ⵉɛⴰⵡⴻⴷ ⵓⵏⴻⵖⵍⴰⴼ ⵏ ⵓⵡⴰⵏⴽ, ⴰⵏⴻⵖⵍⴰⴼ ⵏ ⵜⵏⴻⴼⵙⵉⵡⵉⵏ ⵏ ⴱⴻⵕⵕⴰ ⴷ ⵜⵎⴰⴳⵓⵔⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⵏⴻⴼⵙⵉⵡⵉⵏ ⵜⵉⴼⵔⵉⵇⵉⵢⵉⵏ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⵏ ⵜⵏⴻⵢⵏ ⵙⴻⴳ ⵏⴻⵡ ⵢoⵔⴽ, ⴰⵙⵙⴻⵃⴱⵉⴱⴻⵔ ⴰⵎⵎⵉⴷ ⴷ ⵡⴰⵔ ⵜⴰⵙⵓⵜⵉ ⵏ ⴷⵣⴰⵢⴻⵔ ⵉ ⵢⵉⵣⴻⵔⴼⴰⵏ ⵓⵙⵔⵉⵢⴻⵏ ⴷ ⵢⵉⵎⴻⵣⴳⴰⵏ ⵏ ⵓⴳⴻⴷⴷⵓⴷ ⴰⴼⴰⵍⴻⵙⵜⵉⵏⵉ, ⴷⴻⴳ ⵡⴰⵣⴰⴳⵍⵓ-ⵏⵙⴻⵏ ⴰⵣⴻⵔⴼ-ⵉⵙ ⴰⴳⴰⵎⴰⵏ ⵉ ⵓⵙⵙⴻⵏⵜⵉ ⵏ ⵓⵡⴰⵏⴽ-ⵉⵙ ⴰⵎⵣⴰⵔⵓⴳ, ⵙ ⵜⵏⴻⵣⵎⴰⵔⵜ ⵜⴰⵎⵎⵉⴷⵉⵜ, ⴷ ⵜⴻⴼⵙⵉ-ⵙ ⴰⵍ-ⵇⵓⴷⵙ ⴰⵙⴻⵛⵕⴰⴼ.
ⵢⴻⵏⵏⴰ-ⴷ ⴰⵟⵟⴰⴼ, ⴷⴻⴳ ⵡⴰⵡⴰⵍ-ⵉⵙ ⵉ ⴷ-ⵢⴻⴼⴽⴰ ⴷⴻⴳ ⵉⵎⴰⵍⴰⵙ ⵏ ⵓⵙⵡⵉⵔ ɛⵍⴰⵢⴻⵏ ⵏ ⵜⴻⵖⵔⴻⵎⵜ ⵡⵉⵙ 81 ⵏ ⵓⴳⵔⴰⵡ ⴰⵎⴰⵜⵓ ⵏ ⵜⵓⴷⴷⴰ ⵏ ⵜⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ, ⴱⴻⵍⵍⵉ ⴷⵣⴰⵢⴻⵔ "ⵜɛⴰⵡⴻⴷ, ⵙⴻⴳ ⵓⵎⴰⴽⴰⵏ-ⴰ, ⴰⵙⵙⴻⵃⴱⵉⴱⴻⵔ-ⵉⵙ ⴰⵎⵎⵉⴷ ⴷ ⵡⴰⵔ ⵜⴰⵙⵓⵜⵉ ⵉ ⵢⵉⵣⴻⵔⴼⴰⵏ ⵓⵙⵔⵉⵢⴻⵏ ⴷ ⵢⵉⵎⴻⵣⴳⴰⵏ ⵏ ⵓⴳⴻⴷⴷⵓⴷ ⴰⴼⴰⵍⴻⵙⵜⵉⵏⵉ, ⴷⴻⴳ ⵡⴰⵣⴰⴳⵍⵓ-ⵏⵙⴻⵏ ⴰⵣⴻⵔⴼ-ⵉⵙ ⴰⴳⴰⵎⴰⵏ ⵉ ⵓⵙⵙⴻⵏⵜⵉ ⵏ ⵓⵡⴰⵏⴽ-ⵉⵙ ⴰⵎⵣⴰⵔⵓⴳ, ⵙ ⵜⵏⴻⵣⵎⴰⵔⵜ ⵜⴰⵎⵎⵉⴷⵉⵜ, ⴷ ⵜⴻⴼⵙⵉ-ⵙ ⴰⵍ-ⵇⵓⴷⵙ ⴰⵙⴻⵛⵕⴰⴼ", ⵙ ⵓⵙⵙⴻⴽⵜⴰⵢ ⵖⴻⵔ "ⵓⵙⵙⵉⴷⴻⵔ ⵏ ⵜⵡⴰⵢⵉⵜ ⵜⴰⵜⴰⴳⴰⵏⵜ ⴷ ⵓⵙⵙⵉⴷⴻⵔ ⵏ ⵓⵃⵔⴻⵙⵙⵓ ⵉⵙⵔⴰⵢⵉⵍⵉ ⴷⴻⴳ ⵓⵙⵙⴻⵏⴳⴻⵔ ⵏ ⵢⵉⵎⴰⵏ ⵏ ⵢⵉⵖⴻⵔⵎⴰⵏⴻⵏ ⵉⴼⴰⵍⴻⵙⵜⵉⵏⵉⵢⴻⵏ, ⴳⴰⵔ-ⴰⵙⴻⵏ ⴰⵟⴰⵍ ⵏ ⵜⴳⴻⵔⵔⵓⵢⵉⵏ ⴷ ⵜⵍⴰⵡⵉⵏ, ⴷⴻⴳ ⵜⵓⴳⵏⴰ ⵓⵔ ⵉⵍⴰⵇ ⴰⵔⴰ ⴰⴷ ⵜⴻⴷⵡⴻⵍ ⴷ ⴰⵃⵔⵉⵛ ⵙⴻⴳ ⵜⵓⴳⵏⴰ ⵜⴰⵎⴰⴳⵏⵓⵜ ⵏ ⵜⵎⴰⴹⴰⵍⵜ".
ⵢⴻⵔⵏⴰ ⵓⵏⴻⵖⵍⴰⴼ ⵏ ⵓⵡⴰⵏⴽ ⵙ ⵡⴰⵡⴰⵍ-ⵉⵙ: "ⵉⵙⴼⴻⵕⵃ-ⴷ ⵓⴳⵔⴰⵡ ⴰⴳⵔⴰⵖⵍⴰⵏ ⵢⴻⵔⵏⴰ ⵏⴻⵙⴼⴻⵕⵃ ⵢⵉⴷ-ⵙ ⵙ ⵓⵙⵙⴻⵃⴱⵉⴱⴻⵔ ⵏ ⵓⵔⴽⴽⴰⴷ ⵏ ⵓⵙⵙⴰⵖ ⴷⴻⴳ ⵖⴻⵣⵣⴰ ⵉ ⴷ-ⵢⴻⵍⴷⵉⵏ ⴰⵅⴻⴷⴷⴰⵎ ⴰⵎ :ⵃⴻⴷⴷⵓ (11) ⵡⴰⴳⴳⵓⵔⴻⵏ ⵉ ⵢɛⴻⴷⴷⴰⵏ, ⵙ ⵜⵏⴻⴼⵙⵉ ⴰⴷ ⵢⵉⵍⵉ ⴷ ⵜⴰⵊⵔⴰⵡⵜ ⵉ ⵓⵙⵙⴻⵏⵜⵉ ⵏ ⵓⵏⴰⴳⵔⴰⵡ ⴰⵔⴰ ⵉⵙⴻⵔⵙⴻⵏ ⵜⴰⴳⴳⴰⵔⴰ ⵉ ⵓɛⴻⵜⵜⵉⴱ ⵏ ⵢⵉⵖⴻⵔⵎⴰⵏⴻⵏ ⵢⴻⵔⵏⴰ ⴰⴷ ⵢⴻⵍⴷⵉ ⴰⴱⵔⵉⴷ ⵣⴷⴰⵜ ⵓⵙⵙⴻⴼⵔⴻⴽ ⴰⵙⴻⵔⵜⴰⵏ ⴰⵎⴻⵣⴳⵉ", ⵎⴻɛⵏⴰ ⴰⵙⵉⵔⴻⵎ-ⴰ "ⵙ ⵜⵖⴰⵡⵍⴰ ⵉⵜⵜⵡⴰⴽⴽⴻⵙ ⴷ ⵓⵢⵏⴼⴻⴹ ⴷⴻⴳ ⵜⴻⴳⵏⵉⵜ ⵏ ⵓⵙⵙⵉⴷⴻⵔ ⵏ ⵜⵙⴻⵔⵜⵉⵢⵉⵏ ⵏ ⵓⵃⵔⴻⵙⵙⵓ ⴷ ⵓⵜⵜⴻⴽⴽⵉ-ⵙ ⴰⵎⴰⴳⵏⵓ ⵉ ⵢⴰⴳⵔⴰⵡⴻⵏ ⴷ ⵢⵉⵙⴻⴼⵔⴰⵔⴻⵏ ⵢⴻⵜⵜⵡⴰⵇⴱⴻⵍⴻⵏ".
ⴷⴻⴳ ⵓⵎⴻⵙⵙⵍⴰⵢ-ⵉⵙ ⵖⴻⴼ ⵜⴻⴳⵏⵉⵜ ⴷⴻⴳ ⵜⴻⵎⵏⴰⴹⵉⵏ ⵏ ⵓⴽⴻⵍⵍⴻⴼ ⴷ ⵛⵛⴻⵔⵇ ⴰⵎⵎⴰⵙ, ⵉⵎⵍⴰ-ⴷ ⵎⴰⵙⵙ ⴰⵟⵟⴰⴼ ⴱⴻⵍⵍⵉ "ɛⴻⴷⴷⴰⵏⵜ ⴷⴻⴳ ⵢⵉⵡⴻⵏ ⵙⴻⴳ ⵢⵉⵙⵡⵉⵔⴻⵏ ⵢⴻⵜⵜⴰⴳⴰⴷⴻⵏ ⵓⴳⴰⵔ ⴷⴻⴳ ⵓⵎⴻⵣⵔⵓⵢ-ⵏⵙⴻⵏⵜ, ⵓⵔ ⴷ-ⵢⴻⵍⵍⵉ ⴰⵔⴰ ⴽⴰⵏ ⵙ ⵓⵙⵙⴻⵏⴳⴻⵔ ⵉ ⴷ-ⵊⵊⴰⵏ ⵢⵉⵎⴻⵏⵖⵉⵢⴻⵏ ⵉ ⴷ-ⵢⴻⴹⵔⴰⵏ ⵎⴻɛⵏⴰ ⵙ ⵓⴽⵙⴰⵙ ⵏ ⵢⵉⵍⵓⴳⴰⵏ ⵉ ⵉⴼⴻⵔⵕⵇⴻⵏ ⴳⴰⵔ ⴰⵢⴻⵏ ⵢⴻⵜⵜⵡⴰⵇⴱⴻⵍⴻⵏ ⴷ ⵡⴰⵢⴻⵏ ⵉⵍⴰⵇⴻⵏ ⴰⴷ ⵢⴻⵇⵇⴻⵍ ⴷ ⴰⵎⴰⴳⵉⴷ ⴷⴻⴳ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ".
ⵢⴻⵏⵏⴰ-ⴷ ⴱⴻⵍⵍⵉ ⴷⵣⴰⵢⴻⵔ "ⵜⴻⵜⵜⴰⴱⴰɛ ⵙ ⵓⵖⵉⵍⵉⴼ ⴰⵎⵇⵔⴰⵏ ⵓⵙⵙⵉⴷⴻⵔ ⵏ ⵓⵙⵙⴻⴼⵜⵉ ⴷⴻⴳ ⵜⴻⵎⵏⴰⴹⵜ ⵏ ⵓⴽⴻⵍⵍⴻⴼ, ⴰⵏⵉⴷⴰ ⵉ ⴷ-ⵉⵜⴻⵍⵍⴰ ⵉⵎⴻⵏⵖⵉ ⵉ ⵉⵡⴻⵥⵏⴻⵏ ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ ⴷ ⵢⴻⴳⴷⵓⴷⴻⵏ-ⵉⵙ ⵢⴻⵔⵏⴰ ⵢⴻⵙⵙⴰⵖ-ⴷ ⵜⴰⴼⵍⴻⵙⵜ-ⵏⵙⴻⵏⵜ ⴷ ⵓⵔⴽⴰⵣ-ⵏⵙⴻⵏⵜ ⴷ ⵓⵙⵙⴻⵔⵔⴻⵙ ⵏ ⵓⵙⵏⴻⵔⵏⵉ-ⵏⵙⴻⵏⵜ ⵉ ⴷ-ⵢⵓⴼⴰⵏ ⵉⵎⴰⵏ-ⵏⵙⴻⵏⵜ ⴷ ⵜⵉⵙⵓⵔⴰ ⵏ ⵜⵏⴻⴼⵙⵉⵡⵉⵏ ⵓⵔ ⵏⴻⵍⵍⵉ ⴰⵔⴰ ⴷ ⵜⵏⴻⴼⵙⵉⵡⵉⵏ-ⵏⵙⴻⵏⵜ".
ⴷⴻⴳ ⵜⴳⵏⵉⵜ-ⴰ, ⵉɛⴰⵡⴻⴷ ⴰⵟⵟⴰⴼ ⴰⵙⵙⴻⴼⴳⴰⴷ ⵏ ⴷⵣⴰⵢⴻⵔ ⵉ ⵓⵔⴽⴰⵣ ⵏ ⵜⵏⴻⵣⵎⴰⵔⵜ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ ⴷ ⵜⴼⴻⴽⴽⴰ ⵏ ⵡⴰⴽⴰⵍ-ⵏⵙⴻⵏⵜ, ⵙ ⵓⵙⵙⴻⵃⴱⵉⴱⴻⵔ ⵖⴻⴼ ⵜⴰⵙⴻⴹⴼⵉ ⵏ "ⵓⵙⵙⴷⴻⵔⵔⵓ ⵏ ⵓⵙⵙⴻⴼⵜⵉ ⴷ ⵓⵙⵙⴻⵃⴱⵉⴱⴻⵔ ⵖⴻⴼ ⵓⵙⴰⴹⵓⴼ ⴰⴳⵔⴰⵖⵍⴰⵏ ⴷⴻⴳ ⵓⵙⵙⴻⴼⵔⴻⴽ ⴷ ⵓⵔⴽⴰⵣ ⴷ ⵢⵉⵙⴻⵇⵙⵉⵢⴻⵏ ⵉ ⵉⵙⵙⴻⵖⵍⵢⵏ ⴰⵙⵉⵔⴻⵎ ⵏ ⵜⴻⵎⵏⴰⴹⵜ ⵉ ⵜⴻⴼⵍⴻⵙⵜ ⴷ ⵓⵙⵙⵉⵔⴻⵎ ⴷ ⵜⴰⵍⵡⵉⵜ".
ⵢⴻⵔⵏⴰ ⵉɛⴰⵡⴻⴷ ⴷⴻⴳ ⵓⵏⴳⴰⵍ-ⴰ ⴷⴰⵖⴻⵏ ⴰⵙⵙⴻⴼⴳⴰⴷ ⵏ ⴷⵣⴰⵢⴻⵔ ⵉ "ⵓⵙⵙⵉⴷⴻⵔ ⵏ ⵢⵉⴽⴰⵕⵔⴻⵏ ⵉⵙⵔⴰⵢⵉⵍⵉⵢⴻⵏ ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ, ⵍⴰⴷⵖⴰ ⵙⵓⵔⵢⴰ ⴷ ⵍⵓⴱⵏⴰⵏ, ⴷ ⵓⵙⵙⴻⴼⵜⵉ-ⵙ ⵉ ⵓⵙⵙⴻⴹⵍⴻⵎ ⵏ ⵚⵚⵓⵎⴰⵍ ⴰⵢⴻⵜⵎⴰⵜⴻⵏ".
ⴰⵔⵏⵓ ⵖⴻⵔ
