ⴰⵥⴻⴽⴽⴰ ⴰⵎⵓⵔⵉⵟⴰⵏⵉ ⴷⴻⴳ ⵜⵉⵒⴰⵣⴰ ⵢⴻⵔⴽⴻⴱ ⵉⴹⴻⵍⵍⵉ ⵏ ⵙⵙⴻⴱⵜ ⵜⴰⵎⴰⵎⴻⵣⵜ ⵏ ⵓⵎⵓⵍⵍⵉ ⵡⵉⵙ 20 ⵏ ⵡⴰⵔⵔⴰⵣ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵢⵉⵙⵏⵓⵍⴼⴰⵢⴻⵏ ⵢⵉⵍⴻⵎⵣⵢⴻⵏ "ⵄⴰⵍⵉ ⵎⴰⵄⴰⵛⵀⵉ" ⴷ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴰⵣⵓⵔ ⵙ ⵓⵙⴻⵏⴽⴻⴷ ⵏ ⵜⵎⴰⵣⴰⵍⵜ (ⵎⴰⵍⵃⴰⵎⴰ) "ⵜⴰⴱⵔⴰⵜⵜ ⵓⵔ ⵏⵜⴻⴼⴼⵓ". ⵜⴰⵍⵍⴰ-ⴷ ⵢⵉⵡⴻⵜ ⵏ ⵜⵎⵓⵖⵍⵉ ⵓⴼⵔⵉⵏⴻⵏ ⵉ ⴷⴻⴳ ⵜⵜⴻⴽⴽⴰ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ ⵎⴰⵙⵙⴰ ⵎⴰⵍⵉⴽⴰ ⴱⴻⵏⴷⵓⵓⴷⴰ ⵙ ⵜⴰⵎⴰ ⵏ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ ⴷ ⵜⴻⴳⵔⵓⵎⵎⴰ ⵏ ⵢⵉⵏⴰⵣⵓⵔⴻⵏ.
ⵜⴰⵎⴰⵣⴰⵍⵜ-ⴰⴳⵉ ⵉ ⴷ-ⵜⴻⵙⵙⵓⴼⴼⴻⵖ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⵓ ⵉ ⵢⴻⵙⵙⴻⵍⵡⴰⵢ ⵓⵎⴰⵣⴰⵢ (maestro) ⵅⴰⵍⵉⵍ ⴱⴰⴱⴰ ⴰⵃⵎⴻⴷ ⵉ ⵏⴼⴰⵄ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵢⵉⴷⵍⴻⵙ ⴷ ⵓⵙⴰⵍⴰⵏ, ⵜⴰⴷⴷⵓⵜ-ⴷ ⴰⴱⵔⵉⴷ ⵏ ⵓⵏⴰⵣⵓⵔ ⴰⵣⵣⴰⵢⵔⵉ ⴷⴻⴳ ⵡⴰⴽⵓⴷ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵢⵉⵡⴻⵏ ⵏ ⵡⵓⴷⴷⴻⵎ ⵏ ⵓⵎⴻⵣⵔⵓⵢ ⵜⵓⴼⴼⵉⵔⵜ ⵉ ⵢⴻⵡⵡⵉⵏ ⵜⴰⴼⴻⴼⵜⵉⵍⵜ ⵏ ⵣⵉⴽ ⵓ ⵉⵜⴻⴷⴷⵓ ⴷⴻⴳ ⵢⵉⴱⴻⵔⴷⴰⵏ ⵏ ⵜⵎⴻⴽⵜⵉ ⵉⵡⴰⴽⴽⴻⵏ ⴰⴷ ⴷ-ⵢⴰⴼⴻ ⵜⴻⵔⵔⵉⵔⵜ ⵖⴻⴼ ⵢⵉⵡⴻⵜ ⵏ ⵓⵙⵜⴻⵇⵙⵉ: "ⴰⵏⵡⴰ-ⴽ ⴽⴻⵞ?".
ⵎⴰⵙⵙⴰ ⴱⴻⵏⴷⵓⵓⴷⴰ ⵜⴻⵙⵙⴻⴽⵏⴻⴷ ⴱⴻⵍⵍⵉ ⵜⴰⴳⵏⵉⵜ-ⴰⴳⵉ ⴷ ⵜⴰⵊⵎⵉⵍⵜ ⵉ ⵔⵔⵓⵃ ⵏ ⵓⵎⵖⴰⵔⴰⵙ ⵏ ⵜⵜⴻⴶⴶⴰⵜ ⵜⴰⵖⴻⵍⵏⴰⵡⵜ ⵄⴰⵍⵉ ⵎⴰⵄⴰⵛⵀⵉ, ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴰⵥⵓⵔⵉ ⴷ ⵜⴰⴱⵔⴰⵜⵜ ⵢⴻⵔⵏⴰ ⴷ ⵜⴰⵎⴰⵙⵉⵜ ⵉ ⵉⵙⵙⵓⵜⵜⵓⵔⴻⵏ ⵓⴷⴻⴳⴳⴻⵔ ⵏ ⵢⵉⵙⵏⵓⵍⴼⴰⵢⴻⵏ ⵢⵉⵍⴻⵎⵣⵢⴻⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⵉⵣⴻⵎⵎⴰⵔ-ⵏⵙⴻⵏ ⵓ ⴰⴷ ⵎⵎⴻⵙⵍⴰⵢⴻⵏ ⴷ ⵢⵉⵏⴰⵣⵓⵔⴻⵏ ⵉⵎⴻⵇⵇⵔⴰⵏⴻⵏ.
ⵉⵏⵓⵔⴰⵔⴻⵏ (public) ⵓⵏⴰⴳⴻⵏ ⴷ ⵓⵏⴰⵣⵓⵔ ⵀⴰⴽⵉⵎ ⴷⴻⴽⴽⴰⵔ, ⵉ ⵢⴻⵍⵍⴰⵏ ⴷ ⴰⵎⵓⵍⴻⵙ ⵏ ⵜⵎⴰⵣⴰⵍⵜ-ⴰⴳⵉ, ⴷⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵙ ⵓⵙⴻⵏⵎⴻⵔ ⵏ ⵢⵉⵏⵏⴰⵔⴻⵏ ⵏ ⵓⵥⴰⵡⴰⵏ ⴰⵣⵣⴰⵢⵔⵉ ⴷ ⵔⵔⴻⴹⴰⵙ ⵏ "ⴱⴰⵍⵍⴻⵜ" ⴷ ⵜⵥⵓⵔⵉⵡⵉⵏ ⵏ ⵜⵎⵓⵖⵍⵉ ⵙⴻⴳ ⵜⵉⵒⴰⵣⴰ, ⴰⴽⴰⵍ ⵏ ⵜⵖⴻⵔⵎⵉⵡⵉⵏ, ⵖⴻⵔ ⵓⵥⴻⴽⴽⴰ ⴰⵎⵓⵔⵉⵟⴰⵏⵉ.
ⴰⵎⵓⵍⴻⵙ ⵢⴻⵡⵡⵉ ⵍⵖⴰⵛⵉ ⴷⴻⴳ ⵢⵉⵡⴻⵏ ⵏ ⵓⵏⵉⴳ ⵏ ⵓⵥⴰⵡⴰⵏ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⵔⵔⵓⵃ ⵏ ⵓⵏⵥⵓⵍ ⴰⵎⴻⵇⵇⵔⴰⵏ ⵙ ⵢⵉⵙⴻⵏⵜⴰⵍ ⵏ ⴷⵉⵡⴰⵏ ⴷ ⵜⵎⵓⵖⵍⵉ ⵜⴰⵎⴰⵛⴻⵇⵜ (ⵜⵓⴰⵔⴻⴳ) ⴷ ⵚⵚⵓⵜ ⵏ ⵉⵎⵣⴰⴷ ⴷ ⵜⵉⵏⴷⵉ, ⵙⴻⵍⴷ ⴰⵏⵏⴻⵛⵜ-ⴰ ⵖⴻⵔ ⵜⵍⴻⵎⵙⴰⵏ ⵏ ⵍⴰⵏⴷⴰⵍⵓⵙ ⴷ ⵎⴰⵍⵓⴼ ⵏ ⵇⵙⴻⵏⵟⵉⵏⴰ, ⵓ ⵖⴻⵔ ⵓⴳⴻⵔⵔⵓⵊ ⵏ ⵜⵎⴰⵣⵉⵖⵜ ⵉⵕⴻⵙⵙⴰⵏ ⴷ ⵓⵛⴰⵄⴱⵉ ⵏ ⵜⴻⵎⴰⵏⴰⵖⵜ.
ⵀⴰⴽⵉⵎ ⴷⴻⴽⴽⴰⵔ ⵉⴽⴻⵎⵎⴻⵍ ⴰⴱⵔⵉⴷ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵖⴰⵛⵉ ⵖⴻⵔ ⵜⴰⵍⵍⵉⵜ ⵏ ⵓⵏⴻⴽⵛⵓⵎ ⴰⵏⵉⴷⴰ ⵜⵉⵣⵍⵉⵜ ⵜⴻⵍⵍⴰ ⴷ ⴰⵍⵍⴰⵍ ⵏ ⵜⵉⵡⵏⵉⵔⴰ (resistance) ⴷ ⵓⵃⵔⴰⵣ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ, ⵉⵡⴰⴽⴽ ⴰⴷ ⵉⵙⵎⴻⴽⵜⵉ ⴰⵎⵖⴰⵔⴰⵙ ⵄⴰⵍⵉ ⵎⴰⵄⴰⵛⵀⵉ ⵉ ⵢⴻⵞⵏⴰⵏ ⵉ ⵜⵎⵓⵔⵜ ⵓ ⵜⴻⵇⵇⵉⵎ ⵜⴻⴱⵔⴰⵜⵜ-ⵉⵙ ⴷ ⵜⵉⵏ ⵢⴻⴷⴷⵔⴻⵏ ⴷⴻⴳ ⵜⵎⴻⴽⵜⵉ ⵏ ⵓⵖⵔⴻⴼ.
ⵙⴻⵍⴷ ⴰⵢⴰⴳⵉ, ⴰⵙⴻⵏⴽⴻⴷ ⵉⵄⴻⴷⴷⴰ ⵖⴻⵔ ⵜⵓⵔⴰ, ⵖⴻⵔ ⵡⴰⵀⵔⴰⵏ "ⵍⴱⴰⵀⵢⴰ", ⵓⵇⴱⴻⵍ ⴰⴷ ⴷ-ⵢⴻⵖⵍⵉ ⵓⵙⴻⵏⵜⴻⵍ ⵏ ⵜⵎⴰⵣⴰⵍⵜ ⵙ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵓⵣⴰⵎⵓⵍ ⵍⵇⴰⵢⴻⵏ ⴰⵏⵉⴷⴰ ⵢⴰⴽⴽ ⵢⵉⵏⴰⵣⵓⵔⴻⵏ ⴷⴷⵓⴽⴽⵍⴻⵏ ⴷⴻⴳ ⵢⵉⵡⴻⵜ ⵏ ⵜⴼⴻⵍⵡⵉⵜ. ⴷⵉⵏⵏⴰ, ⴰⵎⵖⴰⵔ ⵢⴻⴼⴽⴰ ⵜⴰⴼⴻⴼⵜⵉⵍⵜ-ⵉⵙ ⵉ ⵡⴻⵇⵛⵉⵛ ⴰⵎⴻⵣⵣⵢⴰⵏ, ⴷ ⵍⵉⵛⴰⵕⴰ ⵏ ⵓⵏⵉⴳ ⵏ ⵜⵎⴻⵙ ⴷ ⵓⴽⴻⵎⵎⴻⵍ ⵏ ⵜⴻⴱⵔⴰⵜⵜ ⵉⵡⴰⴽⴽⴻⵏ ⴰⴷ ⵜⴻⵇⵇⵉⵎ ⵜⵎⴰⵣⵉⵖⵜ ⴷ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⴷ ⵡⵉⴷ ⵓⵔ ⵏⵜⴻⴼⴼⵓ.
ⴰⵔⵏⵓ ⵖⴻⵔ
