ⵡⵉⵀⵔⴰⵏ – ⵜⴰⵥⵔⵉⴳⵜ ⵜⵉⵙ ⴽⵔⴰⴹ ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵙⴻⵡⵍⴻⴼ ⵥⵥⵓⵏⵥⴰⵏ-ⵜ, ⴰⵙⵙ ⵏ ⵓⵙⵉⴹⵢⴰⵙ ⵜⴰⵎⴻⴷⴷⵉⵜ, ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⴰⴽⴽⴻⴷ ⵜⵥⵓⵔⵉⵢⵉⵏ « ⵣⴻⴷⴷoⵓⵔ ⵎoⵀⴰⵎⴻⴷ ⵉⴱⵔⴰⵀⵉⵎ ⴻⵍ ⴽⴰⵛⴻⵎ » ⵏ ⵡⵉⵀⵔⴰⵏ, ⴷⴷⴰⵡ ⵏ ⵓⵙⴻⵏⵜⴻⵍ « ⴰⵏⵢⴰ ⵏ ⵜⵎⴻⴷⴷⵓⵔⵜ ⵙ ⵜⵎⵓⵖⵍⵉ ⵏ ⵓⵙⴻⵡⵍⴰⴼ ».
ⵜⴰⵥⵔⵉⴳⵜ-ⴰ ⵜⴻⵙⵙⴻⴳⵔⴻⵡ-ⴷ ⴰⵣⴰⵍ ⵏ 24 ⵏ ⵢⵉⵙⴻⵡⵍⴰⴼⴻⵏ ⵉ ⴷ-ⵢⴻⴽⴽⴰⵏ ⵙⴻⴳ ⵎⴻⵏⵏⴰⵡ ⵏ ⵢⵉⴳⴻⵣⴷⴰ ⵏ ⵜⵎⵓⵔⵜ ⵙⵎⴰⵀⵉⵏ-ⴷ ⵜⵉⵚⴻⴽⴽⵉⵡⵉⵏ ⵉ ⴳⴰⵏ ⴷⴻⴳ ⵜⵡⴰⵍⵉⵡⵉⵏ ⵢⴻⵎⴳⴰⵔⴷⴻⵏ ⵢⴻⵔⵏⴰ ⵎⵉ ⴹⵔⴰⵏⵜ ⵎⴻⵏⵏⴰⵡ ⵏ ⵜⴻⴷⵢⴰⵏⵉⵏ. ⴰⴽⴽ ⵉⵎⴰⵀⵉⵍⴻⵏ ⵉ ⴷ-ⵙⵎⴰⵀⵉⵏ ⴷ ⵉⵏⴰⴳⴰⵏ ⵏ ⵜⴻⵔⵎⵉⵜⵉⵏ ⵜⵉⴱⵓⵖⴰⵔ ⴷⴻⴳ ⵜⵥⵓⵔⵉ ⵏ ⵓⵙⴻⵡⵍⴻⴼ, ⵢⴻⴷⴷⵓⴽⴻⵍ ⵓⵙⴻⵖⵏⴻⵡ, ⵉⵙⴻⵖ ⵏ ⵢⵉⵙⴻⵏⵜⴰⵍ ⴰⴽⴽⴻⴷ ⵜⴻⵜⵡⵉⵍⵉⵏ ⵜⵉⵎⴻⵥⵔⴰⵡⵉⵏ ⵜⴰⵜⵔⴰⵔⵉⵏ.
ⵖⴻⴼ ⵡⴰⴽⴽⴻⵏ ⵉ ⴷ-ⵏⵏⴰⵏ ⵢⵉⵎⵙⵓⴷⴷⵙⴻⵏ, ⵜⴰⵎⴻⵙⴱⴰⵏⵉⵜ-ⴰ ⵜⴰⴷⴻⵍⵙⴰⵏⵜ ⴷ ⵜⴰⵍⴻⵎⵎⵉⵥⵜ ⵏ ⵓⴼⵙⴰⵔ ⵏ ⵜⵉⵙⵙⴻⵖⵏⴻⵡⵜ ⵏ ⵢⵉⵙⴻⵡⵍⴰⴼⴻⵏ ⴰⴽⴽⴻⴷ ⵡⴰⵍⵍⵓⵙ ⵏ ⵓⴷⴻⵔⵔⴻⵔ ⵏ ⵢⵉⵎⴻⵛⵡⴰⵕⴻⵏ ⵢⴻⵎⴳⴰⵔⴷⴻⵏ ⵏ ⵓⵎⵀⴰⵣ ⵏ ⵜⵓⴳⵏⴰ.
ⴰⵢⴰ ⴰⴽⴽ ⵢⴻⵏⴱⴻⵛ-ⴷ ⵢⵉⵡⴻⵜ ⵏ ⵜⵏⴰⴼⵓⵜ ⵉ ⵍⴰ ⵢⴻⵜⵜⵏⴻⵔⵏⵉⵏ ⴷⴻⴳ ⵜⴻⴳⴳⴰⵢⵉⵏ ⵢⴻⵎⴳⴰⵔⴷⴻⵏ ⵏ ⵜⵎⴻⵜⵜⵉ, ⵙⴻⴳ ⵡⴰⴽⴽⴻⵏ ⵉ ⵜⵚⴻⴱⴱⴻⴹ ⵜⵉⴷⵢⴰⵏⵉⵏ ⵉ ⵖⴻⴹⵎⴻⵏ ⴰⴽⵓⴷ ⵢⴰⵍ ⴰⵙⵙ ⵢⴻⵔⵏⴰ ⵜⴻⵙⵙⴻⴳⵔⴻⵡ ⵜⴰⴽⴰⵜⵓⵜ ⵜⴰⵎⴰⵣⴷⴰⵢⵜ.
ⴰⵔⵏⵓ ⵖⴻⵔ
