ⵜⴻⵙⵙⴰⵡⴻⵍ ⵜⵏⴻⴱⴷⴰⴷⵉⵜ ⵜⴰⵖⴻⵍⵏⴰⵡⵜ ⵜⴻⵎⵣⴰⵔⵓⴳⵜ ⵏ ⵜⴼⴻⵔⵏⵉⵏ, ⴷⴻⴳ ⵓⵍⵖⵓ-ⵉⵏⴻⵙ ⵏ ⴰⵙⵙ-ⴰ ⵏ ⵓⵙⴰⵎⴰⵙ (ⵍⴻⵅⵎⵉⵙ), ⵉ ⵢⵉⵏⴻⵖⵎⴰⵙⴻⵏ ⵉⵎⵙⵓⵜⵓⵔⴰ ⵏ ⵜⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏⴻⵖ ⵜⴰⴱⴻⵔⵔⴰⵏⵉⵢⵜ, ⵉ ⵢⴻⵅⴻⴷⴷⵎⴻⵏ ⵉ ⵜⴻⴼⵜⴰⵔⵜ ⵉ ⵢⴻⵍⵍⴰⵏ ⴷⴷⴰⵡ ⵏ ⵓⵙⴰⴹⵓⴼ ⴰⴱⴻⵔⵔⴰⵏⵉ, ⴰⴷ ⴼⴽⴻⵏ ⴰⵙⵓⵜⴻⵔ ⵏ ⵓⵙⴰⴳⵔⵓ ⵉ ⵓⵙⴻⵎⴷⵓ ⵏ ⵜⴼⴻⵔⵏⵉⵏ ⵜⵉⴷⵉⴳⴰⵏⵉⵏ ⵏ ⴰⵙⵙ ⵏ 28 ⵡⴰⵎⴱⴻⵔ ⵉ ⴷ-ⵢⴻⵜⴻⴷⴷⵓⵏ, ⵙⴻⴳ 20 ⴽⵜⵓⴱⴻⵔ ⴰⵔⵎⵉ ⴷ 20 ⵡⴰⵎⴱⴻⵔ ⵉ ⴷ-ⵢⴻⵜⴻⴷⴷⵓⵏ.
ⴷⴻⴳ ⵓⵍⵖⵓ-ⴰ ⴷ-ⵢⴻⵡⵡⵉ ⴱⴻⵍⵍⵉ ⵜⵏⴻⴱⴷⴰⴷⵉⵜ ⵜⴰⵖⴻⵍⵏⴰⵡⵜ ⵜⴻⵎⵣⴰⵔⵓⴳⵜ ⵏ ⵜⴼⴻⵔⵏⵉⵏ ⵜⴻⵙⵙⵉⵙⵙⴻⵏ "ⵉⵏⴻⵖⵎⴰⵙⴻⵏ ⵉⵎⵙⵓⵜⵓⵔⴰ ⵏ ⵜⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏⴻⵖ ⵜⴰⴱⴻⵔⵔⴰⵏⵉⵢⵜ ⵉ ⵢⴻⵅⴻⴷⴷⵎⴻⵏ ⵉ ⵜⴻⴼⵜⴰⵔⵜ ⵉ ⵢⴻⵍⵍⴰⵏ ⴷⴷⴰⵡ ⵏ ⵓⵙⴰⴹⵓⴼ ⴰⴱⴻⵔⵔⴰⵏⵉ, ⴱⴻⵍⵍⵉ ⵜⵣⴻⵎⵔⴻⵎ ⴰⴷ ⵜⴼⴽⴻⵎ ⴰⵙⵓⵜⴻⵔ ⵏ ⵓⵙⴰⴳⵔⵓ ⵉ ⵓⵙⴻⵎⴷⵓ ⵏ ⵜⴼⴻⵔⵏⵉⵏ ⵏ ⵢⵉⴳⵎⴰⵎⵉⵢⴻⵏ ⵏ ⵓⵙⵇⴰⵎⵓ ⴰⵖⴻⵔⴼⴰⵏ ⴰⵖⴻⵔⴼⴰⵏ ⴷ ⵓⵡⵉⵍⴰ, ⵖⴻⵔ ⵜⵙⴻⵇⵇⵓⵎⵜ ⵜⴰⴷⵉⵒⵓⵍⵓⵎⴰⵜⵉⵜ ⵏⴻⵖ ⵜⴰⵙⵜⴰⵏⵜ ⵜⴰⴽⵓⵏⵙⵓⵍⵉⵜ ⵜⴰⵣⵣⴰⵢⵔⵉⵜ ⴷⴻⴳ ⵜⵎⵓⵔⵜ ⴰⵏⴷⴰ ⵢⴻⵍⵍⴰ ⵓⵙⵉⵔ ⵉⵊⴻⴼⴼⴰⵔ ⵏ ⵜⴻⴼⵜⴰⵔⵜ-ⴰ ⵉ ⵢⴻⵍⵍⴰⵏ ⴷⴷⴰⵡ ⵏ ⵓⵙⴰⴹⵓⴼ ⴰⴱⴻⵔⵔⴰⵏⵉ, ⵙⴻⴳ 20 ⴽⵜⵓⴱⴻⵔ 2026 ⴰⵔⵎⵉ ⴷ 20 ⵡⴰⵎⴱⴻⵔ 2026".
ⴰⵢⴰⴳⴰ ⴷⴻⴳ "ⵓⴱⵍⴻⵖ ⵏ ⵓⵀⴻⴳⴳⵉ ⵏ ⵜⴼⴻⵔⵏⵉⵏ ⵏ ⵢⵉⴳⵎⴰⵎⵉⵢⴻⵏ ⵏ ⵓⵙⵇⴰⵎⵓ ⴰⵖⴻⵔⴼⴰⵏ ⴰⵖⴻⵔⴼⴰⵏ ⴷ ⵓⵡⵉⵍⴰ, ⵏ ⴰⵙⵙ ⵏ 28 ⵡⴰⵎⴱⴻⵔ 2026, ⴷ ⵓⵅⴻⴷⴷⵉⵎ ⵖⴻⴼ ⵡⴰⵢⴻⵏ ⵉ ⴷ-ⵢⵓⵙⵔⴰⵏ ⴷⴻⴳ ⵓⵙⴰⴹⵓⴼ 21-01 ⵏ 10 ⵎⴻⵖⵔⴻⵙ 2021 ⵉ ⴷ-ⵢⴻⵡⵡⵉⵏ ⴰⵙⴰⴹⵓⴼ ⴰⵖⴻⵍⵏⴰⵡ ⵉ ⵢⴻⵜⵜⵡⴰⵀⴻⴳⴳⴰⵏ ⵖⴻⴼ ⵓⵏⴰⴳⵔⴰⵡ ⵏ ⵜⴼⴻⵔⵏⵉⵏ, ⵉ ⵢⴻⵜⵜⵡⴰⴱⴻⴷⴷⵍⴻⵏ ⴷ ⵓⴽⵎⵉⵍ, ⴷ ⵓⵅⴻⴷⴷⵉⵎ ⵖⴻⴼ ⵓⵙⴻⵍⵡⴰⵢ ⵏ ⵓⵙⴰⵇⵇⴰⵎⵓ 14-152 ⵏ 30 ⵢⴻⴱⵔⵉⵔ 2014, ⵉ ⵢⴻⵙⵙⴱⴰⴷⴻⵏ ⵜⴰⵔⵔⴰⵢⵉⵏ ⵏ ⵓⵙⴰⴳⵔⵓ ⵏ ⵢⵉⵏⴻⵖⵎⴰⵙⴻⵏ ⵉⵎⵙⵓⵜⵓⵔⴰ ⵉ ⵢⴻⵅⴻⴷⴷⵎⴻⵏ ⵉ ⵜⴻⴼⵜⴰⵔⵜ ⵉ ⵢⴻⵍⵍⴰⵏ ⴷⴷⴰⵡ ⵏ ⵓⵙⴰⴹⵓⴼ ⴰⴱⴻⵔⵔⴰⵏⵉ, ⴷ ⵓⵅⴻⴷⴷⵉⵎ ⵖⴻⴼ ⵓⵖⵜⴰⵙ ⵏ ⵓⵙⴻⵍⵡⴰⵢ ⵏ ⵜⵏⴻⴱⴷⴰⴷⵉⵜ ⵜⴰⵖⴻⵍⵏⴰⵡⵜ ⵜⴻⵎⵣⴰⵔⵓⴳⵜ ⵏ ⵜⴼⴻⵔⵏⵉⵏ ⵓⵟⵟⵓⵏ 20 ⵏ 21 ⵙⵜⴻⵎⴱⴻⵔ 2026, ⵉ ⴷ-ⵢⴻⵡⵡⵉⵏ ⴰⵙⴱⴻⴷⴷ ⵏ ⵜⵙⴻⵇⵇⵓⵎⵜ ⵏ ⵓⵙⴰⴳⵔⵓ ⵏ ⵜⵉⵖⵎⵉⵙⵉⵢⵏ ⵜⵉⴱⴻⵔⵔⴰⵏⵉⵢⵉⵏ ⴷ ⵓⵙⴱⴰⴷ ⵏ ⵜⴻⵣⵎⴻⵔⵜ-ⵉⵙ ⴷ ⵢⵉⵙⵡⴰⵏ-ⵉⵙ".
ⴷⵖⴰ ⵙ ⵡⴰⵢⴰ, ⵢⴻⵜⵜⵡⴰⵙⴻⵏⴽⴻⵏ ⵖⴻⴼ ⵢⵉⵎⴷⴰⵏⴻⵏ-ⴰ "ⴰⴷ ⴼⴽⴻⵏ ⵉⴽⴰⵔⴰⵎⴻⵏ ⵉ ⵢⴻⵜⵜⵡⴰⵙⵓⵜⵔⴻⵏ ⵉ ⴷ-ⵢⴻⵍⵍⴰⵏ ⴷⴻⴳ: ⴰⵙⵓⵜⴻⵔ ⵉ ⴷ-ⵢⵓⵙⵔⴰⵏ ⵙⴻⴳ ⵜⴻⴼⵜⴰⵔⵜ ⵏ ⵓⵏⴻⵖⵎⴰⵙ, ⵜⴰⵍⴼⵜⴰⵔⵜ ⵏ ⵢⵉⵙⴰⵍⴰⵏ ⵉ ⴷ-ⵢⴻⵜⵜⵡⴰⵙⵓⴼⴼⵖⴻⵏ ⵙⴻⴳ ⵓⵙⵎⴻⵍ ⵏ ⵜⵏⴻⴱⴷⴰⴷⵉⵜ ⵜⴻⵎⵣⴰⵔⵓⴳⵜ ⵙ ⵓⵙⵙⴻⵇⴷⴻⵛ ⵏ ⵓⵙⴻⵔⵙ-ⴰ: www.ina-elections.dz, ⵜⴰⵍⴼⵜⴰⵔⵜ ⵏ ⵓⵙⵓⵜⴻⵔ ⵏ ⵜⴼⵉⵣⴰ ⵉ ⴷ-ⵢⴻⵜⵜⵡⴰⵙⵓⴼⴼⵖⴻⵏ ⵙⴻⴳ ⵢⵉⵙⵎⴰⵍⴻⵏ ⵉⵏⴰⴳⵔⴰⵏⴻⵏ ⵏ ⵓⴻⵖⵍⴰⴼ ⵏ ⵜⵉⵖⴰⵡⵉⵏ ⵏ ⴱⴱⴰⵔⵔⴰ ⴷ ⵜⴻⵖⵍⴰⵎⵜ ⵜⴰⵣⵣⴰⵢⵔⵉⵜ ⴷⵉ ⴱⴱⴰⵔⵔⴰ ⴷ ⵜⵉⵖⴰⵡⵉⵏ ⵏ ⵜⴻⴼⵔⵉⵇⵜ, ⴷ ⵜⵙⴻⵇⵇⵓⵎⴰ ⵜⴰⴷⵉⵒⵓⵍⵓⵎⴰⵜⵉⵢⵉⵏ ⴷ ⵜⴽⵓⵏⵙⵓⵍⵉⵢⵉⵏ ⵜⴰⵣⵣⴰⵢⵔⵉⵢⵉⵏ ⴷⵉ ⴱⴱⴰⵔⵔⴰ, ⴰⴷ ⵜⵜⵡⴰⵜⴼⴰⵔ ⴷⴻⴳ-ⵙ ⵙ ⵓⴼⵓⵙ ⵏ ⵓⵏⴻⵖⵎⴰⵙ".
ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵍⵖⵓ-ⴰ ⴱⴻⵍⵍⵉ ⵉⴽⴰⵔⴰⵎⴻⵏ-ⴰ "ⵍⵀⴰⵏ-ⴷ ⵙ ⵜⵡⵍⴰⴼⵜ ⵏ ⵜⴽⴰⵔⴹⴰ ⵜⴰⵙⴻⴷⴷⴰⵏⵜ ⵏ ⵓⵏⴻⵖⵎⴰⵙ/ⵜⴻⵏⴻⵖⵎⴰⵙⵜ, ⴰⵏⵖⴰⵍ ⵏ ⵜⴽⴰⵔⴹⴰ ⵏ ⵓⵏⴰⴳⵓⵔ (passeport), ⵜⵉⵙⵓⵔⴰ ⵜⵉⵡⵍⴰⴼⵉⵢⵉⵏ (2), ⵙ ⵓⵎⴰⵜⴰ ⴷ ⵜⴻⴱⴷⴰⵔⵜ ⵏ ⵡⴰⵍⵍⴰⵍⴻⵏ ⵜⵉⵜⵉⴽⵏⵉⴽⵉⵢⵉⵏ".
ⴰⵔⵏⵓ ⵖⴻⵔ
