ⵜⴰⵙⵙⴰⵇⵇⵓⵜ ⵏ ⵓⵏⴰⴷⵉ ⴷ ⵜⵉⴳⴳⴰⵡⵜ ⴷⴻⴳ ⵜⵎⴰⵏⴻⴳⵜ ⵏ ⵜⵡⵉⵍⴰⵢⵜ ⵏ ⵡⴰⵀⵔⴰⵏ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵙⴱⴻⴷⴷ ⴰⵎⴰⵀⵉⵍ ⵏ ⵓⵣⴻⵟⵟⴰ ⵏ ⵓⴱⴻⵉⵛⴻⵔⵜ ⵉ ⵢⴻⵅⴷⴻⵎⵏ ⵜⴰⴽⵓⴼⵉⵜ ⵖⴻⴼ ⵢⵉⵡⴻⵏ ⵏ ⵓⵅⵅⴰⵎ ⵓ ⴽⴽⴻⵔⴹⴻⵏ ⵢⵉⴷ-ⵙⴻⵏ ⴰⵣⴰⵍ ⵉⵕⴻⵙⵙⴰⵏ ⵏ ⵢⴻⴷⵔⵉⵎⴻⵏ, ⵓⵇⴱⴻⵍ ⴰⴷ ⵔⵡⴻⵍⴻⵏ ⵖⴻⵔ ⵡⴻⵎⴽⴰⵏ ⵓⵔ ⵏⴱⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵍⴱⵓⵍⵉⵙ ⵏ ⵡⴰⵀⵔⴰⵏ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⵙⴻⵍⴷ ⵎⵉ ⴷ-ⵢⴻⵡⵡⴻⴹ ⵓⵙⵉⵡⴻⵍ ⵉ ⵢⵉⵎⴰⵙⵍⴰⴷⴻⵏ ⵏ ⵜⴰⵙⵙⴰⵇⵇⵓⵜ ⵖⴻⴼ ⵜⴰⴽⵓⴼⵉⵜ ⵏ ⵢⵉⵡⴻⵏ ⵏ ⵓⵅⵅⴰⵎ ⴷ ⵓⴽⴰⵔ ⵏ ⵢⵉⴷⵔⵉⵎⴻⵏ. ⵙⴻⵍⴷ ⴰⵙⵙⴻⵎⵔⴻⵙ ⵏ ⵢⵉⵙⴰⵍⴰⵏ ⵉ ⴷ-ⵓⵡⵢⴻⵏ, ⵙⵙⴰⵡⴹⴻⵏ ⴰⴷ ⵙⴱⴰⴷⵓⵏ ⵓⴷⴻⵎ ⵏ ⵢⵉⵎⵛⵓⴱⴱⴰ ⴷ ⵡⴻⵎⴽⴰⵏ ⵉ ⴷⴻⴳ ⵍⵍⴰⵏ, ⴷⵖⴰ ⴽⴻⵎⵣⵓⵏ-ⵜⴻⵏ ⵢⵉⵡⴻⵏ ⵢⵉⵡⴻⵏ.
ⵜⵉⴳⴳⴰⵡⵜ-ⴰⴳⵉ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵔⵔ ⵓ ⴰⴷ ⵜⴻⵃⵔⴰⵣ ⴰⵣⴰⵍ ⵏ 500 ⵏ ⵢⵉⵎⴻⵍⵢⴰⵢⴻⵏ ⵏ ⵙⵙⴰⵏⵜⵉⵎ ⵏ ⵜⴻⴷⵔⵉⵎⵜ ⵜⴰⵖⴻⵍⵏⴰⵡⵜ, ⵓ ⴽⴻⵎⵣⵓⵏ ⴽⵔⴰⴷ (03) ⵏ ⵎⴻⴷⴷⴻⵏ ⴷ ⵢⵉⵡⴻⵜ ⵏ ⵜⴽⴰⵔⵔⵓⵚⵜ ⵉ ⵙⴻⵎⵔⴻⵙⴻⵏ ⵉ ⵓⴼⵙⵉⵙ ⵏ ⵓⵎⴰⵀⵉⵍ-ⵏⵙⴻⵏ ⵏ ⵓⴱⴻⵉⵛⴻⵔⵜ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⵙⴻⵍⴷ ⵎⵉ ⴼⵓⴽⴽⴻⵏⵜ ⵢⴰⴽⴽ ⵜⴰⵔⵔⴰⵢⵉⵏ ⵏ ⵓⵙⴰⴷⵓⴼ, ⵜⵜⵓⵏⴻⵎⵍⴻⵏ ⵢⵉⵎⵛⴻⴽⴽⴰⵢⴻⵏ ⵣⴷⴰⵜ ⵏ ⵓⵎⴻⵍⵍⴰⵍ ⵏ ⵜⴻⴳⴷⵓⴷⴰ ⴷⴻⴳ ⵜⵏⴻⴼⵔⵓⵜ ⵏ ⴼⴻⵍⵍⴰⵓⵓⵛⴻⵏⴻ ⴷⴻⴳ ⵡⴰⵀⵔⴰⵏ.
ⴰⵔⵏⵓ ⵖⴻⵔ
