ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⴷ ⵡⵉⴷ ⵢⴻⵙⵄⴰⵏ ⴰⵣⵔⴻⴼ, ⵎⴰⵙⵙ ⴰⴱⴷⴻⵍⵎⴰⵍⴻⴽ ⵜⴰⵛⵀⵔⵉⴼⴻⵜ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵢⵉⵡⴻⵜ ⵏ ⵜⵙⵓⵎⴰⵏⵜ (colloque) ⵏ ⵓⵎⴻⵣⵔⵓⵢ ⵙ ⵢⵉⵙⴻⵎ "ⴰⵣⴰⵍⴻⵏ ⵏ ⵢⵉⵎⴰⵙⴼⴰⴷⴻⵏ ⴷ ⵏⴼⴰⵄ-ⵏⵙⴻⵏ ⴷⴻⴳ ⵓⵙⴻⴳⵎⵉ ⵏ ⵜⵙⵓⵜⵉⵡⵉⵏ". ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵢⵉⵎⴰⵙⴼⴰⴷⴻⵏ ⵢⵉⵏⴻⵙⵍⵎⴻⵏ ⵍⴻⵣⵣⴰⵢⵔⵉⵢⴻⵏ, ⵉ ⴷ-ⵢⴻⵙⵎⴻⴽⵜⴰⵢⴻⵏ ⴰⵎⵓⵍⵍⵉ ⵡⵉⵙ 85 ⵏ ⵜⵎⴻⵖⵔⴰⵙⵜ ⵏ ⵡⵉⵏ ⵉ ⴷ-ⵉⵙⴱⴻⴷⴷⴻⵏ ⴰⵎⵓⵙⵙⵓ ⵏ ⵢⵉⵎⴰⵙⴼⴰⴷⴻⵏ ⴷⴻⴳ ⵍⴻⵣⵣⴰⵢⴻⵔ, ⴰⵎⵖⴰⵔⴰⵙ ⴰⵣⴰⵎⵓⵍ ⵎⵓⵀⴰⵎⴻⴷ ⴱⵓⵓⵔⴰⵙ.
ⴷⴻⴳ ⵓⵍⴷⴰⵢ ⵏ ⵜⵙⵓⵎⴰⵏⵜ-ⴰⴳⵉ, ⵉ ⴷ-ⵢⴻⵍⵍⴰⵏ ⴷⴻⴳ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⵎⵊⴰⵀⵉⴷ, ⵎⴰⵙⵙ ⵜⴰⵛⵀⵔⵉⴼⴻⵜ ⵉⵙⵙⴻⴽⵏⴻⴷ ⴱⴻⵍⵍⵉ ⵢⵉⵎⴰⵙⴼⴰⴷⴻⵏ ⵢⵉⵏⴻⵙⵍⵎⴻⵏ ⵍⴻⵣⵣⴰⵢⵔⵉⵢⴻⵏ, ⵙ ⵜⴰⵎⴰ ⵏ ⵓⵎⴰⵀⵉⵍ-ⵏⵙⴻⵏ ⴷⴻⴳ ⵓⵙⴻⴳⵔⴻⵣ ⵏ ⵜⵎⴰⴳⵉⵜ ⵏ ⵓⵖⵔⵉⵎ, ⴰⵎⴰⵀⵉⵍ ⵏ ⵓⴱⵓⴷⴷⵓ (ⵠⵓⵍⵓⵏⵜⴰⵔⵉⴰⵜ) ⴷ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵏ ⵢⵉⵍⴻⵎⵣⵢⴻⵏ, ⵍⵍⴰⵏ ⴷ "ⴰⴼⵔⴰⴳ ⵉ ⵓⵃⵔⴰⵣ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⴷ ⵡⴰⵣⴰⵍⴻⵏ ⵉⵄⵍⴰⵢⴻⵏ".
ⵉⵡⴰⵍⴰ ⴱⴻⵍⵍⵉ ⵜⴰⵏⴻⵖⵜⴰⵙⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⵢⵓⵖⴰⵍ 27 ⵎⴰⵢⵓ ⴷ ⴰⵙⵙ ⴰⵖⴻⵍⵏⴰⵡ ⵏ ⵢⵉⵎⴰⵙⴼⴰⴷⴻⵏ, ⴷ ⵜⵉⴳⴳⴰⵡⵜ ⵉ ⵢⴻⵙⵄⴰⵏ ⵓⵏⴰⵎⴻⴽ ⵍⵇⴰⵢⴻⵏ ⵉ ⵜⵓⴷⴷⵙⴰ-ⴰⴳⵉ ⵜⴰⵕⴻⵙⵙⴰⵏⵜ ⴷ ⵓⵙⵏⴻⵎⵎⴻⵔ ⵏ ⵜⵙⵓⵜⴰ ⵉ ⴷ-ⵉⵙⴱⴻⴷⴷⴻⵏ ⵙ ⵢⵉⴷⴰⵎⵎⴻⵏ ⵍⵍⵙⴰⵙⴻⵏ ⵏ ⵜⵉⵍⴻⵍⵍⵉ ⴷ ⵜⵉⵎⵓⵎⴻⵏⵜ (ⵙⵓⵓⵠⴻⵔⴰⵉⵏⴻⵜé).
ⵎⴰⵙⵙ ⵜⴰⵛⵀⵔⵉⴼⴻⵜ ⵉⵙⵎⴻⴽⵜⵉ-ⴷ ⴷⴰⵖⴻⵏ ⴰⵣⴰⵍ ⵏ ⵡⴰⵎⵓⵙⵙⵓ ⵏ ⵢⵉⵎⴰⵙⴼⴰⴷⴻⵏ ⴷⴻⴳ ⵍⴻⵣⵣⴰⵢⴻⵔ, ⵉ ⵢⴻⵙⵙⴰⵡⴹⴻⵏ ⴰⴷ ⵢⵓⵔⴰⵔ ⴰⵎⴰⵀⵉⵍ ⵉⵕⴻⵙⵙⴰⵏ ⴷⴻⴳ ⵓⵙⴱⴻⴷⴷⵉ ⵏ ⵍⵃⵉⵙ ⴰⵖⴻⵍⵏⴰⵡ ⴷ ⵓⵎⴻⵏⵏⵓⵖ ⵎⴳⴰⵍ ⵓⵏⴻⴽⵛⵓⵎ ⴰⴼⵔⴰⵏⵙⵉⵙ, ⴷ ⴰⵢⴻⵏ ⵉ ⵜ-ⵢⴻⵔⵔⴰⵏ ⴷ "ⴰⵖⴻⵔⴱⴰⵣ ⵏ ⵓⵙⵉⵍⴻⵖ ⴷ ⵓⵙⴻⴳⵎⵉ ⵉ ⴷ-ⵉⵙⴱⴻⵣⴻⵏ ⵜⵙⵓⵜⵉⵡⵉⵏ ⵉ ⴷ-ⵢⵓⵡⵉⵏ ⴰⵛⴰⵍ ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ".
ⵙⴻⴳ ⵜⴰⵎⴰ-ⵙ, ⴰⵎⵖⴰⵔ ⴰⵎⴰⵜⵓ ⵏ ⵢⵉⵎⴰⵙⴼⴰⴷⴻⵏ ⵉⵇⴷⵉⵎⴻⵏ, ⵎⴰⵙⵙ ⵎⵓⵙⵜⴰⵒⵀⴰ ⵙⴰⵄⴷⵓⵓⵏ, ⵉⵙⵔⴻⵚ-ⴷ ⵖⴻⴼ ⵡⴰⵣⴰⵍ ⵏ ⵓⵊⴻⵔⵔⴻⴷ ⵏ ⵓⵎⴻⵣⵔⵓⵢ ⵏ ⵢⵉⵎⴰⵙⴼⴰⴷⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵣⴻⵏⵣⵉⵖ ⵏ ⵓⵃⵔⴰⵣ ⵏ ⵜⵎⴻⴽⵜⵉ ⵜⴰⵖⴻⵍⵏⴰⵡⵜ, ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵓⴷⴷⵙⴰ-ⵉⵙ ⵜⴻⵃⵔⴻⵣ ⵓⴳⴰⵔ ⵏ 20 ⵏ ⵡⴰⴳⵉⵎⴰⵏ ⵏ ⵡⴰⵔⵔⴰⵜⴻⵏ ⵢⴻⵄⵏⴰⵏ ⴰⵎⴻⵣⵔⵓⵢ-ⵏⵙⴻⵏ.
ⴰⵀⵉⵍ ⵏ ⵜⵙⵓⵎⴰⵏⵜ ⴷⴻⴳ-ⵙ ⴰⵟⴰⵙ ⵏ ⵜⵎⴻⵙⵍⴰⵢⵉⵏ ⵖⴻⴼ ⵓⴱⵔⵉⴷ ⵏ ⵓⵎⵖⴰⵔⴰⵙ ⵎⵓⵀⴰⵎⴻⴷ ⴱⵓⵓⵔⴰⵙ ⴷ ⵓⵎⴻⵣⵔⵓⵢ ⵏ ⵢⵉⵎⴰⵙⴼⴰⴷⴻⵏ ⴷ ⵓⵎⴰⵀⵉⵍ-ⵏⵙⴻⵏ ⴷⴻⴳ ⵜⴰⵍⵍⵉⵜ ⵏ ⵜⴻⴳⵔⴰⵡⵍⴰ ⴷ ⵓⵕⵓⵚⵓ ⵏ ⵡⴰⵣⴰⵍⴻⵏ ⵏ ⵜⵎⴰⴳⵉⵜ ⴷⴻⴳ ⵜⵙⵓⵜⵉⵡⵉⵏ ⵉ ⴷ-ⴹⴼⵔⴻⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⴰⵏⴰⵢ ⴰⵎⴰⵜⵓ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵢⵉⵎⵊⴰⵀⴷⴻⵏ ⴷ ⵓⵎⴰⵏⴰⵢ ⴰⵎⴰⵜⵓ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵡⴰⵔⵔⴰⵡ ⵏ ⵢⵉⵎⴻⵖⵔⴰⵙⴻⵏ, ⵙ ⵜⴰⵎⴰ ⵏ ⵡⴰⵟⴰⵙ ⵏ ⵢⵉⵎⵊⴰⵀⴷⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵢⵉⵎⴰⵙⴼⴰⴷⴻⵏ.
ⴰⵔⵏⵓ ⵖⴻⵔ
