ⵢⴻⵔⵎⴻⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ,ⵢⵉⵡⴻⵏ ⵏ ⵢⵉⵣⴻⵏ ⵏ ⵓⵙⵔⵓⵖⴻⴷ ⵙⵖⵓⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵖⴻⵔⴼⴰⵏⵜ ⵜⴰⵛⵉⵏⵡⴰⵜ, ⵅⵉ ⵊⵉⵏⵒⵉⵏⴳ, ⵉⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 71 ⵏ ⵜⴻⴳⵔⴰⵡⵍⴰ ⵏ ⵡⴰⵎⴱⴻⵔ ⵜⴰⵎⵏⴰⴳⴰⵏⵜ.
ⵢⵓⵙⴻ-ⴷ ⴷⴻⴳ ⵢⵉⵣⴻⵏ ⵏ ⵓⵙⵔⵓⵖⴻⴷ: « ⵜⴰⴼⴰⵣⵉⵜ ⵎⴰⵙⵙ ⴰⵙⴻⵍⵡⴰⵢ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⴷⵣⴰⵢⵔⵉⵜ ⵜⴰⵎⴰⴳⴷⴰⵢⵜ ⵜⴰⵖⴻⵔⴼⴰⵏⵜ, ⵓⵎⵔⴻⵖ ⵉⵎⵉ ⴰⴷ ⴰⴽ-ⴷ-ⵣⵣⵏⴻⵖ, ⵙ ⵢⵉⵙⴻⵎ ⵏ ⵓⵏⴰⴱⴰⴹ ⴷ ⵡⴻⵖⵔⴻⴼ ⵏ ⵛⵛⵉⵏⵡⴰ, ⵢⴻⵔⵏⴰ ⵙ ⵢⵉⵙⴻⵎ-ⵉⵏⵓ, ⵉⵙⵔⵓⵖⴷⴻⵏ-ⵉⵏⵓ ⵉⵍⵇⴰⵢⴰⵏⴻⵏ ⴷ ⵢⵉⵙⵉⵔⵎⴻⵏ-ⵉⵏⵓ ⵉ ⵜⴰⴼⴰⵣⵉⵜ-ⵏⵡⴻⵏ ⵙ ⵖⴻⵔ-ⵡⴻⵏ ⵉ ⴷⵣⴰⵢⴻⵔ ⵜⴰⵎⵉⴷⵉⵜ, ⴰⵏⴰⴱⴰⴹ ⴷ ⵓⵖⵔⴻⴼ, ⵉⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 71 ⵏ ⵜⵏⵓⴽⵔⵉ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ».
ⵢⴻⵔⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵖⴻⵔⴼⴰⵏⵜ ⵜⴰⵛⵉⵏⵡⴰⵜ : « ⵛⵛⵉⵏⵡⴰ ⴷ ⴷⵣⴰⵢⴻⵔ ⵜⵜⵡⴰⵇⵏⴻⵏⵜ ⵙ ⵜⴰⵎⵉⴷⵡⴰ ⵜⴰⵏⵙⴰⵢⴰⵏⵜ ⵜⴰⵍⵇⴰⵢⴰⵏⵜ 67 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵉ ⴷ-ⴱⵏⴰⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ. ⵡⴻⵔɛⴰⴷ ⵜⵜⵏⴻⵔⵏⴰⵏ ⵙ ⵜⴻⵍⵖⴰ ⵜⴰⵎⴻⵍⵡⵉⵜ ⴷ ⵜⵓⵔⴽⵉⴷⵜ ⵢⴻⵔⵏⵉ ⵢⴻⵡⵡⴻⴹ ⵓⵏⵎⵉⵔⴻⴳ ⵏ ⵓⵎⴰⵀⵉⵍ ⴷⴷⴰⵡ-ⵏⵙⴻⵏ ⵖⴻⵔ ⵢⵉⴳⵎⴰⴹ ⵢⴻⵍⵀⴰⵏ ».
ⵉⴽⴻⵎⵎⴻⵍ ⵢⴻⵏⵏⴰ-ⴷ: « ⵜⵜⴰⴽⴻⵖ ⴰⵣⴰⵍ ⴰⵎⴻⵇⵔⴰⵏ ⵉ ⵓⵙⵏⴻⴳⵎⵓ ⴷ ⵓⵙⵎⴰⵍ ⵏ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ-ⵏⵏⴻⵖ ⵢⴻⵔⵏⵓ ⵎⵎⵓⵜⴳⴻⵖ ⴰⴷ ⴳⴻⵖ ⵓⵙⵙⵉⵙⴻⵏ ⵓⴱⵍⵉⴳⴻⵏ ⴷ ⵜⴼⴰⵣⵉⵜ-ⵏⵡⴻⵏ ⵉ ⵓⵙⴱⴰⴹ ⴷ ⵓⵙⴻⵍⵇⴻⵢ ⵏ ⵡⴰⵙⵙⴰⵖⴻⵏ ⵏ ⵜⴰⵎⵉⴷⵡⴰ ⴷ ⵜⴻⴼⵍⴻⵙⵜ ⴳⴰⵔ-ⵏⴻⵖ, ⴷ ⵓⵙⴷⵓⵙⵓ ⵏ ⵓⵎⵙⴻⵏⴼⴻⵍ ⵏ ⵓⵏⵎⵉⵔⴻⴳ ⴷⴻⴳ ⵡⴰⴽⴽ ⵜⵉⵖⵓⵍⴰ, ⵙ ⵎⴰⵜⵜⴰ ⴰⵔⴰ ⵢⴻⵙⵙⴰⵡⴹⴻⵏ ⵖⴻⵔ ⵢⵉⵙⴻⴹⵔⴰ ⵉⵎⴰⵢⵏⵓⵜⴻⵏ ⴷⴻⴳ ⵡⴰⵙⵙⴰⵖⴻⵏ ⵓⴱⵍⵉⴳⴻⵏ ⵉⵙⵏⵓⴷⴷⵙⴰⵏⴻⵏ ⵓⵎⵎⵉⴷⴻⵏ ⵢⴻⵍⵍⴰⵏ ⴳⴰⵔ ⵛⵛⵉⵏⵡⴰ ⴷ ⴷⵣⴰⵢⴻⵔ ».
ⵢⴻⵙⵙⵎⵉⵔ ⵓⵙⴻⵍⵡⴰⵢ ⵏ ⵛⵛⵉⵏⵡⴰ ⵉⵣⴻⵏ ⵏ ⵓⵙⵔⵓⵖⴻⴷ ⵢⴻⵏⵏⴰ-ⴷ: “ⵙⵙⴰⵔⴰⵎⴻⵖ-ⴰⵡⴻⵏ ⵜⴰⵣⵎⴻⵔⵜ ⵢⴻⵍⵀⴰⵏ ⴷ ⵓⵎⵓⵔⴻⵙ, ⴷ ⵉ ⵜⵎⵓⵔⵜ-ⵏⵡⴻⵏ ⵜⴰⵍⵡⵉⵜ ⴷ ⵜⵏⴻⴽⵍⵉⵡⵜ ⴷ ⵉ ⵡⴻⵖⵔⴻⴼ-ⵏⵡⴻⵏ ⵜⵓⵎⴻⵔⵜ ⴷ ⵓⴼⴰⵔⴰ ».
ⴰⵔⵏⵓ ⵖⴻⵔ
