ⴽⴻⵎⵣⵓⵏ ⵢⵉⵎⵓⵀⴻⵍⵍⴻⵏ ⵏ ⵓⵏⴻⴽⵛⵓⵎ ⵓⴷⴰⵢ (ⵚⵚⴰⵀⵢⵓⵏ ), ⴰⵙⵙ-ⴰ ⵏ ⵜⵜⵍⴰⵜⴰ, 19 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵙⴻⵍⴷ ⵢⵉⵡⴻⵜ ⵏ ⵜⵉⴳⴳⴰⵡⵜ ⵏ ⵓⴽⵎⴰⵣ ⵉ ⵢⴻⵏⵏⴰⵍⴻⵏ ⴰⵟⴰⵙ ⵏ ⵜⴰⵎⵉⵡⵉⵏ ⴷⴻⴳ ⵜⴰⵎⴰ ⵜⵓⵜⵔⵉⵎⵜ ⵢⴻⵜⵜⵡⴰⵃⵔⴻⵙⴻⵏ, ⴰⴽⴽⴻⵏ ⵉ ⴷ-ⵜⴻⵡⵡⵉ ⵜⵙⴻⵏⵏⴰⴼⵜ ⵏ ⵢⵉⵙⴰⵍⵍⴻⵏ ⵜⴰⴼⴰⵍⴻⵙⵟⵉⵏⵉⵜ (ⵡⴰⴼⴰ).
ⵜⴻⵏⵏⴰ-ⴷ ⵜⵙⴻⵏⵏⴰⴼⵜ ⴱⴻⵍⵍⵉ ⵉⵎⵓⵀⴻⵍⵍⴻⵏ ⵏ ⵓⵏⴻⴽⵛⵓⵎ ⵓⴷⴰⵢ ⵟⵟⴼⴻⵏ 8 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⴷⵉⵏⵜ ⵏ ⵏⴰⴱⵍⵓⵙ, ⴷ ⵙⵉⵏ ⵏ ⵢⵉⵍⵎⴻⵣⵢⴻⵏ ⴷⴻⴳ ⵓⴳⴰⴼⴰ ⵏ ⵍⵇⵓⴷⵙ ⵢⴻⵜⵜⵡⴰⵃⵔⴻⵙⴻⵏ, ⵙⴻⵍⴷ ⵎⵉ ⴷ-ⴳⵔⴻⵏ ⵖⴻⵔ ⵢⵉⵅⵅⴰⵎⵎⴻⵏ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵜⴻⵏ-ⵣⴻⵟⵟⴻⴹⴻⵏ
ⴷⴰⵖⴻⵏ, ⴽⴻⵎⵣⵓⵏ ⵙⵉⵏ ⵏ ⵢⵉⵍⵎⴻⵣⵢⴻⵏ ⴷⴻⴳ ⵜⴻⵎⴷⵉⵏⵜ ⵏ ⵜⵓⵍⴽⴰⵔⴻⵎ, ⵢⵉⵡⴻⵏ ⴷⴻⴳ ⵜⴰⴷⴷⴰⵔⵜ ⵏ ⴱⵔⵓⵇⵉⵏ ⴷ ⵡⵉⵙ ⴽⵓⵣ ⴷⴻⴳ ⵓⵏⵥⵓⵍ ⵏ ⴱⵉⵜ ⵍⴻⵃⴻⵎ. ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⴽⴻⵎⵣⵓⵏ 5 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵏⵏⵉⴹⴻⵏ ⴷⴻⴳ-ⵙⴻⵏ ⵢⵉⵡⴻⵏ ⵏ ⵡⴻⵇⵛⵉⵛ ⴷⴻⴳ ⵜⴰⴷⴷⴰⵔⵜ ⵏ ⴱⴻⵉⵜ ⵓⵎⵎⴰⵔ, ⴷⴻⴳ ⵓⴳⴰⴼⴰ ⵏ ⵍⵅⴰⵍⵉⵍ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵏⴻⴽⵛⵓⵎ ⵓⴷⴰⵢ ⵉⵜⴻⴷⴷⵓ ⴷⴻⴳ ⵜⵎⵓⵀⴰⵍ-ⵉⵙ ⵏ ⵓⵄⴻⵏⴼⴰⴹ (repression) ⴷ ⵓⵙⵜⵓⵟⵟⴻⵍ (settlement) ⴷⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵢⴻⵜⵜⵡⴰⵃⵔⴻⵙⴻⵏ ⵙ ⵜⴰⵔⵔⴰⵢⵜ ⵏ ⵓⵏⴻⴽⵛⵓⵎ ⵏ ⴷⴷⵔⴻⵄ ⵖⴻⵔ ⵢⵉⵅⵅⴰⵎⵎⴻⵏ ⴷ ⵓⵟⵟⴰⴼ ⵏ ⵢⵉⵎⴻⵣⴷⴰⵖ-ⵏⵙⴻⵏ, ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ ⵜⴰⵍⵍⴻⵍⵜ ⵉ ⵟⴰⴽ ⵉ ⵢⵉⵎⵙⵜⵓⵟⵟⵍⴻⵏ (settlers) ⵉ ⵓⵃⵓⵟⵟⵓ ⵏ ⵢⵉⵣⴻⵔⴼⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵜⵓⴽⴻⵔⴹⴰ ⵏ ⵡⴰⴽⴰⵍ-ⵏⵙⴻⵏ ⵎⴻⴱⵍⴰ ⴰⵣⵔⴻⴼ.
ⵜⴰⴷⴱⴻⵍⵜ ⵜⴰⵙⴰⵀⵢⵓⵏⵉⵜ ⵜⴻⵜⵜⴽⴻⵎⵎⵉⵍ ⴷⴻⴳ ⵢⵉⵙⴻⵏⴼⴰⵔⴻⵏ-ⵉⵙ ⵏ ⵓⵙⵜⵓⵟⵟⴻⵍ ⵉⵡⴰⴽⴽⴻⵏ ⴰⴷ ⴷ-ⵜⴰⵡⵉ ⴰⴽⴰⵍ ⴰⵎⴻⵇⵇⵔⴰⵏ ⵏ ⴼⴰⵍⴻⵙⵟⵉⵏ ⵓ ⴰⴷ ⵜⴻⵙⵙⴻⴶⵀⴻⴷ ⴰⵙⴻⵀⵔⴻⵙ-ⵉⵙ ⴼⴻⵍⵍ-ⴰⵙ, ⵎⴻⴱⵍⴰ ⵎⴰ ⵢⴻⵍⵍⴰ-ⴷ ⵓⵏⴻⴷⵊⵉ ⵉⵡⴰⴽⴽ ⴰⴷ ⴷ-ⵜⴻⵃⴱⴻⵙ ⵜⵉⴳⴳⴰⵜⵉⵏ-ⴰⴳⵉ ⵎⴳⴰⵍ ⵢⵉⵎⵜⴰⵡⴰⵏ ⴷ ⵢⵉⵙⴰⴷⵓⴼⴻⵏ ⵉⴳⵔⴰⵖⵍⴰⵏⴻⵏ.
ⴰⵔⵏⵓ ⵖⴻⵔ
