ⴱⴻⴷⴷⴻⵏⵜ, ⴰⵙⵙ-ⴰ ⵏ ⵜⵜⵍⴰⵜⴰ, ⴷⴻⴳ ⵍⵡⵉⵍⴰⵢⴰ ⵏ ⵛⵛⵍⴻⴼ, ⵜⵉⴳⴳⴰⵜⵉⵏ ⵏ ⵡⴰⴳⵔⴰⵡ ⴰⵖⴻⵍⵏⴰⵡ ⵖⴻⴼ "ⵓⵣⵍⵉⵊ ⴰⵣⵣⴰⵢⵔⵉ, ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵉ ⵓⵇⴷⴻⵛ ⵏ ⵜⵎⴻⵔⵔⵉⵜ ⵜⴰⴷⵓⵢⵎⴰⵏⵜ" ⵙ ⵜⵉⴽⴽⵉ ⵏ ⵢⵉⵎⵓⵙⵏⴰⵡⴻⵏ ⴷ ⵢⵉⵎⴰⵀⵔⴰⴼⴻⵏ ⵙⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ.
ⴷⴻⴳ ⵡⴰⴳⵔⴰⵡ-ⴰⴳⵉ ⵉ ⴷ-ⵢⵉⵀⴻⴳⴳⴰ ⵓⵙⴰⵍⴰⵢ ⴰⵖⴻⵍⵏⴰⵡ ⴰⵣⴰⵢⴻⵣ ⵏ ⵛⵛⵍⴻⴼ ⵖⴻⴼ ⴽⵔⴰⴹ ⵏ ⵡⵓⵙⵙⴰⵏ, ⵍⵍⴰⵏ 26 ⵏ ⵢⵉⵎⴰⵀⵔⴰⴼⴻⵏ ⵏ ⵓⵣⵍⵉⵊ ⴷ ⵓⴼⵓⵣⴻⴼⴼⴰⵣ (ⴼⵓⵙⴰⵢⴼⵉⵙⴰ) ⴷ ⵍⴻⵛⵢⴰⵍ ⵏⵏⵉⴹⴻⵏ ⴰⵎ ⵓⴼⵇⴰⵔ, ⴰⴽⴰⵍ ⵏ ⵙⵙⴻⵔⴰⵎⵉⴽ, ⴰⵙⴻⵏⵏⴰⵜ ⵏ ⵓⵃⴻⵏⴱⴻⵍ, ⵜⵉⵚⵉⵖⴰⵜⵉⵏ ⴷ ⵓⵇⴱⵓⵛ ⴷ ⵓⵙⴻⵏⴼⵓ ⵏ ⵢⵉⴳⴻⵍⵎⴰⵏ ⵙⴻⴳ ⵜⵍⴻⵎⵙⴰⵏ, ⵜⴰⵎⴻⵏⵔⴰⵙⵜ, ⵜⵉⵎⵉⵎⵓⵏ, ⵙⵉⴷⵉ ⴱⴻⵍⵄⴻⴱⴱⴰⵙ, ⴱⴳⴰⵢⴻⵜ, ⵇⵙⴻⵏⵜⵉⵏⴰ ⴷ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ. ⴷⴰⵖⴻⵏ ⵍⵍⴰⵏ ⵢⵉⵙⴻⵍⵎⴰⴷⴻⵏ ⵏ ⵜⵙⴻⴷⴷⴰⵡⵉⵜ ⵏ ⵓⵎⴻⵣⵔⵓⵢ ⴷ ⵜⵓⵙⵏⴰ ⵏ ⵜⴳⴻⵎⵎⵉ.
ⴰⵙⵙ ⴰⵎⴻⵏⵣⵓ ⵏ ⵜⵎⴻⵖⵔⴰ-ⴰⴳⵉ ⵉ ⵓⵃⵔⴻⵣ ⵏ ⵜⴽⴰⵜⵓⵜ ⵜⴰⴷⴻⵍⵙⴰⵏⵜ, ⴼⴽⴰⵏ-ⴷ ⵢⵉⵙⴻⵍⵎⴰⴷⴻⵏ ⵢⵉⵎⵓⵙⵏⴰⵡⴻⵏ ⵏ ⵓⵎⴻⵣⵔⵓⵢ ⵜⵉⵏⴼⵓⵙⵉⵏ ⵖⴻⴼ ⵓⵎⴻⵣⵔⵓⵢ ⵏ ⵓⵣⵍⵉⵊ ⴰⵣⵣⴰⵢⵔⵉ ⴷ ⵓⵎⴳⵉⵔⴻⴷ-ⵉⵙ, ⵙⵙⴽⴰⵏⴻⵏ-ⴷ ⵛⴱⴰⵃⴰ-ⵙ ⴷ ⴷⴷⵓⵔ-ⵉⵙ ⴷⴻⴳ ⵓⵇⴷⴻⵛ ⵏ ⵜⵎⴻⵔⵔⵉⵜ ⵜⴰⴷⴻⵍⵙⴰⵏⵜ ⴷ ⵓⵃⵔⴻⵣ ⵏ ⵜⴽⴰⵜⵓⵜ ⵏ ⵍⴻⴱⵏⵉ ⵉⵎⵉ ⴷ ⴰⵃⵔⵉⵛ ⵏ ⵜⴳⴻⵎⵎⵉ ⵜⴰⵖⴻⵍⵏⴰⵡⵜ.
ⵢⵉⵎⵙⵉⵡⵍⴻⵏ ⵙⵙⴽⴰⵏⴻⵏ-ⴷ ⴷⴰⵖⴻⵏ ⵢⵉⵎⴻⴷⵢⴰⵜⴻⵏ ⵏ ⵓⵣⵍⵉⵊ ⴰⵣⵣⴰⵢⵔⵉ ⵙⴻⴳ ⵜⴰⵎⴰ ⵏ ⵜⵍⵓⵙⵏⵉⵡⵉⵏ ⵏ ⵜⵓⵙⵏⴰⴽⵜ, ⵢⵉⵙⴻⴽⴽⵉⵍⴻⵏ ⴷ ⵢⵉⵏⵉⵜⴻⵏ ⵉ ⴷ-ⵢⴻⵜⵜⵡⴰⵙⴻⵎⵔⵙⴻⵏ, ⴷ ⵡⴰⵎⴻⴽ ⵉ ⵜ-ⵙⴻⵎⵔⴰⵙⴻⵏ ⵉ ⵓⵛⴻⴱⴱⴻⵃ ⵏ ⵍⵇⴰⵄⴰⵜ, ⵢⵉⵖⵓⵔⴱⴰⵏ, ⵜⵉⵍⴰ ⴷ ⵢⵉⴼⴻⴳⴳⴰⴳⴻⵏ ⵏ ⵡⴰⵎⴰⵏ.
ⴷⴻⴳ ⵔⵔⵉⴼ ⵏ ⵡⴰⴳⵔⴰⵡⴻⵏ ⵏ ⵜⵓⵙⵏⴰ, ⵙⵓⴷⴷⵙⴻⵏ ⴰⵙⴼⴰⵢⵍⵓ ⴰⵖⴻⵍⵏⴰⵡ ⵓⵥⵍⵉⴳ ⵉ ⵓⵣⵍⵉⵊ ⴰⵣⵣⴰⵢⵔⵉ, ⴷⴻⴳ-ⵙ ⵓⴳⴰⵔ ⵏ 100 ⵏ ⵜⴼⴻⵔⵎⵉⵏ ⵏ ⵓⵣⵍⵉⵊ ⴷ ⵓⴼⵓⵣⴻⴼⴼⴰⵣ, ⵙ ⵜⵉⴽⴽⵉ ⵏ ⵢⵉⵙⴰⵍⴰⵢⴻⵏ ⵉⵖⴻⵍⵏⴰⵡⴻⵏ ⵏ ⵜⵍⴻⵎⵙⴰⵏ, ⵡⴰⵀⵔⴰⵏ ⴷ ⵇⵙⴻⵏⵜⵉⵏⴰ. ⵉ ⵓⵇⴷⴻⵛ ⵏ ⵜⴳⴻⵎⵎⵉ ⵉ ⵙⵄⴰⵏⵜ ⵍⵡⵉⵍⴰⵢⴰⵜ ⵏ ⵜⵎⵓⵔⵜ, ⴽⴽⴰⵏ-ⴷ ⵢⵉⵙⴼⴰⵢⵍⵓⵜⴻⵏ ⵏ ⵜⵉⵚⵉⵖⴰⵜⵉⵏ, ⵢⵉⵙⴻⵍⵙⴰⵢ ⴷ ⵓⵇⴱⵓⵛ ⴷ ⵍⴻⵛⵢⴰⵍ ⵏ ⵓⴼⵓⵙ.
ⵢⵉⴱⴱⴰⵔⴻⵏ-ⴷ ⴱⴻⵍⵍⵉ ⴰⵙⵙ ⵡⵉⵙ ⵙⵉⵏ ⵏ ⵡⴰⴳⵔⴰⵡ-ⴰⴳⵉ ⴰⵖⴻⵍⵏⴰⵡ ⴰⴷ ⵢⵉⵍⵉ ⵓⵀⴻⴳⴳⵉ ⵏ ⵜⵉⴷⴷⴰⵙ ⵏ ⵜⵓⵙⵏⴰ ⴷ ⵜⵉⴷⴷⴰⵙ ⵏ ⵡⴰⵏⵏⴰⵔ ⵉ ⵢⵉⵏⴻⵍⵎⴰⴷⴻⵏ ⵏ ⵜⵙⴻⴷⴷⴰⵡⵉⵜ ⴷ ⵢⵉⵎⴰⵏⴻⵏ ⵏ ⵓⵙⴰⵍⴰⵢ ⴷ ⵡⵉⴷ ⵉ ⴷ-ⵢⴻⵜⵜⴻⵣⵣⵉⵏ. ⴰⴷ ⵡⴰⵍⵉⵏ ⴰⵎⴻⴽ ⵅⴻⴷⴷⵎⴻⵏ ⵢⵉⵎⴰⵀⵔⴰⴼⴻⵏ ⴰⵣⵍⵉⵊ ⵙⵔⵉⴷ, ⴷ ⵜⵉⴷⴷⴰⵙ ⵏ ⵓⵛⴻⴱⴱⴻⵃ ⴷ ⵓⵙⴻⵍⵎⴻⴷ ⵉ ⴷ-ⵢⵉⵀⴻⴳⴳⴰⵏ ⵉ ⵡⴰⵔⵔⴰⵛ.
ⴰⵔⵏⵓ ⵖⴻⵔ
