ⵉⴼⴽⴰ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵜⵉⵛⴻⵖⵍⴰⵏⵉⵏ ⴷ ⵓⵙⴻⴽⵍⴰⵍ, ⵎⴰⵙⵙ ⵙⵄⵉⴷ ⵙⴰⵢⵓⴷ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵢⵉⵡⴻⵏ ⵏ ⵓⵙⴻⴽⵏ ⵣⴷⴰⵜ ⵏ ⵢⵉⵄⴳⴰⵍⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵖⴻⴼ ⵓⵙⴻⵏⴼⴰⵔ ⵏ ⵓⵙⴰⴷⵓⴼ ⴰⵎⴰⴷⴷⴰⵙ ⵢⴻⵣⵣⴻⵏ ⵖⴻⵔ ⵓⵏⴰⴳⵔⴰⵡ ⵏ ⵡⴻⴼⵔⴰⵏ. ⴰⵙⴻⴽⵏ-ⴰⴳⵉ ⵢⴻⵍⵍⴰ-ⴷ ⴷⵉ ⵜⵖⵉⵎⵜ ⵜⴰⵣⴰⵢⴻⵣⵜ ⵉ ⵢⴻⵙⵙⴻⵍⵡⴰⵢ ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⵙ ⵜⵉⵍⵉⵜ ⵏ ⵜⵏⴻⵖⵍⴰⴼⵜ ⵏ ⵜⵣⴻⵢⵢⵉⵏ ⴰⴽⴽⴻⴷ ⵓⴱⴻⵔⵍⴰⵎⴰⵏ, ⵎⴰⵙⵙⴰ ⵏⴻⵊⵉⴱⴰ ⵊⵉⵍⴰⵍⵉ.
ⴷⴻⴳ ⵜⴻⴳⵏⵉⵜ-ⴰⴳⵉ, ⵙⴰⵢⵓⴷ ⵢⴻⵏⵏⴰ-ⴷ ⵡⴰⴽⴽⴻⵏ ⴰⴹⵔⵉⵙ ⵏ ⵓⵙⴰⴷⵓⴼ-ⴰⴳⵉ ⵢⴻⵙⵡⴰⵢ ⵖⴻⵔ "ⵓⵙⴻⵊⵀⴻⴷ ⵏ ⵢⵉⵍⵓⴳⴰⵏ ⵏ ⵜⵓⴷⴻⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵙⴻⵔⵙ ⵏ ⵜⴷⵓⴱⵓⴽⵜ ⵜⴰⵣⵔⴻⴼⴰⵏⵜ ⵉ ⵓⵎⴻⵛⵡⴰⵔ ⵏ ⵡⴻⴼⵔⴰⵏ ⵉⴱⴻⵏⵏⴰⵏ ⵖⴻⴼ ⵜⴼⴰⴼⴼⴻⵜ ⵜⵓⵏⵏⵉⵢⴰ, ⴰⵔⵉⴷⵉⵙ (neutrality) ⴷ ⵡⴰⴷⴰⵔ ⵏ ⵜⵍⴻⵍⵍⵉ ⵏ ⵓⴼⵔⴰⵏ ⵏ ⵓⵎⴻⵣⴷⵖⴻⵏ. ⵡⴰⴳⵉ ⵢⴻⵙⵙⴻⴽⵏⴰⵢ-ⴷ ⴰⵃⴰⴷⴻⵔ ⵏ ⴷⴷⵓⵍⴰ ⵖⴻⴼ ⵓⵙⴻⵊⵀⴻⴷ ⵏ ⵜⴻⴳⵏⵉⵜ ⵏ ⵡⴻⴼⵔⴰⵏ ⴷ ⵓⵙⴻⵔⵙ ⵏ ⵜⴼⵍⴻⵙⵜ ⵜⴰⵖⴻⵔⴼⴰⵏⵜ".
ⴰⵙⴻⵏⴼⴰⵔ-ⴰⴳⵉ ⵢⴻⵡⵡⵉ-ⴷ ⴷⴰⵖⴻⵏ "ⴰⵙⴻⴳⴳⴻⵎ ⵏ ⵜⵓⴷⴷⵙⴰ ⵏ ⵜⵇⴻⵔⵔⴰⵛⵜ ⵜⴰⵖⴻⵍⵏⴰⵡⵜ ⵜⴰⵎⵓⵏⴰⵏⵜ ⵏ ⵡⴻⴼⵔⴰⵏ (ANIE) ⵉⵡⴰⴽⴽⴻⵏ ⴰⴷ ⵜⴻⵊⵀⴻⴷ ⵜⵎⵓⵏⴰⵏⵜ-ⵉⵙ ⴷ ⵓⵇⴻⴷⴷⵉⵛ-ⵉⵙ, ⴷ ⵓⴼⵔⴰⵇ-ⵉⵙ ⵖⴻⴼ ⵢⵉⵎⴰⵣⵉⵔⵏ ⵉⵎⴰⴷⵉⵢⴻⵏ ⴷ ⵓⵙⴻⴽⵍⴰⵍ ⵉ ⵜⴻⴳⴳⴰ ⵜⵏⴻⵖⵍⴰⴼⵜ ⵏ ⴷⴰⵅⴻⵍ".
ⵢⴻⵏⵏⴰ-ⴷ ⴷⴰⵖⴻⵏ ⵡⴰⴽⴽⴻⵏ ⴰⴱⴻⴷⴷⴻⵍ-ⴰⴳⵉ ⵎⴰⵛⵛⵉ ⴷ ⵜⵓⴽⴽⴰ ⴰⴽⴽⴻⴷ ⵓⵙⴰⴷⵓⴼ ⵏ ⵡⴰⵙⵙ-ⴰ, ⴰⵢⴰ ⴷ ⴰⵙⴻⵎⵖⴻⵔ ⵏ ⵡⴰⵢⴻⵏ ⵉ ⴷ-ⵏⴻⵡⵡⵉ ⵉⵡⴰⴽⴽⴻⵏ ⴰⴷ ⵏⴻⴱⵏⵓ ⵢⵉⵡⴻⵏ ⵓⵏⴰⴳⵔⴰⵡ ⵏ ⵡⴻⴼⵔⴰⵏ ⵉⵊⴻⵀⴷⴻⵏ ⵉ ⵢⴻⵇⵇⴻⵏ ⵖⴻⵔ ⵢⵉⵙⵡⵉⵢⴻⵏ ⵏ ⵓⵎⴻⵣⴷⵖⴻⵏ ⴷ ⵓⵙⴻⵊⵀⴻⴷ ⵏ ⴷⴷⵓⵍⴰ ⵏ ⵓⵙⴰⴷⵓⴼ. ⴰⵙⴻⵏⴼⴰⵔ-ⴰⴳⵉ ⵢⴻⵡⵡⵉ-ⴷ 14 ⵏ ⵜⵎⴻⴳⵔⴰⵜⵉⵏ ⵉ ⵢⴻⴱⴷⴻⵍⵏ 85 ⵏ ⵜⵎⴻⴳⵔⴰⵜⵉⵏ ⵏⵏⵉⴹⴻⵏ, ⵢⴻⵔⵏⴰ 4 ⵏ ⵜⵎⴻⴳⵔⴰⵜⵉⵏ ⵜⵉⵎⴰⵢⵏⵓⵜⵉⵏ ⴷ ⵓⴽⴽⴻⵙ ⵏ 5 ⵏ ⵜⵎⴻⴳⵔⴰⵜⵉⵏ.
ⴰⵔⵏⵓ ⵖⴻⵔ
