ⵜⴻⵄⵍⴻⵏ-ⴷ ⵜⴰⵎⵓⵙⵏⵉ ⵜⴰⵖⴻⵍⵏⴰⵡⵜ ⵏ ⵜⵏⴻⵣⵣⵓⵜ ⴷ ⵓⴼⵔⴰⵇ ⵏ ⵢⵉⴼⴰⵔⴰⵙⴻⵏ ⵏ ⵍⵒⴻⵜⵔⵓⵍ "ⵏⴰⴼⵜⴰⵍ", ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⵀⴻⴷ, ⵖⴻⴼ ⵓⵍⴷⴰⵢ ⵓⵏⵚⵉⴱ ⵏ ⵢⵉⵡⴻⵜ ⵏ ⵜⴰⵙⴰⵍⵜ ⵜⴰⵇⵎⵉⵜ (ⵒⵍⴰⵜⴻⴼⵓⵔⵎⴻ ⴷⵉⴳⵉⵜⴰⵍⴻ) ⵜⴰⵎⴰⵢⵏⵓⵜ. ⵜⴰⵙⴰⵍⵜ-ⴰⴳⵉ ⵜⴻⵜⵜⵓⵏⴻⵎⵍⴻⵏ ⵉ ⵓⵊⴻⵔⵔⴻⴷ ⵏ ⵢⵉⵙⵓⵜⵓⵔⴻⵏ ⵏ ⵓⵡⵡⵉ ⵏ ⵜⵎⴰⵒⵍⴰⵙⵉⵏ ⵏ ⵔⵔⵓⵞⵞⵓ (ⵒⵏⴻⵓⵙ) ⵢⴻⵄⵏⴰⵏ ⵜⵉⴽⴻⵕⵡⴰⵙⵉⵏ ⵜⵉⴼⵙⵓⵙⴰⵏ ⵏ ⵜⴰⵎⴰⵜⴰⵔⵜ "Continental", ⴰⵢⴰⴳⵉ ⵙ ⵓⴱⵔⵉⴷ ⵏ ⵓⵙⵎⴻⵍ ⴰⵍⵉⴽⵜⵔⵓⵏⴰⵏ: Https://e-mahata.naftal.dz.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⵜⴰⵙⴰⵍⵜ-ⴰⴳⵉ ⵉⵙⵡⵉ-ⵉⵙ ⴷ ⴰⴹⵎⴰⵏ ⵉ ⵢⵉⵎⵙⴰⵖⴻⵏ (clients) ⵉⵡⴰⴽⴽⴻⵏ ⴰⴷ ⵊⴻⵔⵔⴻⴷ ⵢⵉⵙⵓⵜⵓⵔⴻⵏ-ⵏⵙⴻⵏ ⵉ ⵓⵡⵡⵉ ⵏ ⵜⵎⴰⵒⵍⴰⵙⵉⵏ ⴷⴻⴳ ⵡⴰⵎⵎⴰⵙⴻⵏ ⵏ ⵜⵎⴰⵒⵍⴰⵙⵉⵏ ⵏ ⵜⵙⵏⵓⵔⴻⴼⵜ, ⵓ ⴰⴷ ⵡⴰⵍⵉⵏ ⵙⵙⵓⵎⴰⵜ ⵙ ⵓⴼⵙⵉⵙ, ⵙ ⵓⵟⵎⴰⵏ ⵏ ⵓⴽⴻⵎⵎⴻⵍ ⵏ ⵓⵣⴻⵏⵣⵉ ⴷⴻⴳ ⵜⵉⵃⵉⵛⴰⵢ ⵏ ⵓⵎⴻⵥⵍⵓ (stations-service) ⵏ ⵏⴰⴼⵜⴰⵍ ⵉ ⵢⴻⵜⵜⵓⵙⴻⴼⵔⴻⴽⴻⵏ ⵙ ⵜⴰⵔⵔⴰⵢⵜ ⵜⵓⵙⵔⵉⴷⵜ.
ⴷⴻⴳ ⵓⴱⵔⵉⴷ-ⴰⴳⵉ, ⵏⴰⴼⵜⴰⵍ ⵜⴻⵙⵙⵉⵡⴻⵍ ⵉ ⵢⵉⵎⵙⴰⵖⴻⵏ-ⵉⵙ ⵉⵡⴰⴽⴽⴻⵏ ⴰⴷ ⴹⴼⵔⴻⵏ ⴽⵔⴰ ⵏ ⵜⴰⵔⵔⴰⵢⵉⵏ ⵏ ⵓⵙⵓⴷⴷⴻⵙ: ⵉⵍⴰⵇ ⵉ ⵓⵎⵙⴰⵖ ⴰⴷ ⴷ-ⵉⵙⵙⴻⴽⴻⵏ ⵓⵏⴳⴰⵍ ⵏ ⵓⵀⴻⴳⴳⵉ ⵏ ⵓⵙⵓⵜⵓⵔ ⴷ ⵜⴽⴰⵔⴹⵉⵜ ⵏ ⵓⵊⴻⵔⵔⴻⴷ ⵏ ⵜⵎⴻⴽⵍⴰ (ⵜⴰⴽⴰⵔⴹⵉⵜ ⵜⴰⵣⴻⴳⵣⴰⵡⵜ) ⵎⵉ ⴰⵔⴰ ⵢⴻⵔⵣⵓ ⵖⴻⵔ ⵡⴰⵎⵎⴰⵙ ⵏ ⵓⵡⵡⵉ ⵏ ⵜⵎⴰⵒⵍⴰⵙⵉⵏ ⵉ ⴷ-ⵜⵜⵓⵏⴻⵎⵍⴻⵏ. ⵎⴰ ⴷ ⴰⵅⴻⵍⵍⴻⵚ ⵏ ⵙⵙⵓⵎⴰ ⵏ ⵜⵎⴰⵒⵍⴰⵙⵉⵏ ⵉⵟⵟⵉⵍⵉ-ⴷ ⴽⴰⵏ ⵙ ⵜⴽⴰⵔⴹⵉⵜ ⵏ ⵍⴱⴰⵏⴽⴰ ⵛⵉⴱ ⵏⴻⵖ ⵜⴰⴽⴰⵔⴹⵉⵜ ⵜⴰⴷⵀⴻⴱⴱⵉⵜ.
ⵢⴻⵔⵏⴰ-ⴷ ⵓⵙⵉⵡⴹ ⴱⴻⵍⵍⵉ ⵎⴰ ⵢⴻⵍⵍⴰ ⵓⵔ ⵢⴻⵔⵣⵉ ⴰⵔⴰ ⵓⵎⵙⴰⵖ ⵖⴻⵔ ⵡⴰⵎⵎⴰⵙ ⵉ ⴷ-ⵜⵜⵓⵏⴻⵎⵍⴻⵏ ⵉ ⵓⵡⵡⵉ ⵏ ⵓⵙⵓⵜⵓⵔ-ⵉⵙ ⴷⴻⴳ ⵜⴰⵍⵍⵉⵜ ⵏ 3 ⵏ ⵡⵓⵙⵙⴰⵏ ⵙⴻⴳ ⵡⴰⵙⵎⵉ ⵉ ⴷ-ⵜⴻⵡⵡⴻⴹ ⵜⵓⴽⴽⵉⵙⵜ ⵏ ⵓⵡⵡⵉ, ⴰⴷ ⵢⴻⵜⵜⵡⴰⴽⴽⴻⵙ ⵓⵃⵔⴰⵣ ⵙ ⵜⴰⵔⵔⴰⵢⵜ ⵜⴰⵡⵓⵔⵎⴰⵏⵜ.
ⵜⵉⴳⴳⴰⵡⴻⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⵓⵛⵛⵉⵜ ⵏ ⵏⴰⴼⵜⴰⵍ ⵉ ⵓⵙⴻⴶⵀⴻⴷ ⵏ ⵜⴼⴻⴼⴻⴼⴼⵉⵜ (transparence) ⴷ ⵓⵟⵎⴰⵏ ⵏ ⵢⵉⵎⴻⵥⵍⴰ ⵉⵎⴰⵢⵏⵓⵜⴻⵏ, ⴷ ⵓⵣⴻⵟⵟⴻⴹ ⵏ ⵓⴼⵔⴰⵇ ⵏ ⵜⵎⴰⵒⵍⴰⵙⵉⵏ ⵏ ⵔⵔⵓⵞⵞⵓ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ, ⵙ ⵜⴰⵔⵔⴰⵢⵜ ⵜⵓⵙⵙⵓⴷⴻⵙⵜ ⵓ ⵉⵃⴻⵔⵣⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵏⴼⴰⵄ ⵖⴻⵔ ⵡⵉⴷ ⵉ ⵜ-ⵉⵙⵓⵜⵜⵔⴻⵏ ⵙ ⵜⴰⵔⵔⴰⵢⵜ ⵜⵓⵙⵔⵉⴷⵜ.
ⴰⵔⵏⵓ ⵖⴻⵔ
