ⵇⵙⴻⵏⵟⵉⵏⴰ – ⵜⴻⵙⵙⴻⵍⵡⴰⵢ ⵜⴰⵏⴻⵖⵍⴰⴼⵜ ⵏ ⵜⵢⴻⵙⵙⴰ ⴷ ⵍⴼⴻⵏ, ⵎⴰⵙⵙⴰ ⵎⴰⵍⵉⴽⴰ ⴱⴻⵏ ⴷⵓⴷⴰ, ⵜⴰⵎⴻⴷⴷⵉⵜ ⵏ ⵢⵉⴹ ⵏ ⵍⵃⴻⴷ ⴷⴻⴳ ⵜⵣⴻⵇⵇⴰ ⵜⴰⵎⴻⵇⵇⵔⴰⵏⵜ "ⵣⵉⵏⵉⵜ-ⴰⵃⵎⴻⴷ ⴱⴰⵢ" ⴷⴻⴳ ⵇⵙⴻⵏⵟⵉⵏⴰ, ⴰⵙⴽⴻⵏ ⴰⵎⴻⵣⵡⴰⵔⵓ ⵏ ⵓⴼⵉⵍⵎ ⴰⵎⴻⵣⵔⵓⵢⴰⵏ ⵉ ⵢⴻⵡⵡⵉⵏ ⵉⵙⴻⵎ ⵏ "ⴰⵃⵎⴻⴷ ⴱⴰⵢ".
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵜⴻⴼⴽⴰ ⴷⴻⴳ ⵜⵉⴳⵏⵉⵜ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵙⵙⴻⴽⵏ-ⴷ ⴱⴻⵍⵍⵉ ⴰⴼⵔⴰⵏ ⵏ ⵜⵖⵉⵡⴰⵏⵜ ⵏ ⵇⵙⴻⵏⵟⵉⵏⴰ ⵉ ⵓⵙⴽⴻⵏ ⵏ ⵓⴼⵉⵍⵎ-ⴰⴳⵉ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵓⵎⴻⵣⵔⵓⵢ ⴷ ⵜⵢⴻⵙⵙⴰ. ⵜⴻⵏⵏⴰ-ⴷ ⴱⴻⵍⵍⵉ ⴰⵃⴰⴷⴰⵔ ⵏ ⵜⵣⴻⵇⵇⴰ-ⴰⴳⵉ ⵉ ⵓⵙⴽⴻⵏ-ⴰⴳⵉ ⵢⵓⵙⴰ-ⴷ ⵉ ⵡⴰⴽⴽⴻⵏ ⴰⴷ ⵇⴰⴷⵔⴻⵏ ⵜⴰⴽⵜⵉⵜ ⵏ ⵓⵎⴽⴰⵏ ⴷ ⵢⵉⵎⴻⵣⴷⴰⵖ-ⵉⵙ.
ⵎⴰⵙⵙⴰ ⴱⴻⵏ ⴷⵓⴷⴰ ⵜⴻⵔⵏⴰ-ⴷ ⴱⴻⵍⵍⵉ ⵍⴻⵇⴷⵉⵛ-ⴰⴳⵉ ⵏ ⵓⵙⴽⴻⵏ ⵏ ⵓⵎⴻⵣⵔⵓⵢ ⴷ ⵢⵉⵡⴻⵏ ⵓⴱⵔⵉⴷ ⵉ ⵡⴰⴽⴽⴻⵏ ⴰⴷ ⵏⴻⴽⴽⴻⵔ ⴰⵙⴻⴼⵙⴻⵅ ⵏ ⵓⵎⴻⵣⵔⵓⵢ ⵏ ⵍⵣⵣⴰⵢⴻⵔ. ⵜⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵙⵏⵉ ⵏ ⵓⵎⴻⵣⵔⵓⵢ ⴷ ⵓⵏⴰⴷⵉ ⴷⴻⴳ ⵜⵡⵔⵉⵇⵉⵏ-ⵉⵙ ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⴰⵎⴻⵏⵏⵓⵖ ⵏ ⵓⴳⴷⵓⴷ ⴰⵣⵣⴰⵢⵔⵉ ⵎⴳⴰⵍ ⵡⴰⵃⴻⵜⵜⴻⵍ.
ⵢⴻⵏⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴰⴼⵉⵍⵎ ⵏ "ⴰⵃⵎⴻⴷ ⴱⴰⵢ" ⵢⴻⵙⵙⴻⴽⵜⴰ-ⴷ ⵢⵉⵡⴻⵏ ⵓⵣⵎⴻⵣ ⵉⵊⴻⵀⴷⴻⵏ ⴷⴻⴳ ⵓⵎⴻⵣⵔⵓⵢ ⵏ ⵜⵎⵓⵔⵜ ⵢⴻⵔⵏⴰ ⵢⴻⵙⴼⴻⵔⵔⴻⵯ-ⴷ ⵖⴻⴼ ⵢⵉⵡⴻⵏ ⵓⴷⵎⴰⵡ ⵉ ⵢⴻⵍⵍⴰⵏ ⴷ ⵜⴰⵎⴰⵜⴰⵔⵜ ⵏ ⵓⵃⴻⵜⵜⴻⵜ ⵎⴳⴰⵍ ⵍⴱⴰⵟⴻⵍ ⵏ ⵡⴰⵃⴻⵜⵜⴻⵍ ⴰⴼⵔⴰⵏⵙⵉⵙ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵙⵙⴻⴽⵜⴰ-ⴷ ⴱⴻⵍⵍⵉ ⵇⵙⴻⵏⵟⵉⵏⴰ ⵜⴻⵍⵍⴰ ⴷⴰⵢⵎⴻⵏ ⴷ ⴰⵎⵎⴰⵙ ⵏ ⵜⵢⴻⵙⵙⴰ ⵢⴻⵔⵏⴰ ⵜⴻⵣⵔⴰ ⴰⵟⴰⵙ ⵏ ⵢⵉⵎⴻⵇⵇⵔⴰⵏⴻⵏ ⵏ ⵓⵎⴻⵣⵔⵓⵢ ⴰⵎ ⵎⴰⵙⵉⵏⵉⵙⴰ ⴷ ⵢⵓⴳⵓⵔⵜⴰ, ⵉ ⵢⴻⵍⵍⴰⵏ ⴷ ⴰⵎⵓⵔ ⵙⴻⴳ ⵜⴰⴽⵜⵉⵜ ⵢⴻⴷⴷⵓⴽⴽⵍⴻⵏ ⵏ ⵢⵉⵖⴻⵔⴼⴰⵏ-ⵏⵏⴻⵖ.
ⵜⴰⴳⴳⴰⵔⴰ, ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵎⵓⵖⵍⵉ ⵏ ⵜⵏⴻⵖⵍⴰⴼⵜ ⵖⴻⴼ ⵡⴰⵣⴰⵍ ⵏ ⵙⵙⵉⵏⵉⵎⴰ ⴷⴻⴳ ⵓⴱⴻⵏⵏⵉ ⵏ ⵢⵉⵡⴻⵜ ⵏ ⵜⴻⵡⵍⴰⴼⵜ ⵢⴻⵛⵛⵓⵔⴻⵏ ⴷ ⵜⴼⴰⵡⵜ ⵉ ⵍⵣⵣⴰⵢⴻⵔ. ⵜⴻⵏⵏⴰ-ⴷ ⴱⴻⵍⵍⵉ ⵍⴼⴻⵏ ⵡⵉⵙ ⵙⴰ ⴷ ⴰⵍⴰⵍ ⴰⵙⵜⵔⴰⵜⵉⵊⵉ ⵉ ⵡⴰⴽⴽⴻⵏ ⴰⴷ ⵜⵊⴻⵀⴻⴷ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵡⵓⵍⴰⵡⴻⵏ ⵏ ⵜⵙⵓⵜⴰ ⵉ ⴷ-ⵢⴻⵜⵜⴻⴼⴼⵖⴻⵏ.
ⴰⴼⵉⵍⵎ ⵏ "ⴰⵃⵎⴻⴷ ⴱⴰⵢ" ⵢⴻⵇⵇⵉⵎ 124 ⵏ ⵜⵓⵙⴷⵉⴷⵉⵏ, ⵢⴻⵙⵙⴻⴽⵏ-ⴷ ⴰⵎⴻⵏⵏⵓⵖ ⵏ ⴰⵃⵎⴻⴷ ⴱⴰⵢ ⴷⴻⴳ ⵇⵙⴻⵏⵟⵉⵏⴰ ⴷⴻⴳ ⵓⵙⴻⴳⴳⴰⵙ ⵏ 1830. ⴷ ⵍⴻⵇⴷⵉⵛ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵙⵏⴻⴼⵍⴰⵢ ⵏ ⵙⵙⵉⵏⵉⵎⴰ, ⵢⴻⵙⵙⵓⴼⴻⵖ-ⵉⵜ ⵓⵎⵙⵓⴼⴻⵖ ⵊⴰⵎⴰⵍ ⵛⵓⵔⵊⴰ, ⵢⴻⵔⵏⴰ ⴽⴽⴰⵏ-ⴷ ⴷⴻⴳ-ⵙ ⴰⵟⴰⵙ ⵏ ⵢⵉⵎⴻⵙⵍⴻⵢⴻⵏ ⵉⵣⵣⴰⵢⵔⵉⵢⴻⵏ ⴷ ⵢⵉⴱⴻⵔⵔⴰⵏⵉⵢⴻⵏ. ⴰⴼⵉⵍⵎ-ⴰⴳⵉ ⵢⴻⵙⵙⴻⴽⵏ-ⴷ ⴷⴰⵖⴻⵏ ⵜⴰⵎⵙⴰⵍⵜ ⵏ "ⵜⵎⴻⵔⵡⴰⵀⵜ" ⵏ ⵓⵙⴻⴳⴳⴰⵙ 1827 ⴷ ⵢⵉⵎⴻⵏⵏⵓⵖⴻⵏ ⵏ ⵇⵙⴻⵏⵟⵉⵏⴰ ⴷⴻⴳ 1836.
ⴰⵔⵏⵓ ⵖⴻⵔ
