ⵜⴻⵙⵙⴻⵊⵀⴻⴷ ⵍⴻⵣⵣⴰⵢⴻⵔ, ⴷⴻⴳ ⵓⵙⴻⴳⴳⴰⵙ ⵏ 2025, ⴰⵙⴻⵔⵀⴻⴱ-ⵉⵙ ⵉ ⵓⵙⵏⴻⵔⵏⵉ ⵏ ⵜⴻⴼⵔⵉⵇⵜ ⵙ ⵡⴰⵟⴰⵙ, ⵎⵉ ⵜⴻⵙⵏⵓⴱⴳⴻⵜ ⵍⴻⵇⴷⵉⵛⴰⵜ ⵉⴷⴰⵎⵙⴰⵏⴻⵏ ⵉⵎⴻⵇⵇⵔⴰⵏⴻⵏ, ⵢⴻⵔⵏⴰ ⵜⴻⴱⴷⴰ ⵢⵉⵙⴻⵏⴼⴰⵔⴻⵏ ⵉⵙⵜⵉⵔⴰⵜⵉⵊⵉⵢⴻⵏ ⵉ ⴷ-ⵢⴻⵙⵙⴻⴱⴳⴻⵏ ⴰⵙⴻⵍⵡⵉ-ⵏⵏⴻⵙ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⵏ ⵓⵎⴻⵏⵏⴰⵡ .
ⴷⴻⴳ ⵜⴻⵖⵣⵉ ⵏ ⵓⵙⴻⴳⴳⴰⵙ-ⴰ, ⵍⴻⵣⵣⴰⵢⴻⵔ ⵜⴻⵍⵍⴰ ⴷⴻⴳ ⵡⵓⵍ ⵏ ⵜⵎⵓⵙⵏⵉ ⵜⴰⴼⵔⵉⵇⵉⵜ ⵙ ⵓⵙⴻⵏⵓⴱⴳⴻⵜ ⵏ ⵡⴰⵟⴰⵙ ⵏ ⵢⵉⴳⵔⴰⵡⴻⵏ, ⵜⵉⴼⴰⵙⴽⵉⵡⵉⵏ ⴷ ⵢⵉⵙⴰⵔⴰⴳⴻⵏ ⵉⴳⵔⴰⵖⵍⴰⵏⴻⵏ ⵢⴻⵄⵏⴰⵏ ⵡⴰⵟⴰⵙ ⵏ ⵢⵉⴼⴻⵔⴷⵉⵙⴻⵏ, ⵡⴰⵢⴰ ⵢⴻⵙⵙⴻⴱⴳⴻⵏ-ⴷ ⴰⵔⵔⴰⴷ-ⵉⵙ ⵉ ⵜⴰⵍⵍⴻⵍⵜ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷⴻⴳ ⵢⵉⵙⴻⵏⴼⴰⵔⴻⵏ-ⵏⵙⴻⵏⵜ ⵏ ⵓⵙⵏⴻⵔ
ⵍⴻⵇⴷⵉⵛⴰⵜ-ⴰⴳⵉ ⵍⵍⴰⵏ ⴷ ⵢⵉⵎⵓⴽⴰⵏ ⵏ ⵓⵎⵢⴰⵡⴰⴹ ⴷ ⵜⴰⵛⵔⵉⴽⵜ ⵉⵡⴰⴽⴽⴻⵏ ⴰⴷ ⵜⴻⵊⵀⴻⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙ ⵜⵛⵓⵏⵜ ⵏ ⵜⴰⵍⵍⴻⵍⵜ. ⵜⴰⴷⵢⴰⵏⵜ ⵜⴰⵎⴻⵇⵇⵔⴰⵏⵜ ⴷⴻⴳ 2025 ⵜⴻⵍⵍⴰ ⴷ ⵜⵉⵥⵔⵉⴳⵜ ⵜⵉⵙ ⴽⵓⵥⵜ ⵏ ⵜⴼⴰⵙⴽⴰ ⵜⴰⴷⴰⵎⵙⴰⵏⵜ ⵜⴰⴼⵔⵉⵇⵉⵜ (IATF 2025), ⴰⵏⴷⴰ ⵍⴻⵣⵣⴰⵢⴻⵔ ⵜⴻⴼⴽⴰ ⵎⴰⵔⵔⴰ ⵡⴰⵍⵍⴰⵍⴻⵏ ⵉⵡⴰⴽⴽⴻⵏ ⴰⴷ ⵜⴻⵏⵣⴻⵖ.
ⵜⴰⴼⴰⵙⴽⴰ-ⴰⴳⵉ ⵜⴻⴼⴽⴰ-ⴷ ⵉⴳⴻⵎⵎⴰⴹⴻⵏ ⵉⵎⴻⵇⵇⵔⴰⵏⴻⵏ: ⵍⵍⴰⵏ 2.148 ⵏ ⵢⵉⴽⴰⴱⴰⵔⴻⵏ , ⴷ 112.476 ⵏ ⵢⵉⵏⴻⵔⵣⴰⴼⴻⵏ. ⴷⴻⴳ ⵓⵏⵏⴰⵔ ⵏ ⵜⴷⴰⵎⵙⴰ, ⵜⵜⵡⴰⵅⴷⵎⴻⵏ ⵍⴻⵄⵇⵓⴷ ⵏ 48,3 ⵎⵉⵍⵢⴰⵔ ⴷⵓⵍⴰⵔ, ⵍⴻⵣⵣⴰⵢⴻⵔ ⵡⴻⵃⴷ-ⵙ ⵜⴻⴷⴷⴻⵎ 23 ⵎⵉⵍⵢⴰⵔ ⴷⵓⵍⴰⵔ. ⵡⴰⵢⴰ ⵢⴻⵙⵙⴻⵊⵀⴻⴷ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⴼⵔⵉⵇⵜ.
ⴳⴰⵔ ⵜⵎⵍⵉⵍⵉⵢⵉⵏ ⵏⵏⵉⴹⴻⵏ, ⵢⴻⵍⵍⴰ ⵓⴳⵔⴰⵡ ⴰⴼⵔⵉⵇⵉ ⵖⴻⴼ ⵜⴰⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ (pharmacie) ⴷ ⵜⴻⵜⵉⴽⵏⵓⵍⵓⵊⵉⵢⵉⵏ ⵏ ⵜⴷⴰⵡⵙⴰ, ⴷⴷⴰⵡ ⵓⴼⵓⵙ ⵏ ⵓⵙⵍⵡⴰⵢ ⵄⴰⴱⴷ ⵍⵎⴰⵊⵉⴷ ⵜⴻⴱⴱⵓⵏ. ⵓⴳⴰⵔ ⵏ 29 ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵉ ⴷ-ⵢⵓⵙⴰⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⴰⵎⴳⵓⵔⵉ ⵏ ⵓⵙⴰⴼⴰⵔ ⴷⴻⴳ ⵓⵎⴻⵏⵏⴰⵡ. ⵢⴻⴼⴼⴻⵖ-ⴷ ⵙⴳ-ⵙ "ⵓⵍⵖⵓ ⵏ ⵍⴻⵣⵣⴰⵢⴻⵔ" ⵉ ⵢⴻⵙⵙⴻⵔⵙⴻⵏ ⵢⵉⵡⴻⵏ ⵡⵓⴷⴻⵎ ⵉ ⵜⵎⴳⵓⵔⵉ-ⴰⴳⵉ.
ⴷⴻⴳ ⵜⴰⴳⴰⵔⴰ ⵏ ⵓⵙⴻⴳⴳⴰⵙ, ⵍⴻⵣⵣⴰⵢⴻⵔ ⵜⴻⵙⵏⵓⴱⴳⴻⵜ ⴰⴳⵔⴰⵡ ⴰⴼⵔⵉⵇⵉ ⵏ ⵜⵎⴻⵔⵙⴻⵍⵜ ⵜⴰⵎⴰⵢⵏⵓⵜ (Startups) ⴰⵏⴷⴰ ⵍⵍⴰⵏ ⵓⴳⴰⵔ ⵏ 200 ⵏ ⵢⵉⵎⵙⴻⵔⵜⵉⵢⴻⵏ ⴷ ⵢⵉⵎⵙⴻⴼⵍⴰⵢⴻⵏ. ⵢⴻⵍⵍⴰ-ⴷ ⴷⴰⵢⴻⵏ "ⵓⵍⵖⵓ ⵏ ⵍⴻⵣⵣⴰⵢⴻⵔ" ⵉ ⵢⴻⵃⵔⴻⵣⵏ ⵜⵉⵎⴻⵔⵙⴻⵍⵜ ⵜⵉⵎⴰⵢⵏⵓⵜⵉⵏ ⵉⵡⴰⴽⴽⴻⵏ ⴰⴷ ⴼⵓⴼⴻⵏⵜ ⴷⴻⴳ ⵢⵉⴳⴷⵓⴷⴰⵏ ⵉⴳⵔⴰⵖⵍⴰⵏⴻⵏ.
ⵍⴻⵣⵣⴰⵢⴻⵔ ⵜⴻⵔⴼⴻⴷ ⴷⴰⵢⴻⵏ ⵜⴰⵖⴻⴽⵜ ⵏ ⵜⴻⴼⵔⵉⵇⵜ ⴷⴻⴳ ⵓⴳⵔⴰⵡ ⵏ ⴳ20 (G20) ⴷⵉ ⵜⵎⵓⵔⵜ ⵏ ⵓⵏⵥⵓⵍ ⵏ ⵜⴻⴼⵔⵉⵇⵜ. ⴰⵙⵍⵡⴰⵢ ⵏ ⵜⴳⴷⵓⴷⴰ ⵢⴻⵙⵙⴻⴼⵍⴻⵢ ⵖⴻⴼ ⵜⵎⵓⵔⴰ ⵉⴳⴻⵍⵍⵉⵍⴻⵏ ⵉⵡⴰⴽⴽⴻⵏ ⴰⴷ ⴰⵙⴻⵏⵜ-ⵜⵜⵡⴰⴽⴽⵙⴻⵏ ⵜⵜⵍⴰⵜⵉⵏⵏⴻⵖ ⴰⴷ ⵜⵜⵡⴰⴱⴻⴷⴷⵍⴻⵏⵜ ⴷ ⵢⵉⵙⴻⵏⴼⴰⵔⴻⵏ ⵏ ⵍⵇⴷⵉⵛ. ⵢⴻⵙⵙⴻⴽⵜⴰ-ⴷ ⴷⵉⵖⴻⵏ ⴱⴻⵍⵍⵉ ⵉⵍⴰⵇ ⵜⴰⴷⵓⴽⵍⵉ ⵉ ⵓⵇⴰⴱⴻⵍ ⵏ ⵍⵎⵉⵣⵉⵔⵢⴰ, ⵍⴱⵉⵟⴰⵍⴰ ⴷ ⵜⵉⴳⵏⴰⵜⵉⵏ ⵏ ⵓⵏⴻⴼⴷⵓ.
ⴰⵔⵏⵓ ⵖⴻⵔ
