ⵙⴰⵢoⵓⴷ ⵢⴻⵙⵙⵉⴳ ⴰⵙⴷⴰⴱⵓ ⵏ ⵓⵡⴰⵍⵉ ⴰⵎⴰⵢⵏⵓ ⵏ ⵜⴱⴰⵜⴻⵏⵜ

ⵢⵙⵉⴳⴳ ⵓⵏⴻⵖⵍⴰⴼ ⵏ ⵓⴳⴻⵏⵙⵓ, ⵏ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ, ⴷ ⵓⵎⴻⵙⵏⵉ, ⵙⴰⵉⴷ ⵙⴰⵢoⵓⴷ, ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ) ⵜⴰⵎⴻⴷⴷⵉⵜ, ⵜⴰⴼⵓⴳⵍⴰ ⵏ ⵓⵙⴷⴰⴱⵓ ⵏ ⵔⵉⵢⴰⴷ ⴱⴻⵏ ⴰⵀⵎⴻⴷ ⴷ ⴰⵡⴰⵍⵉ ⴰⵎⴰⵢⵏⵓ ⵏ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ. ⴱⴻⵏ ⴰⵀⵎⴻⴷ ⵢⴻⵅⵍⴻⴼ ⵎoⵀⴰⵎⴻⴷ ⴱⴻⵏ ⵎⴰⵍⴻⴽ ⵉ ⵢⴻⵜⵜⵡⴰⴱⴻⴷⴷⵍⴻⵏ ⵖⴻⵔ ⵜⵡⵉⵍⴰⵢⵜ ⵏ ⵍⴻⵖⵡⴰⵟ ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴻⵍ ⴰⵎⵓⵔⴰ ⵉ ⵉⴳⴰ ⵎⴻⵍⵎⵉ ⴽⴰⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴷⴻⴳ ⵜⴼⴻⴽⴽⴰ ⵏ ⵢⵉⵡⴰⵍⵢⴻⵏ ⴷ ⵢⵉⵡⴰⵍⵉⵢⴻⵏ ⵉⵏⴻⵙⵎⵉⴳⴰⵍⴻⵏ.

ⴷⴻⴳ ⵡⴰⵡⴰⵍ-ⵏⵏⴻⵙ ⵉⵍⵎⴻⵏⴷ ⵏ ⵜⴼⵓⴳⵍⴰ-ⴰ ⵉ ⴷ-ⵢⴻⴹⵔⴰⵏ ⴷⴻⴳ ⵜⴻⵙⵖⵉⵎⵜ ⵏ ⵜⵡⵉⵍⴰⵢⵜ ⵢⴻⵔⵏⵓ ⴷⴻⵔⵡⴻⵏ ⴷⴻⴳ-ⵙ ⵢⵉⴷⵓⴱⴰ ⵉⴷⵉⴳⴰⵏⴻⵏ ⴷ ⵢⵉⵔⴻⴷⵙⴰⵏⴻⵏ, ⵓⴼⵔⵉⵏⴻⵏ, ⵜⴰⵡⴰⵛⵓⵍⵜ ⵜⴰⴳⵔⴰⵡⵍⴰⵏⵜ, ⴷ ⵢⵉⴳⴻⵏⵙⴰⵙⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵖⴻⴼ ⵢⵉⴽⴻⵜⵜⵓⵔⴻⵏ ⵉⵎⴻⵇⵔⴰⵏⴻⵏ ⵉ ⵜⴻⵙɛⴰ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ. ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵡⵉⵍⴰⵢⵜ-ⴰ ⵜⴻⵟⵟⴻⴼ ⴰⴷⴻⴳ ⴷ ⴰⵎⴻⵇⵔⴰⵏ ⴷⴻⴳ ⵓⵍⴰⵡⴻⵏ ⵏ ⵡⴰⴽⴽ ⵉⴷⵣⴰⵢⵔⵉⵢⴻⵏ, ⵢⴻⵔⵏⵓ ⵜⴻⵜⵜⴳⴻⵏⵙⵉⵙ-ⴷ ⴰⵎⴻⵣⵔⵓⵢ ⴷ ⵓⵣⴰⵎⵓⵍ ⴷ ⴰⵎⴻⵇⵔⴰⵏ ⴷ ⵜⵖⴻⵔⵙⴰⵡⵉⵏ ⵜⵉⵖⴻⵔⴼⴰⵏⵉⵏ ⵉ ⵢⴻⵜⵜⵡⴰⵊⴻⵔⴷⴻⵏ ⵙ ⵢⵉⵙⴻⴽⴽⵉⵍⴻⵏ ⵏ ⵡⵓⵔⴻⵖ ⴷⴻⴳ ⵓⵙⴻⴽⵍⴰⵙ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵜⴰⵎⵏⴰⴳⴰⵏⵜ.
ⵢⴻⵔⵏⴰ-ⴷ ⴷⴰⴽⴽⴻⵏ « ⵜⴰⵡⵉⵍⴰⵢⵜ ⵏ ⵜⴱⴰⵜⴻⵏⵜ ⵜⴻⵇⵇⵉⵎ, ⴷⴻⴳ ⵜⴰⵍⵍⵉⵢⵉⵏ ⵢⴻⵎⴳⴻⵔⵔⴰⴷⴻⵏ, ⴷ ⴰⵎⵓⵜⵓⵜ ⵏ ⵓⵙⵏⴻⴳⵎⵓ ⴷⴻⴳ ⵡⴻⴳⵎⵓⴹ ⵏ ⴷⵣⴰⵢⴻⵔ, ⴷ ⵜⴰⵎⵏⴰⴹⵜ ⵉⴷⴻⴳ ⵍⵍⴰⵏ ⵉⴽⴻⵜⵜⵓⵔⴻⵏ ⵉⵖⴻⵍⵏⴰⵡⴻⵏ, ⴰⵍⵙⴰⵏⴻⵏ, ⵉⴷⴻⵍⵙⴰⵏⴻⵏ, ⴷ ⵢⵉⴷⴰⵎⵙⴰⵏⴻⵏ, ⵢⴻⵔⵏⴰ ⵜⴻⵙɛⴰ ⴰⴽⴰⵍ ⵏ ⵜⴽⴻⵔⵔⴰⵣⵜ ⴰⴱⴰⵖⵓⵔ, ⵜⴻⵎⴳⵓⵔⵉ ⵢⴻⵜⵜⵏⴻⴳⵎⴰⵏ ⴷ ⵓⵥⴻⴹⵡⵓ ⴰⵙⴷⴰⵡⴰⵏ ⴷ ⵓⵏⴰⴷⵉ ⵢⴻⵏⵏⴳⵎⴰⵏ, ⵔⵏⵓ-ⴰⵙ ⴰⴷⴻⴳ-ⵏⵏⴻⵙ ⴰⵅⴰⵜⴰⵔ ⴰⵎⴻⴽ ⵉ ⵜⴻⵍⵍⴰ ⴷ ⴰⴷⴻⴳ ⴰⵎⴻⴷⴷⵓⵔⴰⵏ ⵉ ⵢⴻⵇⵏⴻⵏ ⴰⴳⴰⴼⴰ ⴷ ⵓⴳⵎⵓⴹ, ⴰⴳⵎⵓⴹ ⴷ ⵓⵜⴰⵔⴻⵎ”.
ⵉⴽⴻⵎⵎⴻⵍ ⵢⴻⵏⵏⴰ-ⴷ : « ⴰⵙⵙ-ⴰ, ⴷⴷⴰⵡ ⵢⵉⵙⴻⵏⴷⴰⵀ ⴷ ⵜⴻⵍⵖⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵛⵇⵉⵔⵔⴻⵡ ⵢⴻⵍⵍⴰⵏ ⵣⴷⴰⵜ-ⵏⴻⵖ ⴰⴽⴽ ⴷ ⴰⵙⴻⵍⴽⴻⵜ ⵏ ⵢⵉⴽⴻⵜⵜⵓⵔⴻⵏ-ⴰ ⵖⴻⵔ ⵜⵣⴻⵎⵎⴰⵔ ⵜⵉⴷⴻⵜⵜⴰⵏⵉⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵙⴻⵖⵏⴻⵡ ⵏ ⵜⴱⴰⵖⵓⵔⵜ ⴷ ⵓⵙⵏⵓⵍⴼⵓ ⵏ ⵡⴰⵏⵙⴻⵜⴻⵏ ⵏ ⵓⵎⴰⵀⵉⵍ ⵉ ⵓⵙⴻⵍⵀⵓ ⵏ ⵜⴻⴳⵏⵉⵜ ⵏ ⵜⵓⴷⴻⵔⵜ ⵏ ⵢⵉⵖⴻⵔⵎⴰⵏⴻⵏ, ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵖⴻⵍⵏⴰⵡⵜ ⵜⴰⵏⵓⵎⵎⵉⴷⵜ ⴳⴰⵔ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ».