ⴰⵎⴰⵡⴰⵙ ⵏ ⵜⴻⵣⵎⴻⵔⵜ ⴷ ⵜⴻⵣⵎⴻⵔⵜ ⵉ ⴷ-ⵢⴻⵜⵜⴰⵍⵍⵙⴻⵏ, ⵎⵓⵔⴰⴷ ⵄⴰⵊⴰⵍ, ⵢⴻⵏⵏⴰ-ⴷ ⴰⵙⵙ-ⴰ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⴻⵍⵍⵉ ⵙⵏⴰⵜ ⵏ ⵜⵉⵃⴻⵟⵟⴰⵜⵉⵏ ⵏ ⵜⴰⵣⵎⴻⵔⵜ ⵏ ⵢⵉⵟⵉⵊ ⵙ ⵍ-ⵇⴻⴷⴷ ⵏ 400 ⵎⴻⴳⴰⵡⴰⵜⵜ ⴽⴻⵛⵎⴻⵏⵜ ⴷⴻⴳ ⵓⵎⴰⵀⵉⵍ ⵓⵙⵙⴰⵏ-ⴰⴳⵉ ⵉ ⵉⵄⴻⴷⴷⴰⵏ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵃⵔⵉⵛ-ⴰⴳⵉ ⵢⴻⴱⵖⴰ ⴰⴷ ⵢⴻⵙⵙⵉⵡⴻⴹ ⵓⴳⴰⵔ ⵏ 1400 ⵎⴻⴳⴰⵡⴰⵜⵜ ⵏⵏⵉⴹⴻⵏ ⴷⴻⴳ ⵓⵙⴻⴳⴳⴰⵙ-ⴰⴳⵉ.
ⵄⴰⵊⴰⵍ ⵢⴻⵙⵙⴻⴳⵣⴰ-ⴷ ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ ⵏ ⵢⵉⵎⴹⴻⴱⴱⵔⴻⵏ ⵏ ⵓⵃⵔⵉⵛ ⵏ ⵜⴻⵣⵎⴻⵔⵜ, ⴱⴻⵍⵍⵉ ⵉⵙⴻⵏⴼⴰⵔⴻⵏ ⴰⵔⴰ ⴷ-ⵏⴻⵔⵔ ⴷⴻⴳ ⵡⴰⵢⵢⵓⵔⴻⵏ ⵉ ⴷ-ⵢⴻⵜⵜⴻⴷⴷⵓⵏ ⵉⵡⴰⴽⴽⴻن ⴰⴷ ⵏⴻⵙⵙⵉⵡⴻⴹ ⵓⴳⴰⵔ ⵏ 1400 ⵎⴻⴳⴰⵡⴰⵜⵜ, ⵍⵍⴰⵏ ⴷⴻⴳ ⵓⵃⵔⵉⵛ ⴰⵎⴻⵏⵣⵓ ⵏ ⵓⵙⴻⵏⴼⴰⵔ ⴰⵎⴻⵇⵇⵔⴰⵏ ⵏ 3200 ⵎⴻⴳⴰⵡⴰⵜⵜ. ⴰⵢⴰⴳⵉ ⵢⴻⵍⵍⴰ ⴷⴻⴳ ⵓⵙⴻⵏⵏⴰⵔ ⴰⵖⴻⵍⵏⴰⵡ ⵉⵡⴰⴽⴽⴻⵏ ⴰⴷ ⴷ-ⵏⴻⵔⵔ 15 ⵏ ⵍ-ⴰⵍⴰⴼ ⵏ ⵎⴻⴳⴰⵡⴰⵜⵜ ⴷⴻⴳ ⵓⵙⴻⴳⴳⴰⵙ ⵏ 2035.
ⵖⴻⴼ ⵙⵏⴰⵜ ⵏ ⵜⵉⵃⴻⵟⵟⴰⵜⵉⵏ-ⴰⴳⵉ ⵉ ⴽⴻⵛⵎⴻⵏ ⴷⴻⴳ ⵍⵅⴻⴷⵎⴰ ⴷⴷⵓⵕⵜ ⵉ ⵉⵄⴻⴷⴷⴰⵏ, ⴰⵎⴰⵡⴰⵙ ⵢⴻⵏⵏⴰ-ⴷ ⴱⴻⵍⵍⵉ ⵜⴻⵍⵍⴰ ⵢⵉⵡⴻⵜ ⵏ 200 ⵎⴻⴳⴰⵡⴰⵜⵜ ⴷⴻⴳ ⵜⴻⵏⴷⵍⴰ (ⵜⴰⵡⵉⵍⴰⵢⵜ ⵏ ⵍⵎⴻⵖⵉⵢⴻⵔ) ⴷ ⵜⴰⵢⴻⴹ ⵏ 200 ⵎⴻⴳⴰⵡⴰⵜⵜ ⴷⴻⴳ ⵍⴻⵖⵔⵓⵙ (ⵜⴰⵡⵉⵍⴰⵢⵜ ⵏ ⴱⵉⵙⴽⵔⴰ).
ⵎⴰ ⴷ ⵓⵙⴼⴻⵍⴼⴻⵍ ⵏ ⵓⵙⴻⵏⴼⴰⵔ ⵏ 3200 ⵎⴻⴳⴰⵡⴰⵜⵜ ⵎⴻⵕⵕⴰ, ⴰⵙⵡⵉⵔ ⵏ ⵍⴻⴱⵏⵉ ⵏ 22 ⵏ ⵜⵉⵃⴻⵟⵟⴰⵜⵉⵏ ⵉ ⴷ-ⵉⵀⴻⴱⴱⴰⵏ ⵢⴻⵙⵙⴰⵡⴻⵍ 40%, ⴰⴽⴽⴻⵏ ⵉ ⴷ-ⴼⴽⴰⵏ ⵉⵙⴰⵍⵉⵢⴻⵏ ⴷⴻⴳ ⵓⴳⵔⴰⵡ-ⴰⴳⵉ.
ⴰⵔⵏⵓ ⵖⴻⵔ
