ⴰⴳⵔⴰⵡ ⵏ ⵜⵖⴻⵍⵍⵉⵙⵜ ⵏ ⵢⴻⵖⵍⴰⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⵙⵇⵓⵎⵎⴻⵄ ⴰⵣⴻⴽⴽⴰ ⵏ ⵍⴻⵜⵏⵉⵏ, ⴷⴻⴳ ⵢⵉⵡⴻⵜ ⵏ ⵜⵙⵇⴰⵎⵓⵜ ⵏ ⵓⵖⴰⵡⴰⵍ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⵜⵉⵡⴰⵖⵉⵜⵉⵏ ⵏ ⵜⵙⴻⵔⵜⵉⵜ ⴷ ⵍⵇⴰⵏⵓⵏ ⵏ ⵡⴰⵙⵜⵉⵔⴻⴼ ⵏ ⵡⴰⵍⴽⴰⵣ ⴰⵚⵚⵢⵓⵏⵉ ⵙ ⵡⴰⵢⴻⵏ ⵉ ⵡⵓⵎⵉ ⵙⵙⴰⵎⴰⵏ "ⵚⵓⵎⴰⵍⵉⵍⴰⵏⴷ". ⴰⵢⴰⴳⵉ ⵢⵓⵙⴰ-ⴷ ⵙ ⵜⵓⵜⵜⵔⴰ ⵏ ⵜⵏⴰⴱⴰⴹⵜ ⵜⴰⴼⵉⴷⵉⵔⴰⵍⵜ ⵏ ⵚⵚⵓⵎⴰⵍ, ⵉ ⵢⴻⵏⵏⴰⵏ ⴱⴻⵍⵍⵉ ⴰⵍⴽⴰⵣ ⴰⵚⵚⵢⵓⵏⵉ ⵢⴻⴱⵖⴰ ⴰⴷ ⵢⴻⵔⵣ ⵜⴰⵏⴰⵢⴰ ⴷ ⵜⴻⴷⵓⴽⵍⵉ ⵏ ⵜⵎⵓⵔⵜ-ⵏⵙⴻⵏ.
ⵜⴰⵙⵇⴰⵎⵓⵜ-ⴰⴳⵉ ⴰⴷ ⴷ-ⵜⵉⵍⵉ ⴷⴻⴳ ⵓⵅⴰⵎ ⵏ ⵢⴻⵖⵍⴰⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵏⵢⵓⵢⵓⵔⴽ. ⴰⵎⴰⴹⴰⵍ ⴰⴽⴽⵯ ⵢⴻⵔⵊⴰ ⴰⵢⴻⵏ ⴰⴷ ⴷ-ⵢⵉⵏⵉ ⵓⴳⵔⴰⵡ, ⵢⴻⵔⵏⴰ ⵜⵜⵔⴰⵊⵓⵏ ⴰⴷ ⴷ-ⵉⵍⵉⵏ ⵡⴰⵡⴰⵍⴻⵏ ⵉⵇⴻⵙⵙⴰⵏ ⵖⴻⴼ ⵔⵔⴰⵢ ⵏ ⵚⵚⵢⵓⵏⵉ ⵉ ⵢⴻⵣⵎⴻⵔ ⴰⴷ ⵢⴻⵔⵣ ⵍⴻⵀⵏⴰ ⴷ ⵜⵖⴻⵍⵍⵉⵙⵜ ⴷⴻⴳ "ⵉⵛⵛ ⵏ ⵜⴻⴼⵔⵉⵇⵜ" ⴷ ⵢⵉⵍⵍ ⴰⵣⴻⴳⴳⴰⵖ.
ⴰⵢⴰⴳⵉ ⵢⵓⵙⴰ-ⴷ ⴷⴻⴼⴼⵉⵔ ⵎⵉ ⴷ-ⵏⵏⴰⵏⵜ ⵜⵎⵓⵔⴰ ⵜⴰⵄⵔⴰⴱⵉⵏ ⴷ ⵜⵉⵏⴻⵙⵍⵎⵉⵏ ⴱⴻⵍⵍⵉ ⵓⵔ ⵇⴱⵉⵍⴻⵏⵜ ⴰⵔⴰ ⴰⵙⵜⵉⵔⴻⴼ-ⴰⴳⵉ. ⵜⴰⵎⴰⴷⴰⵢⵜ ⵏ ⵜⵎⵓⵔⴰ ⵜⴰⵄⵔⴰⴱⵉⵏ ⴰⴷ ⵜⴻⵙⵇⵓⵎⵎⴻⵄ ⴰⵙⵙ-ⴰ ⵏ ⵍⵃⴻⴷ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⴳⴳⴻⴷ ⵏ ⵜⵏⴰⵢⴰ ⵏ ⵚⵚⵓⵎⴰⵍ.
ⵜⴰⵏⴰⴱⴰⴹⵜ ⵏ ⵚⵚⵓⵎⴰⵍ ⵜⴻⵏⵏⴰ-ⴷ ⴰⵙⵙ ⵏ ⵍⴶⴻⵎⵄⴰ ⵉⴼⵔⵉⵏ ⴱⴻⵍⵍⵉ ⴷ ⴰⵃⵔⵉⵛ ⵓⵔ ⵏⴻⵜⵜⴱⴻⵜⵜⵉⵍ ⵙⴻⴳ ⵜⵎⵓⵔⵜ-ⵏⵙⴻⵏ. ⵢⴻⵔⵏⴰ ⵜⴻⵏⵏⴰ-ⴷ ⴱⴻⵍⵍⵉ ⵜⴻⵜⵜⴻⴷⴷⵓ ⴷ ⵍⵃⴻⵇⵇ ⵏ ⵡⴻⴳⴷⵓⴷ ⵏ ⴼⵉⵍⵉⵙⵟⵉⵏ ⵢⴻⵔⵏⴰ ⵓⵔ ⵜⴻⵇⴱⵉⵍ ⴰⵔⴰ ⴰⴷ ⵜⴻⵍⵍⴻⵢ ⴷⴻⴳ ⵢⵉⵎⴻⵏⵖⵉⵢⴻⵏ ⵏ ⵡⵉⵢⴰⴹ ⴷⴻⴳ ⵜⵎⵓⵔⵜ-ⵉⵙ.
"ⵜⴰⴳⴷⵓⴷⴰ ⵏ ⵚⵓⵎⴰⵍⵉⵍⴰⵏⴷ" ⵜⴻⵣⴳⴰ-ⴷ ⴷⴻⴳ ⵓⴳⴰⴼⴰ ⵓⵜⵔⵉⵎ ⵏ ⵚⵚⵓⵎⴰⵍ. ⵜⴻⵏⵏⴰ-ⴷ ⴱⴻⵍⵍⵉ ⵜⴻⴼⴼⴻⵖ ⵙⴻⴳ ⵚⵚⵓⵎⴰⵍ ⴷⴻⴳ ⵓⵙⴻⴳⴳⴰⵙ ⵏ 1991, ⵎⴰⵛⴰ ⴰⵎⴰⴹⴰⵍ ⴰⴽⴽⵯ ⵓⵔ ⵜⵜ-ⵢⴻⵙⵙⵉⵏ ⴰⵔⴰ ⴰⵎ ⵜⵎⵓⵔⵜ ⵜⴰⵍⴻⵍⵍⵉⵜ.
ⴰⵔⵏⵓ ⵖⴻⵔ
