ⵄⵉⵏ ⴷⴻⴼⵍⴰ: ⴿⴻⵍⴼⴰⵏ ⵢⴻⵙⵙⴻⵏⵜⵉ ⵜⵉⴳⴰⵡⵜ ⵏ ⵓⵄⴰⵡⴻⴷ ⵏ ⵓⵙⴻⵊⵊⴻⵍ ⵏ ⵡⵉⴷ ⴰⵔⴰ ⵢⴻⴼⵔⴻⵏ

ⵉⵙⴰⵍⵍⴻⵏ ⵏ ⵜⵎⵓⵔⵜ
7

ⴰⵙⴻⵍⵡⴰⵢ ⴰⵎⴰⵢⵏⵓ ⵏ ⵜⵙⴻⵍⵡⵉⵜ ⵜⴰⵖⴻⵍⵏⴰⵡⵜ ⵏ ⵜⴻⴼⵔⴰⵏⵉⵏ , ⴿⵔⵉⵎ ⴿⴻⵍⴼⴰⵏ, ⵢⴻⴼⴽⴰ-ⴷ ⴰⵙⵙ-ⴰ ⵏ ⵍⵃⴻⴷⴷ ⵙⴻⴳ ⵜⵡⵉⵍⴰⵢⵜ ⵏ ⵄⵉⵏ ⴷⴻⴼⵍⴰ ⵜⴰⴳⵏⵉⵜ ⵏ ⵓⵙⴻⵏⵜⵉ ⵏ ⵓⵄⴰⵡⴻⴷ ⵏ ⵓⵎⵓⵖ ⵏ ⵡⵉⴷ ⴰⵔⴰ ⵢⴻⴼⵔⴻⵏ, ⵉⵡⴰⴽⴽⴻⵏ ⴰⴷ ⴱⴻⴳⴳⵙⴻⵏ ⵉ ⵜⴻⴼⵔⴰⵏⵉⵏ ⵏ ⵍⵒⴰⵔⵍⴰⵎⴰⵏ ⵏ 2 ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ.

ⴷⴻⴳ ⵡⴰⵡⴰⵍ-ⵉⵙ, ⴿⴻⵍⴼⴰⵏ ⵉ ⵢⴻⵍⵍⴰⵏ ⴰⴽⴽⴻⴷ ⵍⵡⴰⵍⵉ ⵄⵉⵙⴰ ⵄⴰⵣⵉⵣ ⴱⵓⵔⴰⵙ, ⵢⴻⵏⵏⴰ-ⴷ ⴱⴻⵍⵍⵉ ⴷⴷⵓⵍⴰ ⵜⴻⴼⴽⴰ-ⴷ ⴰⴽⴽ ⵍⵎⴰⵜⵉⵔⵢⴻⵍ, ⵉⵅⴻⴷⴷⴰⵎⴻⵏ ⴷ ⵜⴻⵇⵏⵉⵢⵉⵏ ⵉⵡⴰⴽⴽⴻⵏ ⴰⴷ ⵜⴻⵣⵔⵉ ⵜⵉⴳⴰⵡⵜ-ⴰⴳⵉ ⴷⴻⴳ ⵍⵎⴰⵏ. ⵜⵉⴳⴰⵡⵜ-ⴰⴳⵉ ⴰⴷ ⵜⴷⵓⵎ ⴰⵔⵎⵉ ⴷ ⴰⵙⵙ ⵏ ⵍⵃⴻⴷⴷ 26 ⵏ ⵢⴻⴱⵔⵉⵔ.

ⵢⴻⵙⵙⴻⴼⴻⴼ-ⴷ ⴱⴻⵍⵍⵉ ⵢⴻⵍⵍⴰ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵔ ⴳⴰⵔ ⵢⵉⵖⴰⵍⵍⴻⵏ ⵏ ⵜⵡⵉⵍⴰⵢⵉⵏ ⴷ ⵜⵎⴻⵏⴷⵓⴱⵉⵢⵉⵏ ⵏ ⵜⴻⴼⵔⴰⵏⵉⵏ ⴷⴻⴳ ⵜⵎⵓⵔⵜ ⴷ ⴱⴻⵔⵔⴰ. ⵜⵉⴳⴰⵡⵜ-ⴰⴳⵉ ⵏ ⵓⵄⴰⵡⴻⴷ ⵏ ⵓⵙⴻⵊⵊⴻⵍ ⵜⴻⴱⴷⴰ ⴷⴰⵖⴻⵏ ⴰⵙⵙ-ⴰ ⴷⴻⴳ ⵢⵉⵎⵓⵔⵙⴰⵜ ⵏ ⵍⵇⵓⵏⵚⵓⵍⵉⵢⴰⵜ ⵉ ⵍⵊⴰⵍⵢⴰ ⵏⵏⴻⵖ ⵢⴻⵣⴷⵉⵖⴻⵏ ⴷⵉ ⴱⴻⵔⵔⴰⵏⵉ.

ⴿⴻⵍⴼⴰⵏ ⵢⴻⵙⵙⴻⵊⵀⵉⴷ ⵍⵇⵉⵎⴰ ⵏ ⵍⵊⴰⵍⵢⴰ ⴷⴻⴳ ⵜⴻⴼⵔⴰⵏⵉⵏ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵊⵊⴻⵍ ⴷⴻⴳ ⵓⵎⵓⵖ ⴷ ⵍⴰⵎⴻⵔ ⵉ ⴷ-ⵉⵍⴰⵇⴻⵏ ⵉⵡⴰⴽⴽⴻⵏ ⴰⴷ ⵢⴻⵙⵄⵓ ⵍⵎⵓⵡⴰⵟⵉⵏ ⴰⵣⴻⵔⴼ (ⵍⵃⴻⵇⵇ) ⴰⴷ ⵢⴻⴼⴽ ⴰⵡⴰⵍ-ⵉⵙ ⴷⴻⴳ ⵜⵙⴻⵔⵜⵉⵜ ⵏ ⵜⵎⵓⵔⵜ.

ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵡⵓⵟⵟⵓⵏ ⵏ ⵡⴰⵎⵎⴰⵙⴻⵏ ⵏ ⵜⴻⴼⵔⴰⵏⵉⵏ ⵢⴻⵙⵙⴰⵡⴻⴹ ⵜⵓⵔⴰ 65 ⵏ ⵍⴰⵍⴰⴼ ⴷⴻⴳ ⵜⵎⵓⵔⵜ ⵎⴻⵕⵕⴰ. ⵢⴻⵍⵍⴰ ⵓⵍⴰ ⴷ 137 ⵏ ⵡⴰⵎⵎⴰⵙⴻⵏ ⵉⵜⵜⴻⴷⴷⵓⵏ  ⵉ ⵜⵎⴰⵏⴰⴹⵉⵏ ⵢⴻⴱⵄⴻⴷⴻⵏ, ⵍⴰⴷⵖⴰ ⴷⴻⴳ ⵢⴻⴼⴼⵓⵙ (ⴰⵊⴰⵏⵓⴱ).

ⴷⴻⴳ ⵜⴰⴳⴰⵔⴰ, ⵢⴻⴷⴷⴻⵔ-ⴷ ⵖⴻⴼ ⵜⴰⵔⵇⴻⵎⵏⴻⵜ  ⴷⴻⴳ ⵜⵙⴻⵍⵡⵉⵜ ⵏ ⵜⴻⴼⵔⴰⵏⵉⵏ, ⵢⴻⵏⵏⴰ-ⴷ ⴱⴻⵍⵍⵉ ⵜⴻⵜⵜⴰⴶⴰ ⵍ-ⵉⴷⴰⵔⴰ ⴰⴷ ⵜⴻⵇⵇⴻⵔⵔⴻⴱ ⵖⴻⵔ ⵍⵎⵓⵡⴰⵟⵉⵏ ⵢⴻⵔⵏⴰ ⴰⴷ ⵜⴻⵙⵙⴻⵀⵡⴻⵏ ⵓⴹⴻⴼⴼⴻⵔ ⵏ ⵢⵉⵙⴰⵍⵉⵢⴻⵏ ⴷⴻⴳ ⵜⵡⵉⵍⴰⵢⵉⵏ ⴷ ⵜⵖⵉⵡⴰⵏⵜⵉⵏ ⴰⵔⵎⵉ ⴷ ⴱⴻⵔⵔⴰ ⵏ ⵜⵎⵓⵔⵜ.

ENTV Banner