ⴰⴽⵎⴰⵣ ⵏ 5 ⵏ ⵎⴻⴷⴷⴻⵏ ⴷ ⵓⵃⵙⴰⵔ ⵏ ⵓⴳⴰⵔ ⵏ ⵓⵇⴻⵏⵟⴰⵔ ⴷ ⵡⴻⵣⴳⴻⵏ ⵏ ⵍⴽⵉⴼ ⵢⴻⵜⵜⵡⴰⵙⵉⵣⴷⴳⴻⵏ ⴷⴻⴳ ⵙⵉⴷⵉ ⴱⴻⵍ-ⵄⴻⴱⴱⴰⵙ
ⵙⵙⴰⵡⴹⴻⵏ ⵢⵉⵎⴰⵙⵍⴰⴷⴻⵏ ⵏ ⵜⴻⴳⵔⵓⵎⵎⴰ ⵏ ⵜⴻⵎⵏⴰⵟ ⵏ ⴷⴷⴰⵔⴽ ⴰⵖⴻⵍⵏⴰⵡ ⴷⴻⴳ ⵙⵉⴷⵉ ⴱⴻⵍ-ⵄⴻⴱⴱⴰⵙ ⴰⴷ ⴽⴻⵎⵣⴻⵏ 5 ⵏ ⵎⴻⴷⴷⴻⵏ ⵓ ⴰⴷ ⵃⵙⴰⵔⴻⵏ ⵓⴳⴰⵔ ⵏ ⵓⵇⴻⵏⵟⴰⵔ ⴷ ⵡⴻⵣⴳⴻⵏ ⵏ ⵍⴽⵉⴼ ⵢⴻⵜⵜⵡⴰⵙⵉⵣⴷⴳⴻⵏ. ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⵜⵙⴻⴷⴷⴰⵔⵉⵏ (ⵎⴻⴼⴰⵔⴻⵣ) ⵉⵎⴻⵣⴷⴰⵢⴻⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ (ANP) ⴷⴻⴳ ⵓⵃⵔⵉⵛ ⴰⵙⴻⵔⴷⴰⵙ ⵏ ⴱⴻⵛⵛⴰⵔ, ⵙⵙⴰⵡⴹⴻⵏⵜ ⴰⴷ ⵃⵙⴰⵔⴻⵏⵜ ⵓⴳⴰⵔ ⵏ 238 ⵏ ⵡⴰⴳⵉⵎⴰⵏ ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵓⵎⴻⵙⵜⵓⵏ ⴰⵖⴻⵍⵏⴰⵡ ⴰⵙⵙ-ⴰ ⵏ ⵍⵀⴻⴷ.
ⵢⵓⵔⴰ-ⴷ ⴷⴻⴳ ⵓⵙⵉⵡⴹ: "ⴷⴻⴳ ⵓⴱⵔⵉⴷ ⵏ ⵓⴽⴻⵎⵎⴻⵍ ⵏ ⵜⵎⵓⵀⴰⵍ ⵓⴼⵔⵉⵏⴻⵏ ⵉ ⵜⴻⵜⵜⴻⴳⴳⴻⵏ ⵜⵙⴻⴷⴷⴰⵔⵉⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ ⵉ ⵓⵎⴻⵏⵏⵓⵖ ⵎⴳⴰⵍ ⵉⵇⴻⵔⵔⴰⵢ ⵏ ⵜⵏⴻⵣⵣⵓⵜ ⵏ ⵙⵙⴻⵎ, ⴷ ⵓⵙⴻⵎⵔⴻⵙ ⵢⴻⵍⵀⴰⵏ ⵏ ⵢⵉⵙⴰⵍⴰⵏ, ⵙⵙⴰⵡⴹⴻⵏ ⴰⵙⵙ ⵏ ⵢⵉⴹⴻⵍⵍⵉ 16 ⵎⴰⵢⵓ 2026 ⵢⵉⵎⴰⵙⵍⴰⴷⴻⵏ ⵏ ⴷⴷⴰⵔⴽ ⴰⵖⴻⵍⵏⴰⵡ ⴷⴻⴳ ⵙⵉⴷⵉ ⴱⴻⵍ-ⵄⴻⴱⴱⴰⵙ (ⵜⴰⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⵙⵏⴰⵜ) ⴰⴷ ⴽⴻⵎⵣⴻⵏ ⵅⴻⵎⵙⴰ (5) ⵏ ⵎⴻⴷⴷⴻⵏ, ⵓ ⴰⴷ ⵃⵙⴰⵔⴻⵏ ⵓⴳⴰⵔ ⵏ 1 ⵓⵇⴻⵏⵟⴰⵔ ⴷ 68 ⴽⴳ ⵏ ⵍⴽⵉⴼ ⵢⴻⵜⵜⵡⴰⵙⵉⵣⴷⴳⴻⵏ ⴷⴻⴳ ⵢⵉⵡⴻⵜ ⵏ ⵜⴽⴰⵎⵢⵓⵏⵜ. ⵎⴰ ⴷ ⵜⵙⴻⴷⴷⴰⵔⵉⵏ ⵏ ANP ⴷⴻⴳ ⵓⵃⵔⵉⵛ ⵏ ⴱⴻⵛⵛⴰⵔ (ⵜⴰⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⴽⵔⴰⴷⴻⵜ), ⵙⵙⴰⵡⴹⴻⵏⵜ ⴰⴷ ⴷ-ⵜⴰⴳⵎⵔⴻⵏⵜ ⵢⵉⵡⴻⵜ ⵏ ⵜⴳⴻⵔⵔⵓⵎⵎⴰ ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ ⵉ ⵢⴰⵡⴻⴹⴻⵏ 238.506 ⵏ ⵜⵉⴳⵏⴰⵜⵉⵏ ⵏ ⵡⴰⵏⴰⵡ ⵒⵔⴻⴳⴰⴱⴰⵍⵉⵏ 300 ⵎⴳ".
"ⵜⵉⴳⴳⴰⵜⵉⵏ-ⴰⴳⵉ ⴷ ⵜⵉⴷ ⵉ ⴷ-ⵢⴻⵙⵙⴻⴽⵏⴰⵢⴻⵏ ⵜⵉⴽⴻⵍⵜ ⵏⵏⵉⴹⴻⵏ ⵜⵓⵛⵛⵉⵜ ⵏ ⵜⵙⴻⴷⴷⴰⵔⵉⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⵢⴰⴽⴽ ⵜⴰⵔⵔⴰⵢⵉⵏ ⵉ ⵢⴻⴱⵖⴰⵏ ⴰⴷ ⵏⵏⴰⵍⴻⵏⵜ ⵜⴰⵎⴰⵏⴻⴳⵜ ⴷ ⵍⵉⵙⴻⵔ ⵏ ⵓⵖⵔⵉⵎ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
