ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⵏ ⵓⵙⵙⴻⵡⵡⵉ, ⵎⴰⵙⵙ ⵍⵓⵓⵏⴰⵙ ⴱⵓⵓⵣⴳⵣⴰ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⵓⵏⵏⴰⵔ ⵏ ⵓⵙⵙⴻⵡⵡⵉ ⵉⵜⴻⴷⴷⵓ ⴷⴻⴳ ⵓⵙⵏⴻⴼⵍⵉ ⴷ ⵓⵙⵎⴰⵢⵏⵓⵜ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ ⵉ ⵓⵟⵎⴰⵏ ⵏ ⵓⵙⵏⴻⵔⵏⵉ ⵏ ⵓⵙⵡⵉⵔ ⵏ ⵜⵓⴷⴻⵔⵜ ⵏ ⵢⵉⵎⴻⵣⴷⴰⵖ, ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵢⵉⵙⵡⵉⵢⴻⵏ ⵏ ⵜⵎⵓⵔⵜ ⴷ ⵡⵉⴷ ⵏ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴰⵎ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴷⵓⴽⵍⵉ ⵏ ⵜⴻⴼⵔⵉⵇⵜ.
ⴰⵏⴻⵖⵍⴰⴼ, ⴷⴻⴳ ⵜⵎⴻⵙⵍⴰⵢⵜ ⵉ ⴷ-ⵢⴻⵡⵡⵉ ⴷⴻⴳ ⵓⴱⵔⵉⴷ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⴻⴼⵔⵉⵇⵜ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵙ ⵜⵎⵓⵖⵍⵉ ⵏ ⵢⵉⵎⴹⴻⴱⴱⵔⴻⵏ ⵉⵄⵍⴰⵢⴻⵏ ⵏ ⵜⵎⵓⵔⵜ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵓⵏⵏⴰⵔ-ⴰⴳⵉ ⵉⵜⴻⴷⴷⵓ ⴷⴻⴳ ⵓⵙⴻⵍⴽⴻⵎ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵓⵏⴰⴱⴰⴹ ⵉ ⵢⴻⴱⵖⴰⵏ ⴰⵙⵎⴰⵢⵏⵓⵜ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ.
ⵉⵙⵙⴻⴽⵜⵉ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⴰⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵎⴻⵥⵍⵓ-ⴰⴳⵉ ⵉⵎⵉ ⵉⵛⵓⴷⴷ ⴷ ⵜⵓⴷⴻⵔⵜ ⵏ ⵢⴰⵍ ⴰⵙⵙ ⵏ ⵓⵖⵔⵉⵎ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ "ⵡⴰⵀⵉⵍ ⵏ ⵜⴻⴼⵔⵉⵇⵜ 2063" ⵉ ⵜⵙⵜⴻⵏⵢⴰ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⴷⴻⴳ 2013 ⴰⵎ "ⵜⴰⴱⴰⵍⵉⵣⵜ ⵏ ⵓⴱⵔⵉⴷ" ⵉ ⵓⵙⵏⴻⴼⵍⵉ ⵏ ⵜⵎⴻⵏⵏⴰⵟ. ⴰⵣⴰⵍ-ⴰⴳⵉ ⵉⴱⴰⵏ-ⴷ ⴷⴰⵖⴻⵏ ⵙ ⵓⵙⵙⴻⴽⵛⴻⵎ ⵏ ⵓⵣⵔⴻⴼ ⵏ ⵓⵡⵡⵉ ⵏ ⵡⴰⵎⴰⵏ ⴷⴻⴳ ⵜⵎⴻⵏⴹⴰⵡⵜ (constitution) ⵏ ⵍⴻⵣⵣⴰⵢⴻⵔ ⵙ ⴷⴷⴰⵡ ⵏ ⵓⵎⴰⴳⵔⴰⴷ 63.
ⵖⴻⴼ ⵍⵍⵙⴰⵙ-ⴰⴳⵉ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵏⴻⵖⵍⴰⴼ — ⵙⵙⴻⵔⵙⴻⵏ-ⴷ ⵢⵉⵙⵙⴻⵜⵎⴰⵔⴻⵏ ⵉⵎⴻⵇⵇⵔⴰⵏⴻⵏ ⴷ ⵢⵉⵙⵔⴰⵜⵉⴷⵊⵉⵢⴻⵏ ⵉ ⵓⵙⵏⴻⴼⵍⵉ ⵏ ⵓⵎⴻⵥⵍⵓ-ⴰⴳⵉ. ⵜⴻⵙⵙⴰⵡⴻⴹ ⵍⴻⵣⵣⴰⵢⴻⵔ ⴰⴷ ⵜⴻⵇⵇⴻⵏ 98 ⴷⴻⴳ ⵜⵎⵉⴹⵉ ⵏ ⵢⵉⵅⵅⴰⵎⵎⴻⵏ ⵙ ⵓⵣⴻⵟⵟⴻⴹ ⵏ ⵓⴼⵔⴰⵇ ⵏ ⵡⴰⵎⴰⵏ ⴷⴻⴳ ⵜⵎⵓⵔⵜ ⵎⴻⵕⵕⴰ, ⵙ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉ ⴷ-ⵢⵉⵍⵍⴰⵏ. ⵜⴻⵖⵣⵉ ⵏ ⵓⵣⴻⵟⵟⴻⴹ ⴰⵖⴻⵍⵏⴰⵡ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵜⴻⵙⵙⴰⵡⴻⴹ ⵓⴳⴰⵔ ⵏ 195 ⵏ ⵡⴰⴳⵉⵎⴰⵏ ⵏ ⵢⵉⴽⵉⵍⵓⵎⵉⵜⵔⴻⵏ.
ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⵢⵉⴱⴻⴷⴷⵉⵍⴻⵏ ⵏ ⵜⵉⴳⵏⴻⵡⵜ, ⵍⴻⵣⵣⴰⵢⴻⵔ ⵜⴻⴼⵔⴻⵏ ⴰⴱⵔⵉⴷ ⵏ "ⵡⴰⵎⴰⵏ ⵓⵔ ⵏⴻⵍⵍⵉ ⴷ ⵢⵉⵎⴻⵏⵙⴰⵢⴻⵏ" (eaux non conventionnelles), ⵍⴰⴷⵖⴰ ⴰⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ ⵙ ⵓⵙⴱⴻⴷⴷⵉ ⵏ ⵜⵉⵃⵉⵛⴰⵢⵉⵎⴻⵇⵇⵔⴰⵏⴻⵏ ⴷⴻⴳ ⵢⵉⵔⵉ ⵏ ⵢⵉⵍⵍⴻⵍ ⵓ ⴰⴷ ⴷ-ⵊⴻⴱⴱⴷⴻⵏ ⴰⵎⴰⵏ-ⵏⵏⵉ ⵖⴻⵔ ⵜⴻⵎⴷⵉⵏⵉⵏ ⵏ ⴷⴰⵅⴻⵍ ⵉ ⵉⵡⴻⵣⵏⴻⵏ ⴰⵣⴰⵍ ⵏ 250 ⴽⵎ ⵙⴻⴳ ⵢⵉⵍⵍⴻⵍ.
ⴷⴻⴳ ⵜⴰⴳⴳⴰⵔⴰ, ⴰⵏⴻⵖⵍⴰⴼ ⵉⵙⵙⴻⴽⵜⵉ-ⴷ ⴰⵣⴰⵍ ⵏ ⵓⵎⴻⵥⵍⵓ ⵏ ⵓⵙⵉⵣⴷⴻⴳⵉ ⵢⴻⵟⵟⴻⴼⵏ ⵓⵍⴰ ⴷ ⵏⴻⵜⵜⴰ 93 ⴷⴻⴳ ⵜⵎⵉⴹⵉ ⵏ ⵜⵓⵇⵇⵏⴰ ⴷⴻⴳ ⵜⵎⵓⵔⵜ, ⵙ ⵓⵣⴻⵟⵟⴻⴹ ⵉ ⵉⵡⴻⵣⵏⴻⵏ 97 ⵏ ⵡⴰⴳⵉⵎⴰⵏ ⵏ ⴽⵎ. ⴷⴰⵖⴻⵏ, ⵍⴻⵣⵣⴰⵢⴻⵔ ⵜⴻⵙⵙⴻⵅⴷⴰⵎ ⵡⴰⵎⴰⵏ ⵢⴻⵜⵜⵓⵙⵉⵣⴷⴳⴻⵏ ⴷⴻⴳ ⵜⴼⴻⵔⴽⵉ ⴷ ⵜⴻⵎⴳⵓⵔⵉ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵙⴰⴷⴻⵔ ⵍⵃⴻⵔⵙ ⵖⴻⴼ ⵢⵉⵙⴰⴼⴰⵔⴻⵏ ⴰⴳⴰⵎⴰⵏⴻⵏ, ⴰⵏⵉⴷⴰ ⵜⴰⵎⵓⵔⵜ ⵜⴻⵙⵄⴰ 234 ⵏ ⵜⵉⵃⵉⵛⴰⵢ ⵏ ⵓⵙⵉⵣⴷⴻⴳ ⵉ ⵉⵟⵟⴰⴽⴻⵏ ⴰⵣⴰⵍ ⵏ 1.1 ⵏ ⵢⵉⵎⵍⵢⴰⵔⴻⵏ ⵏ ⵎⵉⵜⵔⴻⵏ ⵉⵎⴰⵔⴽⴰⵢⴻⵏ ⴷⴻⴳ ⵓⵙⴻⴳⴳⴰⵙ.
ⴰⵔⵏⵓ ⵖⴻⵔ
