ⵉⵛⴰⵔ-ⴷ ⵓⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴽⴰⵎⴻⵍ ⴱⴰⴷⴷⴰⵔⵉ, ⴰⵙⵙ ⵏ ⵓⵙⵉⵏⴰⵙ ⴷⴻⴳ ⵜⴻⵙⴷⴰⵡⵉⵜ ⵏ ⵎoⵀⴰⵎⴻⴷ ⵙⴻⴷⴷⵉⴽ ⴱⴻⵏ ⵢⴰⵀⵉⴰ, ⴷⴻⴳ ǧⵉǧⴻⵍ, ⴰⵙⴻⴳⴳⴰⵙ ⴰⵙⴷⴰⵡⴰⵏ ⴰⵎⴰⵢⵏⵓ ⵏ 2026-2027.
ⵜⴰⴼⵓⴳⵍⴰ-ⴰ ⵏ ⵜⵓⵖⴰⵍⵜ ⵜⴰⵙⴷⴰⵡⴰⵏⵜ ⵜⴻⵍⵍⴰ-ⴷ ⴷⴻⴳ ⵜⵣⴻⵇⵇⴰ ⵏ « ⴳⴰⵔⴼⵉ ⵎoⵓⴱⴰⵔⴰⴽ », ⴷⴻⴳ ⵓⵙⴼⴰⵢⵍⵉ ⴰⵙⴷⴰⵡⴰⵏ ⵏ « ⵜⴰⵙⵙⵓⵙⵜ », ⵙ ⵜⵉⵀⴰⵡⵜ ⵏ ⵓⵡⴰⵍⵉ ⵏ ǧⵉǧⴻⵍ, ⴰⵀⵎⴻⴷ ⵎⴻⴽⵍⴰⵜⵉⴰ, ⵉⵏⴻⵎⵀⴰⵍⴻⵏ ⵏ ⵎⴻⵏⵏⴰⵡ ⵏ ⵜⴻⵙⴷⴰⵡⵉⵢⵉⵏ ⴷ ⵜⵡⴰⵛⵓⵍⵜ ⵜⴰⵙⴰⴷⴰⵡⴰⵏⵜ.
ⵢⴻⵙⵙⴻⴼⴽ ⴰⴷ ⴷ-ⵏⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⴰⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ ⵢⴻⵙⴳⴻⴷⵡⵉ-ⴷ ⴰⴽⴽ ⴰⵎⵎⴰⴽⴻⵏ ⵉⵍⵙⴰⵏⴻⵏ ⴷ ⵢⵉⵏⴳⴰⵏⴻⵏ ⴰⴽⴽⴻⵏ ⴰⴷ ⵔⴻⵎⵙⴻⵏ 1 884 839 ⵏ ⵢⵉⵎⴻⵣⵔⴰⵡⴻⵏ ⴷⴻⴳ ⵓⵎⴻⵛⵡⴰⵕ ⴰⵙⴷⴰⵡⴰⵏ ⴰⵎⴰⵢⵏⵓ, ⴷ ⵡⵉⴷ ⵢⴻⴱⴹⴰⵏ ⵖⴻⴼ ⵢⵉⵖⵙⵓⵔⴻⵏ ⵉⵙⴷⴰⵡⴰⵏⴻⵏ ⴷ ⵢⵉⵙⴰⵎⵎⴰⵙⴻⵏ ⵏ ⵓⵏⴰⴷⵉ ⵏ ⵜⵎⵓⵔⵜ ⵉⵍⵎⴻⵏⴷ ⵏ ⵓⵙⴼⴰⵔ ⴷ ⵓⴳⴻⵔⵔⴻⵣ ⵙ ⵓⴹⵎⴰⵏ ⵏ ⵜⵡⴻⵏⵏⴰⴹⵜ ⵜⴰⵙⴻⵏⵙⴻⴳⵎⴰⵏⵜ ⴷ ⵜⴰⵏⴱⴰⵛⴰⵏⵜ. ⵓⵙⵙⵉⵙⴻⵏ-ⴰ ⵍⵍⴰⵏ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⵓⴳⴳⴻⵍ ⵏ ⵓⴽⴰⵍⴰ ⵏ ⵓⵙⴻⵍⴽⴻⵜ ⵏ ⵜⴻⵙⴷⴰⵡⵉⵜ ⴰⴽⴽⴻⵏ ⴰⴷ ⵜⵓⵖⴰⵍ ⴷ ⵜⴰⵏⴻⴱⵍⴰⴳⵜ ⵜⵓⵔⵎⵉⴷⵜ ⴷⴻⴳ ⵓⵏⴻⴳⵎⵓ ⴰⵙⴷⴰⵡⴰⵏ ⴷ ⵓⵙⴻⵖⵏⴻⵡ ⵏ ⵜⴱⴰⵖⵓⵔⵜ.
ⵢⴻⵣⵣⵉⵔⴻⴳ-ⴷ ⵓⵏⴻⵖⵍⴰⴼ, ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴷ-ⵉⴳⴰ ⵉⵍⵎⴻⵏⴷ ⵏ ⵡⴰⵢⴰ ⴷⴰⴽⴽⴻⵏ « ⴰⵎⴻⵣⵔⴰⵡ ⵢⴻⵜⵜⵖⵉⵎⵉ-ⴷ ⴷ ⴰⴳⴻⵍⵍⵓⵙ ⵏ ⵜⴻⵙⵎⴻⵙⴽⴰⵍ ⵢⴻⵎⴳⵉⵔⵔⴷⴻⵏ ⴷ-ⵢⴻⵜⵜⵉⵍⵉⵏ ⴷⴻⴳ ⵓⴳⵣⵓⵎ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ », ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵜⵓⵖⴷⴰⴹⵜ ⵏ ⵜⴻⵙⴷⴰⵡⵉⵜ ⵜⴰⵜⵔⴰⵔⵜ ⵓⵔ ⵜⴻⵇⵇⵉⵎ ⴰⵔⴰ ⴽⴰⵏ ⴷⴻⴳ ⵜⵓⴽⵛⵉ ⵏ ⵢⵉⴳⴻⵔⴷⴰⵙⴻⵏ, ⵡⴰⵏⴰⴳ ⵉⵙⵡⵉ-ⵏⵏⴻⵙ ⵢⴻⵜⵜⵃⴰⴽⴰⵕ ⴷⴰⵖ ⴰⵙⵉⵍⴻⵖ ⵏ ⵓⵎⴻⵣⵔⴰⵡ ⵉ ⵉⵍⴰⵏ ⵜⵉⵎⵓⵙⵙⵏⵉⵡⵉⵏ, ⵜⵉⵙⵙⵓⴳⵔⵉⵡⵉⵏ, ⴰⴽⴻⵜⵜⵓⵔ ⵏ ⵜⵙⴻⵏⵜⴰⵢⵜ ⴷ ⵜⴻⵣⵎⴻⵔⵜ ⵏ ⵓⵖⵡⴰⵙ ⵏ ⵜⴻⴼⵔⴰⵜⵉⵏ ».
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵎⴰⵙⵙ ⴱⴰⴷⴷⴰⵔⵉ, ⵜⵓⵖⴻⴷ ⵜⴻⵙⴷⴰⵡⵉⵜ ⵜⴰⴷⵣⴰⵢⵔⵉⵜ ⵖⴻⵔ “ⵜⴻⵙⴷⴰⵡⵉⵜ ⵏ ⵓⵙⴼⵓⵍⵎⴻⵏ (ⵏⵉⵖ ⵏ ⵓⴷⴻⵔⴼⵉ) », ⴷ ⵜⵉⵏ ⵢⴻⵙⵏⵓⵔⴼⴻⵏ ⵉⴷⵍⴻⵙ ⵏ ⵜⵙⴻⵏⵜⴰⵢⵜ, ⴰⵙⴻⵖⵏⴻⵡ ⵏ ⵜⴳⴻⵔⵎⵎⴰ ⴷ ⵜⴻⵎⵥⴻⵔⵎⵉⵙⵉⵏ, ⴷ ⵓⵙⵓⵜⴻⴳ ⵏ ⵢⵉⴳⵎⵓⴹⴻⵏ ⵏ ⵓⵏⴰⴷⵉ ⵓⵙⵙⵏⴰⵏ ⴰⴽⴽⴻⵏ ⵜⵉⴽⵜⵉⵡⵉⵏ ⴷ ⵢⵉⵙⴼⴰⵔⴻⵏ-ⴰ ⴰⴷ ⵓⵖⴰⵍⴻⵏ ⴷ ⵉⵙⴻⵏⴼⴰⵔⴻⵏ ⴷ ⵢⵉⴼⴰⵔⵉⵙⴻⵏ ⴰⵢⵜ ⵡⴰⵣⴰⵍ ⵢⴻⵔⵏⴰⵏ ».
ⴰⵔⵏⵓ ⵖⴻⵔ
