ⵉⵎⴰⵀⵉⵍⴻⵏ ⵏ ⵜⵖⴻⵎⵍⵉⵍⵜ ⵜⵉⵙ 12 ⵏ ⵓⴷⵡⴰⵍ ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ, ⵎⴰⵣⴰⵍ ⵍⴰ ⵜⴻⴷⴷⵓ ⴰⵙⵙ ⵏ ⵓⵙⵉⵏⴰⵙ-ⴰ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⵙⵙ ⵡⵉⵙ ⵙⵉⵏ ⴰⵏⴻⴳⴳⴰⵔⵓ, ⴳⴰⵏ ⴷⴰⵖⴻⵏ ⵙⵏⴰⵜ ⵏ ⵜⵖⴻⵎⵍⵉⵍⵉⵏ ⵜⵓⵎⴷⵉⵍⵉⵏ.
ⴰⴷ ⵙⵎⴰⵀⵉⵏ ⵢⵉⵎⵜⵜⴻⴽⴽⵉⵢⴻⵏ, ⴷⴻⴳ ⵡⴰⵙⵙ ⵡⵉⵙ ⵙⵉⵏ, ⵢⵉⵡⴻⵜ ⵏ “ⵜⴻⵛⵔⴰⵡⵜ ⵏ ⵢⵉⵔⵎⵓⴷⴻⵏ ⵏ ⴰ3+ : ⵜⵉⵎⵙⵉⵔⵉⵏ ⴰⵔⴰ ⴷ-ⵏⴻⴽⴽⴻⵙ ⴰⴽⴽⴻⴷ ⵓⵙⵎⵓⵜⴻⴳ ⵏ ⵢⵉⵎⴰⵍ” ⵢⴻⵔⵏⴰ ⴰⴷ ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ « ⵓⵙⴻⵇⵇⴰⵎⵓ ⵏ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⵏ ⵜⴻⴷⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⴰ3+ : ⴷ ⵢⵉⵡⴻⵜ ⵏ ⵜⴰⵖⴻⵛⵜ ⵉǧⴻⵀⴷⴻⵏ ⵓⴳⴰⵔ ⵉ ⵓⵙⵎⴻⵙⴽⴻⵍ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⵍⴻⵏ ».
ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵓⴽⴰⵍⴰ ⵏ ⵡⴻⵀⵔⴰⵏ ⵏ ⵓⵙⴻⴳⴳⴰⵙ ⵏ 2025, ⵙⵏⴰⵜ ⵏ ⵜⵖⴻⵎⵍⵉⵍⵉⵏ ⵉⵎⴻⴷⵍⴻⵏ ⵉ ⵔⵣⴰⵏ ⵉ ⵓⵙⴻⵏⵜⴻⵍ “ⴰⴷⴻⵎⴽⴰⵍ ⴰⵎⴰⵜⵓ ⵏ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ : ⵜⴰⴷⵉⵏⴰⵎⵉⵜ ⵜⴰⵎⵉⵔⴰⵏⵜ, ⴰⴽⴽⴻⴷ « ⵜⵉⴳⴰⵡⵜ ⵜⵓⵛⵔⵉⴽⵜ ⵏ ⵜⴻⴷⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵖⴻⴼ ⵓⵎⴻⵏⵏⵓⵖ ⵎⴳⴰⵍ ⵏ ⵜⵔⴻⵎⵖⴰ ⴰⴽⴽⴻⴷ ⵜⴻⵥⵔⵉⵖⴻⴼⵜ ⵜⵓⴽⵔⵉⴹⵜ ».
ⴰⵙⴰⵔⴰⴳ-ⴰ ⵢⴻⵙⵙⴻⴽⵍⴻⵙ ⴰⵜⵜⴻⴽⴽⵉ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵣⵖⴰⵔⴰⵏⴻⵏ, ⵏ ⵓⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ ⴰⴽⴽⴻⴷ ⵢⵉⵡⴻⵥⵍⴰ ⵉⴼⵔⵉⵇⵉⵢⴻⵏ, ⵎⴰⵙⵙ ⴰⵀⵎⴻⴷ ⴰⵜⵜⴰⴼ ⴰⴽⴽⴻⴷ ⵜⵎⴰⵔⴰⵢⵜ ⵏ ⵓⵡⴰⵏⴰⴽ ⵢⴻⵍⵍⴰⵏ ⴷⴻⴳ ⵓⵖⵍⵉⴼ ⵏ ⵢⵉⵡⴻⵥⵍⴰ ⵉⵣⵖⴰⵔⴰⵏⴻⵏ ⵢⴻⵜⵜⵡⴰⴽⴻⵍⴼⴻⵏ ⵙ ⵢⵉⵡⴻⵥⵍⴰ ⵉⴼⵔⵉⵇⵉⵢⴻⵏ, ⵎⴰⵙⵙⴰ ⵙⴻⵍⵎⴰ ⴱⴻⴽⵀⵜⴰ ⵎⴰⵏⵙoⵓⵔⵉ.
ⴰⵔⵏⵓ ⵖⴻⵔ
