ⵜⵏⴻⴼⵔⵓⵜ: ⵜⴰⴳⵔⴰⵢⵜ ⵏ ⵜⵙⴻⵎⵎⵓⵏⵜ ⵏ ⵓⵙⵉⵍⴻⵖ ⵖⴻⴼ ⵜⵏⴻⴼⵔⵓⵜ ⵏ ⵜⵎⴻⵏⴹⴰⵡⵜ ⴷⴻⴳ ⵜⴻⵙⴷⴰⵡⵉⵜ ⵏ ⵏⴰⵄⴰⵎⴰ

ⵜⵏⴻⴼⵔⵓⵜ: ⵜⴰⴳⵔⴰⵢⵜ ⵏ ⵜⵙⴻⵎⵎⵓⵏⵜ ⵏ ⵓⵙⵉⵍⴻⵖ ⵖⴻⴼ ⵜⵏⴻⴼⵔⵓⵜ ⵏ ⵜⵎⴻⵏⴹⴰⵡⵜ ⴷⴻⴳ ⵜⴻⵙⴷⴰⵡⵉⵜ ⵏ ⵏⴰⵄⴰⵎⴰ

ⵜⴼⵓⴽⴽ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⴻⵙⴷⴰⵡⵉⵜ "ⵙⴰⵍⵃⵉ ⴰⵃⵎⴻⴷ" ⵏ ⵏⴰⵄⴰⵎⴰ ⵜⵙⴻⵎⵎⵓⵏⵜ ⵜⴰⵎⴻⵏⵣⵓⵜ ⵏ ⵓⵙⵉⵍⴻⵖ ⵖⴻⴼ "ⵜⵏⴻⴼⵔⵓⵜ ⵏ ⵜⵎⴻⵏⴹⴰⵡⵜ", ⵉ ⴷ-ⵜⴻⵙⵙⵓⴷⴷⴻⵙ ⵜⴰⵙⵏⵉⴼⴻⵔⵉⵜ ⵏ ⵜⵎⴻⵏⴹⴰⵡⵜ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵏⴻⵔⵏⵉ ⵜⵉⵣⴻⵎⵎⴰⵔ ⵜⵓⵣⵔⵉⴼⵉⵏ ⵜⴰⵖⴻⵍⵏⴰⵡⵉⵏ ⵉ ⵉⵣⴻⵎⵔⴻⵏ ⴰⴷ ⵙⵏⴻⵔⵏⵉⵏⵜ ⵜⵓⵙⵙⵏⴰ ⵏ ⵜⵎⴻⵏⴹⴰⵡⵜ ⴷ ⵓⴼⵓⵙ ⵏ ⵓⵡⴰⵏⴰⴽ ⵏ ⵡⴻⵣⵔⴻⴼ ⴷ ⵜⵎⵓⵙⵏⵉⵡⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⴰⴳⴳⴰⵔⴰ ⵏ ⵜⵙⴻⵎⵎⵓⵏⵜ-ⴰⴳⵉ.

ⵜⵙⴻⵎⵎⵓⵏⵜ-ⴰⴳⵉ, ⵉ ⵙⵙⴻⴷⴷⵔⴻⵏ ⵢⵉⵎⴰⵙⵍⴰⴷⴻⵏ ⵏ ⵜⴰⵙⵏⵉⴼⴻⵔⵉⵜ ⵏ ⵜⵎⴻⵏⴹⴰⵡⵜ ⴷ ⵏⴼⵉⵜ ⵏ ⵢⵉⵎⵓⵙⵙⵏⴰⵡⴻⵏ ⵏ ⵓⵣⴻⵔⴼ ⴷ ⵢⵉⵙⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵜ, ⵢⴻⵔⵏⴰ-ⴷ ⵓⴼⵔⴰⵇ ⵏ ⵜⴻⴳⴻⵔⴷⴰⵙⵉⵏ ⵉ ⵢⵉⵏⴻⵍⵎⴰⴷⴻⵏ ⵏ ⴷⵓⴽⵜⵓⵔⴰ ⴷ ⵎⵎⴰⵙⵟⴻⵔ ⵏ ⵜⴻⵙⴷⴰⵡⵉⵢⵉⵏ ⵏ ⵓⵎⴰⵍⵓ ⵏ ⵜⵎⵓⵔⵜ. ⵜⴻⵙⵙⴻⴽⵏⴻⴷ-ⴷ ⴰⵣⴰⵍ ⵉⵕⴻⵙⵙⴰⵏ ⵙⴻⵍⴷ ⵓⴱⴻⴷⴷⴻⵍ ⴰⵙⴰⴷⵓⴼⴰⵏ ⵏ 2020 ⵉ ⴷ-ⵢⴻⵡⵡⵉⵏ ⵓⴱⴻⴷⴷⴻⵍ ⵓⴼⵔⵉⵏ ⴷⴻⴳ ⵓⵏⴰⴳⵔⴰⵡ ⵏ ⵜⵏⴻⴼⵔⵓⵜ ⵏ ⵜⵎⴻⵏⴹⴰⵡⵜ ⵏ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵉⵙⵙⴻⴼⵀⴻⵎ ⵓⵎⴰⵙⵍⴰⴷ ⵏ ⵜⴰⵙⵏⵉⴼⴻⵔⵉⵜ, ⵎⴰⵙⵙ ⵎⴻⵙⴱⴰⵃ ⵎⴻⵏⴰⵙ, ⴷⴻⴳ ⵜⵎⵓⵖⵍⵉ-ⵙ ⵖⴻⴼ ⵓⵙⵉⵡⴹ ⴰⵎⴰⵜⵓ.

ⵎⴰⵙⵙ ⵎⴻⵏⴰⵙ ⵢⴻⵔⵏⴰ-ⴷ ⴱⴻⵍⵍⵉ "ⴰⴱⴻⴷⴷⴻⵍ ⴰⵙⴰⴷⵓⴼⴰⵏ ⵏ 2020 ⵢⴻⵙⵙⴻⵔⵙ ⵍⵍⵙⴰⵙⴻⵏ ⵏ ⵢⵉⵡⴻⵜ ⵏ ⵜⵎⵓⵙⵏⵉ ⵏ ⵜⵎⴻⵏⴹⴰⵡⵜ ⵜⴰⵎⴰⵢⵏⵓⵜ, ⵢⴻⵙⵙⴻⴶⵀⴻⴷ ⵜⵉⵣⴻⵎⵎⴰⵔ-ⵉⵙ ⵢⴻⵔⵏⴰ ⵢⴻⴳⴳⵔⴻⵣ ⵜⴰⵔⵔⴰⵢⵜ ⵏ ⵡⴰⴷⴷⴻⴳ ⴷⴻⴳ ⵓⵔ-ⵜⴰⵎⴻⵏⴹⴰⵡⵜ ⴰⵎ ⵓⵣⵔⴻⴼ ⵉⵕⴻⵙⵙⴰⵏ ⵉ ⵓⵖⵔⵉⵎ ⵉⵡⴰⴽⴽⴻⵏ ⴰⴷ ⵉⵃⵔⴻⵣ ⵢⵉⵣⴻⵔⴼⴰⵏ-ⵉⵙ ⴷ ⵜⵉⵍⴻⵍⵍⵉⵡⵉⵏ-ⵉⵙ".

ⴰⵎⴰⵙⵍⴰⴷ-ⴰⴳⵉ ⵏ ⵜⴰⵙⵏⵉⴼⴻⵔⵉⵜ ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴰⵎⴰⵙⵙⴰⵏⵜ ⵜⴻⵙⴷⵓⴽⴻⵍ ⴳⴰⵔ ⵓⵏⴰⴷⵉ ⵜⵉⴳⴷⴻⵎⴰⵏⵜ ⴷ ⵜⵎⵓⵖⵍⵉ ⵜⴰⵜⵉⴽⵏⵉⴽⵜ, ⵉⵡⴰⴽⴽⴻⵏ ⴰⴷ ⴷ-ⵉⵙⵙⴻⵎⵔⴻⵙ ⵜⴰⵔⵔⴰⵢⵉⵏ ⵏ ⵜⵏⴻⴼⵔⵓⵜ ⵏ ⵜⵎⴻⵏⴹⴰⵡⵜ ⵉ ⵢⵉⵎⵓⵙⵙⵏⴰⵡⴻⵏ ⵏ ⵜⴻⵙⴷⴰⵡⵉⵜ, ⵙⴻⵍⴷ ⵓⴷⵉⵡⴻⵏⵏⵉ ⵍⵇⴰⵢⴻⵏ ⵉ ⴷ-ⵢⵉⵍⵍⴰⵏ ⴷⴻⴳ ⵢⴰⴽⴽ ⵢⴻⵙⵡⵉⵔⴻⵏ ⵏ ⵓⵙⵉⵍⴻⵖ.

ⵉⵙⵙⴻⴼⵀⴻⵎ-ⴷ ⴷⴰⵖⴻⵏ ⴱⴻⵍⵍⵉ ⵜⴰⵙⴻⵎⵎⵓⵏⵜ-ⴰⴳⵉ ⵜⴰⵎⴻⵏⵣⵓⵜ ⵉ ⴷ-ⵢⵉⵍⵍⴰⵏ ⵙⴻⴳ 5 ⵖⴻⵔ 7 ⵢⴻⴱⵔⵉⵔ ⴷⴻⴳ ⵏⴰⵄⴰⵎⴰ, ⴰⴷ ⴷ-ⴹⴼⵔⴻⵏⵜ ⴽⵔⴰⴷⴻⵜ ⵏ ⵜⵙⴻⵎⵎⵓⵢⵉⵏ ⵏⵏⵉⴹⴻⵏ ⴷⴻⴳ ⵜⴻⵙⴷⴰⵡⵉⵜ ⵏ ⴱⴰⵜⵏⴰ (ⵙⴻⴳ 13 ⵖⴻⵔ 15 ⵢⴻⴱⵔⵉⵔ), ⴷⴻⴳ ⵜⴻⵙⴷⴰⵡⵉⵜ ⵏ ⵄⴻⵏⵏⴰⴱⴰ (ⵙⴻⴳ 19 ⵖⴻⵔ 21 ⵢⴻⴱⵔⵉⵔ) ⵓ ⴷⴻⴳ ⵓⴱⵉⵕⵓ ⵏ ⵜⴰⵙⵏⵉⴼⴻⵔⵉⵜ ⵏ ⵜⵎⴻⵏⴹⴰⵡⵜ (ⵙⴻⴳ 26 ⵖⴻⵔ 28 ⵢⴻⴱⵔⵉⵔ).

ⴰⵀⵉⵍ ⵏ ⵓⵙⵉⵍⴻⵖ-ⴰⴳⵉ ⵢⴻⵡⵡⵉ-ⴷ ⵖⴻⴼ: "ⵜⵉⵣⵔⵉ ⵜⴰⵎⴰⵜⵓⵜ ⵏ ⵜⵎⴻⵏⴹⴰⵡⵜ ⴷ ⵓⵏⴰⴳⵔⴰⵡ ⴰⵙⴰⴷⵓⴼⴰⵏ ⵏ ⵍⴻⵣⵣⴰⵢⴻⵔ", "ⵜⵉⵣⴻⵎⵎⴰⵔ ⵜⵉⵎⴰⵢⵏⵓⵜⴻⵏ ⵏ ⵜⴰⵙⵏⵉⴼⴻⵔⵉⵜ ⵏ ⵜⵎⴻⵏⴹⴰⵡⵜ", "ⴰⵣⴻⵟⵟⴻⴹ ⴰⵙⴰⴷⵓⴼⴰⵏ", "ⵢⵉⵣⴻⵔⴼⴰⵏ ⵏ ⵍⵍⵙⴰⵙ ⴷ ⵜⵉⵍⴻⵍⵍⵉⵡⵉⵏ ⵜⵉⵎⴰⵜⴰⵏⵉⵏ", "ⵜⴰⵔⵔⴰⵢⵉⵏ ⵏ ⵡⴰⴷⴷⴻⴳ ⴷⴻⴳ ⵓⵔ-ⵜⴰⵎⴻⵏⴹⴰⵡⵜ", "ⵜⴰⵔⵔⴰⵢⵉⵏ ⵏ ⵓⵙⴻⴳⵣⴰⵢ ⴰⵙⴰⴷⵓⴼⴰⵏ" ⴷ "ⵢⵉⵎⴻⵏⵏⵓⵖⴻⵏ ⵏ ⵜⴻⴼⵔⴰⵏⵉⵏ".