ⵢⴻⵙⵙⴻⵍⵡⴰⵢ ⵓⵙⴻⵍⵡⴰⵢ ⵏ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ ⵙ ⵜⴰⵔⵔⴰⵢⵜ ⵏ ⵓⵏⴰⵎⴰⵍ , ⵎⴰⵙⵙ ⴽⴰⵔⵉⵎ ⴽⵀⴰⵍⴼⴰⵏ, ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⴷ ⵢⵉⵎⵙⵓⵏⴻⵏ ⵏ ⵜⵡⵉⵍⴰⵢⵉⵏ ⴷ ⵜⵖⵉⵡⴰⵏⵜⵉⵏ. ⵜⵉⵖⵉⵎⵉⵜ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵉⵙⴽⴻⵏ ⵜⴰⵔⵔⴰⵢⵜ ⵏ ⵓⵙⴻⴼⵔⵓ (traitement) ⵏ ⵢⵉⴼⴰⵢⵍⴻⵏ ⵏ ⵓⵎⴻⵙⵜⵉⵔ ⴷ ⵓⴼⵔⵓⵔⴻⵢ ⴷⴻⴳ-ⵙⴻⵏ ⵙ ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵉ ⴷ-ⵢⴻⵙⵙⴻⵔⵙ ⵓⵙⴰⴷⵓⴼ, ⴰⵢⴰⴳⵉ ⵉ ⵓⵀⴻⴳⴳⵉ ⵏ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⴰⴷⴱⴻⵍⵜ ⴰⵙⵙ-ⴰ ⵏ ⵍⵀⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⴷⴻⴳ ⵓⴱⵔⵉⴷ ⵏ ⵓⵙⴼⵓⵍⴻⵍ ⵏ ⵜⵎⵓⵀⴰⵍ ⵏ ⵓⵀⴻⴳⴳⵉ ⵉ ⵓⵙⵉⴼⵔⴻⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (APN), ⵢⴻⵙⵙⴻⵍⵡⴰⵢ ⵎⴰⵙⵙ ⴽⵀⴰⵍⴼⴰⵏ, ⵜⴰⵎⴻⴷⴷⵉⵜ ⵏ ⵡⴰⵙⵙ ⵏ ⵙⵙⴻⴱⵜ ⵢⴻⵣⵔⵉⵏ, ⵢⴻⴷⴷⴰ ⴷ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⵏ ⵜⴰⴷⴱⴻⵍⵜ ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴻⵎⵙⴰⵍ ⵏ ⵜⴻⴼⵔⴰⵏⵉⵏ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵙ ⵜⵜⴰⵡⵉⵍ ⵏ ⵓⴷⵉⵡⴻⵏⵏⵉ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ ⴷ ⵢⵉⵎⵙⵓⵏⴻⵏ ⵏ ⵜⵡⵉⵍⴰⵢⵉⵏ ⴷ ⵡⵉⴷ ⵏ ⵜⵖⵉⵡⴰⵏⵜⵉⵏ, ⵉⵎⴰⵙⵍⴰⴷⴻⵏ ⵏ ⵜⴻⵙⵇⴰⵎⵓⵜⵉⵏ ⵓⴼⵔⵉⵏⴻⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵎⵓⵀⵏⴷⵉⵙⴻⵏ ⵏ ⵓⵡⴰⵏⴰⴽ ⴷⴻⴳ ⵜⵙⵏⴰⵙⴻⴼⵜ (informatique) ⴷ ⵢⵉⵎⴹⴻⴱⴱⵔⴻⵏ ⵉⵜⵉⴽⵏⵉⴽⴻⵏ ⵏ ⵜⴰⴷⴱⴻⵍⵜ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ".
ⴷⴻⴳ ⵓⵏⵏⴰⵔ-ⴰⴳⵉ, ⵜⵉⵖⵉⵎⵉⵜ-ⴰⴳⵉ ⵜⴻⵡⵡⵉ-ⴷ ⵖⴻⴼ "ⵓⵙⴻⴳⵣⴰⵢ ⵏ ⵡⴰⵎⴻⴽ ⴰⵔⴰ ⴷ-ⵜⵜⵓⵏⴻⵎⵍⴻⵏ ⵢⵉⴼⴰⵢⵍⴻⵏ ⵏ ⵓⵎⴻⵙⵜⵉⵔ, ⴰⵙⴻⴼⵔⵓ-ⵏⵙⴻⵏ ⴷ ⵓⴼⵔⵓⵔⴻⵢ ⴷⴻⴳ-ⵙⴻⵏ ⵙ ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵏ ⵓⵙⴰⴷⵓⴼ ⵙ ⵜⴰⵎⴰ ⵏ ⵓⵎⵙⵓⵏ ⵏ ⵜⵡⵉⵍⴰⵢⵜ ⴷ ⵢⵉⵎⴰⵙⵍⴰⴷⴻⵏ ⵏ ⵜⴻⵙⵇⴰⵎⵓⵜ ⵓⴼⵔⵉⵏⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵜⴰⵔⵔⴰⵢⵉⵏ ⵏ ⵓⵎⴰⴳⵔⴰⴷ 32 ⵡⵉⵙ ⵙⵉⵏ (ⴱⵉⵙ) ⵏ ⵓⵙⴰⴷⵓⴼ ⴰⵎⴰⵡⴰⵢ ⵢⴻⵄⵏⴰⵏ ⴰⵏⴰⴳⵔⴰⵡ ⵏ ⵜⴻⴼⵔⴰⵏⵉⵏ ⵢⴻⵜⵜⵓⴱⴻⴷⴷⵍⴻⵏ".
ⵙ ⵓⵏⴰⵎⴻⴽ-ⴰⴳⵉ, ⵇⴻⵔⴷⵛⴻⵏ ⵢⴰⴽⴽ ⵜⵎⵓⵖⵍⵉⵡⵉⵏ ⵏ ⵓⵣⴻⵔⴼ ⴷ ⵜⵉⴷ ⵏ ⵓⵜⵉⴽⵏⵉⴽ ⵉ ⵉⵍⴰⵇⴻⵏ ⴰⴷ ⵜⵜⵓⵙⵜⴻⵢⵏⴻⵏⵜ ⵉⵡⴰⴽⴽⴻⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⴰⴷ ⴷ-ⵜⵉⵍⵉ ⴷⴻⴳ ⵜⴻⴳⵏⴰⵜⵉⵏ ⵉⴼⴰⵣⴻⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
