ⵜⴻⵔⵙ-ⴷ ⵍⴻⵣⵣⴰⵢⴻⵔ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵜⵎⵓⵔⴰ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⵙ ⵓⴳⵎⵓⴹ ⵏ “88 ⴷⴻⴳ ⵓⵎⴰⵜⴰⵔ ⵏ ⵓⵙⴰⴹⵓⴼ ⴷ ⵓⵎⵢⴻⵔⵙⵉ (ⵍⴰⵡ ⴰⵏⴷ Oⵔⴷⴻⵔ ⵊⵏⴷⴻⵅ) ⵏ 2024”, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵎⵍⵓ ⴰⵏⵎⴰⴹⴰⵍ ⵖⴻⴼ ⵜⵖⴻⵍⵍⵉⵙⵜ ⵏ ⵖⵍⴱⴰⵍ ⵚⴰⴼⴻⵜⵢ ⵕⴻⵒⵔⵜ ⵢⴻⵍⵍⴰⵏ ⴷ ⴰⴳⵎⴰⵏ ⵉ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵖⵉⵡⴰⵏⴰⴽⴻⵏ ⵖⴻⴷⴷⵓⴽⴽⵍⴻⵏ.
ⴰⵎⴰⵜⴰⵔ-ⴰ ⴷ ⵡⵉⵏ ⵉ ⴷ-ⵉⵜⵜⴳⴻⵏ ⵜⴰⵙⴻⵎⵍⵉⵍⵜ ⵏ ⵜⴻⴼⵍⴻⵙⵜ ⴷⴻⴳ ⵜⴼⴻⴽⴽⵉⵡⵉⵏ ⵏ ⵓⵎⵢⴻⵔⵙⵉ ⴰⵏⴰⴳⴷⵓⴷ, ⵜⵉⵔⵎⵉⵜⵉⵏ ⵜⵓⴷⵎⴰⵡⴰⵏⵉⵏ ⴷ ⵜⴻⵊⵔⵉⵎⵜ, ⵢⴻⵔⵏⵓ ⵢⴻⵙⵎⵓⵏ ⴹⵣⴰⵢⴻⵔ ⴷⴻⴼⴼⵉⵔ ⴽⵔⴰ ⵏ ⵢⵉⵎⴰⵍⵡⴰⵢⴻⵏ ⵉⵏⵎⴰⴹⴰⵍⴻⵏ ⴰⵎ ⵛⵛⵉⵏⵡⴰ, ⵏⵓⵕⵡⵉⵊ ⴷ ⵚⵙⵡⵉⵙ, ⵖⴻⴼ ⵍⴻⵃⵙⴰⴱ ⵏ ⵓⵖⴱⴰⵍⵓ-ⴰ, ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⴳⵎⵓⴹ-ⴰ ⵓⵏⵏⵉⴳ ⵢⴻⵔⵔⴰ ⴹⵣⴰⵢⴻⵔ ⴷ “ⵢⵉⵡⴻⵜ ⵙⴻⴳ ⵜⵎⵓⵔⴰ ⵏ ⵟⴻⴼⵔⵉⵇⵜ ⵏ ⵓⴳⴰⴼⴰ ⵉ ⵉⵍⴰⵏ ⴰⴽⵜⴰⵙⵙⴰⵖ ⴷ ⴰⵎⴻⵇⵇⴰⵏ ⴷⴻⴳ ⵜⵖⴻⴼⵔⴰ-ⵏⵏⴻⵙ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵜⵜⵃⵓⵍⴼⵓⵏ ⵉ ⵜⵖⴻⵍⵍⵉⵙⵜ, ⵙ ⵜⵙⵓⴷⴰ ⴷ ⵜⵉⴷⵓⵙⴰⵏⵉⵏ ⴷ ⵓⴽⵜⴰⵎⵓⵔ ⴰⵏⴻⴷⴷⵉ ⵏ ⵜⴻⵊⵔⵉⵎⵜ”.
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⵎⵍⵓ-ⴰ ⴷ-ⵢⴻⴼⴼⵖⴻⵏ ⵎⴻⵍⵎⵉ ⴽⴰⵏ (ⵜⴰⵙⴻⵏⴼⴻⵍⵜ ⵏ 2025), ⵢⴻⵙⵎⵓⵏ ⴹⵣⴰⵢⴻⵔ ⴳⴰⵔ ⵜⵎⵓⵔⴰ ⵜⵉⵏⴻⵎⵍⴰⵣⵎⴰⵔⵉⵏ ⴰⴽⴽ ⴷⴻⴳ ⵟⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵔⵏⴰⵏⵜ ⵏ ⵜⵖⴻⵍⵍⵉⵙⵜ.
ⵙ ⵜⴻⴷⴳⵉ-ⴰ, ⴹⵣⴰⵢⴻⵔ “ⵜⴷⴻⵔⵔⴻⵡ ⴷⴻⴳ ⵓⵥⴰⵢⴻⵔ ⵏ ⵜⴻⵎⵏⴰⴹⵜ ⵏ ⵓⴳⵎⵓⴹ ⵄⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ ⵢⴻⵍⵍⴰⵏ ⴷ ⵢⵉⵡⴻⵜ ⵙⴻⴳ ⵜⴻⵎⵏⴰⴹⵉⵏ ⵎⴰⵏⵉ ⴰⴼⵔⴰⵢ ⵏ ⵜⵖⴻⵍⵍⵉⵙⵜ ⴷ ⵢⵉⵡⴻⵏ ⵙⴻⴳ ⵡⵓⵏⵏⵉⴳⴻⵏ ⴰⴽⴽ ⴷⴻⴳ ⵓⵎⴰⴹⴰⵍ ⵢⴻⵔⵏⵓ ⵢⴻⴽⴽⴰ ⵉ 70%”, ⵖⴻⴼ ⵡⴰⴽⴽⴻⵏ ⴷ-ⵢⴻⵙⵙⴻⴷⴷⵉ ⵓⵎⵍⵓ-ⴰ.
ⵏⵏⵉⴳ ⵡⴰⵢⴰ, ⵢⴻⴽⵛⴻⴼ-ⴷ ⵓⵎⵍⵉ-ⴰ ⴷⴰⴽⴽⴻⵏ “ⵜⵉⴳⵜⵉ ⴷ ⵜⴰⵏⴻⵎⵃⴰⵇⵜ ⵏ ⵢⵉⵎⴻⵏⴳⴰⴹⴻⵏ ⵉⴷⵣⴰⵢⵔⵉⵢⴻⵏ ⵜⵜⵡⴰⵍⵉⵏ ⴷⴰⴽⴽⴻⵏ ⵜⵜⵃⵓⵍⴼⵓⵏ ⵉ ⵜⵖⴻⵍⵍⵉⵙⵜ ⴷⴻⴳ ⵜⵡⴻⵏⵏⴰⴹⵜ-ⵏⵙⴻⵏ ⵜⴰⵢⴰⵍⴰⵙⵜ”.
ⴷⴻⴳ 2024, “78% ⵙⴻⴳ ⵢⵉⵎⴻⵏⴳⴰⴹⴻⵏ ⴷⴻⴳ ⴹⵣⴰⵢⴻⵔ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ ⵜⵜⵃⵓⵍⴼⵓⵏ ⵉ ⵜⵖⴻⵍⵍⵉⵙⵜ ⵎⵉ ⴰⵔⴰ ⵜⵜⴻⴷⴷⵓⵏ ⵉ ⵢⵉⵎⴰⵏ-ⵏⵙⴻⵏ ⴷⴻⴳ ⵢⵉⴹ”, ⵖⴻⴼ ⵡⴰⴽⴽⴻⵏ ⴷ-ⵜⴻⵙⵙⴻⴳⵣⴰ ⵜⴻⴼⵜⴰⵔⵜ-ⴰ, ⵢⴻⵔⵏⵓ ⵜⴻⵙⵙⴻⴷⴷⵉ-ⴷ ⴷⴰⴽⴽⴻⵏ ⴰⵣⵡⵉⵍ-ⴰ “ⵢⴻⵙⵙⴻⵔⵙ ⴷⵣⴰⵢⴻⵔ ⴷⴻⴳ ⵓⴷⴻⴳ ⵡⵉⵙ ⵙⵉⵏ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴰⵜⴰⵔ-ⴰ ⵓⵍⵎⵉⵙ, ⴷⴻⴼⴼⵉⵔ ⵎⴰⵚⴻⵔ (82%), ⵙⴰⴽⴽⵉⵏ, ⵜⴻⴹⴼⴻⵔ-ⵉⵜⵜ-ⵉⴷ Lⵉⴱⵢⴰ (72%), ⵎⴻⵕⵕⵓⴽ (68%) ⴷ ⵜⵓⵏⴻⵙ (64%)”.
ⵉⴳⵎⴰⴹ-ⴰ ⵏ ⴹⵣⴰⵢⴻⵔ, ⵉ ⵉⵍⴰⵏ ⴰⴽⵜⴰⵎⵓⵔ ⵏ ⵜⵖⴻⵍⵍⵉⵙⵜ ⵏ 78% ⵢⴻⴽⴽⴰ-ⴷ ⵏⵏⵉⴳ ⵜⵙⴻⴳⴷⴰⵡⵜ ⵜⴰⵏⵎⴰⴹⴰⵍⵜ ⵏ 73%, ⵙⵙⴽⴰⵏⴰⵢⴻⵏ-ⴷ ⴷⴰⴽⴽⴻⵏ “ⵓⵍⴰ ⴷⴻⴳ ⵡⴰⵜⵜⴰⵍ ⴰⵏⵎⴰⴹⴰⵍ ⵎⴰⵏⵉ ⵍⵍⴰⵏ ⵢⵉⵎⵢⴻⵏⴽⴰⴼⴻⵏ ⴷ ⵉⵎⴻⵣⴳⵉⵢⴻⵏ, ⴰⴼⴼⵔⴰⵢ ⵏ ⵜⵖⴻⵍⵍⵉⵙⵜ ⴷⴻⴳ ⵓⵙⵡⵉⵔ ⴰⴷⵉⴳⴰⵏ ⵢⴻⵣⵎⴻⵔ ⴰⴷ ⵢⵉⵍⵉ ⴷ ⵓⵏⵏⵉⴳ, ⵢⴻⵔⵏⵓ ⴰⵢⴰ ⵢⴻⵙⵙⴽⴰⵏⴰⵢ-ⴷ ⴰⵏⵣⴰⵍ ⴰⵏⴻⵎⵖⵉⵡⴰⵏ ⴷ ⵜⴻⴼⵍⴻⵙⵜ ⴷⴻⴳ ⵜⵙⵓⴷⴰ”.
ⴰⵔⵏⵓ ⵖⴻⵔ
