ⵢⴻⴱⴷⴰ, ⵡⴰⵙⵙ-ⴰ ⵏ ⵜⵜⵍⴰⵜⴰ, ⴷⴻⴳ ⵓⵙⴰⴳⴻⵏ ⵏ ⵄⴻⵏⵏⴰⴱⴰ, ⵓⵎⴰⵀⵉⵍ ⵏ ⵓⵄⴻⴱⴱⵉ ⵏ 22 ⵏ ⵡⴰⴳⵉⵎⴰⵏ ⵏ ⵢⵉⵟⵓⵏⵏⵓⵏⴻⵏ ⵏ ⵢⵉⵙⵉⵔⵉⵢⴻⵏ ⵏ ⵓⵚⴻⵍⴱⵉ (barres d'acier) ⵉ ⵏⴼⴰⵄ ⵏ ⵜⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ-ⵜⴰⵇⴰⵔⵉⵜ ⵏ ⵓⵚⴻⵍⴱⵉ (AⵇS). ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⵎⵓⵀⴻⵍ ⵏ ⵓⵙⵓⴼⴼⴻⵖ (exportation) ⵖⴻⵔ ⵜⵎⵓⵔⵜ ⵏ ⵟⵟⴰⵍⵢⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵉ ⴷ-ⵢⴻⴼⴼⵖⴻⵏ ⵙⴻⴳ ⵜⵎⵓⵙⵏⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ.
ⴰⵙⵉⵡⴹ-ⴰⴳⵉ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ. ⵉⵙⵡⵉ-ⵉⵙ ⴷ "ⵓⵙⵏⴻⵔⵏⵉ ⵏ ⵓⵙⵡⵉⵔ ⵏ ⵢⵉⵎⴻⵥⵍⴰ ⴷⴻⴳ ⵢⵉⵙⴰⴳⵏⴻⵏ ⵜⴰⵖⴻⵍⵏⴰⵡⴻⵏ, ⴷ ⵓⵟⵎⴰⵏ ⵏ ⵓⵙⴼⵓⵍⴻⵍ (accompagnement) ⵉⵕⴻⵙⵙⴰⵏ ⵉ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⵉⵅⴻⴷⴷⵎⴻⵏ ⴷⴻⴳ ⵓⵙⵓⴼⴼⴻⵖ ⵓⴼⴼⵉⵔ ⵏ ⵢⵉⵎⴻⵔⵢⴰⵏ (hydrocarbures), ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵙⴻⵍⴽⴻⵎ ⵏ ⵜⵙⵔⴻⵟ ⵏ ⵡⴰⵏⵏⴰⵔ ⵏ ⵓⵎⵓⵍⵍⵉ ⵏ ⵢⵉⵎⴻⵥⵍⴰ ⵏ ⵢⵉⵙⴰⴳⵏⴻⵏ (ⵙⴻⵔⵒⵓⵔⵜ)".
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵎⵓⵙⵏⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵜⴻⵙⵙⴻⵔⵔⴻⵙ ⵢⴰⴽⴽ ⴰⵍⵍⴰⵍⴻⵏ ⵏ ⵜⴰⵍⵙⴰ ⴷ ⵡⴰⵍⵍⴰⵍⴻⵏ ⵏ ⵍⵍⵙⴰⵙ ⵉ ⵓⵟⵎⴰⵏ ⵏ ⵜⵉⴷⴷⵉ ⵢⴻⵍⵀⴰⵏ ⵏ ⵓⵎⴰⵀⵉⵍ ⵏ ⵓⵄⴻⴱⴱⵉ, ⵉⵡⴰⴽⴽⴻⵏ ⴰⴷ ⵜⵜⵓⵙⴻⴽⵔⴻⵏⵜ ⵜⵎⵓⵀⴰⵍ-ⴰⴳⵉ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ ⵙ ⵍⵇⴻⴷⴷ ⴰⵎⴻⵇⵇⵔⴰⵏ.
ⴰⵔⵔⴰⵜ-ⵏⵏⵉ ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ "ⵜⴻⵜⵜⴻⴽⴽⵉ ⴷⴻⴳ ⵓⴷⴻⴳⴳⴻⵔ ⵏ ⵢⵉⵎⵓⴼⴼⴻⵖⴻⵏ ⵜⴰⵖⴻⵍⵏⴰⵡⴻⵏ ⵓⴼⴼⵉⵔ ⵏ ⵢⵉⵎⴻⵔⵢⴰⵏ ⴷ ⵓⵙⴼⵓⵍⴻⵍ ⵏ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ, ⴰⵢⴰⴳⵉ ⵉ ⵓⵙⴻⴶⵀⴻⴷ ⵏ ⵓⵜⴻⴽⴽⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ. ⴷⴰⵖⴻⵏ, ⵜⴻⵙⵙⴻⵏⴽⴰⴷ ⵜⴰⵣⵎⴻⵔⵜ ⵏ ⵓⵙⴰⴳⴻⵏ ⵉ ⵓⵙⴻⴶⵀⴻⴷ ⵏ ⵓⵎⵣⵉⵣⵡⴻⵔ (compétitivité) ⵏ ⵓⴼⴰⵔⵉⵙ ⴰⵣⵣⴰⵢⵔⵉ ⴷⴻⴳ ⵢⵉⴳⴻⴷⴻⵣⴻⵏ ⵉⴳⵔⴰⵖⵍⴰⵏⴻⵏ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵜⴻⵎⴳⵓⵔⵉ ⵏ ⵓⵣⵣⴰⵍ ⴷ ⵓⵚⴻⵍⴱⵉ".
ⴰⵔⵏⵓ ⵖⴻⵔ
