ⵙⵔⴻⵔⵙⴻⵏⵜ ⵜⵏⴻⴱⴱⴰⴹⵉⵏ ⵜⵉⴷⵉⴳⴰⵏⵉⵏ ⴷⴻⴳ ⵢⴰⵍ ⵜⴰⵡⵉⵍⴰⵢⵜ ⵏ ⵜⵎⵓⵔⵜ ⵜⵉⵎⵍⵉⵍⵉⵢⵉⵏ ⵏ ⵜⵉⵙⵇⵓⵎⴰ ⵏ ⵜⵡⵉⵍⴰⵢⵜ ⵉⵡⴰⴽⴽⴻⵏ ⴰⴷ ⴹⴻⴼⵔⴻⵏⵜ ⴰⵎⴻⴽ ⵉⵜⵜⴻⴷⴷⵓ ⵓⵚⴻⴼⴼⵉ ⵏ ⵢⵉⵙⴻⵏⴷⵢⴰ ⵏ ⵡⴰⴽⴰⵍ ⴰⴼⴻⵍⵍⴰⵃ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵎⴰⵡⴰⵙⵜ ⵏ ⴷⴰⵅⴻⵍ ⴰⵙⵙ-ⴰ ⵏ ⵍⴻⵜⵏⴰⵢⴻⵏ.
ⴷⴻⴳ ⵡⴰⵍⵖⵓ-ⴰⴳⵉ, ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰ ⵢⵓⵙⴰ-ⴷ ⵉ ⵓⵙⴻⵏⴼⴻⴷ ⵏ ⵢⵉⵡⴻⵚⵚⵉⵡⴻⵏ ⵏ ⵜⵏⴻⴱⴱⴰⴹⵉⵏ ⵜⵉⵎⴻⵇⵇⵔⴰⵏⵉⵏ ⵏ ⵜⵎⵓⵔⵜ ⵉ ⵓⵚⴻⴼⴼⵉ ⵏ ⵡⴰⴽⴰⵍ ⴰⴼⴻⵍⵍⴰⵃ, ⴷ ⵢⵉⵍⴰⵀⵉⵢⴻⵏ ⵏ ⵓⵎⴰⵡⴰⵙ ⵏ ⴷⴰⵅⴻⵍ ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉⵡⴰⴽⴽⴻⵏ ⴰⴷ ⵣⵔⵉⴱⴻⵏ ⴷⴻⴳ ⵓⴼⵔⴰⵢ ⵏ ⵢⵉⵙⴻⵏⴷⵢⴰ.
ⵜⵉⵙⵇⵓⵎⴰ-ⴰⴳⵉ ⵏ ⵜⵡⵉⵍⴰⵢⵜ ⵅⴻⴷⴷⵎⴻⵏⵜ ⵖⴻⴼ ⵓⵣⴻⵔⵔⴰⵡ ⵏ ⵢⵉⵙⴻⵏⴷⵢⴰ ⵏ ⵓⵙⴻⵅⴷⴻⵎ ⵏ ⵡⴰⴽⴰⵍ ⴰⴼⴻⵍⵍⴰⵃ ⵉⵡⴰⴽⴽⴻⵏ ⴰⴷ ⵡⴰⵍⵉⵏⵜ ⵎⴰ ⴷⴷⴰⵏ ⴰⴽⴽⴻⵏ ⵍⵍⴰⵏ ⵢⵉⵍⵓⴳⴰⵏ ⵏ ⵍⵇⴰⵏⵓⵏ, ⴷ ⵓⵙⵏⴻⵔⵏⵉ ⵏ ⵓⵎⵢⴻⵍⵍⵉ ⴳⴰⵔ ⵢⵉⴷⵓⴱⴰⵢ ⵢⴻⵎⵅⴰⵍⴰⴼⴻⵏ ⵉ ⵓⴼⵔⴰⵢ ⵏ ⵢⵉⵙⴻⵏⴷⵢⴰ ⵉ ⴷ-ⵢⴻⴳⴳⵔⴰⵏ.
ⵜⵉⵎⵍⵉⵍⵉⵢⵉⵏ-ⴰⴳⵉ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵉⵍⵉ ⵓⵙⵏⴰⵙ ⵉⴶⴻⵀⴷⴻⵏ ⵏ ⵍⵇⴰⵏⵓⵏ, ⴷ ⵓⵚⴻⴼⴼⵉ ⵏ ⵢⵉⵙⴻⵏⴷⵢⴰ ⵙ ⵍⵅⴻⴹⵎⴰ ⵏ ⵍⵇⴰⵄⴰ, ⴰⵢⴰ ⴰⴷ ⵢⴻⴳⵍⵓ ⵙ ⵓⵙⴻⴼⵔⴻⴽ (investissement) ⴰⴼⴻⵍⵍⴰⵃ ⴷ ⵓⵙⵏⴻⵔⵏⵉ ⵏ ⵢⵉⴼⴻⵔⴷⵉⵙⴻⵏ ⵏ ⵓⵃⵔⵉⵛ-ⴰ.
ⴷⴻⴳ ⵜⴰⴳⴳⴰⵔⴰ, ⵙⴶⴻⵀⴷⴻⵏ-ⴷ ⴱⴻⵍⵍⵉ ⵉⵍⴰⵇ ⵓⴽⴻⵎⵎⴻⵍ ⵏ ⵍⵅⴻⴹⵎⴰ ⵏ ⵍⵇⴰⵄⴰ ⴷ ⵓⴹⴼⴰⵔ ⵏ ⵓⵙⴻⴼⵔⴻⴽ ⴰⴼⴻⵍⵍⴰⵃ ⵉ ⵓⵙⵏⴻⴼⵍⵉ ⵏ ⴷⵉⵎⴰ.
ⴰⵔⵏⵓ ⵖⴻⵔ
