ⵜⴰⵎⴻⴷⴷⵓⵔⵜ "ⵍⴷⵣⴰⵢⵔ ⵏ ⵜⵎⴻⵖⵔⵉⵡⵉⵏ" (Algeria Exhibitions) ⵜⴻⴱⵖⴰ ⴰⴷ ⵜⴻⵙⵙⵓⴷⴷⴻⵙ 60 ⵏ ⵜⵎⴻⵖⵔⵉⵡⵉⵏ ⵜⵓⴷⵎⵉⵙⵉⵏ ⵜⵉⵖⴻⵍⵏⴰⵡⵉⵏ ⴷ ⵜⴳⵔⴻⵖⵍⴰⵏⵉⵏ ⴷⴳ ⵢⴰⵍ ⴰⵃⵔⵉⵛ ⴷⴳ ⵓⵙⴻⴳⴳⴰⵙ-ⴰⴳⵉ 2026 ⴷⴳ ⵜⴷⴰⵍⴰ ⵏ ⵜⵎⴻⵖⵔⵉⵡⵉⵏ (ⵚⵚⵏⵓⴱⴻⵔ ⵍⴱⴰⵃⵔⵉ ⴷⴳ ⵍⴷⵣⴰⵢⵔ ⵜⴰⵎⴰⵏⴰⵖⵜ), ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵎⴻⴷⴷⵓⵔⵜ-ⴰ ⴰⵙⵙ ⵏ ⵡⴰⵢⵏⴰⵙ.
ⵜⴻⵏⵏⴰ-ⴷ "ⵍⴷⵣⴰⵢⵔ ⵏ ⵜⵎⴻⵖⵔⵉⵡⵉⵏ", ⵢⴻⵍⵍⴰⵏ ⴷ ⴰⴼⵓⵔⴽ ⵏ ⵜⵎⴻⴷⴷⵓⵔⵜ ⵏ ⵍⴷⵣⴰⵢⵔ ⵉ ⵜⵎⴻⵖⵔⵉⵡⵉⵏ ⴷ ⵓⵙⴻⴼⴻⴷ ⴱⴻⵍⵍⵉ "ⴰⵀⵉⵍ ⵏ 2026 ⵢⴻⵜⵜⵡⴰⵙⵙⴻⵏ ⵙ ⵓⵙⵎⴰⵢⵏⵓ ⴷ ⵓⵙⵉⵡⵙⴻⵄ ⵏⵏⵙ, ⵉⵎⵉ ⵢⴻⵔⵣⴰ ⵜⴰⵏⵜⵉⵜⵉⵏ ⵜⵉⵎⴻⵇⵇⵔⴰⵏⵉⵏ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⴰⵎ: ⵜⴰⵎⴳⵓⵔⵉ, ⵓⵙⴻⴽⴽⵓ ⴷ ⵢⵉⵇⴻⴷⴷⵉⵛⴻⵏ ⵉⵎⴰⵜⴰⵢⴻⵏ, ⵜⴰⵣⵎⴻⵔⵜ, ⵜⴰⴼⴻⵍⵍⴰⵃⵜ, ⵜⴰⵎⴳⵓⵔⵉ ⵏ ⵡⵓⵜⵛⵉ, ⵜⴰⴷⵡⴻⵙⵜ ⴷ ⵓⵙⴰⴼⴰⵔ, ⴰⵙⵙⴰⵢ, ⵜⴰⵎⴻⵔⵔⵉⵜ, ⵜⴰⵡⴻⵏⵏⴰⴹⵜ ⴷ ⵜⵉⴽⴽⵉⵡⵉⵏ".
ⵜⵉⵎⴻⵖⵔⵉⵡⵉⵏ-ⴰ ⴰⴷ ⵉⵍⵉⵏⵜ ⴷⴳ ⵢⴰⵍ ⴰⵣⴰⴷⵓⵔ ⵏ ⵜⴷⴰⵍⴰ ⵏ ⵜⵎⴻⵖⵔⵉⵡⵉⵏ, ⴰⵎ ⵡⵉⵏ ⵏ ⴼⴰⵍⴻⵙⵟⵉⵏ, ⵍⵇⴻⵚⴱⴰ, ⵍⵉⵜⵜⵉⵃⴰⴷ, ⵙⵙⴰⵡⵔⴰ, ⴰⵣⴰⴷⵓⵔ ⴰⵍⴻⵎⵎⴰⵙ, ⵇⵓⵔⴰⵔⴰ ⴷ ⵍⴰⵀⴳⴳⴰⵔ. ⴰⵣⵉⵖ ⵜⴰⴷⴰⵍⴰ-ⴰⴳⵉ "ⵜⴻⵜⵜⴰⴽ ⵉⵎⴽⴰⵏⴻⵏ ⵢⴻⵍⵀⴰⵏ ⵉ ⵢⴻⵎⵙⴻⵏⵙⴰⵢⴻⵏ ⴰⴽⴽⴻⵏ ⴰⴷ ⵙⵙⴽⴻⵏⴻⵏ ⵉⴼⴰⵔⵉⵙⴻⵏ-ⵏⵙⴻⵏ ⵙ ⵜⵖⴰⵔⴰ ⵜⴰⴳⵔⴻⵖⵍⴰⵏⵜ ⵢⴻⵍⵀⴰⵏ".
ⴰⵔⵏⵓ ⵖⴻⵔ
