ⵢⵓⵖⴰⵍ-ⴷ, ⴰⵙⵙ-ⴰ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵓⴳⵔⴰⵡ ⴰⵎⴻⵏⵣⵓ ⵏ ⵍⵃⵓⴶⴶⴰ ⵏⵏⴻⵖ ⵖⴻⵔ ⵜⵎⵓⵔⵜ, ⵉ ⴷ-ⵢⵓⵙⴰⵏ ⵙⴻⴳ ⵢⵉⵎⵓⴽⴰⵏ ⵉⵎⵇⴻⴷⴷⵙⴻⵏ ⵎⵉ ⵅⴻⴷⵎⴻⵏ ⵍⵃⴰⴶⴶ ⵏ ⵓⵙⴻⴳⴳⴰⵙ 2026.
ⴷⴻⴳ ⵡⴰⵎⵎⴰⵟⴰⵔ ⴰⴳⵔⴰⵖⵍⴰⵏ ⵀⵓⵡⴰⵔⵉ ⴱⵓⵎⴻⴷⵢⴻⵏ, ⵢⴻⵍⵍⴰ-ⴷ ⵓⵀⴻⴳⴳⵉ ⴰⵎⴻⵇⵇⵔⴰⵏ ⵙⴻⴳ ⵢⵉⵖⴰⵍⵍⴻⵏ ⵉⵣⴻⵍⵎⴻⵏ ⵉⵡⴰⴽⴽⴻⵏ ⴰⴷ ⵙⵜⴻⴱⵜⵍⴻⵏ ⵍⵃⵓⴶⴶⴰ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ ⵢⴻⵔⵏⴰ ⴰⴷ ⴰⵙⴻⵏ-ⵙⴻⵀⵡⴻⵏ ⵜⵉⴳⴰⵡⵉⵏ ⵏ ⵓⴽⵛⵓⵎ.
ⴰⴳⵔⴰⵡ-ⴰⴳⵉ ⵢⴻⵙⵄⴰ 399 ⵏ ⵍⵃⵓⴶⴶⴰ (ⵉⵔⴳⴰⵣⴻⵏ ⴷ ⵜⵉⵍⴰⵡⵉⵏ). ⵜⵉⵡⴰⵛⵓⵍⵉⵏ-ⵏⵙⴻⵏ ⴷ ⵢⵉⵎⵉⴳⵍⴰⵏⵙ ⵏ ⵢⵉⵃⵔⵉⵛⴻⵏ ⵎⴻⵕⵕⴰ ⵃⴹⴻⵔⵏ ⵉⵡⴰⴽⴽⴻⵏ ⴰⴷ ⵜⴻⵏ-ⵙⵜⴻⴱⵜⵍⴻⵏ ⵙ ⵍⴼⴰⵔⴰⵃ ⴰⵎⴻⵇⵇⵔⴰⵏ.
ⵎⵓⵃⴻⵎⵎⴻⴷ ⵣⴻⵖⴷⴰⵏⵉ, ⴰⵎⴹⴻⴱⴱⴻⵔ ⵏ ⵢⵉⵙⴰⵍⵉⵢⴻⵏ ⴷⴻⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵢⴻⵏⵏⴰ-ⴷ ⴱⴻⵍⵍⵉ ⵍⵃⴰⴶⴶ ⵏ ⵓⵙⴻⴳⴳⴰⵙ-ⴰⴳⵉ ⵢⴻⵔⴱⴻⵃ ⵎⵍⵉⵃ ⵙ ⵜⴰⵍⵍⴻⵍⵜ ⵏ ⵍⴱⴻⵄⵜⴰ ⵏ ⵍⴻⵣⵣⴰⵢⴻⵔ ⴷ ⵓⴹⴻⴼⴼⴻⵔ ⵏ ⵓⵎⴰⵡⴰⵙ ⵢⵓⵙⴻⴼ ⴱⴻⵍⵎⴻⵀⴷⵉ, ⵉ ⵢⴻⵍⵍⴰⵏ ⴷ ⴰⵇⴻⵔⵔⵓ ⵏ ⵓⵎⴻⴽⵜⴻⴱ ⵏ ⵍⵃⵓⴶⴶⴰ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵜⵉⵢⴰⵔⴰⵜ ⵏ ⵜⵓⵖⴰⵍⵉⵏ ⴰⴷ ⴽⴻⵎⵎⵍⴻⵏⵜ ⴰⵔⵎⵉ ⴷ 23 ⵏ ⵢⵓⵏⵢⵓ ⴷⴻⴳ 12 ⵏ ⵡⴰⵎⵎⴰⵟⴰⵔⴻⵏ ⴷⴻⴳ ⵜⵎⵓⵔⵜ ⵎⴻⵕⵕⴰ, ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ 41.300 ⵏ ⵍⵃⵓⴶⴶⴰ.
ⵍⵃⵓⴶⴶⴰ ⵙ ⵢⵉⵎⴰⵏ-ⵏⵙⴻⵏ ⵙⵏⴻⵎⵎⵔⴻⵏ ⴷⴷⵓⵍⴰ ⵏ ⵍⴻⵣⵣⴰⵢⴻⵔ ⵖⴻⴼ ⵡⴰⵢⴻⵏ ⴰⴽⴽ ⵜⴻⵀⴻⴳⴳⴰ-ⵢⴰⵙⴻⵏ ⴷⴻⴳ ⵢⵉⵎⵓⴽⴰⵏ ⵉⵎⵇⴻⴷⴷⵙⴻⵏ, ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵍⴼⴻⵔⴹ-ⴰⴳⵉ ⴷⴻⴳ ⵍⴻⵀⵏⴰ ⴷ ⵜⴻⴳⵏⵉⵜ ⵢⴻⵍⵀⴰⵏ.
ⵢⴻⵍⵍⴰ ⴷⴻⴳ ⵓⵙⵜⴻⵇⴱⴻⵍ-ⴰⴳⵉ ⵓⵎⴰⵔⴰⵢ ⴰⵎⴰⵜⵓ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵔⴻⴹⵡⴰⵏ ⵎⴰⵄⴰⵛ.
ⴰⵔⵏⵓ ⵖⴻⵔ
