ⵜⴻⵙⵙⴰⵡⴻⵍ-ⴷ ⴷⵣⴰⵢⴻⵔ, ⴰⵙⵙ-ⴰ ⵏ ⵜⵏⴻⵢⵏ ⵙⴻⴳ ⵏⴻⵡ ⵢoⵔⴽ, ⵉ ⵓⵙⵏⴻⵔⵏⵉ ⵏ ⵓⵎⵓⵔ ⵏ ⵓⴳⵔⴰⵡ ⴰⵎⴰⵜⵓ ⵏ ⵜⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ ⴷ ⵜⵏⴻⵣⵎⴰⵔⵜ-ⵉⵙ ⴷ ⵓⵙⵙⴻⴳⴳⴻⵎ ⵏ ⵓⵙⵇⴰⵎⵓ ⵏ ⵜⴻⴼⵍⴻⵙⵜ "ⴷ ⴰⵙⵙⴻⴳⴳⴻⵎ ⴰⵎⵇⵔⴰⵏ" ⴰⵔⴰ ⵜ-ⵢⴻⵔⵔⴰⵏ ⴷ ⴰⵎⵙⴻⴼⵔⴰⵙ ⵓⴳⴰⵔ, ⴷ ⵓⵖⵔⵉⵢⴻⵏ ⴷ ⵓⵏⴻⴼⴽⴰⵢ, ⵢⴻⵔⵏⴰ ⴰⴷ ⵉⵙⴻⵔⵙ ⵜⴰⴳⴳⴰⵔⴰ ⵉ ⵓⵙⵙⵜⴻⵢ ⴷ ⵓⵙⵙⴻⴼⵔⴻⴽ ⵏ ⵣⵣⵓⵊ ⵏ ⵜⵎⵓⵖⵍⵉⵡⵉⵏ ⴷⴻⴳ ⵓⵙⵏⴰⵙ ⵏ ⵓⵙⴰⴹⵓⴼ ⴰⴳⵔⴰⵖⵍⴰⵏ.
ⴷⴻⴳ ⵡⴰⵡⴰⵍ-ⵉⵙ ⵉ ⴷ-ⵢⴻⴼⴽⴰ ⴷⴻⴳ ⵉⵎⴰⵍⴰⵙ ⵏ ⵓⵙⵡⵉⵔ ɛⵍⴰⵢⴻⵏ ⵏ ⵜⴻⵖⵔⴻⵎⵜ ⵡⵉⵙ 81 ⵏ ⵓⴳⵔⴰⵡ ⴰⵎⴰⵜⵓ ⵏ ⵜⵓⴷⴷⴰ ⵏ ⵜⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴽ, ⴰⵏⴻⵖⵍⴰⴼ ⵏ ⵜⵏⴻⴼⵙⵉⵡⵉⵏ ⵏ ⴱⴻⵕⵕⴰ, ⵜⴰⵎⴰⴳⵓⵔⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⵏⴻⴼⵙⵉⵡⵉⵏ ⵜⵉⴼⵔⵉⵇⵉⵢⵉⵏ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴱⴻⵍⵍⵉ ⴷⵣⴰⵢⴻⵔ "ⵜⴻⵙⵙⴰⵡⴻⵍ-ⴷ ⵉ ⵓⵙⵏⴻⵔⵏⵉ ⵏ ⵓⵎⵓⵔ ⵏ ⵓⴳⵔⴰⵡ ⴰⵎⴰⵜⵓ ⴷ ⵜⵏⴻⵣⵎⴰⵔⵜ-ⵉⵙ ⴷ ⵓⵙⵙⴻⴳⴳⴻⵎ ⵏ ⵓⵙⵇⴰⵎⵓ ⵏ ⵜⴻⴼⵍⴻⵙⵜ ⴷ ⴰⵙⵙⴻⴳⴳⴻⵎ ⴰⵎⵇⵔⴰⵏ ⴰⵔⴰ ⵜ-ⵢⴻⵔⵔⴰⵏ ⴷ ⴰⵎⵙⴻⴼⵔⴰⵙ ⵓⴳⴰⵔ, ⴷ ⵓⵖⵔⵉⵢⴻⵏ ⴷ ⵓⵏⴻⴼⴽⴰⵢ, ⵢⴻⵔⵏⴰ ⴰⴷ ⵉⵙⴻⵔⵙ ⵜⴰⴳⴳⴰⵔⴰ ⵉ ⵓⵙⵙⵜⴻⵢ ⴷ ⵓⵙⵙⴻⴼⵔⴻⴽ ⵏ ⵣⵣⵓⵊ ⵏ ⵜⵎⵓⵖⵍⵉⵡⵉⵏ ⴷⴻⴳ ⵓⵙⵏⴰⵙ ⵏ ⵓⵙⴰⴹⵓⴼ ⴰⴳⵔⴰⵖⵍⴰⵏ".
ⵉɛⴰⵡⴻⴷ ⴰⵙⵙⴻⵃⴱⵉⴱⴻⵔ ⵏ ⴷⵣⴰⵢⴻⵔ ⴰⵎⴻⵣⴳⵉ ⵉ ⵡⴰⴷⴷⴰⵍ ⴰⴼⵔⵉⵇⵉ ⴰⵎⴻⴷⴷⵓⴽⴰⵍ, ⵙ ⵓⵙⵙⴻⴽⵜⴰⵢ ⴱⴻⵍⵍⵉ "ⵓⵙⴻⴳⴳⴻⵎ ⵏ ⵓⵔⴽⴰⵣ ⴰⵎⴻⵣⵔⵓⵢⴰⵏ ⵉ ⴷ-ⵢⴻⵖⵍⴰⵢⴻⵏ ⵖⴻⴼ ⵜⴼⵔⵉⵇⴻⵜ ⵢⴻⵙⵙⵓⵜⵓⵔ ⴰⵜⵜⴻⴽⴽⵉ ⴰⴼⵔⵉⵇⵉ ⴰⵎⴻⵣⴳⵉ ⴷ ⵓⵖⵔⵉⵢⴻⵏ ⴷⴻⴳ ⵓⵙⵇⴰⵎⵓ ⵏ ⵜⴻⴼⵍⴻⵙⵜ ⵙ ⵜⵣⴻⵎⵎⴰⵔ ⵜⵉⵎⵎⵉⴷⵉⵏ".
ⵢⴻⵏⵏⴰ-ⴷ ⴷⴻⴳ ⵓⵏⴳⴰⵍ-ⴰ ⴱⴻⵍⵍⵉ "ⵎⴰ ⵢⴻⵍⵍⴰ ⵓⵙⵙⵉⴷⴻⵔ ⵏ ⵜⴻⴼⵍⴻⵙⵜ ⵢⴻⵜⵜⴱⴰⴷⴷⵉⴷ ⵙ ⵓⵙⵙⴻⴳⴳⴻⵎ ⵏ ⵜⵙⴻⴷⴷⴰⵡⵉⵢⵉⵏ, ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⵎⴻⴷ ⵙ ⵡⴰⵔ ⴰⵙⵙⴻⵃⴱⵉⴱⴻⵔ ⵖⴻⴼ ⵢⴻⴳⴷⵓⴷⴻⵏ ⵉ ⵉⴱⵖⴰⵏ ⴰⴷ ⴼⴻⵔⵔⴻⵏ ⴰⵎⴰⴷⴰⵖ-ⵏⵙⴻⵏ ⴷ ⵓⵙⵙⴻⴼⵜⵉ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ ⵉⵖⴻⵍⵏⴰⵡⴻⵏ".
ⵉⵡⴻⴽⴽⴻⴷ-ⴷ ⵎⴰⵙⵙ ⴰⵟⵟⴰⴼ ⴱⴻⵍⵍⵉ ⴰⵙⵙⴻⴳⴳⴻⵎ ⵏ ⵓⵏⴰⴳⵔⴰⵡ ⵏ ⵜⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ ⵓⵔ ⵢⴻⴷⵡⵉⵍ ⴰⵔⴰ "ⴷ ⵙⴼⴰⵀⴰ ⵏ ⵜⵙⴻⴷⴷⴰⵡⵉⵢⵉⵏ ⵏⴻⵖ ⴷ ⴰⵙⵜⴰⵢ ⵉ ⵏⴻⵣⵎⴻⵔ ⴰⴷ ⵏⴻⵙⵙⵓⵜⵓⵔ ⵉⴹⴻⵍⵍⵉ ⴷ ⴰⵙⵙ-ⴰ ⵙ ⵡⴰⵔ ⵜⴰⴳⴳⴰⵔⴰ", ⵎⴻɛⵏⴰ ⵜⴻⴷⵡⴻⵍ "ⴷ ⵜⴰⵙⴰⴹⵓⴼⵜ ⵉ ⴷ-ⴼⴽⴰⵏ ⵢⵉⵎⵓⵙⵙⵓⵜⵉⵢⴻⵏ ⵉⵎⴻⵇⵔⴰⵏⴻⵏ ⵉ ⵜⵡⴰⵍⵉ ⵜⵎⴰⴹⴰⵍⵜ, ⴷ ⵓⵙⵙⵓⵜⴻⵔ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵓⴳⴰⵔ ⵏ ⵓⵖⵔⵉⵢ ⴷ ⵓⵎⵙⴻⴼⵔⴰⵙ ⴷ ⵓⵏⴻⴼⴽⴰⵢ".
ⵢⴻⵔⵏⴰ ⵉⵡⴻⴽⴽⴻⴷ-ⴷ ⴱⴻⵍⵍⵉ "ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵏⴻⵙⵙⵓⵜⴻⵔ ⵙⴻⴳ ⵢⴻⴳⴷⵓⴷⴻⵏ ⴰⴷ ⴰⵎⵏⴻⵏⴳ ⴷⴻⴳ ⵡⴰⵔⵎⵓⴷ ⴳⴰⵔ ⵡⴰⵟⴰⵙ ⵏ ⵜⵎⵓⵔⴰ ⵎⴰ ⵢⴻⵍⵍⴰ ⵜⵉⵙⴻⴷⴷⴰⵡⵉⵢⵉⵏ-ⵉⵙ ⵎⵎⵍⴻⵏⵜ-ⴷ ⴰⵣⴰⴳⵍⵓ ⵏ ⵜⵎⴰⴹⴰⵍⵜ ⵉɛⴻⴷⴷⴰⵏ, ⵢⴻⵔⵏⴰ ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵏⴻⵙⵍⴰⵢ ⵖⴻⴼ ⵜⴻⵖⴷⴻⵎⵜ ⵜⴰⴳⵔⴰⵖⵍⴰⵏⵜ ⵎⴰ ⵢⴻⵍⵍⴰ ⵓⵔ ⵏⵙⴻⴼⵙⵉ ⴰⵔⴰ ⵢⵉⵙⴻⵔⴰⵃⴻⵏ ⵉⵎⴻⵣⵔⵓⵢⴰⵏⴻⵏ ⵉ ⵉⵡⴻⵥⵏⴻⵏ ⵜⴰⵡⵉⵍⴰ ⵏ ⵓⵙⵙⴻⴼⵔⴻⴽ ⵏ ⵡⴰⵖⵜⴰⵙ ⴰⴳⵔⴰⵖⵍⴰⵏ, ⵢⴻⵔⵏⴰ ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵏⴻⵎⵏⴻⵏⵏⵓⵖ ⵉ ⵓⵎⴻⵥⵍⵓ ⵏ ⵍⵃⴻⵕⴼ ⴷ ⵜⴻⴼⵍⴻⵙⵜ ⵜⴰⴳⵔⴰⵖⵍⴰⵏⵜ ⵎⴰ ⵢⴻⵍⵍⴰ ⴰⵏⴰⴳⵔⴰⵡ ⵏ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵉⵙⵙⴰⵍⵉ ⵜⴰⵙⴻⵔⵜⵉⵜ ⵏ ⵢⵉⵎⴻⵏⵖⵉⵢⴻⵏ ⴰⵎ ⴰⵍⵍⴰⵍ ⴰⵎⴰⴳⵏⵓ ⵉ ⵓⵙⵙⴻⴼⵔⴻⴽ ⵏ ⵢⵉⵙⴻⵏⴼⴰⵔⴻⵏ".
ⵉⵡⴻⴽⴽⴻⴷ-ⴷ ⵎⴰⵙⵙ ⴰⵟⵟⴰⴼ ⴱⴻⵍⵍⵉ "ⴰⵎⴻⵙⵙⵍⴰⵢ ⵓⵔ ⵉⵛⵓⴷⴷ ⴰⵔⴰ ⴰⴽⴽ ⵖⴻⵔ ⵓⵙⵙⴰⴽⴰ ⵉɛⴻⴷⴷⴰⵏ ⴷⴻⴳ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ, ⵎⴻɛⵏⴰ ⴷ ⵓⵙⵙⴻⴼⵔⴻⴽ ⴰⵎⵇⵔⴰⵏ ⵏ ⵜⴻⴼⵍⴻⵙⵜ-ⵏⵜⴻⵖ ⵜⴰⵎⴰⴳⴷⴰⵢⵜ ⴷ ⵜⵣⴻⵎⵎⴰⵔ-ⵏⵜⴻⵖ ⵉ ⵓⵙⵙⴻⵃⴱⵉⴱⴻⵔ ⴷ ⵓⵙⵏⴻⵔⵏⵉ ⵏ ⵓⵏⴰⴳⵔⴰⵡ ⵉ ⵏⴻⵙⴱⴻⴷⴷ ⴷⴻⴼⴼⵉⵔ ⵣⵣⵓⵊ ⵏ ⵢⵉⵎⴻⵏⵖⵉⵢⴻⵏ ⵉⵎⴰⴹⵍⴰⵏⴻⵏ ⵉ ⵡⴰⴽⴽⴻⵏ ⵓⵔ ⵜⵜɛⴻⵜⵜⵉⴱⴻⵏ ⴰⵔⴰ ⵜⴰⵙⵓⵜⴰ ⵉ ⴷ-ⵢⴻⵜⵜⴻⴷⴷⵓⵏ ⵙ ⵢⵉⵎⴻⵏⵖⵉⵢⴻⵏ", ⵙ ⵓⵙⵙⴻⴽⵜⴰⵢ ⴱⴻⵍⵍⵉ ⴰⵙⴻⵏⵜⴻⵍ ⵉ ⴷ-ⵢⴻⴼⵔⴻⵏ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵎⴰⵜⵓ ⵉ ⵜⴻⵖⵔⴻⵎⵜ-ⴰ (ⵓⵙⵙⵉⴷⴻⵔ ⵏ ⵜⴻⴼⵍⴻⵙⵜ ⴷ ⵓⵙⵙⴻⴼⵔⴻⴽ ⵏ ⵓⵎⵓⵙⵙⵓ: ⵜⵉⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ ⵉ ⴷ-ⵉⵢⴻⵡⵡⵉⵏ ⵉⵙⴻⵏⴷⴰⵀ ⵉ ⴰⴽⴽ ⵎⴻⴷⴷⴻⵏ) "ⵓⵔ ⴷ-ⵉⵙⵙⴻⵏⴱⴰⵢⴻⴹ ⴰⵔⴰ ⴽⴰⵏ ⵉⵙⵓⵜⵓⵔⴻⵏ ⵏ ⵜⴰⵙⵓⵜ-ⴰ, ⵎⴻɛⵏⴰ ⵉⵙⴻⵔⵙ-ⴷ ⵣⴷⴰⵜ-ⵏⴻⵖ ⴰⵙⴻⵇⵙⵉ ⴰⵖⴱⴰⵍⴰⵏ: ⴰⵎⴻⴽ ⴰⵔⴰ ⵏ-ⵔⴻⵙⵙⵓⵔ ⵜⴰⴼⵍⴻⵙⵜ ⴷⴻⴳ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵉ ⴷⴻⴳ ⵜⴻⵖⵍⴻⵢ ⵜⴻⴼⵍⴻⵙⵜ ⵏ ⵢⵉⵍⵓⴳⴰⵏ-ⵉⵙ ⴷ ⵜⵙⴻⴷⴷⴰⵡⵉⵢⵉⵏ-ⵉⵙ?".
ⵙⴻⴳ ⵓⵏⴳⴰⵍ-ⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴽ ⴱⴻⵍⵍⵉ "ⵜⴰⴼⵍⴻⵙⵜ ⵜⴻⵜⵜⴻⵇⵇⵍ-ⴷ ⵎⵉ ⴰⵔⴰ ⵎⵚⴰⴷⴰⵏⵜ ⵜⵎⴻⵙⵍⴰⵢⵉⵏ ⴷ ⵢⵉⵎⴰⵀⵉⵍⴻⵏ, ⵜⴻⵜⵜⴻⵇⵇⵍ-ⴷ ⵎⵉ ⴰⵔⴰ ⵢⵉⵍⵉ ⵓⵙⴰⴹⵓⴼ ⴷ ⵢⵉⵡⴻⵏ ⵉ ⴰⴽⴽ ⵎⴻⴷⴷⴻⵏ, ⵢⴻⵔⵏⴰ ⵜⴻⵜⵜⴻⵇⵇⵍ-ⴷ ⴷⴰⵖⴻⵏ ⵎⵉ ⴰⵔⴰ ⵣⵎⴻⵔⴻⵏ ⵢⴻⴳⴷⵓⴷⴻⵏ ⴰⴷ ⵡⴰⵍⵉⵏ ⴷⴻⴳ ⵜⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ ⴷ ⴰⵅⵅⴰⵎ ⵢⵉⵡⴻⵏ ⴰⵎⴻⴷⴷⵓⴽⴰⵍ, ⵓⵔⴻⵍⵍⵉ ⴷ ⵜⵓⴷⴷⴰ ⵢⴻⵜⵜⵡⴰⵃⴻⴱⵙⴻⵏ ⵙ ⴷⴷⴻⵍ ⵏ ⵜⵏⴻⵣⵎⴰⵔ ⵏ ⵜⴻⴼⴽⵉⵜ".
ⵉⵙⵙⴻⵃⴱⴻⴱ-ⴷ ⵎⴰⵙⵙ ⴰⵟⵟⴰⴼ ⵖⴻⴼ ⵓⵣⴰⵍ ⵏ ⵓⵙⵙⴻⵏⵜⵉ ⵏ ⵜⵙⴻⴷⴷⴰⵡⵉⵢⵉⵏ ⵉⴷⴷⵓⴽⵍⴻⵏ ⴷ "ⴰⵎⴰⴽⴰⵏ ⴰⵏⵉⴷⴰ ⴰⵔⴰ ⴷ-ⵜⴻⵇⵇⴻⵍ ⵜⴷⵉⵒⵍoⵎⴰⵙⵉⵢⵜ ⵖⴻⵔ ⵡⴰⴷⴷⴰⵍ-ⵉⵙ, ⴷ ⴰⵏⵉⴷⴰ ⴰⵔⴰ ⴷ-ⵜⴻⵇⵇⴻⵍ ⵜⴻⴼⵍⴻⵙⵜ ⴷⴻⴳ ⵜⵙⴻⴷⴷⴰⵡⵉⵢⵉⵏ, ⵢⴻⵔⵏⴰ ⴰⴷ ⵢⴻⴷⵡⴻⵍ ⵓⵙⵙⴻⵃⴱⵉⴱⴻⵔ ⵖⴻⴼ ⵓⵙⴰⴹⵓⴼ ⴰⴳⵔⴰⵖⵍⴰⵏ ⴷ ⵜⴻⴳⴳⴰⵍⵍⵉⵜ ⵜⴰⵎⴻⴷⴷⵓⴽⴰⵍⵜ, ⵓⵔⴻⵍⵍⵉ ⴷ ⴰⵙⵜⴰⵢ ⵏ ⵍⵃⴰⵡⴰⵍ".
ⴰⵔⵏⵓ ⵖⴻⵔ
