ⴰⴷⵔⴰⵔ- ⵢⴻⵙⵉⴳⴳ ⵓⵏⴻⵖⵍⴰⴼ ⵏ ⵓⴳⴻⵏⵙⵓ, ⵏ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ ⴷ ⵓⵎⴻⵙⵏⵉ, ⵎⴰⵙⵙ ⵙⴰⵉⴷ ⵙⴰⵢoⵓⴷ, ⴰⵙⵙ ⵏ ⴰⵢⵏⴰⵙ (ⵍⴻⵜⵏⵉⵢⴻⵏ), ⴷⴻⴳ ⵜⴻⵙⵖⵉⵎⵜ ⵏ ⵜⵡⵉⵍⴰⵢⵜ ⵏ ⴰⴷⵔⴰⵔ, ⵜⴰⴼⵓⴳⵍⴰ ⵏ ⵓⵙⴷⴰⴱⵓ ⵏ ⵓⵡⴰⵍⵉ ⴰⵎⴰⵢⵏⵓ ⵏ ⴰⴷⵔⴰⵔ, ⵎⴰⵙⵙ ⴼoⵓⴷⵉⵍ ⴷoⵓⵉⴼⵉ. ⵜⴰⴼⵓⴳⵍⴰ-ⴰ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴻⵍ ⴰⵎⵓⵔⴰⵏ ⴷⴻⴳ ⵜⴼⴻⴽⴽⴰ ⵏ ⵢⵉⵡⴰⵍⵉⵢⴻⵏ ⴷ ⵢⵉⵡⴰⵍⵉⵢⴻⵏ ⵉⵏⴻⵙⵎⵉⴳⴰⵍⴻⵏ ⵉ ⵉⴳⴰ ⴷⴻⴳ ⵜⴰⴳⴰⵔⴰ-ⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ.
ⵜⴰⴼⵓⴳⵍⴰ ⵏ ⵓⵙⴷⴰⴱⵓ ⵜⴻⵍⵍⴰ-ⴷ ⵙ ⵜⵉⵀⴰⵡⵜ ⵏ ⵓⴼⵔⵉⵏⴻⵏ ⵉⴷⵉⴳⴰⵏⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵜⵓⴷⴷⵙⴰ ⵜⴰⵙⵍⴻⴽⵎⴰⵏⵜ ⴷ ⵢⵉⵎⴻⴳⴳⵉⵢⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⴷ ⵓⴷⵎⴰⵡⴻⵏ, ⵎⴰⵙⵙ ⵙⴰⵢoⵓⴷ ⵉⵡⴻⴽⴽⴻⴷ-ⴷ ⵖⴻⴼ ⵜⵖⵓⵍⵍⵉⵜ ⵏ ⵓⵙⴻⵎⵢⵓⴷⴷⴻⵙ ⵏ ⵓⵙⵙⵉⵙⴻⵏ ⴳⴰⵔ ⵢⵉⵎⴻⵥⵍⴰ ⵏ ⵜⵡⵉⵍⴰⵢⵜ ⴷ ⵢⵉⵏⴻⴱⵍⴰⴳⴻⵏ ⵢⴻⵎⴳⴻⵔⵔⴰⴷⴻⵏ ⵉ ⵓⵙⴻⴽⵎⴻⵎ ⵏ ⵓⵎⴻⵏⵣⴰⵢ ⵏ ⵜⵓⴳⴷⵓⵜ ⵏ ⵓⴱⵍⴰⴳ, ⵙ ⵓⵙⴻⵖⴷⵓ ⴷ ⵓⴷⵉⵡⴻⵏⵏⵉ ⵉ ⵓⵎⴻⵥⵍⵓ ⵏ ⵓⵙⵏⴻⴳⵎⵓ ⴰⴷⵉⴳⴰⵏ ⴷ ⵎⴰⵜⵜⴰ ⵢⴻⵙⵙⴰⵔⴰⵎⴻⵏ ⵉⵖⴻⵔⵎⴰⵏⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵍⵀⵓ ⵏ ⵜⵓⴷⴻⵔⵜ-ⵏⵙⴻⵏ ⴷⴻⴳ ⵜⵖⵓⵍⴰ ⵏ ⵜⵓⴷⴻⵔⵜ-ⵏⵙⴻⵏ ⵏ ⵢⴰⵍ ⴰⵙⵙ”.
ⵢⴻⴱⴷⴻⵔ-ⴷ ⵓⵎⴰⵙⴰⵢ-ⴰ ⵉⵙⴻⵏⴼⴰⵔⴻⵏ ⵉⴳⴻⵊⴷⴰⵏⴻⵏ ⵉ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵜⵡⵉⵍⴰⵢⵜ-ⴰ ⴰⴽⴽⴻⵏ ⴰⴷ ⴷⴻⵀⵍⴻⵏ ⵎⴻⵏⵏⴰⵡ ⵏ ⵢⴻⴳⵣⵓⵎⴻⵏ ⵉⵎⴻⴷⴷⵓⵔⴰⵏⴻⵏ, ⴳⴰⵔ-ⴰⵙⴻⵏ ⵜⴰⵎⴳⵓⵔⵉ, ⵜⴰⵥⵡⴻⵔⵜ, ⴰⵙⴻⵇɛⴻⴷ ⴰⵎⴷⵉⵏⴰⵏ, ⴷ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⵔⵏⵓ-ⴰⵙ ⵜⴰⴽⴻⵔⵔⴰⵣⵜ ⴷ ⵎⴻⵏⵏⴰⵡ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⵏ ⵜⵎⴻⵚⴽⵉⵡⵜ, ⴰⵎ ⵓⵙⴻⵏⴼⴰⵔ ⴰⵏⵓⵎⵎⵉⴷ ⵏ ⴷⵣⴰⵢⴻⵔ-ⵇⴰⵟⴰⵔ ⴱⴰⵍⴰⴷⵓⵏⴰ ⵉ ⵓⴼⴰⵔⴻⵙ ⵏ ⵓⵛⴻⴼⴰⵢ ⴷⴻⴳ ⴰⴷⵔⴰⵔ ⴷ ⵍⵓⵣⵉⵏ ⵏ ⵓⵙⵉⵎⴰⵏ. ⴰⵢⴰ ⵢⴻⵙⵙⴽⴰⵏⴰⵢ-ⴷ ⴰⵎⵉⵔⴻⵡ ⴷ ⵜⵉⵖⴻⵙⵜ ⵏ ⵢⵉⴷⵓⴱⴰ ⵓⵏⵏⵉⴳⴻⵏ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵔⵔⴻⵏ ⵜⴰⵎⵏⴰⴹⵜ-ⴰ ⴷ ⴰⵙⴼⴰⵢⵍⵓ ⴰⴷⴰⵎⵙⴰⵏ ⵙ ⵜⵙⴻⴽⵜⴰ ⵜⴰⵖⴻⵍⵏⴰⵡⵜ ⴷ ⵜⴻⴼⵔⵉⵇⵉⵜ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵡⴰⵍⵉ ⴰⵎⴰⵢⵏⵓ ⵏ ⴰⴷⵔⴰⵔ, ⴼoⵓⴷⵉⵍ ⴷoⵓⵉⴼⵉ, ⵢⴻⵙⵏⴻⵎⵎⴻⵔ-ⴷ ⵖⴻⴼ ⵜⴻⴼⵍⴻⵙⵜ ⵉ ⵉⴳⴰ ⴷⴻⴳ-ⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵎⵉ ⴰⵢ ⵜ-ⵢⴻⵙⵙⴻⵔⵙ ⴷ ⴰⵡⴰⵍⵉ ⵏ ⴰⴷⵔⴰⵔ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵢⴻⵎⵎⵉⵔⴻⵡ ⴰⴷ ⵉⵎⴰⵀⴻⵍ ⴷ ⵡⴰⴽⴽ ⵉⵏⴻⴱⵍⴰⴳⴻⵏ ⴰⴽⴽⴻⵏ ⴰⴷ ⵢⴻⵙⵙⵓⵜⴻⴳ ⵉⴽⵙⴰⴱⴻⵏ ⴷ ⵢⵉⴽⴻⵜⵜⵓⵔⴻⵏ ⵉⵎⵙⵉⵔⵎⴻⵏ ⵉ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ, ⵙ ⵎⴰⵜⵜⴰ ⴰⵔⴰ ⴰⴷ ⵢⴻⵙⵙⴻǧⴻⵀⴷⴻⵏ ⴰⵙⵏⴻⴳⵎⵓ ⴰⴷⵉⴳⴰⵏ ⴷⴻⴳ ⵜⵡⵉⵍⴰⵢⵜ-ⴰ ⵖⴻⴼ ⵡⴻⵙⵡⵉⵔ ⴰⴷⴰⵎⵙⴰⵏ ⴷ ⵓⵏⴻⵎⵜⵜⵉ.
ⴰⵔⵏⵓ ⵖⴻⵔ
