ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴱⴻⵔⵔⴻⵃ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵉⴷⴷⴻⵔ ⵏ ⵡⴰⵢⴻⵏ ⵏⴻⵣⵏⵓⵣⵓ ⴷⵉ ⴱⴻⵔⵔⴰ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵡⴰⵍⵖⵓ, ⴱⴻⵍⵍⵉ ⵉⵎⴻⵙⴽⴰⵔⴻⵏ ⵏ ⵜⴷⴰⵎⵙⴰ ⵉ ⴷ-ⵢⴻⵜⵜⴰⵡⵉⵏ ⵡⴰⵍⴰⵜⴻⵏ ⴷ ⵜⵔⴻⵣⵡⴰ ⵜⴰⵎⴻⵣⵡⴰⵔⵓⵜ ⵉ ⵃⵡⴰⵊⴻⵏ ⴷⴻⴳ ⵓⴼⴰⵔⵉⵙ-ⵏⵙⴻⵏ, ⵓⵛⵛⵉⵍ ⵖⴻⴼ-ⵙⴻⵏ ⴰⴷ ⵙⵙⴻⵔⵙⴻⵏ ⴰⵡⴰⵀⵉⵍ ⵏ ⵓⵙⴻⴼⵔⴻⵯ ⵏ ⵓⵙⴻⴽⵛⴻⵎ ⵏ ⵙⵙⴻⵍⵄⴰ ⵢⴻⵔⵣⴰⵏ ⵚⴹⵉⵚ ⵢⵉⴳⴳⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ 2026, ⵓⵇⴱⴻⵍ ⵡⴰⵙⵙ ⵏ 26 ⴼⵓⵔⴰⵔ ⴰⵎⴻⴳⴳⴰⵣ.
ⴷⴻⴳ ⵡⴰⵍⵖⵓ-ⵏⵏⵉ, ⵜⴰⵏⴻⵖⵍⴰⴼⵜ ⵜⴻⵙⵙⴻⴽⵜⴰ-ⴷ ⵎⴰⵕⵕⴰ ⵉⵎⴻⵙⴽⴰⵔⴻⵏ ⵏ ⵜⴷⴰⵎⵙⴰ ⵉ ⵢⴻⵇⴷⴻⵛⴻⵏ ⵉ ⵍⴼⴰⵢⴷⴰ-ⵏⵙⴻⵏ ⵓⵥⵍⴰⵢⵜ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⴷ ⵓⵙⴻⴳⴳⴻⵎ, ⴱⴻⵍⵍⵉ ⴰⵙⵙ ⵏ 26 ⴼⵓⵔⴰⵔ 2026 ⴷ ⴰⵣⵎⴻⵣ ⴰⵏⴻⴳⴳⴰⵔⵓ (deadline) ⵉ ⵓⵙⴻⴽⵛⴻⵎ ⵏ ⵓⵡⴰⵀⵉⵍ-ⴰⴳⵉ ⵏ ⵚⴹⵉⵚ ⵢⵉⴳⴳⵓⵔⴻⵏ ⵉⵎⴻⵣⵡⵓⵔⴰ, ⵢⴻⵔⵏⴰ ⴰⵢⴰ ⴰⴷ ⵢⵉⵍⵉ ⵙ ⵓⴱⵔⵉⴷ ⵏ ⵜⴱⵓⵔⵜ ⵜⴰⵎⴹⴰⵏⵜ (digital platform) ⵉ ⵢⴻⵜⵜⵓⵙⴻⴳⴳⵎⴻⵏ ⵉ ⵡⴰⴽⴽⴻⵏ ⴰⴷ ⵙⵙⵉⵙⵀⴻⵍⴻⵏ ⵍⴻⵇⴷⵉⵛ.
ⵜⴰⴳⴳⴰⵔⴰ, ⵜⴰⵏⴻⵖⵍⴰⴼⵜ ⵜⴻⵙⵙⵓⵜⴻⵔ ⵙⴻⴳ ⵎⴰⵕⵕⴰ ⵡⵉⴷ ⵢⴻⵔⵣⴰ ⵓⵡⴰⵍ ⴰⴷ ⵇⴰⴷⵔⴻⵏ ⴰⵣⵎⴻⵣ-ⴰⴳⵉ ⵉ ⴷ-ⵢⴻⵜⵜⵓⵏⴻⴼⴽⴰⵏ, ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⴽⵓⵍ ⵓⵄⵟⴻⵍ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⴷⴻⴳ ⵓⵙⴻⴼⵔⴻⵯ ⴷ ⵓⴼⵔⴰⵢ ⵏ ⵢⵉⴼⴰⵢⵍⴻⵏ-ⵏⵙⴻⵏ.
ⴰⵔⵏⵓ ⵖⴻⵔ
