ⵢⴻⵔⵙ-ⴷ ⵓⴽⴻⵕⵡⴰⵏ ⵏ ⵉⵎⴰⵍⴰⵙ ⵏ ⵍⵃⴻⴶ ⵙ ⵓⵣⴻⵏⵣⵉⵖ "ⵙⴻⴳ ⵔⵔⴻⴹⴰ ⵖⴻⵔ ⵙⵙⴰⵄⴰⴷⴰ", ⵉ ⴷ-ⵉⵜⵜⵓⵏⴻⵎⵍⴻⵏ ⵉ ⵓⵙⵉⵍⴻⵖ ⴷ ⵓⵙⵙⴻⵜⴼⴻⵀⵎ ⵏ ⵢⵉⵃⵓⴶⴶⴰⴶ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴶⴰⵎⴻⵄ ⴰⵎⴻⵇⵇⵔⴰⵏ "ⴰⴱⴷⴻⵍⵀⴰⵎⵉⴷ ⵉⴱⵏ ⴱⴰⴷⵉⵙ" ⴷⴻⴳ ⵡⴰⵀⵔⴰⵏ.
ⴰⵎⴹⴻⴱⴱⴻⵔ ⵏ ⵜⴻⵣⵔⴰⵡⵉⵏ ⴷ ⵜⴻⵢⵡⴰⵍⵜ ⴷⴻⴳ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵍⵃⴻⴶ ⴷ ⵍⵄⵓⵎⵔⴰ, ⵎⴰⵙⵙ ⵎⵓⵀⴰⵎⴻⴷ ⵣⴻⵔⵔⵓⵓⵇⵉ, ⵉⵙⵙⴻⴼⵀⴻⵎ-ⴷ ⵉ ⵜⵙⴻⵏⵏⴰⴼⵜ ⵏ ⵢⵉⵙⴰⵍⵍⴻⵏ (AⵒS) ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵏ ⵓⵙⵙⴻⵜⴼⴻⵀⵎ ⵜⴻⴱⴹⴰ ⴷ ⵙⵉⵏ ⵏ ⵢⵉⵃⵔⵉⵛⴻⵏ: ⴰⵃⵔⵉⵛ ⴰⵎⵓⵖⵍⴰⵏ (ⵜⵀéⵓⵔⵉⵇⵓⴻ) ⵉ ⴷⴻⴳ ⵢⵉⵃⵓⴶⴶⴰⴶ ⵜⵜⵎⴻⵙⵍⴰⵢⴻⵏ ⵙ ⵜⵜⴰⵡⵉⵍⴰⵜ ⵏ ⵜⴻⵢⵡⴰⵍⵜ ⵏ ⵓⵙⵉⵔⴻⵎ ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴷⴷⵉⵏ, ⴷ ⵓⵃⵔⵉⵛ ⵡⵉⵙ ⵙⵉⵏ ⵏ ⵓⵙⵏⴻⵙ (ⵒⵔⴰⵜⵉⵇⵓⴻ) ⵉ ⴷⴻⴳ ⵢⵉⵎⴹⴻⴱⴱⵔⴻⵏ ⵏ ⵓⵙⵉⵔⴻⵎ ⴷ ⵢⵉⵎⵛⴻⴷⴷⵉⵡⴻⵏ-ⵏⵙⴻⵏ ⵉⵟⵟⴰⴽⴻⵏ ⵉⵙⴻⴳⵣⴰⵢⴻⵏ ⵏ ⵡⴰⵏⵏⴰⵔ. ⴰⵢⴰⴳⵉ ⵢⴻⵎⵎⴰⵍ-ⴷ ⴰⵎⴻⴽ ⵉ ⴷ-ⵉⵜⴻⵇⵇⵔⴻⴱ ⵓⵙⵉⵔⴻⵎ ⴰⵖⴻⵍⵏⴰⵡ ⵖⴻⵔ ⵢⵉⵃⵓⴶⴶⴰⴶ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ.
ⵉⵙⵡⵉ ⵏ ⵜⵉⴳⴳⴰⵡⵜ-ⴰⴳⵉ, ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ 15 ⴷⴻⴳ ⵡⴰⴳⴳⵓⵔ-ⴰⴳⵉ, ⴷ ⴰⵙⴰⵍⵉ ⵏ ⵍⵃⵉⵙ ⵏ ⴷⴷⵉⵏ ⴷ ⵓⵙⵓⴷⴷⴻⵙ ⴳⴰⵔ ⵢⵉⵃⵓⴶⴶⴰⴶ, ⴷ ⵜⵓⴽⵛⵉ ⵏ ⵜⵉⵡⴰⵍⵍⵉⵣⵉⵏ ⵏ ⵜⴰⵣⵣⵉⵜ ⴷ ⵡⴰⵍⵍⴰⵍⴻⵏ ⵏ ⵓⵊⴻⵔⵔⴻⴷ ⵉ ⵓⵙⴼⵓⵍⴻⵍ-ⵏⵙⴻⵏ ⴷⴻⴳ ⵢⴰⴽⴽ ⵢⴻⵙⵡⵉⵔⴻⵏ ⵏ ⵓⵀⴻⴳⴳⵉ ⵉ ⵜⵉⴳⴳⴰⵜⵉⵏ ⵏ ⵍⵃⴻⴶ .
ⴷⴻⴳ ⵜⴰⵍⵍⵉⵜ-ⴰⴳⵉ, ⵙⵙⴻⵔⵙⴻⵏ ⵢⵉⵡⴻⵏ ⵏ ⵓⵣⴻⵏⵣⵉⵖ (ⵎⴰⵇⵓⴻⵜⵜⴻ) ⵏ ⵍⴽⴻⵄⴱⴰ ⵜⴰⴱⴰⵕⴰⴽⵜ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⴰⵎⴻⴷⵢⴰ ⵏ ⵡⴰⵎⴻⴽ ⴰⵔⴰ ⵅⴻⴷⵎⴻⵏ ⵜⵉⴳⴳⴰⵜⵉⵏ ⵏ ⵍⵃⴻⴶ ⵙⴻⴳ ⵓⵃⵔⴰⵎ ⴰⵔⵎⵉ ⴷ ⵜⴰⵡⴰ ⵏ ⵍⵡⴰⴷⴰⵄ, ⵓⵄⴻⴷⴷⵉ ⵙ ⵜⴰⵡⴰ, ⴰⵙⵄⵉ ⴳⴰⵔ ⵚⵚⴰⴼⴰ ⴷ ⵍⵎⴻⵔⵡⴰ, ⴰⵙⵙ ⵏ ⵜⴻⵔⵔⵡⵉⵢⴰ, ⵍⵡⴰⵇⴼⴰ ⵏ ⵄⴰⵔⴰⴼⴰ, ⵉⴹ ⴷⴻⴳ ⵎⵓⵣⴷⴰⵍⵉⴼⴰ, ⴷ ⵓⵕⴻⴳⴳⴻⵎ ⵏ ⵜⵊⴻⵎⵔⵉⵏ.
ⵙⴻⴳ ⵜⴰⵎⴰ-ⵙ, ⴰⵎⴹⴻⴱⴱⴻⵔ ⴰⴷⵉⴳⴰⵏ ⵏ ⵜⴻⵎⵙⴰⵍ ⵏ ⴷⴷⵉⵏ, ⵎⴰⵙⵙ ⵍⴰⴽⵀⴷⴰⵔ ⴳⴰⴷⴷⴰⵔⵉ, ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⴰⴽⴻⵕⵡⴰⵏ-ⴰⴳⵉ ⴷ ⴰⴽⴻⵎⵎⴻⵍ ⵉ ⵜⵙⴻⵎⵎⵓⵢⵉⵏ ⵏ ⵓⵙⵉⵍⴻⵖ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵙⵉⵍⴻⵖ ⵏ ⵜⵥⴰⵜ ⵏ ⵜⴷⴰⵢⵔⵉⵏ ⵏ ⵜⵡⵉⵍⴰⵢⵜ. ⵉⵙⵏⴻⴽⵏⴰⴷ-ⴷ ⴷⴰⵖⴻⵏ ⴱⴻⵍⵍⵉ ⵜⵉⵏⵉⴳ ⵜⴰⵎⴻⵏⵣⵓⵜ ⵏ ⵢⵉⵃⵓⴶⴶⴰⴶ-ⵏⵏⴻⵖ ⵖⴻⵔ ⵢⵉⵎⵓⴽⴰⵏ ⵓⴼⵔⵉⵏⴻⵏ ⵙⴻⴳ ⵓⵙⴰⴳⴻⵏ ⵏ ⵡⴰⵀⵔⴰⵏ "ⴰⵃⵎⴻⴷ ⴱⴻⵏ ⴱⴻⵍⵍⴰ" ⴰⴷ ⴷ-ⵜⵉⵍⵉ ⴷⴻⴳ 2 ⵎⴰⵢⵓ ⵉ ⴷ-ⵉⵜⵜⴻⴷⴷⵓⵏ.
ⵉⵡⴰⴽⴽⴻⵏ ⴰⴷ ⵏⵣⴻⵔ, ⴰⴽⴻⵕⵡⴰⵏ-ⴰⴳⵉ ⵉ ⴷ-ⵢⴻⴱⴷⴰⵏ ⵙ ⵍⵉⵛⴰⵕⴰ ⵏ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⴰⵙⵙ ⵏ ⵍⴻⵜⵏⵉⵢⴻⵏ ⵙⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⴷ ⵉⵄⴻⴷⴷⵉ ⵖⴻⴼ ⵇⵙⴻⵏⵟⵉⵏⴰ, ⵍⴻⵖⵡⴰⵟ ⴷ ⴰⴷⵔⴰⵔ, ⵓ ⴰⴷ ⵉⴼⵓⴽⴽ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵙ ⵓⵎⵙⴰⵙⴻⵢ ⴷ ⵢⵉⵎⴻⵥⵍⴰ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵍⵃⴻⴶ ⴷ ⵍⵄⵓⵎⵔⴰ.
ⴰⵔⵏⵓ ⵖⴻⵔ
