ⵙⴻⴳ ⴷⴻⴼⴼⵉⵔ ⵓⴱⴻⴷⴷⴻⵍ ⵏ ⵜⴳⵏⴰⵡⵜ ⴷ ⵓⵙⵓⴼⴼⴻⵖ ⵏ ⵓⴳⴻⴼⴼⵓⵔ ⴷ ⵡⴰⴷⴼⴻⵍ ⴷⵉ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵢⵉⵎⴰⵙⴰⵢⴻⵏ ⵏ ⵜⵎⴰⵏⴰⴹⵉⵏ ⴽⵎⴻⵍⵏ ⴰⵙⴻⴼⵔⴻⴷ ⵏ ⵜⴻⴳⵏⵉⵜ ⴷⵉ ⵓⵏⵏⴰⵔ ⵙ ⵓⵙⴻⴷⴷⴻⴷ ⵏ ⵡⴰⴽⴽ ⵢⵉⴼⴻⵔⴷⵉⵙⴻⵏ ⵢⴻⵄⵏⴰⵏ. ⵙⵙⴻⴷⴷⴰⵏ ⵉⴰⵀⵉⵍⴻⵏ ⵏ ⵜⵓⵣⴻⵔⵜ ⵉⵡⴰⴽⴽⴻⵏ ⴰⴷ ⵇⴰⴱⵍⴻⵏ ⴰⵢⴻⵏ ⴰⵔⴰ ⴷ-ⵢⴻⴹⵔⵓⵏ ⴷ ⵓⵙⴻⴽⴼⴻⵍ ⵏ ⵡⴰⴽⴽ ⵍⴻⵅⵙⴰⵢⴻⵔ-ⵉⵙ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵜⵏⴻⵖⵍⴰⴼⵜ.
ⵢⴻⵔⵏⴰ ⴷⴻⴳ ⵓⵍⵖⵓ-ⴰⴳⵉ ⵡⴰⴽⴽⴻⵏ ⵙⵙⴻⴷⴷⴰⵏ ⵉⴼⴰⵅⴻⵏ ⵏ ⵜⵢⴻⵇⵥⴻⵜ ⴷⴻⴳ ⵡⴻⵙⵡⵉⵔ ⵏ ⵜⵡⵉⵍⴰⵢⵉⵏ ⴷ ⵜⴷⴰⵢⵔⵉⵡⵉⵏ, ⵉ ⵇⴻⴷⵛⴻⵏ 24/24 ⵏ ⵜⵙⴰⵄⵜⵉⵏ ⵉ ⵓⵙⴻⴼⵔⴻⴷ ⵏ ⵜⴻⴳⵏⵉⵜ ⵏ ⵜⴳⵏⴰⵡⵜ, ⴷ ⵓⵎⵢⴰⴳ ⴳⴰⵔ ⵡⴰⴽⴽ ⵢⵉⵎⴻⴷⵔⴰⵡⴻⵏ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⴻⴳⴳⴷⴻⴷ ⵓⵔⵣⵉⵍ, ⵍⴰⴷⵖⴰ ⴷⵉ ⵜⵓⴷⴷⵙⵉⵡⵉⵏ ⴰⵏⴷⴰ ⵢⴻⵍⵍⴰ ⵡⴻⴳⴳⵉⵢ ⵏ ⵓⴱⵔⵉⴷ ⵏⴻⵖ ⵜⵉⴳⵔⵓⵎⵎⵉⵡⵉⵏ ⵏ ⵡⴰⵎⴰⵏ.
ⵜⵉⵣⵔⴰⵡⵉⵏ ⵏ ⵓⵏⵏⴰⵔ ⴽⵎⴻⵍⵏⵜ ⵙ ⵓⴱⵔⵉⴷ ⵢⴻⵍⵀⴰⵏ ⴷⵉ ⵡⴰⴽⴽ ⵢⵉⴱⵔⵉⴷⴻⵏ, ⵍⴰⴷⵖⴰ ⴷⵉ ⵜⴻⵎⵏⴰⴹⵉⵏ ⴰⵏⴷⴰ ⵢⵓⴳⴻⵜ ⵡⴰⴷⴼⴻⵍ. ⵍⵍⴰⵏ-ⴷ ⵍⴻⵇⴷⵉⵛⴰⵜ ⵏ ⵓⵍⴷⴰⵢ ⵏ ⵢⵉⴱⵔⵉⴷⴻⵏ, ⴰⴽⴽⴻⵙ ⵏ ⵡⴰⴷⴼⴻⵍ, ⵓⵣⵣⴻⵔ ⵏ ⵡⴰⵍⵍⴰⵍⴻⵏ ⵢⴻⵙⵙⴻⴼⵙⴰⵢⴻⵏ, ⴰⴽⴽⴻⴷ ⵓⵙⵙⵉⵣⴷⴻⴳ ⵏ ⵢⵉⴼⴻⵔⴷⵉⵙⴻⵏ ⵏ ⵡⴰⵎⴰⵏ ⴷ ⵓⵙⵙⴻⴳⴳⵉ ⵏ ⵢⵉⴱⴰⵍⵓⵄⴻⵏ ⵉⵡⴰⴽⴽⴻⵏ ⴰⴷ ⴽⴽⴻⵙⵏ ⵡⴻⴳⴳⵉⵢⴻⵏ ⴷ ⵓⵃⴰⴷⴻⵔ ⵎⴳⴰⵍ ⵉⵃⴻⵎⵎⴰⵍⴻⵏ (ⵉⴼⵉⴹⴰⵏⴻⵏ).
ⵢⵉⴼⴻⵔⴷⵉⵙⴻⵏ ⵢⴻⵄⵏⴰⵏ ⵙⵙⴻⴷⴷⴻⴷⴻⵏ ⵖⴻⴼ ⵡⴻⵙⵡⵉⵔ ⵢⴻⵄⵍⴰⵢⴻⵏ ⵏ ⵓⵃⴻⵢⵢⵉ, ⵙ ⵓⵙⴻⴷⴷⴻⴷ ⵏ ⵡⴰⵍⵍⴰⵍⴻⵏ ⵏ ⵢⵉⵎⴷⴰⵏⴻⵏ ⴷ ⵍⵎⴰⴷⴷⴰ, ⴷ ⵓⵙⴻⵊⵀⴻⴷ ⵏ ⵓⵎⵢⴰⴳ ⴳⴰⵔ ⵡⴰⴽⴽ ⵢⵉⴼⴻⵔⴷⵉⵙⴻⵏ, ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⴹⵎⴻⵏ ⵜⵖⴻⵍⵍⵉⵙⵜ ⵏ ⵢⵉⵎⴻⵣⴷⵖⴻⵏ ⴷ ⵍⵔⴻⵣⵇ-ⵏⵙⴻⵏ ⴷ ⵓⵙⴻⵍⵃⵓ ⵏ ⵓⴱⵔⵉⴷ ⵡⴰⵔ ⵡⴻⴳⴳⵉⵢ.
ⴰⵔⵏⵓ ⵖⴻⵔ
