ⴰⵎⴰⵡⴰⵙ ⵏ ⵜⴻⵣⵎⴻⵔⵜ, ⵎⵓⵃⴻⵎⵎⴻⴷ ⵚⴻⴷⴷⵉⵇ ⴰⵢⵜ ⵎⴻⵙⵄⵓⴷⴰⵏ, ⵢⴻⵔⵣⴰ-ⴷ ⴰⵙⵙ-ⴰ ⵖⴻⵔ ⵜⵡⵉⵍⴰⵢⵜ ⵏ ⵙⴽⵉⴽⴷⴰ. ⵢⴻⴱⴷⴰ ⵜⵉⵔⵉⵅⵜ-ⵉⵙ ⵙⴻⴳ ⵜⵖⵉⵡⴰⵏⵜ ⵏ ⵍ-ⵇⴻⵍ (Collo), ⴰⵏⴷⴰ ⵉ ⴷ-ⵢⴻⵣⵓⴳ ⵙ ⵜⵃⴰⴷⵔⵉⵜ ⵏ ⵍⵡⴰⵍⵉ ⵏ ⵜⵡⵉⵍⴰⵢⵜ, ⴰⵙⴻⵔⵡⴻⵙ ⵏ ⵓⵙⴻⵊⵊⵉ "ⵎⵓⵃⴻⵎⵎⴻⴷ ⵏⴻⵟⵓⵔ", ⵉ ⴷ-ⵢⴻⵍⵍⴰⵏ ⴷ ⵢⵉⵡⴻⵏ ⵏ ⵓⵣⴻⵟⵟⴰ ⵏ ⵜⴻⵣⵎⴻⵔⵜ ⴷ ⴰⵎⴻⵇⵇⵔⴰⵏ ⴷⴻⴳ ⵍⵖⴻⵔⴱ ⵏ ⵜⵡⵉⵍⴰⵢⵜ.
ⴷⴻⴳ ⵍⴱⴰⵢⴰⵏ ⵏ ⵜⵎⴰⵡⴰⵙⵜ, ⴰⵎⴰⵡⴰⵙ ⵉⵙⴻⵍ ⵉ ⵢⵉⵙⴰⵍⵉⵢⴻⵏ ⵖⴻⴼ ⵓⵎⴰⵀⵉⵍ ⵏ ⵙⴱⵉⵟⴰⵔ-ⴰⴳⵉ, ⵉ ⵢⴻⵙⵄⴰⵏ 226 ⵏ ⵡⵓⵙⵓⵡⴻⵏ . ⵙⴻⴳ ⵡⴻⴱⵔⵉⴷ-ⴰⴳⵉ, ⵡⴰⵍⴰⵏ ⵓⵍⴰⵖⴰⵢ ⵏ ⵍⴻⵇⴷⵉⵛ ⵏ ⵓⵙⴻⵊⵊⵉ ⴷ ⵓⴼⵢⴰⵅ (chirurgie), ⴷ ⵡⵓⵟⵟⵓⵏ ⵏ ⵜⵉⵣⵣⵉⵢⵉⵏ ⵉ ⴷ-ⵜⵜⴰⴽⴽⴻⵏ ⵉ ⵢⵉⵎⴻⵣⴷⴰⵖ ⵏ ⵜⵖⵉⵡⴰⵏⵜ ⵏ ⵍ-ⵇⴻⵍ ⴷ ⵜⵓⴷⵔⵉⵏ ⵉ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ.
ⵡⴰⵍⴰⵏ ⴷⴰⵖⴻⵏ ⵉⵒⴻⴳⴳⴰⵍⴻⵏ ⵏ ⵙⴱⵉⵟⴰⵔ-ⴰⴳⵉ: ⵙⴻⴳ ⵢⵉⵟⴱⵉⴱⴻⵏ ⵉⵎⵓⵙⵏⴰⵡⴻⵏ , ⵉⵟⴱⵉⴱⴻⵏ ⵉⵎⴰⵜⵓⵜⴻⵏ (généralistes), ⴷ ⵡⵉⴷ ⵏ ⵛⵛⴻⴱⴻⵃ-ⴰⵟⵉⴱⴱⵉ ⴷ ⵢⵉⵎⴹⴻⴱⴱⵔⴻⵏ ⵏ ⵍ-ⵉⴷⴰⵔⴰ, ⵉⵡⴰⴽⴽⴻⵏ ⴰⴷ ⵉⴹⵎⴻⵏ ⵓⵃⵔⵉⵛ-ⴰⴳⵉ ⵏ ⵜⴻⵣⵎⴻⵔⵜ ⵓⴷⴻⵎ ⵉⵇⵓⴷⴻⵏ.
ⴰⵎⴰⵡⴰⵙ ⵉⴹⴰⵍⵍ ⵖⴻⴼ ⵡⴰⵟⴰⵙ ⵏ ⵢⵉⵃⵔⵉⵛⴻⵏ ⴷⴻⴳ ⵙⴱⵉⵟⴰⵔ-ⴰⴳⵉ, ⵍⴰⴷⵖⴰ ⴰⵃⵔⵉⵛ ⵏ ⵍ-ⵉⵔⵊⵓⵏⵙ, ⴰⵃⵔⵉⵛ ⵏ ⵜⵍⴰⵍⵉⵜ , ⵓⵃⵔⵉⵛ ⵏ ⵓⵙⴻⵊⵊⵉ ⴰⵎⴰⵜⵓ ⴷ ⵓⴼⵢⴰⵅ, ⴰⴽⴽⴻⴷ ⵍⵎⴻⵅⴱⴻⵔ, ⵔⵔⴰⴷⵢⵓ, ⴷ ⵜⵚⴰⵢⴷⴰⵍⵉⵜ. ⵉⵡⴰⵍⴰ ⴰⴽⴽⴻⵏ ⵉ ⴷ-ⵜⵜⵙⴻⵊⵊⵉⵏ ⵍⵎⵓⵕⴰⴹ ⴷ ⵓⵙⵡⵉⵔ ⵏ ⵢⵉⴷⵎⵉⵔⴻ.
ⴷⴻⴳ ⵜⴰⴳⴰⵔⴰ, ⴰⵎⴰⵡⴰⵙ ⵉⵙⴻⵍ ⵉ ⵡⵓⴳⵓⵔⴻⵏ ⴷ ⵢⵉⵙⴻⴽⴽⵉⵔⴻⵏ ⵏ ⵢⵉⵟⴱⵉⴱⴻⵏ, ⵡⵉⴷ ⵏ ⵛⵛⴻⴱⴻⵃ-ⴰⵟⵉⴱⴱⵉ ⴷ ⵡⵉⴷ ⵏ ⵜⵎⴻⵜⵜⵉ ⵜⴰⵎⵙⵉⵙⴷⴻⵏⵜ . ⵓⴳⵓⵔⴻⵏ-ⴰⴳⵉ ⵣⵣⵉⵏ ⵖⴻⴼ ⵓⴱⴻⴷⴷⴻⵍ ⴷ ⵡⴻⵙⵏⴻⵔⵏⵉ ⵏ ⵍⴻⴱⵏⵉ ⵏ ⵙⴱⵉⵟⴰⵔ ⵉⵡⴰⴽⴽⴻⵏ ⴰⴷ ⵢⵉⵣⵎⵉⵔⵉ ⴰⴷ ⴷ-ⵢⴻⵔⵔ ⵉ ⴷⴷⴰⵄⵡⴰ ⵏ ⵢⵉⵎⴻⵣⴷⴰⵖ. ⴰⵢⵜ ⵎⴻⵙⵄⵓⴷⴰⵏ ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⴰⴷ ⴷ-ⵢⴰⴼ ⵜⵉⴼⵔⴰⵜ ⴷⴻⴳ ⵢⵉⵙⴻⵏⵏⴰⵔⴻⵏ ⵏ ⵡⴻⵙⵏⴻⵔⵏⵉ ⵏ ⵓⵃⵔⵉⵛ ⵏ ⵜⴻⵣⵎⴻⵔⵜ, ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⴻⵊⵊⵉ ⴷ ⵡⵉⵏ ⵉⵇⵓⴷⴻⵏ ⵉ ⵍⵎⵓⵡⴰⵟⵉⵏ.
