ⵏⴰⵚⵉⵔⵉ ⵢⴻⵜⵜⵡⴰⵙⵜⴰⵎⴱⴰⵍ ⵙ ⵖⵓⵔ ⵓⵙⴻⵍⵍⵡⴰⵢ ⵏ ⵜⴻⴳⴷⵓⴷⴰ ⵏ ⴰⵔⵎⵉⵏⵢⴰ

ⵢⴻⵙⵜⴻⵇⴱⴻⵍ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵎⴻⵣⵔⵓⵢ, ⵄⵣⵣoⵓⵣ Nⴰⵚⵉⵔⵉ, ⴰⵙⵙ-ⴰ ⵏ ⵓⵙⴰⵎⴰⵙ (ⵍⴻⵅⵎⵉⵙ) ⴷⵉ ⵖⴻⵔⴻⵯⴰⵏ, ⵜⴰⵎⴰⵏⴰⵖⵜ ⵏ ⴰⵔⵎⵉⵏⵢⴰ, ⵙ ⵖⵓⵔ ⵓⵙⴻⵍⵍⵡⴰⵢ ⵏ ⵜⴻⴳⴷⵓⴷⴰ ⵏ ⴰⵔⵎⵉⵏⵢⴰ, ⵠⴰⵀⴰⴳⵏ ⵅⵀⴰⵛⵀⴰⵜⵓⵔⵢⴰⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵙⵇⴰⵎⵓ.

ⵢⵓⵙ-ⴷ ⵓⵙⴻⵜⵇⴱⴻⵍ-ⴰ ⴷⴻⴳ ⵓⴱⵍⴻⵖ ⵏ ⵓⵜⵜⴻⴽⴽⵉ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵎⴻⵣⵔⵓⵢ, ⵙ ⵉⵣⴻⵏ ⵏ ⵓⵙⴻⵍⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴱⴷⴻⵍⵎⴰⴷⵊⵉⴷ ⵟⴻⴱⴱoⵓⵏⴻ, ⴷⴻⴳ ⵡⴰⵀⵉⵍⴻⵏ ⵏ ⵜⵇⵓⵎⵜ ⵏ ⵢⵉⵙⴻⵍⵡⴰⵢⴻⵏ ⴷⵉ ⵜⵣⴻⵖⵜ ⵜⵉⵙ 17 ⵏ ⵓⵏⴰⴱⴰⴷ ⵏ ⵜⴷⵓⴽⵍⵉ ⵏ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴳⴰⵔⴰⵏⵜ ⵏ ⵜⵏⴻⴽⴽⴰⵎⴰⵢⵜ (ⵛOP17).

ⵢⴻⵍⵍⴰ-ⴷ ⵓⵏⴻⵊⵎⵓⵄ-ⴰ ⴷ ⵜⴰⴳⵏⵉⵜ ⵉ ⵓⵙⴱⴰⴹ ⵏ ⵜⴻⴳⵏⵉⵜ ⴷ ⵢⵉⵙⵡⴰⵏ ⵏ ⵜⵉⵖⴰⵡⵉⵏ ⵜⵉⴷⵙⴰⵍⵏⵉⵢⵉⵏ, ⴰⵏⴷⴰ ⵉ ⵉⵙⵙⴻⴱⵔⵯⴽ ⵎⴰⵙⵙ Nⴰⵚⵉⵔⵉ, ⴷⵉ ⵜⴰⴳⵏⵉⵜ-ⴰ, ⵉⴷⵉⵙ ⵏ ⴰⵔⵎⵉⵏⵢⴰ ⵖⴻⴼ ⵓⵙⴱⴻⴷⴷ ⵏ ⵜⵎⵓⵔⵜ-ⵉⵙ ⵉ ⵓⵏⴰⴳⴰⵔ-ⴰ ⴰⵎⴰⴹⴰⵍⴰⵏ, ⵓ ⵢⴻⵙⵙⴽⴻⵏ-ⴷ ⴰⵙⵏⴻⵎⵎⴻⵔ-ⵉⵙ ⴷ ⵓⴼⴻⵕⵃ-ⵉⵙ ⵙ ⵜⵓⵣⵣⵎⴰ ⴷ ⵜⵎⵓⵙⵏⵉ, ⵙ ⵓⵙⵙⴻⴷⵀⴻⵎ ⵖⴻⴼ "ⵡⴰⵣⴰⵍ ⵏ ⵓⵙⵙⴻⵏⴽⴻⴷ ⵏ ⵍⴻⴱⵖⵉ ⴰⵙⴻⵔⵜⴰⵏ ⴰⵎⴷⵓⴽⴽⴰⵍ ⵉ ⵓⵙⴰⵍⵉ ⵏ ⵜⵉⵖⴰⵡⵉⵏ ⵜⴰⵣⵡⴰⵢⵔⵉⵜ-ⵜⴰⵔⵎⵉⵏⵉⵜ ⵖⴻⵔ ⵢⵉⵙⵡⵉⵔⴻⵏ ⵉⵊⴻⵀⵀⴷⴻⵏ, ⴰⴽⴽⴻⵏ ⴰⴷ ⴷ-ⵢⴻⵡⵡⴻⴹ ⵢⵉⵙⵡⴰⵏ ⵏ ⵙⵉⵏ ⵜⵎⵓⵔⴰ", ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵖⴱⴰⵍⵓ-ⴰ.

ⴷⴻⴳ ⵓⴱⵍⴻⵖ-ⴰ, ⵙⴱⴹⴻⵏ ⵙⵉⵏ ⵢⵉⴷⵉⵙⵉⵢⴻⵏ ⴰⴱⵔⵉⴷ ⵏ ⵜⵉⵖⴰⵡⵉⵏ ⵜⵉⴷⵉⵒⵓⵍⵓⵎⴰⵜⵉⵢⵉⵏ ⴳⴰⵔ ⵙⵉⵏ ⵜⵎⵓⵔⴰ, ⵉ ⴷ-ⵢⵓⵍⵍⴰⵏ ⵙⴻⴳ 30 ⴷⵓⴰⵎⴱⴻⵔ 1992, ⴰⵏⴷⴰ ⵉ ⵙⵙⴻⴷⵀⵎⴻⵏ "ⴰⵣⴰⵍ ⵏ ⵓⵙⵙⴻⴼⵜⵉ ⵏ ⵓⵙⵜⴻⵇⵙⵉ ⴷ ⵓⵙⴰⵍⵉ ⵏ ⵢⵉⴳⵣⵓⵎⴻⵏ ⵏ ⵓⵎⵡⴰⵙ, ⵙ ⵓⵙⴱⴻⴷⴷ ⵏ ⵡⴰⵍⵍⴰⵍⴻⵏ ⵉⵙⵓⴷⴷⵉⵙⴰⵏⴻⵏ ⵉⵎⴻⵣⵜⴰⵢⴻⵏ".

ⴰⴽⴽⴻⵏ ⵉ ⴷ-ⵢⴻⵡⵡⵉ ⵡⴰⵡⴰⵍ ⴷⴻⴳ ⵢⵉⵎⴻⵙⵍⴰⵢⴻⵏ ⵖⴻⴼ ⵜⴳⵏⵉⵜⵉⵏ ⵏ ⵓⵙⴻǧⵀⴻⴷ ⵏ ⵓⵎⵡⴰⵙ ⴷⴻⴳ ⴰⵟⴰⵙ ⵏ ⵢⵉⴳⵣⵓⵎⴻⵏ ⵏ ⵍⵖⵓⵔ ⴰⵎⴷⵓⴽⴽⴰⵍ, ⴰⵎ ⵜⴼⴻⵍⵍⴰⵃⵜ ⴷ ⵜⴰⵖⴰⵡⵙⴰ ⵜⴰⴼⴻⵍⵍⴰⵃⴰⵏⵜ, ⵙ ⵓⵙⵙⴻⴷⵀⴻⵎ ⵖⴻⴼ "ⵡⴰⵣⴰⵍ ⵏ ⵓⵀⴻⴳⴳⵉ ⵏ ⵓⴱⵍⴻⵖ ⴰⵙⴰⴹⵓⴼ ⵉⵢⵍⵡⴰⵏ ⵉ ⵓⵙⴰⵍⵉ ⵏ ⵜⴷⵓⴽⵍⵉⵡⵉⵏ ⴷ ⵓⵙⵙⴻⴱⴳⴰⵙ ⵏ ⵓⵙⴻⵏⴼⴰⵍⵉ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷ ⵢⵉⵔⵎⴰⴷ", ⵉ ⵢⴻⵔⵏⴰ ⵓⵍⵖⵓ-ⴰ.

ⴷⴻⴳ ⵡⴰⵢⴻⵏ ⵢⴻⵔⵔⴰⵏ ⵖⴻⵔ ⵓⵅⴻⴷⴷⵉⵎ ⴰⴱⴰⵔⵍⴰⵎⴰⵏ, ⵢⴻⵙⵙⴽⴻⵏ-ⴷ ⵙⵉⵏ ⵢⵉⴷⵉⵙⵉⵢⴻⵏ ⵜⴰⵎⵍⵉⵍⵜ ⵏ ⵙⵏⴰⵜ ⵏ ⵜⵙⵓⴷⴷⵓⵡⵉⵏ ⵜⵉⵙⴰⴹⵓⴼⵉⵢⵉⵏ, ⴷⴻⴳ ⵓⵙⵙⴻǧⵀⴻⴷ ⵏ ⵜⵉⵖⴰⵡⵉⵏ ⵏ ⵜⵉⴷⴷⵓⴽⵜ ⴳⴰⵔ ⵙⵉⵏ ⵜⵎⵓⵔⴰ, ⵙ ⵓⴱⴻⴷⴷⴻⵍ ⵏ ⵜⵉⵔⵣⵉⵡⵉⵏ ⴷ ⵓⵙⵙⴻⴼⵜⵉ ⵏ ⵜⵙⴻⵇⵇⵓⵎⴰ ⵏ ⵜⵉⴷⴷⵓⴽⵜ ⵜⴰⴱⴰⵔⵍⴰⵎⴰⵏⵜ.

ⵎⴰ ⴷ ⴰⵢⴻⵏ ⵢⴻⵔⵔⴰⵏ ⵖⴻⵔ ⵢⵉⵔⵔⵎⴰⴷ ⵉⴷⵉⵒⵓⵍⵓⵎⴰⵜⵉⵢⴻⵏ ⵎⵓⵍⵜⵉⵍⴰⵜⴻⵔⴰⵍⵙ, ⴱⴻⴷⴷⵍⴻⵏ ⵙⵉⵏ ⵢⵉⴷⵉⵙⵉⵢⴻⵏ ⵜⵎⵓⵖⵍⵉⵡⵉⵏ-ⵏⵙⴻⵏ ⵖⴻⴼ ⴰⵟⴰⵙ ⵏ ⵜⴻⵣⵎⴻⵔⵜ ⵜⵉⵙⴳⵓⵔⴰⵏⵉⵏ ⴷ ⵜⵉⵎⴰⴹⴰⵍⴰⵏⵉⵏ, ⴰⵏⴷⴰ ⵉ ⵙⵙⴻⴷⵀⵎⴻⵏ "ⴰⵣⴰⵍ ⵏ ⵓⵙⴱⴻⴷⴷ ⵏ ⵜⵏⴻⵇⵇⵉⴹⵉⵏ ⵏ ⵍⴼⵉⵖ ⴷ ⵓⵙⴻǧⵀⴻⴷ ⵏ ⵓⵎⴰⵍⵍⴻⵍⵍⵓ ⴰⵎⴰⴹⴰⵍⴰⵏ ⴷ ⵓⴼⵔⴰⵖ ⴰⵏⴰⵍⴰⵢ ⵏ ⵛⵛⵡⴰⵍ, ⴰⴽⴽⴻⵏ ⴰⴷ ⵢⵉⵍⵉ ⵓⵙⴷⵓⴽⴻⵍ ⵏ ⵎⵓⵍⵜⵉⵍⴰⵜⴻⵔⴰⵍⵉⵙⵎ ⵉⵊⴻⵀⴷⴻⵏ ⵎⴳⴰⵍ ⵉⵄⴻⵡⵡⵉⵇⴻⵏ ⵉⵎⴰⴹⴰⵍⴰⵏⴻⵏ".

ⴷⴻⴳ ⵓⴱⵍⴻⵖ-ⴰ, ⵢⴻⵙⵙⴽⴻⵏ-ⴷ ⵓⵙⴻⵍⵍⵡⴰⵢ ⵏ ⵜⴻⴳⴷⵓⴷⴰ ⵏ ⴰⵔⵎⵉⵏⵢⴰ ⴰⴼⴻⵕⵃ-ⵉⵙ ⵙ "ⵓⵙⵡⵉⵔ ⵏ ⵜⵉⵖⴰⵡⵉⵏ ⵉ ⵢⴻⵇⵇⵏⴻⵏ ⵜⵎⵓⵔⵜ-ⵉⵙ ⴷ ⴷⵣⴰⵢⴻⵔ", ⵙ ⵓⵙⵙⴻⴷⵀⴻⵎ ⵏ ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵉ ⵓⵅⴻⴷⴷⵉⵎ ⵖⴻⴼ "ⵓⵙⴰⵍⵉ-ⵉⵏⴻⵙ ⴷ ⵓⵙⴻǧⵀⴻⴷ ⵏ ⵓⵎⵡⴰⵙ ⴰⴷⵙⴰⵍⴰⵏ ⴷⴻⴳ ⵢⵉⴳⵣⵓⵎⴻⵏ ⵉⵙⴻⵔⵜⴰⵏⵉⵢⴻⵏ, ⵉⴷⴰⵎⵙⴰⵏⴻⵏ ⴷ ⵢⵉⵏⴻⵣⵣⴰⵏⴻⵏ, ⴷ ⵓⵍⴷⴰⵢ ⵏ ⵢⵉⵙⵡⴰⵏ ⵉⵎⴰⵢⵏⵓⵜⴻⵏ ⵏ ⵜⴷⵓⴽⵍⵉ ⵉ ⴰⵔⴰ ⴰⴷ ⵢⵉⵍⵉⵏ ⴷ ⴰⵎⵡⴰⵙ ⵉ ⵢⵉⵙⵡⴰⵏ ⵉⵎⴷⵓⴽⴽⵍⴻⵏ ⵏ ⵙⵉⵏ ⵜⵎⵓⵔⴰ", ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵖⴱⴰⵍⵓ-ⴰ.

ⵢⴻⵔⵏⴰ ⵢⴻⵙⵙⴻⴷⵀⴻⵎ ⵖⴻⴼ "ⵡⴰⵣⴰⵍ ⵏ ⵓⵙⵙⴻⴼⵜⵉ ⵏ ⵡⴰⵡⴰⵍ ⴷ ⵓⵙⵜⴻⵇⵙⵉ ⴳⴰⵔ ⵙⵉⵏ ⵢⵉⴷⵉⵙⵉⵢⴻⵏ ⴷ ⵓⵙⴰⵍⵉ ⵏ ⵓⵎⵡⴰⵙ ⴰⴱⴰⵔⵍⴰⵎⴰⵏ, ⴷ ⴰⵖⴱⴰⵍⵓ ⵏⵏⵉⴹⴻⵏ ⵉ ⵓⵙⴻǧⵀⴻⴷ ⵏ ⵓⴼⵀⴻⵎ ⴷ ⵓⵜⵜⴻⴽⴽⵉ ⴳⴰⵔ ⵙⵉⵏ ⵢⵉⵖⵍⴰⵏⴻⵏ".

ⴷⴻⴳ ⵡⴰⵢⴻⵏ ⵢⴻⵔⵔⴰⵏ ⵖⴻⵔ ⵜⴻⵎⵙⴰⵍ ⵜⴰⴼⴰⵍⵉⵙⵟⵉⵏⵉⵜ, ⵢⴻⵙⵙⴻⴷⵀⴻⵎ ⵓⵙⴻⵍⵍⵡⴰⵢ ⴰⵔⵎⵉⵏⵉ ⴰⵎⵡⴰⵙ ⵏ ⵜⵎⵓⵔⵜ-ⵉⵙ ⵉ ⵓⴼⵔⴰⵖ ⵏ ⵙⵏⴰⵜ ⵏ ⵜⵎⵓⵔⴰ, ⴷⴻⴳ ⵡⵓⵍ-ⵉⵙ ⵢⴻⵙⵙⴷⵓⴽⴻⵍ ⴰⵎⵡⴰⵙ ⵏ ⵜⵎⵓⵔⵜ-ⵉⵙ ⵉ ⵓⵙⴰⵍⵉ ⵏ ⵜⴼⵔⵓⵜ ⵜⴰⵙⴻⵔⵜⴰⵏⵜ ⵜⴰⵃⴰⵇⵇⴰⵏⵜ ⵉ ⵜⴻⵎⵙⴰⵍ ⵜⴰⵙⴰⵀⵔⴰⵡⵉⵜ, ⴷⴷⴰⵡ ⵏ ⵓⵙⴻⵍⵡⵉ ⵏ ⵜⴷⵓⴽⵍⵉ ⵏ ⵢⵉⵖⵍⴰⵏⴻⵏ.

ⵙⴻⴳ ⵢⵉⴷⵉⵙ-ⵉⵙ, ⵢⴻⵙⵙⴻⵏⴷ ⵎⴰⵙⵙ Nⴰⵚⵉⵔⵉ ⵙ ⵓⵜⵜⴻⴽⴽⵉ ⵏ ⴰⵔⵎⵉⵏⵢⴰ ⵙ ⵜⴻⴳⴷⵓⴷⴰ ⵏ ⴼⵉⵍⴰⵙⵟⵉⵏ ⴷⵉ ⵢⵓⵏⵢⵓ 2024, ⵙ ⵓⵙⵙⴻⴷⵀⴻⵎ ⵖⴻⴼ "ⵡⴰⵣⴰⵍ ⵏ ⵓⵎⵡⴰⵙ ⵏ ⵢⵉⵙⴻⴼⵜⵉⵢⴻⵏ ⵉⵎⴰⴹⴰⵍⴰⵏⴻⵏ ⵉ ⵓⵙⴰⵍⵉ ⵏ ⵓⴳⴷⵓⴷ ⴰⴼⴰⵍⵉⵙⵟⵉⵏⵉ ⵖⴻⵔ ⵢⵉⵣⴻⵔⴼⴰⵏ-ⵉⵙ ⵉⵙⴰⴹⵓⴼⵉⵢⴻⵏ ⴷ ⵓⵙⴱⴻⴷⴷ ⵏ ⵜⵎⵓⵔⵜ-ⵉⵙ ⵜⴰⵎⵣⴰⵔⵓⴳⵜ ⴷ ⵜⴰⵎⴰⵏⴰⵖⵜ-ⵉⵙ ⵍⵇⵓⴷⵙ", ⴰⴽⴽⴻⵏ ⵉ ⵢⴻⵙⵙⴷⵓⴽⴻⵍ "ⵉⴱⴻⴷⴷⵉ ⵏ ⴷⵣⴰⵢⴻⵔ ⵉⵊⴻⵀⵀⴷⴻⵏ ⵉ ⵓⵙⴰⴳⵔⵓ ⵏ ⵓⴳⴷⵓⴷ ⴰⵙⴰⵀⵔⴰⵡⵉ ⵉ ⵓⴼⵔⴰⵇ ⵏ ⵢⵉⵅⴼ-ⵉⵙ, ⴰⴽⴽⴻⵏ ⵉ ⴷ-ⵢⵓⵙⵔⴰⵏ ⴷⴻⴳ ⵜⵏⴻⵇⵇⵉⴹⵉⵏ ⵏ ⵓⵙⴰⴹⵓⴼ ⴰⵎⴰⴹⴰⵍⴰⵏ ⴷ ⵢⵉⵖⵜⴰⵙⴻⵏ ⵏ ⵜⴷⵓⴽⵍⵉ ⵏ ⵢⵉⵖⵍⴰⵏⴻⵏ".