ⵜⴻⵙⵙⴰⵡⴻⴹ-ⴷ ⵖⴻⵔ ⵓⵙⴰⴳⴻⵏ ⵏ ⵓⵙⴰⴼⴰⴳ ⴰⴳⵔⴻⵖⵍⴰⵏ ⵎⵓⵀⴰⵎⴻⴷ ⴱⵓⵓⴷⵉⴰⴼ ⴷⴻⴳ ⵇⵙⴻⵏⵟⵉⵏⴰ, ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵍⵀⴻⴷ, ⵢⵉⵡⴻⵜ ⵏ ⵜⴻⴳⵍⵓⵎⵜ ⵏ 400 ⵏ ⵢⵉⵇⴻⵔⵔⴰⵢ ⵏ ⵢⵉⵣⵉⵎⴰⵔⴻⵏ ⵉ ⴷ-ⵢⵓⵙⴰⵏ ⵙⴻⴳ ⵎⴰⴶⴰⵔ ⵙ ⵓⵙⴰⴼⴰⴳ ⵏ ⵓⵄⴻⴱⴱⵉ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵜⵎⵓⵀⴻⵍ ⵏ ⵓⵙⵙⴻⴽⵛⴻⵎ ⵏ ⵜⵉⴹⵃⵉⵢⵉⵏ ⵏ ⵍⵄⵉⴷ.
ⵉⵙⵙⴻⴼⵀⴻⵎ-ⴷ ⵓⵎⴹⴻⴱⴱⴻⵔ ⵏ ⵢⵉⵎⴻⵥⵍⴰ ⵏ ⵜⴼⴻⵔⴽⵉ ⵏ ⵜⵡⵉⵍⴰⵢⵜ, ⵎⴰⵙⵙ ⴱⴰⴷⵔⴻⴷⴷⵉⵏⴻ ⵅⴰⵔⵛⵀⵉ, ⵉ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ, ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵏⴻⵖⵜⴰⵙⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵓ ⵜⴹⴼⴻⵔ ⵜⵉⵡⴰⵍⵍⵉⵣⵉⵏ ⵏ ⵜⵏⴻⵖⵍⴰⴼⵜ ⵏ ⵓⵏⵏⴰⵔ.
ⵢⴻⵔⵏⴰ-ⴷ ⵓⵎⴰⵙⴰⵢ-ⵏⵏⵉ ⴱⴻⵍⵍⵉ ⵜⴻⴳⵍⵓⵎⵜ-ⴰⴳⵉ ⴷ "ⵜⴻⴳⵔⴰⵎⵜ ⵜⴰⵎⴻⵏⵣⵡⵓⵜ ⵏ ⵢⵉⵣⵉⵎⴰⵔⴻⵏ ⵉ ⴷ-ⵉⵜⵜⵡⴰⴽⴽⵙⴻⵏ ⵙⴻⴳ ⵎⴰⴶⴰⵔ", ⵉⵙⵙⴻⴽⵜⵉ-ⴷ ⴱⴻⵍⵍⵉ ⵙⴱⴻⴷⴷⴻⵏ ⵉ ⵡⴰⵏⵏⴻⵛⵜ-ⴰ ⵢⵉⵡⴻⵜ ⵏ ⵜⵃⴰⴼⵉⵍⵜ ⵏ ⵢⵉⵙⴰⴼⴰⴳⴻⵏ ⵙⴻⴳ ⵙⵙⴻⴱⵜ ⵢⴻⵣⵔⵉⵏ ⴰⵔⵎⵉ ⴷ ⴰⵙⵙ ⵏ ⵜⵜⵍⴰⵜⴰ ⵉ ⴷ-ⵉⵜⵜⴻⴷⴷⵓⵏ.
ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⴰⵙⴻⵎⵔⴻⵙ ⵏ ⵓⵣⵓⵏⴻⵢ ⵏ ⵓⵙⴰⴼⴰⴳ ⵉⵙⵡⵉ-ⵉⵙ ⴷ "ⵓⵖⵉⵡⴻⵍ ⵏ ⵜⵉⴷⴷⵉ ⵏ ⵓⵎⵎⴰⴳⴻⵔ ⵏ ⵜⵉⴹⵃⵉⵢⵉⵏ, ⵉⵡⴰⴽⴽⴻⵏ ⴰⴷ ⵜⵜⵓⵣⴻⵏⵣⴻⵏⵜ ⴷⴻⴳ ⵡⴰⴽⵓⴷ ⵉⵕⴻⵙⵙⴰⵏ ⵓ ⴰⴷ ⴷ-ⵢⵉⵍⵉ ⵓⵟⵎⴰⵏ ⵏ ⵓⵡⴻⵣⵣⵉ ⵏ ⵓⴳⴻⴷⴻⵣ (ⵙⵙⵓⵇ) ⴷⴻⴳ ⵍⵡⴻⵇⵜ ⵉⵡⴰⵜⴰⵏ".
ⵉⴽⴻⵎⵎⴻⵍ ⵢⴻⵏⵏⴰ-ⴷ ⴱⴻⵍⵍⵉ ⵢⴰⴽⴽ ⵜⴻⴳⵔⴰⵎⵉⵏ ⴰⵔⴰ ⴷ-ⵢⴰⵡⴹⴻⵏ ⵖⴻⵔ ⵓⵙⴰⴳⴻⵏ ⵏ ⵇⵙⴻⵏⵟⵉⵏⴰ ⴰⴷ ⵄⴻⴷⴷⵉⵏⵜ ⵣⴷⴰⵜ ⵏ ⵓⵃⵔⴰⵣ ⴰⵙⴰⴼⴰⵔⴰⵏ (ⵇⵓⴰⵔⴰⵏⵜⴰⵉⵏⴻ) ⵙ ⵜⵎⵓⵖⵍⵉ ⵏ ⵢⵉⵎⴻⵊⵊⴰⵢⴻⵏ ⵏ ⵢⵉⵖⴻⵔⵙⵉⵡⴻⵏ (ⵠéⵜéⵔⵉⵏⴰⵉⵔⴻⵙ), ⵙ ⵓⵇⴰⴷⴻⵔ ⵏ ⵓⴱⵓⵔⵓⵜⵓⴽⵓⵍ ⴰⵙⴰⴼⴰⵔⴰⵏ ⵉⵕⴻⵙⵙⴰⵏⴻⵏ, ⵓⵇⴱⴻⵍ ⴰⴷ ⵜⵜⵓⵏⴻⵎⵍⴻⵏⵜ ⵖⴻⵔ ⵢⵉⵎⵓⴽⴰⵏ ⵏ ⵓⵣⴻⵏⵣⵉ.
ⵙ ⵓⵏⴰⵎⴻⴽ ⵏ ⵡⴰⵢⴻⵏ ⵉ ⴷ-ⵢⴻⵏⵏⴰ ⵓⵎⴰⵙⴰⵢ-ⵏⵏⵉ, ⵜⵉⴳⴳⴰⵡⵜ ⵏ ⵓⵙⵙⴻⴽⵛⴻⵎ ⵏ ⵜⵉⴹⵃⵉⵢⵉⵏ ⵏ ⵍⵄⵉⴷ ⴰⴷ ⵜⴻⵇⵇⵉⵎ ⵜⴻⵜⵜⴻⴷⴷⵓ ⴷⴻⴳ ⵡⵓⵙⵙⴰⵏ ⵉ ⴷ-ⵉⵜⵜⴻⴷⴷⵓⵏ ⵙ ⵓⵡⵡⵉ ⵏ ⵜⴻⴳⵔⴰⵎⵉⵏ ⵏⵏⵉⴹⴻⵏ, ⴰⵔⴰ ⵜⵜⵓⵏⴻⵎⵍⴻⵏ ⵖⴻⵔ ⵡⴰⵎⵎⴰⵙⴻⵏ ⵓⴼⵔⵉⵏⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ.
ⴰⵔⵏⵓ ⵖⴻⵔ
