ⵍⵍⴰⵏ-ⴷ 80 ⵏ ⵢⵉⵎⵜⴰⵡⴰⵏ ⵏ ⵓⵎⵢⴰⵍⵍⴻⵍ ⵉⵎⴻⵣⵡⵓⵔⴰ ⴷⴻⴳ ⵢⵉⴳⴻⵔ ⵏ ⵡⴰⵙⵙⴻⵎⵔⴻⴹ ⴷ ⵓⵙⴻⵔⴼⴻⵢ ⴷⴻⴳ ⵜⴰⵙⵓⵜ ⵜⵉⵙ ⵜⴰⵎ (8) ⵏ ⵓⵙⴼⴰⵢⵍⵓ ⴰⴳⵔⴰⵖⵍⴰⵏ ⵏ ⵡⴰⵙⵙⴻⵎⵔⴻⴹ ⴷⴻⴳ ⵜⵎⴻⴳⵓⵕⵉ, ⵓⴱⴻⵏⵏⵓ, ⵜⴰⵥⴻⵔⵜ ⴷ ⵓⵙⴻⵔⴼⴻⵢ "ⴰⵍⴳⴻⵔⵉⴰ ⵉⵏⵥⴻⵙⵜ ⴻⵅⵒⵓ", ⵉ ⵢⴻⴼⴼⵖⴻⵏ ⴰⵙⵙ-ⴰ ⵏ ⵍⵃⴻⴷⴷ ⴷⵉ ⵡⴰⵎⵎⴰⵙ ⵏ ⵜⵉⵎⵓⵖⵍⵉⵡⵉⵏ "ⵎⵓⵃⴻⵎⵎⴻⴷ ⴱⴻⵏ ⴰⵃⵎⴻⴷ" ⴷⵉ ⵡⴻⵀⵔⴰⵏ.
ⴰⵏⴻⴷⴷⴱⴰⵍ ⵏ ⵓⵙⴼⴰⵢⵍⵓ, ⵎⴰⵙⵙ ⴰⵃⵎⴻⴷ ⵃⴰⵏⵉⵛ, ⵢⴻⵏⵏⴰ-ⴷ ⵡⴰⴽⴽⴻⵏ ⵉⵎⵜⴰⵡⴰⵏ-ⴰⴳⵉ ⵍⵍⴰⵏ-ⴷ ⴳⴰⵔ ⵢⵉⵎⴻⴷⵔⴰⵡⴻⵏ ⵉⵣⵣⴰⵢⵔⵉⵢⴻⵏ, ⵜⵉⴽⴻⴱⴱⴰⵏⵉⵢⵉⵏ ⵏ ⴷⴷⵓⵍⴰ ⴷ ⵜⵉⵏ ⵓⴷⵓⵙ, ⴷ ⵢⵉⵎⵉⴷⴰⵡⴻⵏ-ⵏⵙⴻⵏ ⵉⴱⴻⵕⵕⴰⵏⵉⵢⴻⵏ. ⵍⴰⴷⵖⴰ ⵉ ⵓⵙⴻⵔⴼⴻⵢ ⵏ ⵡⴰⵍⵍⴰⵍⴻⵏ ⵏ ⵓⴱⴻⵏⵏⵓ, ⵡⴰⵍⵍⴰⵍⴻⵏ ⵏ ⵓⵙⵉⵔⴻⵎ ⴷ ⵢⵉⵙⵙⴻⴼⵔⴰⵢⴻⵏ ⵏ ⵓⵅⴰⵎ ⵖⴻⵔ ⵜⵎⵓⵔⴰ ⵏ ⵜⴻⴼⵔⵉⵇⵜ.
ⴷⴻⴳ ⵜⴻⴳⵏⵉⵜ-ⴰⴳⵉ, ⵍⵍⴰⵏ-ⴷ ⵙⵉⵏ ⵢⵉⵎⵜⴰⵡⴰⵏ ⵏ ⵓⵙⴻⵔⴼⴻⵢ ⵓⵙⵔⵉⴷ ⵏ ⵡⴰⵍⵍⴰⵍⴻⵏ ⵏ ⵓⴱⴻⵏⵏⵓ ⴷ ⵓⴽⴻⵛⵛⵓⴹ ⵖⴻⵔ ⵜⵓⵏⴻⵙ ⴷ ⵎⵓⵔⵉⵜⴰⵏⵢⴰ. ⴰⴽⴽⴻⵏ ⴷⴰⵖⴻⵏ ⵍⵍⴰⵏ-ⴷ ⵉⵙⴻⵏⴼⴰⵔⴻⵏ ⵏ ⵡⴰⵙⵙⴻⵎⵔⴻⴹ ⵉ ⵓⵙⴻⵍⵍⵉ ⵏ ⵢⵉⴼⴻⵔⴷⵉⵙⴻⵏ ⵏ ⵓⵙⵓⴼⴼⴻⵖ ⴷⴻⴳ ⵢⵉⴳⵔⴰⵏ ⵏ ⵜⵎⴻⴳⵓⵕⵉ ⵢⴻⵎⴳⴰⵔⴰⴷⴻⵏ ⴷⵉ ⵜⵎⵓⵔⴰ ⵏ ⵜⴻⴼⵔⵉⵇⵜ, ⴰⵎ ⵖⵉⵏⵢⴰ, ⵣⵉⵎⴱⴰⴱⵡⵉ ⴷ ⵏⴰⵎⵉⴱⵢⴰ.
ⵜⴰⵎⵍⵉⵍⵉⵜ-ⴰⴳⵉ ⵜⴰⴷⴰⵎⵙⴰⵏⵜ, ⵉ ⵜⴻⵙⵙⵓⴷⴻⵙ ⵜⴰⴷⵓⴽⵍⵉ "ⵙⵓⵏⴼⵍⴰⵡⴻⵔ" ⵙ ⵓⵃⴰⴷⴻⵔ ⵏ ⵜⵏⴻⵖⵍⴰⴼⵜ ⵏ ⵜⵎⴻⴳⵓⵕⵉ, ⵜⴻⵙⴷⵓⴽⴽⴻⵍ-ⴷ ⵢⵉⵔⴳⴰⵣⴻⵏ ⵏ ⵓⴼⴰⵔⴻⵙ ⵙⴻⴳ ⵖⵉⵏⵢⴰ, ⵙⵙⵉⵏⵉⴳⴰⵍ, ⵎⵓⵔⵉⵜⴰⵏⵢⴰ ⴷ ⴱⴰⴽⵉⵙⵜⴰⵏ, ⵉⵡⴰⴽⴽⴻⵏ ⴰⴷ ⴳⴻⵏ ⴰⵎⵢⴰⵍⵍⴻⵍ ⴷ ⵜⴽⴻⴱⴱⴰⵏⵉⵢⵉⵏ ⵜⵉⵣⵣⴰⵢⵔⵉⵢⵉⵏ ⴷ ⵓⵍⴷⴰⵢ ⵏ ⵜⵉⵡⵡⵓⵔⴰ ⵉ ⵓⵙⴻⵔⴼⴻⵢ.
ⴰⵙⴼⴰⵢⵍⵓ-ⴰⴳⵉ ⵜⴻⵔⵣⴰ-ⴷ ⵖⵓⵔ-ⴻⵙ ⵢⴰⵜ ⵜⴻⴳⵔⵓⵎⵎⴰ ⵏ 30 ⵏ ⵢⵉⵎⴰⵙⴰⵢⴻⵏ ⵏ ⵜⵣⴻⵢⵢⵉⵏ ⵜⵉⴷⴰⵎⵙⴰⵏⵉⵏ ⵏ 30 ⵏ ⵜⵙⴻⵏⵙⵉⵢⵉⵏ ⴷⵉ ⵍⴻⵣⵣⴰⵢⴻⵔ, ⵉⵡⴰⴽⴽⴻⵏ ⴰⴷ ⵥⵔⴻⵏ ⵜⴻⴳⵏⵉⵜⵉⵏ ⵏ ⵡⴰⵙⵙⴻⵎⵔⴻⴹ ⵓⵙⵔⵉⴷ.
ⵙ ⵜⴰⵎⴰ-ⵏⵏⵉⴹⴻⵏ, ⵢⴻⵍⵍⴰ-ⴷ ⵓⵙⵎⴻⵢⵢⴻⵏ ⵏ ⵙⴻⵎⵎⵓⵙ ⵏ ⵜⴽⴻⴱⴱⴰⵏⵉⵢⵉⵏ ⵉ ⵢⴻⴼⴽⴰⵏ ⵉⵙⴻⵏⴼⴰⵔⴻⵏ ⵢⴻⵍⵀⴰⵏ ⵉ ⵜⴷⴰⵎⵙⴰ, ⵜⴰⵡⴻⵏⵏⴰⴹⵜ ⴷ ⵜⴻⵏⴻⴼⵍⵉⵜ ⵜⵓⵎⵣⵉⴷⵜ. ⴷⵔⴰⵏ-ⴷ ⴷⴻⴳ ⵜⴰⵙⵓⵜ-ⴰⴳⵉ 153 ⵏ ⵢⵉⵎⵣⵉⴳⵏⴻⵏ, ⴳⴰⵔ-ⴰⵙⴻⵏ 130 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵣⵣⴰⵢⵔⵉⵢⵉⵏ ⴷ ⵜⴽⴻⴱⴱⴰⵏⵉⵢⵉⵏ ⵏ ⵛⵛⵉⵏⵡⴰ, ⵟⵟⴰⵍⵢⴰⵏ, ⵜⵓⵔⴽⵢⴰ ⴷ ⵍⵀⵉⵏⴷ.
ⴷⵉ ⵜⴰⵎⴰ ⵏ ⵓⵙⴼⴰⵢⵍⵓ-ⴰⴳⵉ, ⵢⴻⵍⵍⴰ-ⴷ ⵓⵙⴼⴰⵢⵍⵓ ⴰⴼⵔⵉⵇⵉ ⵏ ⵓⴱⴻⵏⵏⵓ ⴷ ⵜⵉⴽⵏⵓⵍⵓⵊⵉⵜ ⵙ ⵓⵣⴻⵏⵜⴻⵍ: "ⴰⵙⵏⵓⵍⴼⵓ, ⵜⵉⴽⵏⵓⵍⵓⵊⵉⵜ ⴷ ⵓⴱⴻⵏⵏⵓ ⵉ ⵜⴻⴼⵔⵉⵇⵜ ⵏ ⵡⴰⵣⴻⴽⴽⴰ".
