ⵜⴻⵙⵙⵓⴷⴷⴻⵙ ⵜⵏⴻⵀⵍⴰⴼⵜ ⵏ ⵍⴱⵉⵔⵉⴹ ⴷ ⵜⴻⵢⵡⴰⵍⵜ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵢⵉⵡⴻⵏ ⵏ ⵓⵙⴰⵢⴻⵙ ⵖⴻⴼ "ⵜⴰⵎⴰⵏⴻⴳⵜ ⵜⴰⵇⵎⵉⵜ" ⵉ ⵓⵃⵔⴰⵣ ⵏ ⵓⵏⵏⴰⵔ ⴰⵇⵎⵉ ⵏ ⵓⵏⵏⴰⵔ-ⴰⴳⵉ ⴷ ⵓⵙⴻⴶⵀⴻⴷ ⵏ ⵜⵙⴻⵎⵎⵔⴻⵡⵜ-ⵉⵙ ⵜⴰⵇⵎⵉⵜ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⴷ ⵓⵍⴷⴰⵢ ⵓⵏⵚⵉⴱ ⵏ ⵡⴰⵎⵎⴰⵙ ⵏ ⵓⵏⵏⴰⵔ ⵏ ⵜⵃⵓⴷⴷⵓⵡⵜ, ⴰⵙⵏⵉⵔⴻⵎ ⴷ ⵜⵔⵉⵔⵉⵜ ⵖⴻⵔ ⵢⵉⵙⵓⵢⵎⵉⵙⴻⵏ ⵉⵇⵎⵉⵢⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵏⴻⵖⵍⴰⴼ ⵏ ⵍⴱⵉⵔⵉⴹ ⴷ ⵜⴻⵢⵡⴰⵍⵜ, ⵎⴰⵙⵙ ⵙⵉⴷ ⵄⵍⵉ ⵣⴻⵔⵔⵓⵓⵇⵉ, ⴷ ⵓⵎⴰⵙⵓⵏ ⵏ ⵜⴻⴳⴷⵓⴷⴰ ⵏ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵎⵉⵏ ⴽⵢⵓⵓⵓⵏⴳ-ⵜⵉ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵢⵉⵎⴹⴻⴱⴱⵔⴻⵏ ⴷ ⵢⵉⵎⵓⵣⵣⴰⴳⴻⵏ ⵏ ⵓⵏⵏⴰⵔ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⵙⵔⴻⵟ ⵜⴰⵖⴻⵍⵏⴰⵡⵜ ⵉ ⵢⴻⴱⵖⴰⵏ "ⴰⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵏ ⵓⵃⵔⴰⵣ, ⴰⵙⵏⵉⵔⴻⵎ ⴷ ⵜⵔⵉⵔⵉⵜ ⵖⴻⵔ ⵢⵉⵙⵓⵢⵎⵉⵙⴻⵏ ⵉⵇⵎⵉⵢⴻⵏ ⴷⴻⴳ ⵓⵣⴻⵏⵣⵉⵖ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵏ ⵓⵙⴰⵍⴰⵏ ⴷ ⵜⴻⵢⵡⴰⵍⵜ". ⴰⵙⴰⵢⴻⵙ-ⴰⴳⵉ ⵢⴻⵍⵍⴰ ⴷ "ⴰⵎⵔⴰⵃ ⵏ ⵓⵎⵓⴱⴱⴰⴷⴷⴻⵍ ⵓⴼⵔⵉⵏⴻⵏ ⴳⴰⵔ ⵢⵉⵎⵉⴳⴰⵡⴻⵏ ⵏ ⵜⵎⵓⵙⵏⵉⵡⵉⵏ ⴷ ⵢⵉⵎⵛⴻⴷⴷⵉⵡⴻⵏ ⵉⴳⵔⴰⵖⵍⴰⵏⴻⵏ ⵖⴻⴼ ⵢⵉⴽⴰⵢⴰⴷⴻⵏ (défis) ⵏ ⵜⵓⵔⴰ ⴷ ⵡⵉⴷ ⵏ ⵢⵉⵎⴰⵍ ⵏ ⵜⵎⴰⵏⴻⴳⵜ ⵜⴰⵇⵎⵉⵜ".
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵎⴰⵙⵙ ⵣⴻⵔⵔⵓⵓⵇⵉ ⵉⵙⵔⴻⵚ ⴱⴻⵍⵍⵉ "ⵜⴰⵎⴰⵏⴻⴳⵜ ⵜⴰⵇⵎⵉⵜ ⵜⴻⵙⵄⴰ ⴰⵣⴰⵍ ⴰⵙⵔⴰⵜⵉⴷⵊⵉ ⵉ ⵜⵉⵎⵓⵎⴻⵏⵜ ⵜⴰⵇⵎⵉⵜ ⵏ ⵜⵎⵓⵔⵜ". ⵉⵙⵎⴻⴽⵜⵉ-ⴷ ⵍⵎⴻⴶⵀⵓⴷⴰⵜ ⵏ ⵓⵏⵏⴰⵔ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵉ ⵍⴻⵣⵣⴰⵢⴻⵔ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵓⵣⴻⵟⵟⴻⴹ ⴷ ⵜⵔⵉⵔⵉⵜ ⵉ ⵉⵜⴻⴷⴷⵓⵏ ⴷ ⵢⵉⴽⴰⵢⴰⴷⴻⵏ ⵏ ⵜⵓⵔⴰ. ⵢⴻⵔⵏⴰ-ⴷ ⴱⴻⵍⵍⵉ ⵓⵏⵏⴰⵔ-ⵉⵙ ⵢⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴷⴻⴳ ⵜⵉⴷⴷⵢ-ⴰⴳⵉ ⵉ ⵓⵟⵎⴰⵏ ⵏ ⵢⵉⵡⴻⵏ ⵏ ⵓⵏⵏⴰⵔ ⴰⵇⵎⵉ ⵉⵃⴻⵔⵣⴻⵏ ⵓ ⵉⵜⴻⴷⴷⵓⵏ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ.
ⴰⵏⴻⵀⵍⴰⴼ ⵉⵙⵙⴻⴽⵏⴻⴷ "ⴰⵎⴽⴰⵏ ⵉⵕⴻⵙⵙⴰⵏ ⵏ ⵡⴰⵎⵎⴰⵙ ⵏ ⵓⵏⵏⴰⵔ ⵏ ⵜⵃⵓⴷⴷⵓⵡⵜ, ⴰⵙⵏⵉⵔⴻⵎ ⴷ ⵜⵔⵉⵔⵉⵜ ⵖⴻⵔ ⵢⵉⵙⵓⵢⵎⵉⵙⴻⵏ ⵉⵇⵎⵉⵢⴻⵏ, ⵉ ⵢⴻⵍⵍⴰⵏ ⴷ ⵍⵍⵙⴰⵙ ⵉ ⵓⵣⴻⵟⵟⴻⴹ ⵉ ⵉⵜⴻⴷⴷⵓⵏ ⴷ ⵜⴻⵙⵍⴻⵟ (analyse) ⵏ ⵢⵉⵎⵉⵀⵉⵢⴻⵏ ⴷ ⵓⵎⵙⴰⵙⴻⵢ ⵏ ⵜⵔⵉⵔⵉⵜ ⵉ ⵏⴼⴰⵄ ⵏ ⵢⴰⴽⴽ ⵜⵎⵓⵙⵏⵉⵡⵉⵏ ⵏ ⵓⵏⵏⴰⵔ".
ⵙⴻⴳ ⵜⴰⵎⴰ-ⵙ, ⴰⵎⴰⵙⵓⵏ ⵏ ⴽⵓⵔⵢⴰ ⵏ ⵓⵏⵥⵓⵍ ⵉⵙⵍⴻⵎ-ⴷ ⵙ "ⵜⵖⴰⵔⴰ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ ⵜⴰⵇⵎⵉⵜ", ⵉⵙⵎⴻⴽⵜⵉ-ⴷ "ⵜⴰⵍⵍⴻⵍⵜ ⵜⴰⵜⵉⴽⵏⵉⴽⵜ ⵉ ⵉⵟⵟⴰⴽ ⵓⵙⵉⵔⴻⵎ ⵏ ⴽⵓⵔⵢⴰ ⵉ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⵉ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ ⴷⴻⴳ ⵓⵙⵏⵉⵔⴻⵎ ⴷ ⵜⵔⵉⵔⵉⵜ ⵖⴻⵔ ⵢⵉⵎⵉⵀⵉⵢⴻⵏ ⵉⵇⵎⵉⵢⴻⵏ".
ⴰⵙⴰⵢⴻⵙ-ⴰⴳⵉ ⵢⴻⵍⵍⴰ ⴷⴰⵖⴻⵏ ⴷ ⵜⴰⴳⵏⵉⵜ ⵉ ⵓⵙⴻⵏⴽⴻⴷ ⵏ "ⵓⵙⵏⴻⴼⵍⵉ ⵉ ⴷ-ⵢⵉⵍⵍⴰⵏ ⴷⴻⴳ ⵓⴱⵔⵉⴷ ⵏ ⵡⴰⵀⵉⵍ ⵏ ⵓⵏⵏⴰⵔ ⵉ ⵓⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵜⴰⵇⵎⵉⵜ, ⴷ ⵢⵉⵙⵏⵉⵢⴰⵍⴻⵏ ⵏ ⵓⵙⵏⴻⴼⵍⵉ ⵏ ⵢⵉⵎⴰⵍ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⴷⴷⵓⴽⴻⵍ ⴷ ⵜⵙⴻⴷⴷⴰⵔⵉⵏ ⵏ ⵜⵔⵉⵔⵉⵜ ⴷ ⵓⵣⴻⵟⵟⴻⴹ ⵏ ⵣⵉⴽ ⵏ ⵢⵉⵙⵓⵢⵎⵉⵙⴻⵏ ⵉⵇⵎⵉⵢⴻⵏ ⴷ ⵓⵙⵏⴻⴼⵍⵉ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ".
ⴰⵔⵏⵓ ⵖⴻⵔ
