ⵉⵙⵙⴻⴽⴼⴻⵍ-ⴷ ⵓⵏⴻⵖⵍⴰⴼ ⵏ ⵢⴻⵎⵀⵉⵢⴻⵏ ⵉⵏⴰⴳⵔⴰⵡⴻⵏ ⴷ ⵜⵎⴻⵙⴽⴰⵔ ⵜⵉⴳⴻⵊⴷⴰⵏⵉⵏ, ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⴰⵙⵙ-ⴰ ⵏ ⵓⵕⴻⴱⵄⴰ, ⴷⴻⴳ ⵓⵙⴻⵏⴽⴻⴷ-ⵉⵙ ⵏ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵜⴰⴷⵔⵉⵎⵜ ⵏ 2027 ⵙⴷⴰⵜ ⵜⴻⵙⵇⴰⵎⵓⵜ ⵏ ⵜⴰⴷⵔⵉⵎⵜ ⴷ ⵜⴻⴷⵔⵉⵎⵜ ⴷⴻⴳ ⵓⵙⴱⵉⴹⴰⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴷⴰⴽⴽⴻⵏ ⵜⴰⴷⵔⵉⵎⵜ ⵉ ⴷ-ⵢⴻⵜⵜⵡⴰⵙⵓⵎⵔⴻⵏ ⵉ ⵓⵃⵔⵉⵞ-ⴰ ⵉ ⵓⵙⴻⴳⴳⴰⵙ ⵉ ⴷ-ⵢⴻⴷⴷⵓⵏ ⵜⴻⵚⵚⴻⴷ ⵙ 980 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ ⴰⵎ ⵓⵜⵓⴳ ⵏ ⵓⵙⴰⵍⴻⵍ.
ⴷⴻⴳ ⵜⵉⵖⵉⵎⵉⵜ ⵉ ⵉⵙⵙⴻⵡⵙⴻⵢⵏ ⵏⵏⴻⴼ ⵏ ⵓⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ, ⴰⴱⴷⴻⵍⵏⵓⵓⵔ ⴱⴻⵍⴰⵔⴱⵉ, ⵙ ⵓⵜⵜⴻⴽⴽⵉ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵓⴱⴰⵔⵍⴰⵎⴰⵏ, ⵏⴻⴷⵊⵉⴱⴰ ⴷⵊⵉⵍⴰⵍⵉ, ⴷ ⵢⵉⵎⴰⵙⵍⴰⴷⴰⵏ ⵏ ⵜⴻⵙⵇⴰⵎⵓⵜ, ⵉⵙⵙⴻⴼⴻⵀⵎ-ⴷ ⴷⵊⴻⵍⵍⴰⵓⵓⵉ ⴷⴰⴽⴽⴻⵏ ⵜⴰⴷⵔⵉⵎⵜ ⵏ ⵓⵃⵔⵉⵞ-ⴰ ⵉ ⵓⵙⴻⴳⴳⴰⵙ ⵉ ⴷ-ⵢⴻⴷⴷⵓⵏ ⵜⴻⵡⵡⴻⴹ 980 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ ⴰⵎ ⵓⵜⵓⴳ ⵏ ⵓⵙⴰⵍⴻⵍ ⴷ 322 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ ⴰⵎ ⵜⵉⵙⵉⵔⵉ ⵏ ⵓⵇⵇⴰⵙ, ⵙ ⵓⵙⵓⴷⴷⴻⵙ ⵏ 456 ⵏ ⵢⵉⵀⴰⵍⴻⵏ ⵉⵎⴰⵢⵏⵓⵜⵉⵏ ⴷ ⵓⵙⵙⴻⴽⵢⴻⴷ ⵏ 14 ⵏ ⵢⵉⵀⴰⵍⴻⵏ.
ⵢⴻⵔⵏⴰ-ⴷ ⴷⵊⴻⵍⵍⴰⵓⵓⵉ ⴷⴰⴽⴽⴻⵏ ⵜⵉⵙⵉⵔⵉ ⵏ ⵓⵇⵇⴰⵙ ⵉ ⵢⴻⵜⵜⵡⴰⵚⴻⴷⴷⴻⵏ ⵉ ⵢⵉⵙⴻⵏⵏⵉⴼⴰⵔⴰ ⵉⵎⴰⵜⴰⵡⴻⵏ ⵜⴻⵄⴷⴷⴰ 290 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ, ⵎⴰ ⴷ ⵜⵉⵡⵉⵙⵉ ⵏ ⵓⵙⵙⴻⵍⵃⵉ ⵏ ⵢⵉⵎⴻⵥⵍⴰ ⵜⴻⵡⵡⴻⴹ ⵓⴳⴰⵔ ⵏ 31,6 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ.
ⴷⴻⴳ ⵓⴽⴰⵜⴰⵕ ⵏ ⵓⵙⴻⵏⴽⴻⴷ ⵏ ⵜⴰⵣⵡⴻⵔⵜ ⵏ ⵓⵃⵔⵉⵞ-ⴰ, ⵉⵙⵙⴻⴽⵏ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵜⴰⴷⵔⵉⵎⵜ ⵏ ⵓⵙⴻⴳⴳⴰⵙ ⵏ 2027 ⵉⴼⴽⴰ ⵡⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵃⵔⴰⵣ ⴷ ⵓⵙⵏⴻⵔⵏⵉ ⵏ ⵢⵉⵙⴻⴱⵍⴰ ⴷ ⵜⵎⴻⵙⴽⴰⵔ ⵜⵉⴳⴻⵊⴷⴰⵏⵉⵏ, ⵙ ⵓⵙⵔⴰⵙ ⵏ ⵜⴰⵣⵡⴻⵔⵜ ⵉ ⵓⵙⵎⴻⴷ ⵏ ⵢⵉⵙⴻⵏⴼⴰⵔⴻⵏ ⵢⴻⵍⵍⴰⵏ ⴷⴻⴳ ⵓⵏⵏⴰⵔ, ⴰⵃⵔⴰⵣ ⵏ ⵜⴼⴻⵅⵜ ⵏ ⵓⵎⴻⵥⵍⵓ ⴰⵎⴰⵜⴰⵡⵜ, ⴷ ⵓⵙⵙⴻⴱⴷⵓⴷ ⵏ ⵢⵉⵙⵓⴳⴰⵎ ⵉ ⵢⴻⵍⵍⴰⵏ ⵖⴻⵔ ⵢⵉⵙⴻⵏⴼⴰⵔⴻⵏ ⵎ-ⵡⴰⵣⴰⵍ ⴰⴷⴰⵎⵙⴰⵏ ⴷ ⵓⵙⵏⴻⵔⵏⵉ.
ⵜⵜⴻⴽⴽⴻⵏ ⴷⴻⴳ ⵢⵉⵀⴰⵍⴻⵏ ⵉⵎⴰⵢⵏⵓⵜⵉⵏ ⴷⴻⴳ ⵢⴻⵎⵀⵉⵢⴻⵏ ⵉⵏⴰⴳⵔⴰⵡⴻⵏ ⵓⵃⵔⴰⵣ ⴷ ⵓⵙⵊⴻⵀⴻⴷ ⵏ ⵢⵉⴱⵔⵉⴷⴻⵏ ⴷ ⵢⵉⴱⵔⵉⴷⴻⵏ ⵉⵇⵇⵓⵔⴰⵏⴻⵏ, ⴰⵙⵏⴻⵔⵏⵉ ⴷ ⵓⵙⵎⴰⵢⵏⵓⵜ ⵏ ⵓⵥⴻⵟⵟⴰ ⵏ ⵢⵉⴱⵔⵉⴷⴻⵏ, ⴰⵙⵙⴻⴱⴷⵓⴷ ⴷ ⵓⵙⵙⴻⴽⵢⴻⴷ ⵏ ⵜⵎⴻⵙⴽⴰⵔ ⵜⵉⵜⵉⴽⵏⵉⵊⵉⵏ, ⵖⴻⵔ ⵢⵉⴷⵉⵙ ⵏ ⵓⵃⵔⴰⵣ ⵏ ⵢⵉⵙⴰⵃⴰⴳⴻⵏ ⴷ ⵓⵙⵏⴻⵔⵏⵉ ⵏ ⵜⵎⴻⵙⴽⴰⵔ ⵜⵉⵍⴻⵍⵍⴰⵏⵉⵏ, ⴷⴻⴳ-ⵙⴻⵏ ⵉⵔⵎⵓⴷⴻⵏ ⵏ ⵓⵙⵙⵉⴼⴻⴳ ⵏ ⵢⵉⵙⴰⵃⴰⴳⴻⵏ ⴷ ⵓⵙⵏⴻⵔⵏⵉ ⵏ ⵢⵉⵍⵓⵖⵎⴰ ⵏ ⵓⵙⴻⵇⴷⴻⵛ-ⵏⵙⴻⵏ.
ⴷⴻⴳ ⴳⴰⵔ ⵢⵉⵡⴰⵚⵚⴰⵢⴻⵏ ⵉ ⴷ-ⵢⴻⵡⵡⵉ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵜⴰⴷⵔⵉⵎⵜ, ⴰⵙⵓⵎⵔ ⵏ ⵓⵙⴱⴻⴷⴷⵉ ⵏ ⵓⵙⴼⴰⵢⵍⵓ ⴰⵖⴻⵍⵏⴰⵡ ⵉ ⵓⵙⵏⴻⴼⵙⵉ ⵏ ⵢⵉⵙⴻⴱⵍⴰⵏ ⵉ ⴷ-ⵢⵓⵙⴰⵏ ⵙⴻⴳ ⵓⵎⵀⴰⴹ ⵏ ⵜⴻⴳⵏⵉⵜ, ⵙ ⵢⵉⵙⵡⵉ ⵏ ⵓⵙⵙⴻⴱⴷⵓⴷ ⵏ ⵢⵉⵙⵓⴳⴰⵎ ⵉⴷⵔⵉⵎⴰⵏⴻⵏ ⵏ ⵢⴰⵍ ⴰⵙⴻⴳⴳⴰⵙ ⵉ ⵓⵜⵜⴻⴽⴽⵉ ⴷⴻⴳ ⵢⵉⵙⴻⴱⵍⴰⵏ ⵉ ⵢⴻⵖⵍⵉⵏ ⵖⴻⴼ ⵜⵎⴻⵙⴽⴰⵔ ⵜⵉⴳⴻⵊⴷⴰⵏⵉⵏ ⵏ ⵓⵃⵔⵉⵞ-ⴰ, ⴰⵢⴰⴳⵉ ⴰⴷ ⵢⴰⵍⵍⴻⴼ ⴷⴻⴳ ⵓⵜⵜⴻⴽⴽⵉ ⴷⴻⴳ ⵜⴰⴽⴰⵢⵜⵉ ⵓⵔ ⵏⴻⵜⵜⵔⴰⵊⵓ ⴰⵔⴰ ⵉⴽⴰⵍⴰ ⵏ ⵓⵊⴻⵔⵔⴻⴷ ⵏ ⵢⵉⵀⴰⵍⴻⵏ ⵉⵎⴰⵢⵏⵓⵜⵉⵏ, ⴰⵎ ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵎⴰ ⴷ ⵖⴻⴼ ⵢⵉⵙⴻⵏⴼⴰⵔⴻⵏ ⵉⵙⵓⴷⴷⵉⵙⴻⵏ, ⵓⴽⴽⵔ-ⴷ ⵓⵏⴻⵖⵍⴰⴼ ⵖⴻⵔ ⵓⵙⴻⵍⵃⵉ ⵏ ⵓⵙⵙⴻⴱⴷⵓⴷ ⵏ ⵓⵙⵓⵔⵉⴼ ⵏ ⵡⵓⵣⵣⴰⵍ ⴰⵎⵥⵓⵍ-ⴰⵏⵥⵓⵍ ⴰⵔⴰ ⵉⵞⵓⴷⴷⴻⵏ ⴳⴰⵔ ⴷⵣⴰⵢⴻⵔ ⴷ ⵜⴰⵎⴻⵏⵖⴻⵙⵜ, ⴷ ⵓⴱⵔⵉⴷ ⵏ ⵡⵓⵣⵣⴰⵍ ⴰⵎⵖⵓⵣ ⴰⵎⵙⴰⵇⵔⴰⵏ, ⵖⴻⵔ ⵢⵉⴷⵉⵙ ⵏ ⵓⵙⴼⴻⵖ ⵏ ⵓⵙⴰⵙⴰⵖ ⵏ ⵄⴻⵏⵏⴰⴱⴰ, ⵙ ⵓⵙⵙⴻⴽⵙ ⵏ ⵡⴰⵣⴰⵍ ⵏ ⵓⵙⵎⴻⴷ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵙⵏⴰⵙⴻⵏ ⴷⴻⴳ ⵢⵉⵙⵡⵉⵔⴻⵏ ⵢⴻⵜⵜⵡⴰⵙⴱⴻⴷⴷⴻⵏ, ⵙ ⵓⴽⵜⴰⵎ ⵙ ⴷⴷⵓⵕ-ⵏⵙⴻⵏ ⴷⴻⴳ ⵓⵙⵊⴻⵀⴻⴷ ⵏ ⵜⵓⵇⵇⵏⴰ ⴳⴰⵔ ⵜⴻⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴻⴷⵀⴻⵍ ⵏ ⵓⵙⵙⵉⵡⴻⴹ ⵏ ⵙⵙⴻⵍⵄⴰⵜ ⴷ ⵓⵙⵏⴻⵔⵏⵉ ⵏ ⵓⵔⵎⵓⴷ ⴰⴷⴰⵎⵙⴰⵏ.
ⴷⴻⴳ ⵓⵙⴻⵏⴽⴻⴷ-ⵉⵙ ⵏ ⵢⵉⴳⵎⴰⴹ ⵏ ⵓⵙⵙⴻⴱⴷⵓⴷ ⵖⴻⵔ ⵓⴽⵟⵓⴱⴻⵔ ⴰⴳⵔⵓⵢⴰⵏ, ⵓⴽⴽⵔ-ⴷ ⴷⵊⴻⵍⵍⴰⵓⵓⵉ ⵖⴻⵔ ⵓⴱⵔⵉⴷ ⵏ ⵡⵓⵣⵣⴰⵍ ⴰⵎⵖⵓⵣ ⴰⵎⵙⴰⵇⵔⴰⵏ, ⵉ ⵢⴻⵜⵜⵍⵉⵍⵉⵏ ⵖⴻⴼ ⵜⵙⴻⵇⵇⴰⵎⵓⵜ ⵏ 422 ⴽⵎ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴰⵎⵙⵉⵏ ⵎ-ⵓⴽⴰⵀⵔⴰⴱ, ⵙ ⵜⴻⵣⵎⴻⵕⵜ ⵏ ⵓⵙⵙⵉⵡⴻⴹ ⵉ ⵉⵙⵙⴻⵡⵡⴰⴹⴻⵏ ⵖⴻⵔ 23 ⵏ ⵢⵉⵎⵉⵍⵢⵓⵏⴻⵏ ⵏ ⵟⵓⵏ ⴷⴻⴳ ⵓⵙⴻⴳⴳⴰⵙ ⵏ ⵍⴼⵓⵙⴼⴰⵜ ⴷ ⵡⵓⵣⵣⴰⵍ, ⵙ ⵓⵙⵙⴻⴼⴻⵀⵎ ⴷⴰⴽⴽⴻⵏ 174 ⴽⵎ ⵙⴻⴳ ⵓⴱⵔⵉⴷ-ⴰ ⴽⴻⵞⵎⴻⵏ ⴷⴻⴳ ⵓⵙⴻⵇⴷⴻⵛ, ⴷⴻⴳ-ⵙⴻⵏ ⴰⵎⵓⵔ ⵏ ⵓⵓⴻⴷ ⴻⵍ ⴽⴻⴱⵔⵉⴷ-ⵊⴻⴱⴻⵍ ⵓⵏⴽ ⵖⴻⴼ ⵜⵙⴻⵇⵇⴰⵎⵓⵜ ⵏ 151 ⴽⵎ, ⴷ ⵜⵓⵇⵇⵏⴰ ⵏ ⴱⵍⴻⴷ ⴻⵍ ⵀⴰⴷⴱⴰ ⵖⴻⴼ ⵜⵙⴻⵇⵇⴰⵎⵓⵜ ⵏ 23 ⴽⵎ, ⵎⴰ ⴷ ⴰⵎⵓⵔ ⵏ 127 ⴽⵎ ⵢⴻⵍⵍⴰ ⴷⴻⴳ ⵓⴽⴰⵍⴰ ⵏ ⵓⵙⵎⴻⴷ, ⵙ ⵓⵙⵓⴷⴷⴻⵙ ⵏ ⵢⵉⴽⴰⵢⴰⴷⴻⵏ ⴰⵜⵉⴽⵏⵓⵊⵉ ⴷⴻⴳ ⵜⴰⵍⵍⵉⵜ ⴳⴰⵔ 13 ⴷ 30 ⴽⵟⵓⴱⴻⵔ 2026. ⵜⵜⴽⴻⵎⵎⵉⵍⴻⵏⵜ ⵜⵎⴰⵀⵍⵉⵡⵉⵏ ⴷⴻⴳ ⵓⵎⵓⵔ ⵉ ⴷ-ⵢⴻⴳⵔⴰⵏ ⵏ 121 ⴽⵎ.
ⵜⵜⴻⴽⴽⴻⵏ ⴷⴻⴳ ⵜⵎⴰⵀⵍⵉⵡⵉⵏ-ⴰ ⴰⵎⵓⵔ ⵏ ⴱⵓⵓⵞⵀⴻⴳⵓⵓⴼ-ⴰⵉⵏ ⵙⴻⵏⵓⵓⵔ ⵖⴻⴼ ⵜⵙⴻⵇⵇⴰⵎⵓⵜ ⵏ 72 ⴽⵎ, ⵖⴻⵔ ⵢⵉⴷⵉⵙ ⵏ ⵓⵙⵎⴰⵢⵏⵓⵜ ⵏ ⵓⴱⵔⵉⴷ ⵉ ⵢⴻⵍⵍⴰⵏ ⴰⵎⵓⵔⴰ ⵖⴻⴼ ⵜⵙⴻⵇⵇⴰⵎⵓⵜ ⵏ 34 ⴽⵎ, ⴰⵏⴷⴰ ⵉ ⵢⴻⵜⵜⵡⴰⵕⵊⴰ ⵓⵙⵔⴰⵙ-ⵉⵙ ⴷⴻⴳ ⵓⵙⴻⵇⴷⴻⵛ ⴷⴻⴳ ⵜⴰⴳⴰⵔⴰ ⵏ ⵎⴰⵔⵙ 2027, ⴰⵢⴰⴳⵉ ⴰⴷ ⵢⴰⵍⵍⴻⴼ ⴷⴻⴳ ⵓⵙⵙⵉⵡⴻⴹ ⵏ 6 ⵏ ⵢⵉⵎⵉⵍⵢⵓⵏⴻⵏ ⵏ ⵟⵓⵏ ⴷⴻⴳ ⵓⵙⴻⴳⴳⴰⵙ ⵖⴻⵔ ⵓⵙⴰⵙⴰⵞ ⵏ ⵄⴻⵏⵏⴰⴱⴰ, ⴰⵎ ⴰⴽⴽⴻⵏ ⵉ ⴷ-ⵢⴻⵔⵏⴰ ⵎⴰⵙⵙ ⴷⵊⴻⵍⵍⴰⵓⵓⵉ, ⵉ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵎⵓⵔ ⵏ ⴰⵉⵏ ⵙⴻⵏⵓⵓⵔ-ⴷⵔⵉⴰⵢⴻ, ⴷⴻⴳ ⵜⵙⴻⵇⵇⴰⵎⵓⵜ ⵏ 49 ⴽⵎ, ⴰⴷ ⵢⴻⴽⵞⴻⵎ ⴷⴻⴳ ⵓⵙⴻⵇⴷⴻⵛ ⴷⴻⴳ ⵖⵓⵙⵟ 2027, ⵉ ⵓⵙⴰⵍⵉ ⵏ ⵜⴻⵣⵎⴻⵕⵜ ⵏ ⵓⵙⵙⵉⵡⴻⴹ ⵖⴻⵔ 23 ⵏ ⵢⵉⵎⵉⵍⵢⵓⵏⴻⵏ ⵏ ⵟⵓⵏ ⴷⴻⴳ ⵓⵙⴻⴳⴳⴰⵙ.
ⵎⴰ ⴷ ⵖⴻⴼ ⵓⵙⵓⵔⵉⴼ ⵏ ⵡⵓⵣⵣⴰⵍ ⴰⵎⵥⵓⵍ-ⴰⵏⵥⵓⵍ ⴰⵔⴰ ⵉⵞⵓⴷⴷⴻⵏ ⴳⴰⵔ ⴷⵣⴰⵢⴻⵔ ⴷ ⵜⴰⵎⴻⵏⵖⴻⵙⵜ, ⵉ ⵉⵙⵄⴰⵏ ⵜⴰⵖⵣⵉ ⵜⴰⵎⴰⵜⴰⵡⵜ ⵏ 2036 ⴽⵎ, ⵙ ⵓⵜⵜⴻⴽⴽⵉ ⵏ ⵓⵎⵓⵔ ⵏ ⵞⵉⴼⴼⴰ-ⴽⵙⴰⵔ ⴻⵍ ⴱⵓⵓⵞⵀⴰⵔⵉ ⵖⴻⴼ ⵜⵙⴻⵇⵇⴰⵎⵓⵜ ⵏ 111 ⴽⵎ, ⵉⵙⵙⴻⴼⴻⵀⵎ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⴷⴷⴰⴷ ⵏ ⵢⵉⵎⵓⵔⴻⵏ ⵉ ⵉⵞⵓⴷⴷⴻⵏ, ⵖⴻⴼ ⵜⵙⴻⵇⵇⴰⵎⵓⵜ ⵏ 1925 ⴽⵎ, ⴱⴹⴰⵏ ⴳⴰⵔ 308 ⴽⵎ ⵢⴻⵜⵜⵡⴰⵙⴻⵇⴷⴰⵞⴻⵏ, 42 ⴽⵎ ⴷⴻⴳ ⵓⴽⴰⵍⴰ ⵏ ⵓⵙⵙⴻⴱⴷⵓⴷ, ⴷ 924 ⴽⵎ ⴷⴻⴳ ⵓⵙⵡⵉⵔ ⵏ ⵓⵙⵙⴻⵀⴻⴳⵉ ⵉ ⵓⵙⴻⴽⴽⴻⵔ ⵏ ⵜⵎⴰⵀⵍⵉⵡⵉⵏ, ⵖⴻⵔ ⵢⵉⴷⵉⵙ ⵏ 651 ⴽⵎ ⵢⴻⵜⵜⵡⴰⵙⵓⵎⵔⴻⵏ ⵉ ⵜⴰⵣⵣⴰⵢⵜⵉⴽ.
ⴰⵎ ⴰⴽⴽⴻⵏ ⵉ ⵓⴽⴽⵔ-ⴷ ⵓⵏⴻⵖⵍⴰⴼ ⵖⴻⵔ ⵓⵙⴻⵏⴼⴰⵔ ⵏ ⵓⵙⴼⴻⵖ ⵏ ⵓⵙⴰⵙⴰⵞ ⵏ ⵄⴻⵏⵏⴰⴱⴰ ⴷ ⵓⵙⵙⴻⴱⴷⵓⴷ ⵏ ⵓⵙⴰⵙⴰⵞ ⴰⵎⵖⵓⵣ, ⵉ ⵢⴻⵡⵡⵉⵏ ⴰⵙⵙⴻⴼⵔ ⵏ ⵢⵉⵙⴰⵃⴰⴳⴻⵏ ⵖⴻⵔ ⵍⵇⴰⵄ ⵏ 16 ⵖⴻⵔ 27 ⵏ ⵢⵉⵎⴻⵜⵔⴻⵏ, ⴷ ⵓⵙⴻⵍⵃⵉ ⵏ ⵓⵞⴻⴱⴽⴰ ⵉⵍⴻⵍⵍⴰⵏ ⵖⴻⴼ ⵜⴰⵖⵣⵉ ⵏ 1400 ⵏ ⵢⵉⵎⴻⵜⵔⴻⵏ, ⴷ ⵓⵙⵙⴻⴱⴷⵓⴷ ⵏ ⵓⵙⴼⴰⵢⵍⵓ ⵢⴻⵍⴷⴻⵢⴻⵏ ⵎ-ⵓⵜⴻⵎⵎⴻⴷ ⵏ 82 ⵏ ⵢⵉⵀⴻⴽⵜⴰⵔⴻⵏ, ⵖⴻⵔ ⵢⵉⴷⵉⵙ ⵏ ⵓⵙⵙⴻⴱⴷⵓⴷ ⵏ ⵓⵙⴰⵙⴰⵞ ⴰⵎⴰⵢⵏⵓ ⵎ-ⵜⴰⵖⵣⵉ ⵏ 1600 ⵏ ⵢⵉⵎⴻⵜⵔⴻⵏ.
ⴰⵔⵏⵓ ⵖⴻⵔ
