰⵊⵊⴻⵔ", ⴷⴰⴽⴽⴻⵏ ⵢⴻⵍⵍⴰ-ⴷ ⵊⴻⵔⵔⴻⴷ ⵏ 510 ⵏ ⵢⵉⵎⵓⴽⴰⵏ ⵉⵎⴻⵣⵔⵓⵢⴰⵏⴻⵏ ⴷ ⵢⵉⴳⵎⴰⵡⵉⵢⴻⵏ ⵉⵎⴰⵢⵏⵓⵜⵉⵏ ⴷⴻⴳ ⵓⵔⵜⴻⵣⵣⵓ ⴰⴷⴻⵍⵙⴰⵏ ⵏ ⵜⴰⵙⵉⵍⵉ ⵏ ⴰⵊⵊⴻⵔ ⴷⴻⴳ ⵊⴰⵏⴻⵜⵙ, ⴷⴻⴳ ⵜⴰⵍⵍⵉⵜ ⴳⴰⵔ 21 ⵞⵜⴻⵎⴱⴻⵔ ⴷ 11 ⴽⵟⵓⴱⴻⵔ ⴰⴳⵔⵓⵢⴰⵏ.
ⵜⵉⵙⵙⴻⴼⴻⵀⵎ-ⴷ ⵎⴰⵙⵙⴰⵜ ⴱⴻⵏⴷⵓⵓⴷⴰ, ⴷⴻⴳ ⵡⴰⵡⴰⵍ-ⵉⵙ ⵏ ⵓⵔⵥⴰⵎ ⵏ ⵓⵎⴰⴳⴳⴰⵔ-ⴰ ⵢⴻⵜⵜⵡⴰⵙⵓⴷⴷⵙⴻⵏ ⴷⴻⴳ ⵓⴽⴰⵜⴰⵕ ⵏ ⵓⵙⴼⴰⵢⵍⵓ ⴰⴳⵔⴰⵖⵍⴰⵏ ⴰⵎⴻⵣⵡⴰⵔⵓ ⵏ ⴷⵣⴰⵢⴻⵔ ⵏ ⵓⵥⴰⵔ ⴰⵎⴻⵙⵙⴰⵏ, ⵙ ⵓⵜⵜⴻⴽⴽⵉ ⵏ ⵍⵡⴰⵍⵉ ⵏ ⵜⵡⵉⵍⴰⵢⵜ ⵏ ⵊⴰⵏⴻⵜⵙ, ⵎⴰⵙⵙ ⵎ'ⵀⴰⵎⴻⴷ ⵎⵓⵓⵎⴻⵏ, ⴷ ⵓⵎⵎⴰⵙⵍⴰⵢ ⵏ ⵓⵖⵍⵉⴼ ⵏ ⵡⴰⵙⵙⴰⵖⴻⵏ ⴱⴻⵔⵔⴰ, ⵎⴰⵙⵙ ⴰⵎⵉⵏⴻ ⵎⴻⴷⵊⴳⴰⵏⴻ, ⴷⴰⴽⴽⴻⵏ ⵜⴰⵍⵍⵉⵜ ⴳⴰⵔ 21 ⵞⵜⴻⵎⴱⴻⵔ ⴷ 11 ⴽⵟⵓⴱⴻⵔ ⵜⴻⵙⵙⴰⵡⴻⴹ ⵖⴻⵔ ⵓⵊⴻⵔⵔⴻⴷ ⵏ 510 ⵏ ⵢⵉⵎⵓⴽⴰⵏ ⵉⵎⴻⵣⵔⵓⵢⴰⵏⴻⵏ ⴷ ⵢⵉⴳⵎⴰⵡⵉⵢⴻⵏ ⵉⵎⴰⵢⵏⵓⵜⵉⵏ ⴷⴻⴳ ⵜⴻⵎⵏⴰⴹⵜ ⵏ ⵉⵏ ⴰⵣⴰⵏ - ⵜⴰⴷⵔⴰⵔⵜ, ⴷⴻⴳ ⵓⴽⴰⵜⴰⵕ ⵏ ⵓⵔⵜⴻⵣⵣⵓ ⴰⴷⴻⵍⵙⴰⵏ ⵏ ⵜⴰⵙⵉⵍⵉ ⵏ ⴰⵊⵊⴻⵔ, ⵖⴻⴼ ⵜⵙⴻⵇⵇⴰⵎⵓⵜ ⵏ 250 ⴽⵎ ⴷⴻⴳ ⴰⵏⵥⵓⵍ-ⴰⵙⴰⵎⴰⵔ ⵏ ⵊⴰⵏⴻⵜⵙ, ⵙ ⵓⵙⵎⴻⴽⵜⵉ ⴷⴰⴽⴽⴻⵏ ⵓⵊⴻⵔⵔⴻⴷ-ⴰ ⵢⴻⵡⵡⵉ-ⴷ ⵢⵉⵎⵓⴽⴰⵏ ⵏ ⵓⴳⴻⵏⵙⵓ ⵉ ⵉⵣⴻⴳⵔⴻⵏ 207 ⵏ ⵢⵉⵎⵓⴽⴰⵏ, 265 ⵏ ⵢⵉⵏⴻⴷⵔⴰⵙⴻⵏ ⵏ ⵓⵥⴻⴽⴽⴰ, 29 ⵏ ⵢⵉⵎⵓⴽⴰⵏ ⵏ ⵓⵥⴰⵔ ⴰⵎⴻⵙⵙⴰⵏ, ⴷ ⵜⴻⵙⵄⴰ (9) ⵏ ⵢⵉⵎⵓⴽⴰⵏ ⵉⴳⵎⴰⵡⵉⵢⴻⵏ.
ⵜⵜⵡⴰⵙⴱⴰⴷⴻⵏ ⵢⵉⵎⵓⴽⴰⵏ-ⴰ 510 ⴷⴻⴳ ⵜⵎⴰⵀⵍⴰ ⵏ ⵓⵏⵏⴰⵔ ⵏ ⵜⵣⴻⵇⵇⵓⵜ ⵏ ⵓⵃⵔⴰⵣ, ⴰⵙⵜⴰⵏ ⴷ ⵓⵊⴻⵔⵔⴻⴷ ⵏ ⵡⴰⵢⵔⵉⵜ ⴰⴷⴻⵍⵙⴰⵏ ⴷ ⵓⴳⵎⴰⵡⵉ ⵏ ⵓⵔⵜⴻⵣⵣⵓ, ⵢⴻⵜⵜⵡⴰⵙⵓⴷⴷⵙⴻⵏ ⵙⴻⴳ 21 ⵞⵜⴻⵎⴱⴻⵔ ⵖⴻⵔ 11 ⴽⵟⵓⴱⴻⵔ ⵙ ⵓⵙⵓⵔⵉⴼ ⵏ ⵓⵔⵜⴻⵣⵣⵓ, ⴷⴻⴳ ⵓⴽⴰⵜⴰⵕ ⵏ ⵓⵖⴰⵡⴰⵙ-ⵉⵙ ⴰⵎⴰⵜⴰⵡⵜ ⵏ ⵓⵙⴻⴳⴳⴰⵙ ⵏ 2026, ⵙ ⵓⵙⴻⵇⴷⴻⵛ ⴷ ⵢⵉⴳⵣⵓⵍⴻⵏ ⵢⴻⵎⵀⵉⵍⴻⵏ ⵏ ⵊⴰⵏⴻⵜⵙ, ⴱⵓⵔⵊ ⴻⵍ ⵀⴰⵓⵓⴰⵙ ⴷ ⵉⵍⵍⵉⵣⵉ, ⴰⵎ ⴰⴽⴽⴻⵏ ⵉ ⴷ-ⵢⴻⵔⵏⴰ ⵉ /ⴰⵒⵙ/ ⵓⵏⴻⵎⵀⴰⵍ ⵏ ⵓⵔⵜⴻⵣⵣⵓ ⴰⴷⴻⵍⵙⴰⵏ ⵏ ⵜⴰⵙⵉⵍⵉ ⵏ ⴰⵊⵊⴻⵔ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵀⴰⴼⴰⵓⵓⵉ.
ⴰⵔⵏⵓ ⵖⴻⵔ
