ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴱⴻⵔⵔⴻⵃ-ⴷ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ (FAF), ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵙⵎⴻⵍ-ⵉⵙ ⵓⵏⵚⵉⴱ, ⴱⴻⵍⵍⵉ ⵢⴻⴼⴼⵓⵖ-ⴷ ⵓⵃⵔⵉⵛ ⵡⵉⵙ ⵙⵉⵏ ⵏ ⵓⵙⵉⵍⴻⵡ ⵉ ⵡⴰⵡⴰⵢ ⵏ ⵜⴻⵡⵔⵉⵇⵜ ⵏ ⵓⵙⴻⵍⵖⵓ ⵓⵏⵏⵉⴳⵜ "ⴽⴰⴼ ⴱⵔⵓ" (CAF Pro). ⴰⵢⴰ ⵢⴻⵍⵍⴰ-ⴷ ⵉ ⵍⴼⴰⵢⴷⴰ ⵏ ⵜⵔⴰⴱⵄⵜ ⵜⵉⵙ ⵙⵏⴰⵜ ⵏ ⵢⵉⵙⴻⵍⵖⴰⵢⴻⵏ, ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ, ⴷⴻⴳ ⵡⴰⵎⵎⴰⵙ ⴰⵜⴻⴽⵏⵉⴽ ⴰⵖⴻⵍⵏⴰⵡ ⵏ ⵙⵉⴷⵉ ⵎⵓⵙⴰ.
ⵜⴻⵏⵏⴰ-ⴷ ⵜⵎⴻⵔⵙⴻⵍⵜ ⵏ ⵜⴽⵓⵔⵜ ⴱⴻⵍⵍⵉ ⴷⴻⴳ ⴽⵔⴰⴹ (03) ⵏ ⵡⵓⵙⵙⴰⵏ ⵏ ⵓⵙⵉⵍⴻⵡ ⵉⵊⴻⵀⴷⴻⵏ, ⵉⵙⴻⵍⵖⴰⵢⴻⵏ ⵍⵎⴻⴷⴻⵏ ⴰⵟⴰⵙ ⵏ ⵜⵎⵓⵙⵏⵉⵡⵉⵏ ⴷⴻⴳ ⵢⵉⵙⴰⵔⴰⴳⴻⵏ ⵏ ⵜⵉⵔⵎⵉⵜ ⴷ ⵍⴻⵛⵢⴰⵍ ⵏ ⵓⵎⴰⵀⵉⵍ ⴷⴻⴳ ⵡⴰⵏⵏⴰⵔ.
ⴳⴰⵔ ⵢⵉⵙⴻⵏⵜⴰⵍ ⵉⵎⴻⵇⵇⵔⴰⵏⴻⵏ ⵉ ⴷ-ⵡⵡⵉⵏ ⴷⴻⴳ ⵓⵙⵉⵍⴻⵡ-ⴰⴳⵉ: ⴰⵀⴻⴳⴳⵉ ⴷ ⵓⵙⴻⴼⵔⴻⵯ ⵏ ⵜⵉⵍⵉⵢⵢⵉⵏ ⵏ ⵓⵙⵍⵓⵖⵎⵓ, ⴰⵃⴻⴳⴳⵉ ⵏ ⵜⵏⴻⴼⵙⵉⵜ ⴷ ⵓⵇⴰⴷⴻⵔ ⵏ ⵢⵉⴼⴻⵙⵔⴻⵏ, ⵜⵉⴽⵏⵓⵍⵓⵊⵢⴰ ⵏ ⵜⴻⵢⵡⴰⵍⵜ ⴷ ⵡⴰⵎⴻⴽ ⴰⵔⴰ ⵙⵙⵉⵡⵍⴻⵏ ⴷ ⵢⵉⵙⴰⵍⵍⴻⵏ (Media), ⵖⴻⵔ ⵜⴰⵎⴰ ⵏ ⵓⵙⴻⴳⴳⴻⵎ ⴷ ⵓⴹⴰⴼⴻⵔ ⵏ ⵜⵎⵣⵉⵣⵣⴻⵍⵉⵏ ⵓⵏⵏⵉⴳⴻⵏ.
ⵙⵙⴻⵍⵡⴰⵢⴻⵏ ⴰⵙⵉⵍⴻⵡ-ⴰⴳⵉ ⵢⵉⵎⵓⵙⵏⴰⵡⴻⵏ ⵉⵊⴻⵀⴷⴻⵏ ⵏ ⵜⴽⵓⵔⵜ ⵏ ⵓⴹⴰⵔ ⴰⵎ ⵎⴰⵙⵙ ⴱⴻⵍⵃⴰⵙⴻⵏ ⵎⴰⵍⵓⵛ ⵙⴻⴳ ⵜⴷⵓⴽⴽⵍⵉ ⵜⴰⴳⵔⴰⵖⵍⴰⵏⵜ (FIFA), ⵎⴰⵙⵙ ⵄⴰⵎⴻⵔ ⵛⴰⴼⵉⵇ ⵙⴻⴳ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ (CAF), ⵖⴻⵔ ⵜⴰⵎⴰ ⵏ ⵢⵉⵎⴻⵇⵇⵔⴰⵏⴻⵏ ⵏ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ (FAF) ⵎⴰⵙⵙ ⵄⵍⵉ ⵎⵓⵙⴻⵔ ⴷ ⵎⴰⵙⵙ ⴽⴰⵔⵉⵎ ⵇⴰⵚⴻⴷ.
ⵜⴰⴳⴳⴰⵔⴰ, ⴰⵃⵔⵉⵛ-ⴰⴳⵉ ⵡⵉⵙ ⵙⵉⵏ ⴷ ⵢⵉⵡⴻⵏ ⵓⵙⵓⵔ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⵙⵙⴻⵍⵉⵏ ⴰⵙⵡⵉⵔ ⵏ ⵢⵉⵙⴻⵍⵖⴰⵢⴻⵏ ⵉⵣⵣⴰⵢⵔⵉⵢⴻⵏ ⵉ ⵡⴰⴽⴽⴻⵏ ⴰⴷ ⵇⴷⴻⵛⴻⵏ ⵙ ⵜⵎⵓⵙⵏⵉ ⵜⴰⵎⴻⵇⵇⵔⴰⵏⵜ ⴷⴻⴳ ⵜⵎⵓⵔⵜ ⴷ ⴷⵉ ⴱⴻⵔⵔⴰ.
ⴰⵔⵏⵓ ⵖⴻⵔ
