ⵢⴻⵙⵙⴻⵍⵡⴰ ⵓⵏⴻⵖⵍⴰⴼ ⴰⵎⴻⵏⵣⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ, ⴰⴳⵔⴰⵡ ⵏ ⵓⵏⴰⴱⴰⴷ ⵉ ⵢⴻⵣⵣⴻⵏ ⵖⴻⴼ ⵜⵣⵔⴰⵡⵜ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵉ ⵢⴻⵙⴱⴻⴷⴷⴻⵏ ⵉⵍⵓⴳⴰⵏ ⵉⵎⴰⵜⴰⵢⴻⵏ ⵢⴻⵣⵣⴻⵏ ⵖⴻⵔ ⵓⵃⵔⵉⵛ ⵏ ⵓⵔⴰⵇⴻⵎ, ⴰⴽⴽ ⴷ ⵓⵙⴻⵏⴼⴰⵔ ⵏ ⵓⵙⵍⵓⴳⴻⵏ ⴰⵎⵙⴻⵍⴽⴰⵎ ⵉ ⵢⴻⵙⴱⴻⴷⴷⴻⵏ ⵜⵉⵡⵜⵉⵍⵉⵏ ⵏ ⵓⵙⵏⵓⵍⴼⵓ, ⴰⵙⵓⴷⴷⴻⵙ, ⴰⵙⴻⴼⵔⴻⴷ ⴷ ⵓⵙⴻⴹⴼⴻⵔ ⵏ ⵜⵙⵓⴷⴷⵓⵜⵉⵏ ⵜⵓⵥⵍⵉⴳⵉⵏ ⵏ ⵓⵙⴻⴳⵎⵉ ⴷ ⵓⵙⴻⵍⵎⴻⴷ ⵉ ⵡⴰⵔⵔⴰⵛ ⵢⴻⵙⵄⴰⵏ ⵉⵙⵔⴰⵏ ⵓⵥⵍⵉⴳⴻⵏ (ⵡⵉⴷ ⵢⴻⵜⵜⵓⵃⴰⵣⴻⵏ ⵙ ⵜⵓⵄⵉⴱⵜ ⵜⴰⵍⵍⴰⵖⴰⵏⵜ), ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴱⴻⵔⵔⴻⵃ ⵏ ⵜⵎⴻⵀⵍⵉⵡⵉⵏ ⵏ ⵓⵎⴰⵡⴰⵙ ⴰⵎⴻⵏⵣⵓ.
ⴰⵜⴰ-ⵏ ⵓⴹⵔⵉⵙ ⵙ ⵜⵎⴰⵎⵉⵜ-ⵉⵏⴻⵙ: "ⵢⴻⵙⵙⴻⵍⵡⴰ ⵓⵎⴰⵡⴰⵙ ⴰⵎⴻⵏⵣⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ 23 ⴷⵓⵊⴰⵎⴱⴻⵔ 2025, ⴰⴳⵔⴰⵡ ⵏ ⵓⵏⴰⴱⴰⴷ ⵉ ⵢⴻⵣⵣⴻⵏ ⵖⴻⴼ ⵜⵎⵙⴰⵍⵉⵏ-ⴰⴳⵉ: ⴷⴻⴳ ⵜⵣⵡⵉⵔⵜ, ⵢⴻⵙⵙⴻⵏⵜⵉ ⵓⵏⴰⴱⴰⴷ ⵜⴰⵣⵔⴰⵡⵜ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵉ ⵢⴻⵙⴱⴻⴷⴷⴻⵏ ⵉⵍⵓⴳⴰⵏ ⵉⵎⴰⵜⴰⵢⴻⵏ ⵢⴻⵣⵣⴻⵏ ⵖⴻⴼ ⵓⵃⵔⵉⵛ ⵏ ⵓⵔⴰⵇⴻⵎ. ⵜⴰⵎⵙⴰⵍⵜ-ⴰⴳⵉ ⵜⴻⵣⵣⴻⵏ ⵖⴻⵔ ⵢⵉⵡⴻⵜ ⵏ ⵜⴰⵖⵓⵍⵜ ⵜⴰⴷⴻⵙⵍⴰⵏⵜ ⵉ ⵡⴻⵙⴱⴻⴷⴷⵉ ⵏ ⵢⵉⵡⴻⵏ ⵓⵏⴰⴳⵔⴰⵡ ⴰⵔⴰⵇⵎⵓⵔ ⴰⵖⴻⵍⵏⴰⵡ ⵉⵊⴻⵀⴷⴻⵏ, ⵢⴻⵍⵍⴰⵏ ⴷⴻⴳ ⵍⴰⵎⴰⵏ ⵓ ⵢⴻⵙⴷⵓⴽⴽⴻⵍ, ⵍⴰⴷⵖⴰ ⵙ ⵡⴻⵙⵔⴻⵙ ⵏ ⵢⵉⵡⴻⵏ ⵓⵎⴻⴷⵢⴰ ⵏ ⵓⵙⴻⴼⵔⴻⴷ ⴰⵎⴰⵢⵏⵓⵜ ⵉ ⵢⴻⵜⵜⴽⵉⵍⴻⵏ ⵖⴻⴼ ⵓⵔⴰⵇⴻⵎ ⴰⵎⴰⵜⴰⵢ ⴰⵎ ⵍⵙⴰⵙ ⵏ ⵓⵎⴰⵀⵉⵍ ⴰⵏⴻⴱⴷⴰⴷ ⴷⴻⴳ ⵓⵙⴻⴼⵔⴻⴷ ⵏ ⵜⵎⵙⴰⵍⵉⵏ ⵜⵉⵎⴰⵜⴰⵢⵉⵏ.
ⴰⵢⴰ ⵢⴻⵜⵜⴰⵡⵉ-ⴷ ⵖⴻⵔ ⵡⴻⵙⴱⴻⴷⴷⵉ ⵏ ⵢⵉⵡⴻⵏ ⵓⴽⴰⵜⴰⵔ ⴰⵣⵔⴼⴰⵏ ⵉⵊⴻⵀⴷⴻⵏ ⵉⵡⴰⴽⴽⴻⵏ ⴰⴷ ⵢⴻⵎⵍⴻⵍ ⴰⴱⴻⴷⴷⴻⵍ ⴰⵔⴰⵇⵎⵓⵔ, ⴰⴷ ⵢⴻⴹⵎⴻⵏ ⴰⴷⵓⵎ-ⵉⵏⴻⵙ ⴷ ⵜⴼⴻⵙⵏⵉ-ⵏⴻⵙ, ⵙ ⵡⴻⵊⵊⴰ ⵏ ⵜⵎⵓⵔⵜ-ⵏⵏⴻⵖ ⴰⴷ ⵜⴻⴽⵛⴻⵎ ⵙ ⵜⵎⴰⵎⵉⵜ ⴷⴻⴳ ⵜⴰⵍⵍⵉⵜ ⵜⴰⵔⴰⵇⵎⵓⵔⵜ.
ⴷⴰⵖⴻⵏ, ⵢⴻⵣⵔⴻⵡ ⵓⵏⴰⴱⴰⴷ ⴰⵙⴻⵏⴼⴰⵔ ⵏ ⵓⵙⵍⵓⴳⴻⵏ ⴰⵎⵙⴻⵍⴽⴰⵎ ⵉ ⵢⴻⵙⴱⴻⴷⴷⴻⵏ ⵜⵉⵡⵜⵉⵍⵉⵏ ⵏ ⵓⵙⵏⵓⵍⴼⵓ, ⴰⵙⵓⴷⴷⴻⵙ, ⴰⵙⴻⴼⵔⴻⴷ ⴷ ⵓⵙⴻⴹⴼⴻⵔ ⵏ ⵜⵙⵓⴷⴷⵓⵜⵉⵏ ⵜⵓⵥⵍⵉⴳⵉⵏ ⵏ ⵓⵙⴻⴳⵎⵉ ⴷ ⵓⵙⴻⵍⵎⴻⴷ ⵉ ⵡⴰⵔⵔⴰⵛ ⵢⴻⵙⵄⴰⵏ ⵉⵙⵔⴰⵏ ⵓⵥⵍⵉⴳⴻⵏ. ⴰⵙⴻⵏⴼⴰⵔ ⵏ ⵓⴹⵔⵉⵙ-ⴰⴳⵉ ⵢⴻⵡⵡⵉ-ⴷ ⵉⵡⴰⴽⴽⴻⵏ ⴰⴷ ⴷ-ⵢⴻⵙⵏⵓⵍⴼⵓ ⵜⵉⵙⵓⴷⴷⵓⵜⵉⵏ ⵜⵓⵥⵍⵉⴳⵉⵏ ⵓ ⴰⴷ ⵢⴻⵙⵏⴻⵔⵏⵉ ⴰⵙⵓⴷⴷⴻⵙ-ⵏⵙⴻⵏ ⴷ ⵓⵎⴰⵀⵉⵍ-ⵏⵙⴻⵏ, ⴷ ⵓⴹⴼⴰⵔ ⵏ ⵢⵉⴱⴻⴷⴷⵉⵍⴻⵏ ⵉ ⴷ-ⵢⵓⵙⴰⵏ ⴷⴻⴳ ⵍⵇⴰⵏⵓⵏ ⵓⵟⵟⵓⵏ 25-01 ⵏ 20 ⴼⴻⴱⵔⴰⵢⴻⵔ 2025, ⵢⴻⵣⵣⴻⵏ ⵖⴻⵔ ⵓⵃⴻⵟⵟⵉ ⴷ ⵓⵙⵉⴷⴷⴻⵔ ⵏ ⵢⵉⵎⴷⴰⵏⴻⵏ ⵢⴻⵙⵄⴰⵏ ⵉⵙⵔⴰⵏ ⵓⵥⵍⵉⴳⴻⵏ, ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⴻⴼⵔⴻⴷ ⵢⴻⵍⵍⴰⵏ ⴷ ⴰⴼⵓⵣⵉⵍ, ⵔⵏⵓ ⵖⵓⵔ-ⵙ ⵜⵉⴽⴽⵉ ⴷⴻⴳ ⵓⵊⴻⵀⵀⴻⴷ ⵏ ⵡⴰⵔⵔⴰⵜⴻⵏ ⵏ ⴷⴷⴻⵡⵍⴰ ⵉ ⵡⴻⵣⵔⴰⵄ ⵏ ⵜⵙⵓⴷⴷⵓⵜⵉⵏ ⵏ ⵓⵙⵜⴻⵇⴱⴻⵍ ⵉ ⵡⴰⵔⵔⴰⵛ ⵢⴻⵜⵜⵓⵃⴰⵣⴻⵏ ⵙ ⵜⵓⵄⵉⴱⵜ ⵜⴰⵍⵍⴰⵖⴰⵏⵜ ⴷⴻⴳ ⵎⴰⵔⵔⴰ ⵜⴰⵎⵓⵔⵜ.
ⴰⵔⵏⵓ ⵖⴻⵔ
