ⵜⴱⴻⵔⵔⴻⵃ ⵜⴽⴻⴱⴱⴰⵏⵉⵜ ⵏ ⵡⴰⵎⴰⵏ ⴷ ⵓⵙⵙⴻⴳⴳⵉ ⵏ ⵍⴷⵣⴰⵢⴻⵔ "ⵙⵉⵢⴰⵍ", ⴰⵙⵙ-ⴰ ⵏ ⵍⵃⴻⴷⴷ, ⵖⴻⴼ ⵡⴰⵀⵉⵍ ⵏ ⵍⴻⵇⴷⵉⵛⴰⵜ ⵏ ⵓⵙⵙⴻⴳⴳⴻⵎ ⴷⵉ ⵜⵖⴰⵏⵉⵎⵜ ⵏ ⵓⵙⵙⴻⴼⵢ ⵏ ⵡⴰⵎⴰⵏ ⵏ ⵍⴱⴻⵃⵔ "ⴼⵓⴽⴰ 2". ⵍⴻⵇⴷⵉⵛⴰⵜ-ⴰⴳⵉ ⴰⴷ ⴽⵎⴻⵍⵏⵜ ⴰⵔⵎⵉ ⴷ ⵡⴰⵙⵙ ⵏ ⵍⴰⵔⴱⴻⵄⴰ 1 ⵢⴻⴱⵔⵉⵔ 2026. ⵡⴰⴳⵉ ⴰⴷ ⵢⴻⴳⵍⵓ ⵙ ⵓⴱⴻⴷⴷⴻⵍ ⵏ ⵡⴰⵀⵉⵍ ⵏ ⵓⵏⴻⵛⵛⴻⵕ ⵏ ⵡⴰⵎⴰⵏ ⴷⵉ ⵜⵖⵉⵡⴰⵏⵉⵏ ⵏ ⵓⵎⴰⵍⵓ ⵏ ⵍⴷⵣⴰⵢⴻⵔ.
ⵜⴻⵏⵏⴰ-ⴷ ⵜⴽⴻⴱⴱⴰⵏⵉⵜ ⴷⴻⴳ ⵓⵍⵖⵓ-ⵉⵙ ⵡⴰⴽⴽⴻⵏ ⵍⴻⵇⴷⵉⵛⴰⵜ-ⴰⴳⵉ ⴰⴷ ⴳⴻⵏⵜ ⴰⴽⴽⴻⵏ ⴰⴷ ⵢⴻⵃⴱⴻⵙ ⵓⵙⵓⴼⴼⴻⵖ ⵏ ⵡⴰⵎⴰⵏ ⴷⵉ ⵜⵖⴰⵏⵉⵎⵜ ⴷⴻⴳ ⵡⴰⴽⵓⴷ ⵏ ⵓⵙⵙⴻⴳⴳⴻⵎ. ⴰⴱⴻⴷⴷⴻⵍ ⵏ ⵡⴰⵀⵉⵍ ⵏ ⵓⵏⴻⵛⵛⴻⵕ ⴰⴷ ⵢⵉⵍⵉ ⴷⵉ ⵜⵖⵉⵡⴰⵏⵉⵏ ⵏ: ⵣⴻⵔⴰⵍⴷⴰ, ⵙⵟⴰⵡⴰⵍⵉ, ⵄⵉⵏ ⴱⴻⵏⵢⴰⵏ ⴷ ⵍⵃⴰⵎⵎⴰⵎⴰⵜ.
ⴰⴷ ⴷ-ⵢⵉⵍⵉ ⴷⴰⵖⴻⵏ ⵡⴰⵣⵓⵣⵣⵡⵓ ⵏ ⵜⵥⴻⵢⵜ ⴷ ⵓⵙⴷⴻⵔⴷⴻⵔ ⵏ ⵡⴰⵎⴰⵏ ⴷⵉ ⵜⵖⵉⵡⴰⵏⵉⵏ ⵏ: ⵜⴻⵙⵙⴰⵍⴰ ⵍⵎⴻⵔⵊⴰ, ⴷⴷⵓⵡⵉⵔⴰ, ⵔⵔⴻⵃⵎⴰⵏⵉⵢⴰ, ⵍⵎⵄⴰⵍⵎⴰ, ⵡⵍⴰⴷ ⴼⴰⵢⴻⵜ, ⵙⵙⵓⵡⵉⴷⴰⵏⵉⵢⴰ, ⴱⴰⴱⴰ ⵃⴰﺴⴰⵏ, ⵅⵔⴰⵢⵙⵉⵢⴰ, ⴷⵔⴰⵔⵉⵢⴰ, ⵍⵄⴰⵛⵓⵔ, ⴷⴰⵍⵉ ⵉⴱⵔⴰⵀⵉⵎ ⴷ ⵛⵛⵔⴰⴳⴰ.
ⵜⴻⵙⵙⴻⴷⴷⴻⴷ "ⵙⵉⵢⴰⵍ" ⵡⴰⴽⴽⴻⵏ ⵜⵓⵖⴰⵍⵉⵏ ⵖⴻⵔ ⵡⴰⵀⵉⵍ ⴰⵎⴰⴳⵏⵓ ⴰⴷ ⵜⵉⵍⵉ ⵙ ⵓⴱⵔⵉⴷ ⵏ ⵓⵙⵙⵉⴷⴷⴻⵔ ⵙⴻⴳ ⴷⴻⴼⴼⵉⵔ ⵎⵉ ⴰⴷ ⴼⴰⴽⵏ ⵍⴻⵇⴷⵉⵛⴰⵜ, ⵙⴻⴳ ⵡⴰⵙⵙ ⵏ ⵍⵅⴻⵎⵉⵙ 2 ⵢⴻⴱⵔⵉⵔ 2026.
