ⴰⵎ ⴰⵎⵜⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ (Sénat), ⵎⴰⵙⵙ ⵄⵣⵣⵓⵣ ⵏⴰⵚⵔⵉ, ⴰⴷ ⴷ-ⵢⴻⴽⴽⵉ ⴰⵙⵙ ⵏ ⵜⵜⵍⴰⵜⴰ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⴽⴰⵎⵒⴰⵍⴰ, ⴷⴻⴳ ⵉⵎⴰⵀⵉⵍⴻⵏ ⵏ ⵜⴳⴰⵍⵍⵉⵜ ⵏ ⵜⵎⴻⵏⴹⴰⵡⵜ ⵏ ⵓⵙⴻⵍⵡⴰⵢ ⵏ ⵓⴳⴰⵏⴷⴰ ⵉ ⴷ-ⵉⵜⵜⵡⴰⴼⴻⵔⵏⴻⵏ ⵜⵉⴽⴽⴻⵍⵜ ⵏⵏⵉⴹⴻⵏ, ⵢⵓⵓⵡⴻⵔⵉ ⵎⵓⵙⴻⵠⴻⵏⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ ⴰⵙⵙ-ⴰ ⵏ ⵍⵀⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵏⴰⵚⵔⵉ ⵢⴻⵡⵡⴻⴹ-ⴷ ⴰⵙⵙ-ⴰ ⵖⴻⵔ ⴽⴰⵎⵒⴰⵍⴰ, ⴰⵎ ⴰⵎⵜⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⵡⴰⴽⴽⴻⵏ ⴰⴷ ⴷ-ⵢⴻⴽⴽⵉ ⴷⴻⴳ ⵜⵎⵓⵀⴰⵍ ⵏ ⵜⴳⴰⵍⵍⵉⵜ ⵏ ⵜⵎⴻⵏⴹⴰⵡⵜ ⵏ ⵓⵙⴻⵍⵡⴰⵢ ⵢⵓⵓⵡⴻⵔⵉ ⵎⵓⵙⴻⵠⴻⵏⵉ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵜⵜⵍⴰⵜⴰ-ⴰⴳⵉ.
ⵢⴻⵍⵍⴰ-ⴷ ⴷⴻⴳ ⵓⵎⵎⴰⴳⴻⵔ ⵏ ⵎⴰⵙⵙ ⵏⴰⵚⵔⵉ, ⴷⴻⴳ ⵓⵙⴰⴳⴻⵏ ⵏ ⵓⵙⴰⴼⴰⴳ ⴰⴳⵔⴻⵖⵍⴰⵏ ⵏ ⴻⵏⵜⴻⴱⴱⴻ, ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⵄⵏⴰⵏ ⵜⴷⵓⴽⵍⵉⵡⵉⵏ (cooperatives) ⵏ ⵓⴳⴰⵏⴷⴰ, ⴼⵔⴻⴷⴻⵔⵉⵛⴽ ⵏⴳⵓⴱⵉ ⴳⵓⵎⴻ, ⴷ ⵓⵎⴰⵙⵓⵏ ⵏ ⵓⴳⴰⵏⴷⴰ ⴷⴻⴳ ⵍⴻⵣⵣⴰⵢⴻⵔ, ⵊⵓⵀⵏ ⵛⵀⵔⵢⵙⵓⵙⵜⵓⵎ ⴰⵍⵉⵏⵜⵓⵎⴰ ⵏⵙⴰⵎⴱⵓ, ⵙ ⵜⴰⵎⴰ ⵏ ⵜⵙⴻⴷⴷⴰⵔⵜ ⵜⴰⴷⵉⵒⵍⵓⵎⴰⵙⵉⵜ ⴷ ⵜⵉⵏ ⵏ ⵓⴷⴱⴻⵍ ⵜⴰⵣⵣⴰⵢⵔⵉⵜ, ⵙ ⵓⵇⴻⵔⵔⵓ-ⵏⵙⴻⵏ ⴰⵎⴰⵙⵓⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⴳⴰⵏⴷⴰ, ⵎⴰⵙⵙ ⵎⵓⵔⴰⴷ ⴰⵎⵇⵔⴰⵏ.
ⴰⵔⵏⵓ ⵖⴻⵔ
