ⵜⴻⵎⵢⴻⵣ ⵜⴻⴳⵏⵉⵜ ⵏ ⵓⵙⴻⴳⴳⴰⵙ 2025 ⴷⴻⴳ ⵍⵡⵉⵍⴰⵢⴰ ⵏ ⵜⴱⴻⵙⵙⴰ ⵙ ⵜⵉⴳⴳⵉⵔⴰ ⵏ ⵍⴻⵇⴷⵉⵛ ⵖⴻⴼ ⵓⵙⴻⵏⴼⴰⵔ ⵏ ⵓⵙⵓⴼⴼⴻⵖ ⵏ ⵍⴼⵓⵙⴼⴰⵜ ⴷⴻⴳ ⴱⵍⴰⴷ ⵍⵀⴰⴷⴱⴰ, ⵉ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⴷ ⵓⴹⴼⴰⵔ ⴷⴰⵢⴻⵎ ⵙⴳ ⵓⵙⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷ ⵍⵎⴰⵊⵉⴷ ⵜⴻⴱⴱⵓⵏ.
ⴰⵙⴻⵏⴼⴰⵔ-ⴰⴳⵉ, ⵉ ⵢⴻⵙⵄⴰⵏ ⴰⴱⵔⵉⴷ ⵏ ⵜⵎⴰⵛⵉⵏⵜ ⵢⴻⵣⴷⵉⵏ ⴱⵍⴰⴷ ⵍⵀⴰⴷⴱⴰ ⴷ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵖⴻⴼ ⵜⵓⴳⴳⵓⴳⵜ ⵏ 422 ⴽⵎ, ⴷ ⵓⴼⵔⵓⵏ ⵏ ⵓⵙⵓⴼⴼⴻⵖ ⵏ ⵍⴼⵓⵙⴼⴰⵜ ⵉ ⴷ-ⵢⴻⵜⵜⵡⴰⵍⴷⴻⵏ ⴷⴻⴳ ⵓⵙⴻⴳⴳⴰⵙ ⵏ 2025, ⵢⴻⵇⵇⵉⵎ ⴷ ⴰⵢⴻⵏ ⵉ ⵢⴻⴹⴼⴰⵔ ⵓⵙⵍⵡⴰⵢ ⵏ ⵜⴳⴷⵓⴷⴰ ⵙ ⵜⵛⵓⵏⵜ, ⴰⵎⴰ ⴷⴻⴳ ⵢⵉⴳⵔⴰⵡⴻⵏ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏⴻⵖ ⵙ ⵍⴻⵡⵚⴰⵢⴰⵜ ⵉ ⵢⵉⴼⴻⵔⴷⵉⵙⴻⵏ ⵢⴻⵄⵏⴰⵏ ⵉⵡⴰⴽⴽⴻⵏ ⴰⴷ ⵢⴻⵜⵜⵡⴰⵙⵎⴻⴷ ⴷⴻⴳ ⵡⴰⴽⵓⴷ ⴰⵇⵔⵉⴱ. ⵡⴰⵢⴰ ⵢⴻⵙⵙⴻⴼⵙⴻⵙ ⵍⴻⵇⴷⵉⵛ ⴰⵔⵎⵉ ⵉⴼⵓⴽ ⵡⴰⵟⴰⵙ ⵙⴳ-ⵙ.
ⵜⴻⵜⵜⵏⴰⴷⵉ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⵢⴻⴱⴷⵓ ⵓⵙⴻⵇⴷⴻⵛ ⵏ ⵓⵙⴻⵏⴼⴰⵔ-ⴰ ⴷⴻⴳ ⵡⴰⴽⵓⴷ ⴰⵇⵔⵉⴱ, ⵍⴰⴷⵖⴰ ⵉⵎⵉ ⵢⴻⵙⵄⴰ ⴰⵣⴰⵍ ⴷⴻⴳ ⵓⴼⵔⵓⵏ ⵏ ⵜⵉⴱⴱⵓⵔⴰ ⵜⵉⵎⴰⵢⵏⵓⵜⵉⵏ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⴻⵜ ⴷ ⵓⴼⵓⵖ ⵙⴳ ⵓⵙⴻⵏⵜⴻⵍ ⵖⴻⴼ ⵍⴱⵉⵟⵔⵓⵍ, ⵢⴻⵔⵏⴰ ⴰⴷ ⵢⴻⵙⵙⴻⵊⵀⴻⴷ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⴳⴷⵓⴷⴰⵏ ⵉⴳⵔⴰⵖⵍⴰⵏⴻⵏ ⵏ ⵓⵣⴻⵏⵣⵉ ⵏ ⵍⴼⵓⵙⴼⴰⵜ.
ⴷⴻⴳ ⵓⵏⵏⴰⵔ-ⴰ, ⴰⵙⵍⵡⴰⵢ ⵏ ⵜⴳⴷⵓⴷⴰ, ⴷⴻⴳ ⵜⵎⵍⵉⵍⵉⵜ-ⵉⵙ ⴷ ⵢⵉⵎⴻⵙⵍⴰⵢⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴳ ⵇⵓⵙⵟⴰⵏⵟⵉⵏⴰ ⵢⴻⵣⵔⵉⵏ (ⵏⵓⴼⴰⵎⴱⴻⵔ), ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⵀⴻⵢⵢⴰ ⵉⵡⴰⴽⴽⴻⵏ ⴰⴷ ⵜⴻⴱⴷⵓ ⴰⵙⴻⵇⴷⴻⵛ ⵏ ⵢⵉⵙⴻⵏⴼⴰⵔⴻⵏ ⵉⴷⴰⵎⵙⴰⵏⴻⵏ ⵉⵙⵜⵉⵔⴰⵜⵉⵊⵉⵢⴻⵏ, ⴳⴰⵔ-ⴰⵙⴻⵏ ⴰⵙⵓⴼⴼⴻⵖ ⴷ ⵓⵙⴻⴼⵙⴻⵢ ⵏ ⵍⴼⵓⵙⴼⴰⵜ ⴷ ⵓⵣⴻⵏⵣⵉ-ⵏⵏⴻⵙ ⵖⴻⵔ ⵓⵎⴰⴹⴰⵍ ⵙ ⵓⵣⴰⵍ ⵏ 10 ⵎⵉⵍⵢⵓⵏ ⵏ ⵟⵓⵏⵏⴰⵜ ⵢⴰⵍ ⴰⵙⴻⴳⴳⴰⵙ".
ⵢⴻⵏⵏⴰ-ⴷ ⴷⵉⵖⴻⵏ ⴱⴻⵍⵍⵉ "ⴰⵙⴻⵏⴼⴰⵔ-ⴰ ⴰⴷ ⵢⴻⵙⵙⴻⵍⵉ ⴰⴼⴰⵔⴻⵙ ⵏ ⵍⴼⵓⵙⴼⴰⵜ ⵙⴳ 2.5 ⵎⵉⵍⵢⵓⵏ ⴰⵔ 10.5 ⵎⵉⵍⵢⵓⵏ ⵏ ⵟⵓⵏⵏⴰⵜ", ⵢⴻⵔⵏⴰ "ⴰⵎⵔⵉⴳ ⴰⵎⴰⵢⵏⵓ ⴷⴻⴳ ⵓⵎⴰⴹⴰⵍ ⴷ ⴰⴼⴰⵔⴻⵙ ⵏ ⵡⴰⴷⴼⵉⵔ (engrais) ⴷ ⵍⵎⴻⵄⴰⴷⴻⵏ".
ⵜⵉⵣⵔⴰⵡⵉⵏ ⵏ ⵓⵙⵉⴹⴻⵏ ⵇⵇⴰⵔⴻⵏⵜ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵍⵍⴰ ⴳⴰⵔ 10 ⵏ ⵜⵎⵓⵔⴰ ⵜⵉⵎⴻⵣⵡⵓⵔⴰ ⴷⴻⴳ ⵓⵎⴰⴹⴰⵍ ⴷⴻⴳ ⵍⴼⵓⵙⴼⴰⵜ. ⴰⵢⵍⴰ-ⵙ ⵢⴻⵍⵍⴰ ⵓⴳⴰⵔ ⵏ 3 ⵎⵉⵍⵢⴰⵔ ⵏ ⵟⵓⵏⵏⴰⵜ ⴷⴻⴳ ⵓⴳⵎⵓⴹ ⵏ ⵜⵎⵓⵔⵜ, ⵍⴰⴷⵖⴰ ⴷⴻⴳ ⴱⵍⴰⴷ ⵍⵀⴰⴷⴱⴰ ⴰⵏⴷⴰ ⵍⵍⴰⵏ 1,2 ⵎⵉⵍⵢⴰⵔ ⵏ ⵟⵓⵏⵏⴰⵜ ⵉ ⵣⴻⵎⵔⴻⵏ ⴰⴷ ⵜⵜⵡⴰⵙⴻⵇⴷⵛⴻⵏ ⵓⴳⴰⵔ ⵏ 80 ⵏ ⵢⵉⵙⴻⴳⴳⴰⵙⴻⵏ.
ⴰⵙⴻⵏⴼⴰⵔ-ⴰⴳⵉ ⵢⴻⵜⵜⵡⴰⵅⴷⴻⵎ ⵙ ⵢⵉⴼⴰⵙⵙⴻⵏ ⵏ ⵢⵉⵣⵣⴰⵢⵔⵉⵢⴻⵏ 100% ⴷⴻⴳ ⵜⴰⵛⵔⵉⴽⵜⵉ ⴳⴰⵔ "ⵙⵓⵏⴰⵟⵔⴰⴽ" ⴷ "ⵙⵓⵏⴰⵔⵉⵎ", ⵢⴻⵔⵏⴰ ⴰⴷ ⴷ-ⵢⴻⴼⴽ ⴰⵣⴰⵍ ⵏ 12,000 ⵏ ⵢⵉⵎⵓⵇⴰⵏ ⵏ ⵍⵇⴷⵉⵛ ⵓⵙⵔⵉⴷⴻⵏ.
ⵉⵍⴻⵎⵣⵉⵢⴻⵏ ⵏ ⵡⴰⵟⴰⵙ ⵏ ⵍⵡⵉⵍⴰⵢⴰⵜ (ⵜⴱⴻⵙⵙⴰ, ⵙⵓⵇ ⴰⵀⵔⴰⵙ, ⵙⴽⵉⴽⴷⴰ, ⵄⴻⵏⵏⴰⴱⴰ) ⴱⵔⴻⵏ ⵡⴰⵍⵍⴻⵏ-ⵏⵙⴻⵏ ⵖⴻⵔ ⵓⵙⴻⵏⴼⴰⵔ-ⴰ ⵉⵡⴰⴽⴽⴻⵏ ⴰⴷ ⵢⴻⴼⴽ ⵍⵅⴻⴷⵎⴰ ⵉ ⵡⵉⴷ ⵉⴼⴼⵓⵖⴻⵏ ⵙⴳ ⵜⴻⵙⴷⴰⵡⵉⵜ ⴷ ⵡⴰⵎⵎⴰⵙⴻⵏ ⵏ ⵓⵙⵙⴻⵍⵎⴻⴷ, ⵡⴰⵢⴰ ⴰⴷ ⵢⴻⵙⵙⴻⴷⵔⴻⵙ ⵍⴱⵉⵟⴰⵍⴰ.
ⴷⴻⴳ ⵓⵏⵏⴰⵔ-ⴰ, ⴰⵎⵓⵣⴰⵢ ⴷⴻⴳ ⵜⵥⴻⵔⴳⴰ ⴷ ⵓⵙⴻⵍⵎⴰⴷ ⴷⴻⴳ ⵜⴻⵙⴷⴰⵡⵉⵜ ⵏ ⵜⴱⴻⵙⵙⴰ, ⴷⵓⴽⵜⵓⵔ ⴰⵃⵎⴻⴷ ⵟⴻⵔⵟⴰⵔ, ⵢⴻⵏⵏⴰ-ⴷ ⴱⴻⵍⵍⵉ ⵢⵉⵡⴻⵏ ⵓⵙⴻⵏⴼⴰⵔ ⴰⵎ ⵡⴰ ⴰⴷ ⵢⴻⵙⵄⵓ ⵍⴼⴰⵢⴷⴰ ⵜⴰⵎⴻⵇⵇⵔⴰⵏⵜ ⵖⴻⴼ ⵢⵉⵎⴻⵣⴷⴰⵖ ⵏ ⵜⴻⵎⵏⴰⴹⵜ, ⵢⴻⵔⵏⴰ ⴰⴷ ⵢⴻⴼⴽ ⵜⴰⴷⵔⴻⵜ ⵜⴰⵎⴰⵢⵏⵓⵜ ⵉ ⵜⴷⴰⵎⵙⴰ ⴷ ⵓⵙⵏⴻⵔⵏⵉ ⵏ ⵍⴱⴻⵏⵢⴰ ⵜⴰⵃⴻⵜⵜⴰⵏⵜ.
ⴰⵔⵏⵓ ⵖⴻⵔ
