ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴱⴻⵔⵔⴻⵃ-ⴷ ⵎⵎⵓⵊⵎⵎⵓⵄ ⵚⴰⵢⴷⴰⵍ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵏ ⵡⴰⵍⵖⵓ, ⴱⴻⵍⵍⵉ ⵢⴻⵃⵔⴻⵣ ⵜⵓⴳⴳⴰ (certification) ⵏ ⵡⴰⵏⴰⴳⵔⴰⵡ ⵏ ⵓⵙⴻⴷⵎⴻⵔ ⵏ ⵍⵊⵓⴷⴰ-ⵉⵙ, ⴰⴽⴽⴻⵏ ⵉ ⴷ-ⵏⵏⴰⵏ ⵢⵉⵍⵓⴳⴰⵏ ⵏ ISO 9001 ⵏ ⵜⵙⵓⵜⴰ 2015. ⴰⵢⴰ ⵢⴻⵍⵍⴰ-ⴷ ⵎⴱⴰⵄⴻⴷ ⵎⴰ ⵢⴻⵡⵡⵉ ⵜⴰⵡⵔⵉⵇⵜ ⵜⵓⵏⵚⵉⴱⵜ ⵜⴰⵎⴰⵢⵏⵓⵜ ⵓⵟⵟⵓⵏ 021-DZ/2024 ⵉ ⴷ-ⵢⴻⴼⴽⴰ ⵡⴰⵎⵎⴰⵙ ⵏ ⵜⵓⴳⴳⵉⵡⵉⵏ "ⴼⵉⵔⴰ ⴽⵓⵏⴼⵓⵔⵎⵉⵜⵉ".
ⴷⴻⴳ ⵜⵉⴳⵏⵉⵜ-ⴰⴳⵉ, ⵎⵎⵓⵊⵎⵎⵓⵄ ⵚⴰⵢⴷⴰⵍ ⵢⴻⴼⴽⴰ ⵜⴰⵢⵏⵉⵜ ⵜⴰⵎⴻⵇⵇⵔⴰⵏⵜ ⵢⴻⵔⵏⴰ ⵢⴻⵛⴽⴻⵔ ⵙ ⵡⵓⵍ ⵎⴰⵕⵕⴰ ⵢⵉⵅⴻⴷⴷⴰⵎⴻⵏ ⴷ ⵜⵢⵅⴻⴷⴷⴰⵎⵉⵏ-ⵉⵙ ⵖⴻⴼ ⵜⴰⵍⵍⴻⵍⵜ-ⵏⵙⴻⵏ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵢⵉⵙⵡⵉ-ⴰⴳⵉ ⴰⵙⵜⵔⴰⵜⵉⵊⵉ ⵏ ⵜⵎⴻⵔⵙⴻⵍⵜ.
ⵢⴻⵔⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵎⵎⵓⵊⵎⵎⵓⵄ ⵚⴰⵢⴷⴰⵍ ⴰⴷ ⵉⴽⴻⵎⵎⴻⵍ ⵜⴰⵖⴻⵔⵜ-ⵉⵙ ⵏ ⵓⵙⵏⴻⴼⵍⴰⵢ ⵓⴽⵓⵢⴰⵏ. ⵉⵙⵡⵉ-ⵙ ⴰⵎⴰⵢⵏⵓ ⴷ ⴰⵡⴰⵢ ⵏ ⵜⵓⴳⴳⴰ ⵏ "ⵡⴰⵏⴰⴳⵔⴰⵡ ⵏ ⵓⵙⴻⴷⵎⴻⵔ ⵢⴻⴷⴷⵓⴽⴽⵍⴻⵏ". ⵍⴻⵇⴷⵉⵛ ⵏ ⵓⵙⴻⴼⵔⴻⵯ ⴷ ⵓⵏⴰⴷⵉ ⵖⴻⴼ ⵡⴰⴷⴷⴰⴷ-ⴰⴳⵉ ⵢⴻⴱⴷⴰ ⵢⴰⴽⴰ ⴷⴻⴳ ⵡⴰⵏⵏⴰⵔ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⴼⴰⵔⵉⵙ ⴰⵖⴻⵍⵏⴰⵡ.
ⵜⴰⴳⴳⴰⵔⴰ, ⴰⵃⵔⴰⵣ ⵏ ⵜⵓⴳⴳⴰ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵣⵎⴻⵔⵜ ⵏ ⵎⵎⵓⵊⵎⵎⵓⵄ ⵚⴰⵢⴷⴰⵍ ⴷⴻⴳ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵏ ⵍⵊⵓⴷⴰ, ⴰⵢⴻⵏ ⴰⵔⴰ ⵢⴻⴼⴽⴻⵏ ⵜⴻⴼⵍⴻⵙⵜ ⵉ ⵢⵉⵎⴻⵣⴷⴰⵖ ⴷⴻⴳ ⵢⵉⵙⴰⴼⴰⵔⴻⵏ ⵉ ⴷ-ⵢⴻⵙⴼⵓⴼⵓⵖ.
ⴰⵔⵏⵓ ⵖⴻⵔ
