ⵜⴰⵎⵀⴻⵍⵜ ⵜⴰⵎⴰⵜⵓⵜ ⵏ ⵜⴰⵃⵓⴷⵔⵉⵜ ⵜⴰⵖⵔⵉⵎⵜ ⵜⴻⵀⴻⴳⴳⴰ-ⴷ ⴰⵙⵙ-ⴰ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⵎⴻⵖⵔⴰ ⵉ ⵢⵉⴳⴻⵔⴷⴰⵏ ⵓⵇⴱⴻⵍ ⴰⵙⴼⵓⴳⴻⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⴰⵔⵔⵡⴰ (1 ⵏ ⵢⵓⵏⵢⵓ).
ⵉⵙⵡⵉ ⵏ ⵜⵉⴳⴰⵡⵜ-ⴰⴳⵉ ⴷ ⴰⵙⴻⵊⵀⴻⴷ ⵏ ⵜⵎⵓⵙⵏⵉ ⵏ ⵓⵃⴰⴷⴻⵔ ⴷ ⵍⴰⵎⴰⵏ ⵢⴻⵔⵏⴰ ⴰⴷ ⵉⵙⵙⵉⵏⴻⵏ ⵢⵉⵎⴻⵥⵢⴰⵏⴻⵏ ⵍⴻⵇⴷⵉⵛ ⵏ ⵜⴰⵃⵓⴷⵔⵉⵜ ⵜⴰⵖⵔⵉⵎⵜ. ⴰⵎⴹⴻⴱⴱⴻⵔ ⵏ ⵢⵉⵙⴰⵍⵉⵢⴻⵏ, ⵏⴰⵙⵙⵉⵎ ⴱⴻⵔⵏⴰⵡⵉ, ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⴻⵖⵔⴰ-ⴰⴳⵉ ⵜⴻⵜⵜⴻⴽⴽⴰ ⴷⴻⴳ ⵓⴱⵔⵉⴷ ⵏ ⵡⴰⵙⵙⴰⵖⴻⵏ ⵏ ⵜⴽⴻⴱⴱⴰⵏⵉⵜ ⵉⵡⴰⴽⴽⴻⵏ ⴰⴷ ⵣⵣⴻⵔⵄⴻⵏ ⵜⴰⵎⵓⵙⵏⵉ ⵏ ⵓⵃⴰⴷⴻⵔ ⴳⴰⵔ ⵢⵉⴳⴻⵔⴷⴰⵏ ⵙ ⵡⵓⵔⴰⵔⴻⵏ, ⵜⵉⵎⴻⵏⵢⵉⴼⵉⵢⵉⵏ ⴷ ⵡⴻⵚⴱⴻⵖ.
ⵜⵉⴳⴰⵡⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⵍⵍⴻⵍⵜ ⵏ ⵜⴷⴷⵓⴽⴽⵍⵉⵡⵉⵏ ⵏ ⵢⵉⵍⴻⵎⵣⵢⵉⴻⵏ (ⴰⵎ ⵜⴷⴷⵓⴽⴽⵍⵉ ⵏ ⵍ'ⴰⵓⵔⵓⵔⴻ ⵏ ⵢⵉⵍⴻⵎⵣⵢⵉⴻⵏ), ⵜⴰⴽⴻⴱⴱⴰⵏⵉⵜ ⵏ Ooredoo ⴷ ⵜⵎⴻⵀⴻⵍⵜ ⵏ ⵡⴰⴷⴷⴰⵍ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ. ⴱⴻⵔⵏⴰⵡⵉ ⵢⴻⵙⵙⴻⴼⴻⴼ-ⴷ ⴱⴻⵍⵍⵉ ⵓⵃⴰⴷⴻⵔ ⴰⵎⴻⵇⵇⵔⴰⵏ ⵢⴻⵔⵣⴰ ⵉⵙⵓⴹⴰⴼ ⵏ ⴷⴰⵅⴻⵍ ⵏ ⵓⵅⵅⴰⵎ ⵉⵡⴰⴽⴽⴻⵏ ⴰⴷ ⴷ-ⵏⴻⵃⵔⴻⵣ ⵜⴰⵔⵔⵡⴰ ⵙⴻⴳ ⵢⵉⴳⵓⵍⴰⵎⴻⵏ.
ⵉⴳⴻⵔⴷⴰⵏ ⵉ ⵉⵃⴻⴷⵔⴻⵏ ⴼⴻⵔⵃⴻⵏ ⴰⵟⴰⵙ, ⵡⴰⵍⴰⵏ ⵎⵍⵉⵃ ⵍⵎⴰⵜⵉⵔⵢⴻⵍ ⴷ ⵜⵉⵎⴰⵛⵉⵏⵉⵏ ⵉ ⵙⴻⵅⴷⴰⵎⴻⵏ ⵢⵉⵎⵙⴻⵍⵍⴽⴻⵏ ⵏ ⵜⵃⵓⴷⵔⵉⵜ ⵜⴰⵖⵔⵉⵎⵜ ⴷⴻⴳ ⵓⵏⵔⴰⵔ ⵉⵡⴰⴽⴽⴻⵏ ⴰⴷ ⵙⴻⵍⵍⴽⴻⵏ ⵍⵖⴰⵛⵉ.
ⴰⵔⵏⵓ ⵖⴻⵔ
